26.10.26

'திங்க'க்கிழமை : சின்னதாக ஒரு சில்மிஷம் --- ஸ்ரீராம்

"அந்த மூணு இட்லியை அப்படியே தூக்கி குப்பைல போடுங்க..   நேத்தைக்கு மிச்சம்..  யாரும் போட்டுக்க மாட்டாங்க"  - பாஸின் குரலில் எரிச்சல் இருந்தது.

"அதென்ன மூணு இட்லி அதிகமா போயிடுதா?  அதையும் போட்டு காலி பண்ணியிருக்க வேண்டியதுதானே?"

அவர் கேள்வியில் நியாயம் இருந்தது.  ஆனால் எப்படியோ மிஞ்சி விடுகிறது. என் மாமியார் (ஆ மு) சாப்பிடும்போது இரண்டு இட்லி அல்லது இரண்டு தோசை என்று மட்டும் சாப்பிடுவார்.  அதற்குமேல் போட்டால் கைநீட்டி தடுத்து  "அதிகம்" என்பார் சிக்கனமாக.  சமயங்களில் - மிகச்சில சமயங்களில் - அரை தோசை அல்லது அரை இட்லி கேட்பார்!  பாஸின் கோபம் எல்லை மீறும்!  அதென்ன அரை கணக்கு என்று!

இதோ..  இன்று பாஸின் மூட் சரியில்லை.  இட்லியை விரோதமாக பார்த்தார்.  நான் அதை ஆதரவாக என் பக்கத்தில் எடுத்து வைத்துக் கொண்டேன்.  மகன் உடலி உப்புமா செய்தால் சாப்பிடுகிறேன் என்றான்.  

"ஆமாம்..  மூணு இட்லியை உதிர்த்து உப்புமா வேற" - பாஸின் முகவாய்க்கட்டை அவர் தோளைத் தாக்கித் திரும்பியது.

நான் முன்னரே முயற்சித்திருந்த - சமீபத்தில் ஒரு மாமி செய்து அனுப்பிய - இட்லி ஃப்ரை முயற்சிக்கத் தீர்மானித்தேன். அந்த மாமி அதில் ஏதோ சாஸ் எல்லாம் போட்டு, மேலே காராசேவ்வோ ஓமப்பொடியோ தூவி அனுப்பி என் விரோதத்தை சம்பாதித்திருந்தார்.

சும்மா எப்படி வருகிறது என்று பார்க்கத்தானே...  அன்று சரஸ்வதி பூஜை என்று வெங்காயம் பூண்டு வேறு சேர்க்கக் கூடாது என்று பாஸ் கட்டளையிட்டிருந்தார்.  உன்னால் முடியும் தம்பி ஜனகராஜ் மாதிரி வெங்காயம் பூண்டு சேர்க்காதிருக்க ஏதோ ஒரு காரணம்!

நானும் வெங்காயம் பூண்டு தொடவில்லை.  இருந்தது மூன்றே இட்லி என்பதால் ஒரு சிறு கேரட், ஒரு தக்காளி, மூன்று பச்சை மிளகாய், கொஞ்சம் இஞ்சி, கொஞ்சம் உப்பு, பெருங்காயப்பொடி எடுத்து கேரட் தக்காளியை சிறு துண்டுகளாக்கிக் கொண்டு தண்ணீர் விடாமல் மிக்சியில் அரைத்து எடுத்துக் கொண்டேன்.  தக்காளியின் நீர்வளம் போதுமே..

எடுத்துக் கொண்டேனா..   அதை ஓரமாக வைத்து விட்டு, இட்லியை சிறு துண்டுகளாக்கிக் கொண்டேன்.  சிறு துண்டுகளாக்கிக் கொண்டேனா, அவற்றை அப்படியே வாணலியில் எண்ணெய் விட்டு அது காய்ந்ததும் அதில் போட்டு பொரித்து எடுத்து வைத்துக் கொண்டேன்.   



பொரித்ததை ஓரமாக வைத்துக் கொண்டேன்.  வைத்தேனா, அப்புறம் முதலில் அரைத்து வைத்திருந்தேனே அந்த கலவையை எடுத்து வாணலியில் இரண்டு ஸ்பூன் தேங்காய் எண்ணெய் ஊற்றி அதில் ஊற்றி வதக்கினேன். 



