புதன் 190515 : மதிப்பைக் கூட்டுங்கள்!

சென்ற வாரப் பின்னூட்டங்களில் அதிகம் பேசப்பட்டது, 'நல்ல சந்தோஷமான திருமண வாழ்க்கைக்கு முக்கியமானவை எவையெவை' என்ற கேள்வியும், அதன் பதில்களும். 

அடுத்தபடியாக ஹோட்டல் உணவுகள் / MTR மாவு வகைகள் பற்றிய கருத்துப் பரிமாறல்கள். 


ஆக்கத்துடனும், ஊக்கத்துடனும் கருத்துகளைக் கூறி, சுவாரஸ்யமான பல விஷயங்களைப் பகிர்ந்துகொண்ட எல்லோருக்கும் நன்றி. 

இந்த வாரம் எல்லோருக்கும் ஒரு சிறப்புப் பயிற்சி கொடுத்துள்ளேன். பதிவின் கடைசியில் பார்க்கவும். படித்து, பங்கு பெறவும். 


ஏஞ்சல் : 

ஒருவரை அதிகபட்சம் கோபப்படுத்தவைப்பது கோபப்படுத்துவது எது ?

a.  விளையாட்டு சீண்டல்கள் எல்லைமீறும்போது ?
b.  ஒருவரின் மனநிலையை உணராமல் எதிரிடத்தில் உள்ளவர் பேசும் பேச்சு ?
c.  உணவு, சூழல், மருந்துகள் ?
d.  புரிதலின்மை ?

# எதிரிலுள்ளவர் புரிதலின்றி அசந்தர்ப்பமாகப் பேசுவது.

& கோபப்படுபவரைப் பொறுத்த விஷயம்தான் இது. 
என்னைப் பொறுத்தவரை, a என்று சொல்வேன். 

யுக்தி /குயுக்தி எப்படி வேறுபடுகிறது ?
முகப்புத்தகத்தில் ஒரு பழக்கமில்லா மியூச்சுவல் நட்பு புகைப்படத்தை இன்பாக்ஸ் செய்தார் .பின்பு உடனே அச்சசோ இது வேறொருவருக்கு அனுப்ப வேண்டியது தெரியாமல் உங்களுக்கு அனுப்பிட்டேன் என்று சொன்னார் .இது யுக்தியா குயுக்தியா ?  இப்படிப்பட்ட சில குள்ளநரி யுக்தியுள்ள குயுக்தியுள்ள மனிதர்களை இனம் காணுவது எப்படி ? 

# யுக்தி பிரச்சினைக்கு எளிய தீர்வுக்கான வழி. குயுக்தி வரம்பு மீறிய திருப்திக்காகச் செய்யப் படுவது.

நீங்கள் குறிப்பிடும் படம் அனுப்புதல் உண்மையான தவறாகவும் இருக்கலாம். அப்படி இல்லாதபோது தொடரும் "வழிச்சல்"கள் அதை இனம் காட்டிவிடும்.

& அந்த படத்தை டவுன்லோட் செய்து, அதை ஃபோட்டோஷாப் மூலம் கன்னா பின்னாவென்று உருமாற்றி - அலங்கோலப்படுத்தி, திருப்ப அவருக்கே அனுப்பி வைத்து, உள்பெட்டியில் - சாரி - இதை வேறு ஒருவருக்கு அனுப்பவேண்டியது - தவறிப்போய் உங்களுக்கு அனுப்பிவிட்டேன் என்று நீங்களும் சொல்லலாமே! பழிக்குப்பழி, ரத்தத்துக்கு ரத்தம், சேதத்திற்கு சேதம்! 

                                                   (அதிரா பாஷையில் இதுதான் பேய்க்காட்டுறதா ?)

(சாரி சார்! - அழகான ஃபோட்டோ ஒன்று இணையத்தில் தேடினேன். இடது பக்கம் உள்ளது கிடைத்தது. ஒரு நிமிட paint வேலை - எப்படி இருந்த நான் ...... இப்படி ......ஆயிடுச்சு!)

                  

அதிரா :

திருப்பதிக்குப் போய் அங்கு அம்மா அரோகரா என்றாவாம்... மாமா சொன்னாராம் இல்ல இங்கு கோவிந்தா எனத்தான் சொல்லோணும் என:)...  எனக்கும் ஏனெனப் புரியேல்லை:)...  உங்கள் பதில் என்ன? 

# இடம் பொருள் ஏவல் என்று இருக்கிறதல்லவா ? அதுவும் விஷ்ணு பக்தர்கள் அவருக்கு மிஞ்சி பிறிதோர் தெய்வம் இல்லை என திடமாக நம்புபவர்கள். அங்கு அரோகரா அரோகரா ஆகித்தான் இருக்கும்.

