பழங்கால மருத்துவம்/இப்போதைய மருத்துவம் இரண்டில் எது சிறந்தது?

 

கீதா சாம்பசிவம் :

1. பழங்கால மருத்துவம் / இப்போதைய மருத்துவம் இரண்டில் எது சிறந்தது?

$ பழங்காலம் என்றால் பாட்டி (அல்லது வீட்டு) வைத்திய முறையா?

தலைவலி வயிற்று வலி நிவாரணம் பல உண்டு. 

சில சமயங்களில் பல்வலிக்கு யார் என்ன சொன்னாலும் செய்து மறுநாள் வலி போன பின் எந்த மருந்து வேலை செய்தது என்று தெரியாமல் போவதுண்டு .

வேப்பிலை ஒவ்வொரு வருடம் பூச்சி அழிப்புக்கு பயன்படுவதில்லை 

இலைகளில் azadiractin எனும் insecticide உண்டாவதில்லை.

நாட்டு வைத்தியருக்கு அதை அறிய வாய்ப்பு குறைவு 

இது மாதிரி இன்னும் எத்தனையோ?

# ஒவ்வொரு சந்தர்ப்பத்தில் பழங்கால (ஆயுர்வேத) மருத்துவமும் வேறு நிலையில் அலோபதி மருத்துவமும் சிறந்தது.  ஆயுர்வேத மருந்துகளில் பக்க விளைவு இராது என்பதை நாம் அறிவோம்.  அவசர சிகிச்சை தேவைப் படும் போது நவீன மருத்துவத்தை நாடுவது நம் இயல்பு.  நீண்ட நாள் சாப்பிட வேண்டிய மருந்துகளுக்கு ஆயுர்வேத மருந்துகள் டானிக்குகள் சிறந்தவை . விபத்தில் ரத்தம் சேதம் ஆகும்போது ஆரிய வைத்தியசாலை நோக்கிப் போவோர் இருக்க இயலாது.

& இப்போதைய பழங்கால மருத்துவம்தான் சிறந்தது. செலவு குறைவு, பக்க விளைவுகள் கிடையாது. 

அந்தக் காலத்து மருத்துவர்கள் பச்சிலை, சூரணம், பத்தியம் என்று சிகிச்சை அளித்து நோயாளிகளை குணப்படுத்தினார்கள். 

இந்தக் காலத்து மருத்துவர்கள் பெரும்பாலும் கத்தி, கத்தரிக்கோல், சுத்தியல் + scan என்று நோயாளிகளை படுத்துகிறார்கள். 

2. சித்தா/ஆயுர்வேத மருந்துகளைப் பயன்படுத்தியது உண்டா?

$ ஆயுர்வேத எண்ணைக் குளியல் மிகவும் உபயோகமாக இருந்தது stroke ஆல் வந்த partial paralysis இலிருந்து விடுபட ! 

கடலூரில் இருந்தபோது சித்த வைத்தியர் அகஸ்தியர் அவுஷதாலயா என்ற பெயரில் நடத்தி வந்த வைத்திய சாலைக்கு அம்மா அழைத்துச் செல்வார் . தேனில் குழைத்து சாப்பிட ஒரு பொடி (6 பொட்டலம்) சோமலதா என்றொரு 2 oz திரவம்...எல்லா ஜூரமும் சரியாகி விடும். 

# சித்தா தெரியாது.  ஆயுர்வேத மருந்துகள் அதிகம் பயன்படுத்துவதுண்டு. 

& உண்டு. 

3. ஆயுர்வேதம்/சித்தா போன்றவற்றிலும் அறுவை சிகிச்சை முறை உண்டு. சஸ்திர சிகிச்சை என ஆயுர்வேதத்தில் சொல்கிறார்கள். சித்தாவில் என்ன பெயர்னு தெரியலை. ஆனால் பிரபலம் அடையவில்லை. இன்றைய ஆயுர்வேத மருத்துவர்களில் அறுவை சிகிச்சை நிபுணர்கள் உண்டா? கேள்விப் பட்டிருக்கீங்களா?

 $ இன்றைய ஆயுர்வேத மருத்துவர்கள் TT injection போடுவது கூட குற்றமாக பார்க்கப் படுகிறது

# பிரபல ஆயுர்வேத மருத்துவர்களே கூட சஸ்திர  சிகிச்சை என்று வரும்போது அலோபதி ஆஸ்பத்திரிக்குதான் போகிறார்கள்.  சரக சம்ஹிதை குறிப்பிடும் அறுவை சிகிச்சைகள் தற்போது புழக்கத்தில் இல்லை.