 மிக்சியில் இருப்பது பூராவும் வீணாகாமல் வரவேண்டுமே..  அதனால் மிக்சியில் கொஞ்சமாக தண்ணி விட்டு அதை ஒரு சற்று சுற்றி வாணலியில் விட்டேன்
.

பச்சை வாசனை போக அது கொதித்ததும் பொரித்து வைத்திருந்த இட்லித்துண்டுகளை அதில் போட்டு, புரட்டி எடுத்து, மகன்களுக்கு மற்றும் பாஸுக்குஆளுக்கு இரண்டு துண்டு கொடுத்தேன்.  ரசித்தார்கள்!

,


===================================================================================

மனசாட்சியம் - 2​5
KGY Raman

துணுக்குத் தோரணம் 


பெர்னாட்ஷா அவர்களைப் பார்க்க வந்த நண்பர் ஒருவர் அறையை சுற்று முற்றும் பார்த்துவிட்டு, "  ஏன் அறையில் எந்தவிதமான அலங்காரமும் செய்யவில்லை ?  குறைந்தபட்சம் ஒரு பூ ஜாடியில் சில பூக்களைக் கொய்து வைத்திருக்கலாமே ! பார்க்க அழகாக இருக்குமே ! எனக்குப் பூக்கள் என்றால் ரொம்பவும் இஷ்டம் " என்று சொன்னாராம். 

" விரும்புகிற பொருளை வெட்டிக் கொண்டு வந்து வைக்க நான் விரும்ப மாட்டேன்.  எனக்கு குழந்தைகள் என்றால் கூடத்தான் ரொம்ப இஷ்டம் "  என்று பதில் சொன்னாராம் ஷா.

இந்த மாதிரி சம்பாஷணைகளுக்குப் பெயர் போனவர் அவர். ஒரு அறிமுக எழுத்தாளர் தான் எழுதிய நீண்ட நாவலைக் கொண்டு வந்து அவரிடம் கொடுத்து "  will you please suggest the best channel for publishing this " என்று கேட்டதற்கு ஷா " The best I could think of is the English channel " என்று பதில் சொன்னாராம்.  நல்லதை செய்து நதியில்  போடு.

அதேபோல தனது நாடகத்திற்கு பிரதம மந்திரி சர்ச்சிலை அழைத்த போது அவர் " நான் அடுத்த வாரம் வருகிறேன் - நாடகம் அடுத்த வாரமும் நடந்தால் " என்று கிண்டலாக பதில் சொல்லி இருந்தாராம். நாடகம் மிகப் பெரும் வெற்றி பெற்று இருபத்தைந்து வாரம் போன பின்,  பிரதம மந்திரி க்கு ஷா எழுதியது: 

 " நாடகம் வெள்ளி விழா கண்டுவிட்டது.  இரண்டு டிக்கெட்டுகள் அனுப்பி இருக்கிறேன் . அவசியம் உங்கள் நண்பருடன் வரவும் -உங்களுக்கு நண்பர் யாரேனும் இருந்தால் ". 

அமெரிக்க நகைச்சுவை எழுத்தாளர் மார்க் ட்வைனிடம் ஒருவர் கேட்கிறார்: 

"ஷேக்ஸ்பியர் ஒருவரே தான் அந்த எல்லா நாடகங்களையும் எழுதினார் என்பதை நீங்கள் நம்புகிறீர்களா ?"

ட்வைன்: எனக்குத் தெரியாது. சொர்க்கத்தில் ஷேக்ஸ்பியரிடமே கேட்டுத் தெரிந்து கொள்ளப் போகிறேன்."

" ஒருவேளை அவர் சொர்க்கத்தில் இல்லாவிட்டால் ? "

"அப்படியானால் நீங்கள் கேட்டு விட வேண்டியது தான் ."

ஃபாரின் சரக்கை விட்டுவிட்டு உள்நாட்டுக்கு வருவோம்.

காந்திஜி திடீரென்று பால் சாப்பிடுவதையே நிறுத்தி விட்டாராம். அந்த சமயத்தில் காந்தி ஆசிரமத்திற்கு சர்வபள்ளி ராதாகிருஷ்ணன் வந்திருந்தாராம். 