& நான் எந்தக் கோயிலில் கும்பிட்டாலும் முன்பெல்லாம் 'முருகா' என்றுதான் சொல்லிக்கொண்டிருந்தேன். பெரிதாக வாய் விட்டு சொல்வது இல்லை என்பதால் பிரச்னை எதுவும் வரவில்லை. அத்வைதிகளுக்கு எல்லாம் ஒன்றே! 

ஏன் பறவை விலங்குகளில் மட்டும் ஆண்தான் அழகு...  உதாரணம்..  மான், மயில், சிங்கம், காகம்...

# எல்லாம் அழகானால் அழகென்று ஒன்று இராது !

& பாவம் - வாயில்லாப் பிராணிகள் (மனிதர்களில் ஆண்களைப்போல்) அழகாக இருந்துவிட்டுப்போகட்டுமே - விட்டுடுங்க!  (ஆ ! எதையோ உளறிவிட்டேனோ? பா வெ மேடம் வந்தாங்க என்றால் என் பாடு திண்டாட்டம்.   ஸ்ரீராம் -  எங்கே அந்தக் கட்டில்?   ஓடிப்போய் கீழே ஒளிந்துகொள்ளவேண்டும் !) 

சில மனிதர்கள், சக மனிதர்கள் துன்பப்பட்டால் பெரிதாக கவனிக்க மாட்டினம் ஆனால் ஒரு விலங்கோ பறவையோ எனில் துடிப்பார்கள், பணம்கூடச்  செலவழிப்பார்கள்...  இந்த மைண்ட் செட்டப் உள்ள மனிதர் பற்றி என்ன நினைக்கிறீங்க?

# உதவி செய்வோர் செய்வதும் செய்யாததும் அவர் இஷ்டம்.  இப்படித்தான் செய்ய வேண்டும் என்று சொல்ல நமக்கு அதிகாரமில்லை.

ஜம்பத்துக்காக உதவினாலும் உதவி உதவிதானே.

& சகமனிதனை வாழ்க்கையில் போட்டியாளனாகப் பார்க்கிற சில மனிதர்கள், விலங்குகள், பறவைகளை அப்படிப் பார்ப்பதில்லை. அதனால் அவைகள் துன்பப்படும்போது இவர்கள் துடிக்கிறார்கள் என்று நினைக்கிறேன். 

வாட்ஸ் அப் கேள்விகள் :  

நெல்லைத்தமிழன்: 

நாத்தனார்,மன்னி/தம்பி மனைவிக்கு இடையே எழும் சிறு பூசலில் குழந்தைகள் தலையிடக் கூடாது என்பதையும் தாயோ தந்தையோ குழந்தைகளுக்கு புரிய வைத்தால்//  - கேள்வி - குடும்பத்தில் பெரியவர்களிடையே கருத்து வேறுபாடு வந்து உறவு பாதிக்கப்படும்போது அவர்கள், அதனால் குழந்தைகளின் உறவும் பாதிக்கப்படுமே என்பதை அறியாதிருப்பதன் காரணம் என்ன?  விரும்பினாலும் விரும்பாவிட்டாலும் குழந்தைகள் இந்தச் சுழலில் சிக்கும் இல்லையா? அதற்கான தீர்வு என்ன?

# பெரியவர்கள் வயதுக்கேற்ற விவேகத்துடன் நடந்து கொள்வது தவிர வேறு தீர்வு இல்லை. 

" நாங்கள் சச்சரவு செய்வதைக் கண்டு கொள்ளாதே" என்று சொல்வது எப்படி எடுபடும் ?

& குழந்தைகள், குழந்தைகளாக இருக்கும்போது பெரியவர்களின் கருத்து வேறுபாடு பிரச்னைகளில் சிக்குவார்கள் என்பது உண்மை. ஆனால், அந்தக் குழந்தைகள், வளர்ந்து பெரியவர்களாகி, அவர்களுக்கு குழந்தைகள் பிறந்த நிலையில், சிறு வயது பூசல், சச்சரவுகளை அவர்கள் மறந்து, எல்லோருடனும் சுமுகமாக உள்ளனர். இதை  என் நாற்பத்தைந்து ஆண்டு கால ஆய்வின் அடிப்படையில் கூறுகின்றேன். 