" நான் பால் சாப்பிடுவதை நிறுத்தி விட்டேன். பால் சாப்பிடுவதும் மாட்டு ரத்தம் குடிப்பதும் ஒன்றுதானே" என்றாராம் காந்தி. 

" அப்படியானால் நாம் எல்லோரும் மனித ரத்தம் குடித்து வளர்ந்தவர்கள் தானே " என்று ராதாகிருஷ்ணன் பதில் சொன்னாராம். 

அதன் பிறகு பால் சாப்பிடாமல் இருப்பது தவறு என்று நிறைய எடுத்துச் சொன்ன பிறகு காந்தி ஒரு சமரசத்திற்கு வந்தார் . அதாவது பசுவின் பாலைத்தான் குடிப்பதில்லை ஆட்டுப்பால் குடிக்கலாம் என்பதுதான் அது. 

மகாத்மா காந்தி லண்டன் வட்டமேசை மகா நாட்டுக்காக ப் போகிறார். அவர் ஆட்டுப்பால் தான் சாப்பிடுவார் என்பதால் ஆட்டுப்பாலைக் கண்டுபிடித்து வாங்கி வர ஏகப்பட்ட அலைச்சல், மிகப்பெரிய செலவு. அதை எல்லாம் பார்த்துக் கொண்டிருந்த சரோஜினி தேவி சொன்னாராம்  " பாபுவை அவருடைய எளிய பழக்க வழக்கங்களில் வைத்திருக்க நாங்கள் பெரும் செலவு செய்ய வேண்டியது வேண்டியதாக இருக்கிறது."

ராஜாஜியிடம் ஒருவர் " இப்போது இப்படிச் சொல்கிறீர்கள் , அப்போது அப்படி சொல்லி இருக்கிறீர்களே " என்று அவர் பேச்சில் இருந்த முரணைக் காண்பித்துக் கேட்டாராம். 

" பிஞ்சு மாங்காய் துவர்க்கும் , மாங்காய் புளிக்கும், ஆனால் மாம்பழம் இனிக்கும் " என்றாராம் ராஜாஜி. 

வித்வான் மகாராஜபுரம் சந்தானம் மிகப் பிரபலமாக இருந்த காலம். சபா செகரட்டரி தன் வரவேற்பில் " சந்தானம் அவர்கள் வருஷா வருஷம் இந்த சபாவுக்கு வரும்படி வற்புறுத்திக் கேட்டுக்கொள்கிறேன்." என்று பேசியதற்கு சந்தானம் " வரும்படி இருந்தால் வரத்தான் வேண்டும் . மறுக்க மாட்டேன் " என்றாராம்.

 ஒரு பிரபல மத்திய மந்திரி அரியக்குடி ராமானுஜ ஐயங்காரிடம்  " இப்போது நீங்கள் முன்னை விடநன்றாகப் பாடுகிறீர்கள் " என்று பாராட்டினாராம். 

" நான் எப்பவும் போல் தான் பாடிக் கொண்டிருக்கிறேன் அவ்விடத்தில்தான்  இப்போது ஞானம் பிறந்திருக்கிறது " இது அரியக்குடியின் பதில்.‌

நல்ல இசைக் கச்சேரியில் மிருதங்கம் கடம் தனி ஆவர்த்தனம் வாசிப்பார்கள். அதுபோல ஒரு சுவாரசியம் இந்த விதமான புத்திசாலித்தனமான பேச்சு நமக்குத் தருகிறது. நாமும் ஒன்று இரண்டு முறையாவது இவ்வளவு சாதுரியமாகப் பேச முடிந்தால் எவ்வளவு நன்றாக இருக்கும் !

என் அபிமான பாடகர் மதுரை மணி ஐயரின் கச்சேரியை கோயம்புத்தூரில் ரசித்துக் கேட்டேன். கச்சேரி முடிந்த பின் ஒரு ரசிகர் அவரிடம் வந்து " மணி ஐயர்வாள் ! போன மாசம் *** வீட்டு கல்யாணத்துல உங்க கச்சேரி கேட்டேன். " ஜானகி ரமண " காப்பி ரொம்ப பிரமாதம்" என்று பாராட்டினார். 

 "கல்யாணம்னா காப்பி நல்லாத்தானே இருக்கணும் " - இது மணி ஐயர் பதில்.

கல்கி கிருஷ்ணமூர்த்தி என் எஸ் கிருஷ்ணன் வீட்டிற்குப் போகிறார். அன்போடு வரவேற்ற என் எஸ் கே " என்ன சாப்பிடுறீங்க காப்பியா டீயா ?" என்று கேட்டதற்கு கல்கியின் பதில் ரொம்ப பிரசித்தம் : " டீயே மதுரம்."

62 கருத்துகள்:

  1. எல்லோரும் வளமாக வாழ வேண்டும்.

    பதிலளிநீக்கு
    பதில்கள்
    1. உங்கள் பிரார்த்தனை பலிக்கட்டும். வாங்க வல்லிம்மா.

      நீக்கு
  2. மூன்று இட்லிக்குப் பன்னிரண்டு துண்டுகள் வேண்டாமோ:))))))

    பதிலளிநீக்கு
    பதில்கள்
    1. அதற்கு மேலேயே இருந்தது.   கொஞ்சம் பெரிதாய் இருந்த துண்டுகளை இன்னும் சிரிசாக்கி இருந்தேன்மா.

      நீக்கு
    2. அப்ப இன்னும் பெரிய படம் போட வேண்டும் நீங்கள்:) ஒருவேளை பாத்திரம் காலியாகி விட்டதோ?

      நீக்கு
    3. ஆமாம்.  கொஞ்சம் விட்டுதான் போட்டோ எடுத்தேன்!

      நீக்கு
  3. மசாலா சூப்பரக இருக்கிறது பார்க்க. இட்லியின் கலரோ அபாரம். வாழ்த்துகள் ஶ்ரீராம். பாஸ் மகிழ்ந்தாரா. இன்னும் நிறைய இட்லி செய்து கொடுக்கப் போகிறார். நீங்களும் செய்யப் போகிறீர்கள்!!!!

    பதிலளிநீக்கு
    பதில்கள்
    1. எப்போதும் தானே செய்து சாப்பிடுவதைவிட யாராவது பழைய சாதம் பிசைந்து கொடுத்தால் கூட நன்றாகத்தானே இருக்கும் அம்மா..   பாஸ் ரசித்தார்.

      நீக்கு
    2. ஆமாம் பா. ஶ்ரீராம்.

      நீக்கு
  4. இதுக்குப் பெயர் சில்மிஷம் இல்லை. பல்மிஷம்.

    பதிலளிநீக்கு
  5. நகைச்சுவை அனைத்தையும் ரசித்தேன். பெர்னார்ட் ஷா சூப்பர்.

    பதிலளிநீக்கு
    பதில்கள்
    1. மிக்க நன்றி. அது என்ன ஒவ்வொரு துணுக்கைப் படித்ததும் ஒரு கருத்துப் போட்டு விடுகிறீர்கள் ?

      நீக்கு
    2. நன்றி ஷா எனது அபிமான எழுத்தாளர்.

      நீக்கு
    3. கருத்து சொல்வதை உடனே சொல்ல வேண்டும்:)

      நீக்கு
  6. " விரும்புகிற பொருளை வெட்டிக் கொண்டு வந்து வைக்க நான் விரும்ப மாட்டேன். எனக்கு குழந்தைகள் என்றால் கூடத்தான் ரொம்ப இஷ்டம் " என்று பதில் சொன்னாராம் ஷா.'' haaahaaa haaa. dark humor.

    பதிலளிநீக்கு
    பதில்கள்
    1. அவருடைய நாடகம் மேன் அண்ட் சூப்பர் மேன்படித்திருக்கிறீர்களா ? நான் பத்து முறை படித்திருப்பேன்.

      நீக்கு
    2. நான் படித்ததில்லை ஜி.

      நீக்கு
  7. அரியக்குடி, மஹாராஜ புரம் இருவருமே சூப்பர்,

    பதிலளிநீக்கு
    பதில்கள்
    1. மிக்க நன்றி. இருவருமே புகழ்பெற்றவர்கள் என்றாலும் அவர்கள் பாணி என்பது வேறு. இசை ரசிகர்கள் அரியக்குடி பாணி பற்றி காரசாரமான விவாதங்கள் செய்தது உண்டு.