பானுமதி வெங்கடேஸ்வரன்: 

படித்து விட்டு வேலை கிடைக்காத பதட்டம், எல்லா தகுதிகளும் இருந்தாலும் திருமணம் தகையாத  வருத்தம், இரண்டில் எது பெரியது? இரண்டிற்கும் உள்ள வித்தியாசம் என்ன?

#  இரண்டுமே கொடுமைதான் எனினும் வேலையின்மை தன்மானப் பிரச்சினை எனவே கொடுமை ++

& இந்தக் கால ஆண்களோ பெண்களோ திருமணம் தகையவில்லை என்றால் அதிகம் வருத்தப்படுவதாகத் தெரியவில்லை. அல்லது அதை அவர்கள் வெளிக்காட்டுவதில்லை. படித்துவிட்டு அதற்கேற்ற வேலை கிடைக்காவிட்டால், ஏழை மற்றும் நடுத்தர மக்களுக்கு அதுதான் அதிக பாதிப்பை ஏற்படுத்தும். 

என்னதான் ஆண்களுக்கு இணையாக ஏன் அவர்களை விட மேலாக சில துறைகளில் செயல் பட்டாலும் அரசியல், விளையாட்டு போன்றவற்றை பற்றி பெண்கள் அவ்வளவாக பேசுவதோ, எழுதுவதோ இல்லையே ஏன்?

# பெண்களுக்கு வீட்டுச் சுமை பொறுப்பு அதிகம் என்பதால் விளையாட்டு அரசியல் எல்லாம் இரண்டாம் பட்சமாகிவிடுகிறது.

& அரசியலில் decency காணாமல்போய் ரொம்பக் காலம் ஆகிவிட்டது. அதனால் பெண்கள் அந்தப்பக்கம் அதிகம் ஈடுபாடு காட்டுவதில்லை என்று நினைக்கிறேன். விளையாட்டுத்துறையில் consistency ஏனோ பல பெண்களுக்கு வாய்ப்பது இல்லை. அதனால் அதுவும் பேசப்படுவது, எழுதப்படுவது இல்லை.

 ===========================================

இந்த வாரம், கேள்விக்கு மாற்றாக ஒரு சிறிய பயிற்சி. 

எல்லோரும் தவறாமல் பங்கு பெறுங்கள். 

கவனமாகப் படிக்கவும். சில விஷயங்கள் உங்கள் அனுமானத்திற்கு விடப்பட்டுள்ளன. 

1. ஒரே அளவுள்ள இரண்டு பக்கமும் காலியாக உள்ள, இரண்டு வெள்ளைத் தாள்களை எடுத்துக்கொள்ளவும். 

2. ஒரு வெள்ளைத்தாளில், முதலாவதாக உங்கள் பெயரை எழுதுங்கள். 

3. பெயருக்குக் கீழே, மற்ற வெள்ளைத் தாளின் உத்தேசமான விலை / மதிப்பு என்ன என்று எழுதுங்கள். 

அடுத்த நடவடிக்கைதான் முக்கியமானது. அந்த, மற்ற வெள்ளைத்தாளின் விலை / மதிப்பை இப்போ  நீங்கள் உயர்த்தவேண்டும். 

என்ன செய்வீர்கள், எப்படி செய்வீர்கள் என்பதெல்லாம் உங்கள் தேர்வு. 

என்ன செய்தீர்கள் என்பதை பின்னூட்டத்தில் விளக்கலாம் - அல்லது பெயர் எழுதிய தாள், மதிப்பு கூட்டப்பட்ட தாள் இரண்டையும் படம் எடுத்து, kggouthaman@gmail.com என்ற மின்னஞ்சல் முகவரிக்கு அனுப்பலாம். அல்லது 9902281582 என்ற வாட்ஸ் அப் எண்ணுக்கு அனுப்பலாம். 

கவனியுங்கள் : இந்த பயிற்சியில் ட்ரிக் எதுவும் கிடையாது. வெற்றுத்தாளின் மதிப்பை யார் அவருடைய முயற்சியால் அதிகம் மதிப்பு கூட்டுகிறார்கள் என்று பார்த்து, அடுத்தவாரம் விவரங்களை வெளியிடுகிறேன். 

பயிற்சியில் பங்கு பெற்று, படம் அனுப்புவோர், இங்கே பின்னூட்டத்தில் படம் அனுப்பிய விவரம் பதியுங்கள். 

==============================================

உங்கள் பேராதரவால், எங்கள் ப்ளாக் நேற்று 16,00,000 பக்கப்பார்வைகளைக் கடந்துள்ளது. எல்லோருக்கும் எங்கள் ஆசிரியர்கள் சார்பில் நன்றி. 

நன்றி, மீண்டும் சந்திப்போம்! 

==============================================