      நீக்கு
    2. உணமைதான். தம்பி அவரைப் போல செய்து காட்டுவான்.

      நீக்கு
  8. நம்ம மதுரைக்காரரும் சளைத்தவர் இல்லை:)

    பதிலளிநீக்கு
    பதில்கள்
    1. நன்றி. மதுரை மணி ஐயர் நான் ஆராதிக்கும் இசை மேதை .

      நீக்கு
  9. நகைச்சுவையுடன் புது மாதிரியான கைப் பக்குவம்....
    சிறப்பு...

    பதிலளிநீக்கு
  10. இன்றைய துணுக்குத் தோரணங்கள் அனைத்தும் ரசிக்கும்படி இருந்தன ஓரிரண்டு முன்பே படித்திருந்த போதிலும்

    பதிலளிநீக்கு
    பதில்கள்
    1. அது தவிர்க்க முடியாத ஒன்று. பாராட்டுக்கு நன்றி. தெரிந்த சில கலந்து இருந்தால், நகைச்சுவை அதிகம் இருப்பது நல்லது தான் என்று நான் நினைப்பதுண்டு.

      நீக்கு
    2. கலந்து இருந்தாலும் என்று படிக்கவும்

      நீக்கு
  11. காலை வணக்கம் சகோதரரே

    அனைவருக்கும் அன்பான காலை வணக்கங்கள். அனைவரும் நலமாக வாழ இறைவன் எப்போதும் துணையாக இருக்க வேண்டுமென பிரார்த்தனைகள் செய்து கொள்கிறேன். நன்றி.

    நன்றியுடன்
    கமலா ஹரிஹரன்.

    பதிலளிநீக்கு
    பதில்கள்
    1. ​வாங்க கமலா .அக்கா. வணக்கம். இணைந்து பிரார்த்திப்போம்.

      நீக்கு
  12. சரஸ்வதி பூஜை இட்லி ஃப்ரை நல்ல முயற்சி

    ஆளுக்கு ஓரிரண்டு துண்டுகள் என்பதால் நல்லா வரலைனாலும் ஒண்ணும் சொல்லியிருக்க மாட்டாங்க

    எனக்கு ஆறின இட்லி ல மி பொடி தடவி வைத்திருந்து மறுநாள் சாப்பிடப் பிடிக்கும் சூடான இட்லி ஊசிப்போயிடும்

    பதிலளிநீக்கு
    பதில்கள்
    1. ஆறின இட்லில மொளகாப்பொடிதான் எப்பவும் சாப்பிடறோமே நெல்லை.  இது வேற மாதிரி டிரை 

      நீக்கு
  13. வணக்கம் சகோதரரே

    மூன்றே மூன்று இட்லியானாலும் அத்துடன் காய்கறி கலவையை கலந்து செய்து அதற்கு மதிப்பூட்டி விட்டீர்கள். இட்லி பெருமிதத்துடன் உவகையும் அடைந்திருக்கும். பெருமிதம் அதற்கு. உவகை நமக்கு.

    உங்களின் சிறப்பு சமையலின் நுணுக்கத்தை ரசித்தேன். பகிர்வுக்கு மிக்க நன்றி.

    நன்றியுடன்
    கமலா ஹரிஹரன்.

    பதிலளிநீக்கு
    பதில்கள்
    1. எல்லோரும் செய்வதுதானே... என்ன வெங்காயம், பூண்டு தவிர்த்திருக்கிறேன்.. அஷ்டே!

      நீக்கு
  14. வணக்கம் சகோதரரே

    இன்றைய மனசாட்சியம் பகுதியும் அருமையாக உள்ளது. நகைச்சுவை என்பது சிலருக்கு சகஜமாக பேச்சோடு பேச்சாக இயல்பாக வருவது. அத்தகையவர்களோடு ஆற அமர்ந்து பேசுவதே ஒரு மன உற்சாகத்தைத் தரும். "வாய் விட்டு சிரித்தால் நோய் விட்டு போகும்" என பழமொழி கூட உண்டல்லவா.! பதிவில் அத்தனை பேரின் நகைச்சுவைகளையும் ரசித்துப் படித்தேன். பகிர்வுக்கு மிக்க நன்றி.

    நன்றியுடன்
    கமலா ஹரிஹரன்.

    பதிலளிநீக்கு
    பதில்கள்
    1. வாய்விட்டு சிரிச்சா நோய் விட்டு போகும் சிரிச்சா என்ன செலவா ஆகும் பாட்டு கேட்டிருக்கீங்களோ 

      நீக்கு
  15. அந்தக்காலத்தில் ஹாஸ்யம் இயல்பாக வார்த்தையாடல்களில் வந்து சிதறியது. இப்போது என்னடான்னா.. எதற்கெடுத்தாலும் A I ன் முகத்தைப் பார்க்கவேண்டியிருக்கிறது ..

    பதிலளிநீக்கு
  16. அனைவருக்கும் வணக்கம், வாழ்க வளமுடன்

    பதிலளிநீக்கு
  17. இட்லி ஃப்ரை நன்றாக இருக்கிறது. பொறுமையாக செய்து எல்லோருக்கும் கொடுத்தது மகிழ்ச்சி.

    பொரித்த இட்லியோடு குடைமிளகாய், பெரிய வெங்காயம் எல்லாம் போட்டு செய்யலாம்.

    பதிலளிநீக்கு
    பதில்கள்
    1. ஆமாம். நம் கற்பனைதான். வீட்டில் இருக்கும் காய்கள்!

      நீக்கு
  18. சாரின் துணுக்குத் தோரணம் மிக நன்றாக இருக்கிறது. ரசித்து படித்தேன்.

    //கல்யாணம்னா காப்பி நல்லாத்தானே இருக்கணும் " - இது மணி ஐயர் பதில்.//

    ரசித்தேன்.

    பதிலளிநீக்கு
  19. //https://sivamgss.blogspot.com/2022/03/blog-post_15.html//

    சீராளம் மாதிரி கூடப் பண்ணி இருக்கலாமோ? எப்படியோ 3 இட்லிகள் வீணாகாமல் தவிர்த்து விட்டீர்கள். எங்க வீட்டில் வேலை செய்யும் பெண்ணிடம் கொடுத்துடுவோம். பிரச்னை இல்லை. சென்னையில் அம்பத்தூரில் கூட்டுக்குடும்பமாக இருந்தவரை சுமார் 15/20 இட்லிகள் மிஞ்சும். மறுநாள் காலையில் அதை வெங்காயம், பச்சை மிளகாய், இஞ்சி, கடுகு, உபருப்பு தாளித்து இட்லி உப்புமாவாகப் பண்ணிடுவேன். கொஞ்சம் போல் மஞ்சள் பொடி சேர்த்து எலுமிச்சைச் சாறையும் ஊத்திட்டுக் கொத்துமல்லியும் போட்டால் நான், நீ எனப் போட்டி போடுவார்கள். நமக்குக் கிடைக்காது. :)))))

    பதிலளிநீக்கு
    பதில்கள்
    1. நாங்களும் தினசரி வேலை செய்யும் பெண்மணிக்கு கொடுக்கிறோம்.  அதையும் தவிர இது!

      நீக்கு
  20. பெர்னாட்ஷா நகைச்சுவை எல்லாம் நிறையவே படிச்சிருந்தாலும் இங்கே கிடைச்ச ரிவிஷனால் மீண்டும் நினைத்து ரசிக்க முடிந்தது. பெரும்பாலானவை ரீடர்ஸ் டைஜஸ்டில் வந்திருக்கு. அதிலும் அந்த சர்ச்சில் விஷயம் நினைத்து நினைத்துச் சிரிக்க வைக்கும். நம்ம ஆட்களின் நகைச்சுவை உணர்வும் பஞ்சமே இல்லாமல் இருக்கின்றன. அரியக்குடியாரை சிங்கம் கர்ஜிப்பது போல் பாடுவது இருக்கு எனக் கல்கி "கர்நாடகம்" என்னும் பெயரில் எழுதிய விமரிசனத்திலோ சுப்புடு எழுதினதிலோ படிச்ச நினைவு. இதே போல் தான் தனிப்பாடல் திரட்டு நூலிலும் ஒரு சில நகைச்சுவைகள் படிக்கப் படிக்க ருசியாகவும் எப்படி எல்லாம் பெண்கள் கூட நகைச்சுவை உணர்வோடு இருந்திருக்கின்றனர் என்பதும் புரியும். அதிலே ஒண்ணு தான், "பாலும் கசக்கவில்லை; பிழிந்த துணியும் கசக்கவில்லை." என்னும் நகைச்சுவைத் துணுக்கு.

    திரு கிவாஜ அவர்களும் நகைச்சுவையில் கலக்குவார். அதிலும் சிலேடையான நகைச்சுவை அவருக்குக் கை வந்த கலை.

    பதிலளிநீக்கு
    பதில்கள்
    1. கி வா ஜ நானும் நிறைய படித்திருக்கிறேன்!

      நீக்கு
  21. ஸ்ரீராம் இட்லி ரோஸ்ட் பண்ணியதை விடவும் அதை விவரித்ததுக்கு மட்டும் பரிசு கொடுத்துடலாம். அது சரி, எப்போவுமே அவர் தன்னோட பாஸ் முகவாய்க்கட்டை தோளைத் தாக்குவது பத்திச் சொல்கிறாரே? கழுத்து சுளுக்கிக்காதோ? ஸ்ரீராமுக்குனு நீங்க நினைச்சால் நான் பொறுப்பில்லை. :P

    பதிலளிநீக்கு
    பதில்கள்
    1. அதெல்லாம் சும்மா:) பாஸ் அந்த மாதிரி ஆள் இல்ல.

      நீக்கு
    2. நன்றி கீதா அக்கா..

      ஹா..  ஹா..  ஹா..  அம்மா சரியாய் சொல்லி விட்டார்.  பாஸை மூன்று நான்கு தரம் பார்த்திருக்கிறாரே ...

      நீக்கு
  22. ப்ரை இட்லி நன்றாக உள்ளது. எழுதிய விதம் ரசனை.
    நானும் பேரனுக்கு இதுபோல உணவுகளில் ஏமாற்று வேலைகள் செய்து குடுப்பேன் வித்தியாசமாக சாப்பிட விரும்புவார்.

    மனசாட்சியம் நகைச்சுவைகள் ரசிக்கக் கூடியதாக இருந்தது.

    பதிலளிநீக்கு
  23. Love gives and forgives, Self gets & forgets.
    உங்கள் திப்பிசம், சாரி சில்மிஷம் நன்றாகவே இருந்திருக்கும். சில்மிஷம் என்பதை விட திப்பிசம்தான் சரி என்று தோன்றுகிறது.

    பதிலளிநீக்கு
    பதில்கள்
    1. திப்பிசம் கீதா அக்கா செய்வது.  இது சில்மிஷம்தான்!  வாங்க பானு அக்கா.

      நீக்கு
  24. //சரோஜினி தேவி சொன்னாராம் " பாபுவை அவருடைய எளிய பழக்க வழக்கங்களில் வைத்திருக்க நாங்கள் பெரும் செலவு செய்ய வேண்டியது வேண்டியதாக இருக்கிறது."// அதனால்தான் அவரை Prince among beggers என்பார்கள்.

    பதிலளிநீக்கு
  25. நீங்கள் அரியக்குடி என்று குறிப்பிட்டிருக்கும் சம்பவத்தை செம்மங்குடி என்று கேட்டிருகிறேன்.

    பதிலளிநீக்கு
  26. இட்லியை வைத்து ஒரு சில்மிஷம் - ஹாஹா... விதம் விதமாகச் செய்து பார்க்க ஒரு ஆர்வம் வேண்டும். சில சமயங்களில் இப்படியான விஷயங்கள் அந்தப் பொருளுக்கு சுவையைக் கூட்டிவிடும் - சில சமயங்களில் சொதப்பிவிடும்! ஆனாலும் முயற்சிப்பதை விட்டுவிடக்கூடாது!

    துணுக்குத் தோரணம் ஒவ்வொன்றுமே ரசிக்கும்படி இருந்தது. சிலவற்றை ஏற்கனவே படித்திருக்கிறேன் என்றாலும் மீண்டும் படித்து ரசித்தேன்.

    பதிலளிநீக்கு

பதிவு பற்றிய உங்கள் கருத்து எங்களுக்கு முக்கியம். எதுவானாலும் தயங்காம எழுதுங்க!