& // ஆயுர்வேத மருத்துவர்களில் அறுவை சிகிச்சை நிபுணர்கள் உண்டா? // 

என்னுடைய பதில் (தமாஷ்தான் - சீரியஸ் பதில் இல்லை) 

சுமார் நாற்பது வருடங்களுக்கு முன்பு - காதில் இரைச்சல், இடது காது மந்தம் போன்ற தொந்தரவுகள் இருந்த சமயம், பக்கத்து வீட்டில் இருந்த நண்பர் கந்தசாமி சொன்ன ஆலோசனையில், மாம்பலத்தில் இருந்த ஒரு பிரபல ஹோமியோபதி  வைத்தியரை  நாடிச் சென்றேன். 

வெகு நேரம் காத்திருந்தபின், அந்தப் பழைய வீட்டின் புராதன அறை ஒன்றில், உட்காரந்திருந்த வயதான வைத்தியரின் தரிசனம் கிடைத்தது. வெள்ளை நிற பைஜாமா + வெள்ளை நிற ஜிப்பா அணிந்த பிக்விக் (Mr Pickwick ) போல இருந்தார் . 

என்னுடைய பிரச்சனையை சொன்னேன். கேட்டுக்கொண்டார். 

அப்புறம் கேட்டார். 

அவர் : " படுத்துத் தூங்கும்போது எந்தப் பக்கமாகப் படுத்துத் தூங்குவீர்கள்? "

நான் : " மனைவி படுத்திருக்கும் பக்கமாக " 

அ : " அவங்க ?"

நா : " என் பக்கமாக. "

அ : " அவங்க உங்களுக்கு இடது பக்கத்தில் படுத்துத் தூங்குவாங்களா அல்லது வலது பக்கத்திலா ?"

நா : " ரெண்டு பக்கத்திலும் "

அ : " ரெண்டு மனைவியா ?" 

நா : " இல்லை - ஒன்றுதான் "

அ : " அப்போ எப்படி அவங்க ரெண்டு பக்கமும் படுத்துத் தூங்கமுடியும்? "

நா : " அப்பப்போ மாறி படுத்துக்குவாங்க "

பேசிக்கொண்டிருக்கும்போதே அவர் தான் வைத்திருந்த ஒரு கனமான பழைய புத்தகத்தை சில பக்கங்களைப் புரட்டிப் பார்த்தார். நானும் அவர் என்ன படிக்கிறார் என்று எட்டிப் பார்த்தேன். அவர் சட்டென்று அந்தப் புத்தகத்தை தன் பக்கம் இழுத்துக்கொண்டு, வேறு கேள்விகள் கேட்க ஆரம்பித்தார். என்னுடைய பரம்பரையில் யாருக்கெல்லாம் காது பிரச்சனை என்று கேட்டுத் தெரிந்துகொண்டார். மீண்டும் புத்தகத்தில் சில பக்கங்களை ரகசியமாக நோட்டம் விட்டார் - நான் பார்க்கமுடியாதபடி கைகளால் மூடியபடி!  

அவர் : " குளிக்கும்போது காதை மூடிக் கொள்வீர்களா ?"

நான் : " இல்லை - மனைவி திட்டும்போது மட்டும்தான் "

அவர் : " உங்களுக்கு என்ன சுவை பிடிக்கும்? "

நான் : (' நகைச்சுவை' என்று சொன்னால் டாக்டர் வெகுண்டு எழுந்துவிடுவார் என்ற பயத்துடன் ) " இனிப்பு "

இதே போல கேள்வி பதில் கிட்டத்தட்ட அரைமணி நேரம் தொடர்ந்தது. 

கடைசியில் ஐம்பது மில்லி அளவு பாட்டிலில் சிறு சீனி உருண்டைகளை நிதானமாக எண்ணி 200 போட்டுக் கொடுத்து, எவ்வளவு சீனி உருண்டைகள் எப்பொழுதெல்லாம் சாப்பிடவேண்டும் என்று சொல்லி ஃபீஸ் (எவ்வளவு என்று மறந்துபோய்விட்டது ) வாங்கிக்கொண்டு அனுப்பினார். 

ஒரே மாதத்தில் தீர்ந்து போனது - மருந்து. 

நெல்லைத்தமிழன்: 

1. நல்ல பாம்புனு ஏன் பெயர் வந்தது?  

$ வஞ்சப் புகழ்ச்சி !

# சிவன் தலையில் பாம்பு இருப்பதால் அது நல்ல பாம்பாகத்தான் இருக்கவேண்டும் என்ற நம்பிக்கை காரணமாக வந்திருக்கும்.  மேலும் பாம்பு சில கொள்கைகளைக் கடைப்பிடிப்பதாக ஒரு மூட நம்பிக்கை இருப்பதும் காரணமாக இருக்கலாம். 

& நவம்பர் 10 2021 - ஜெயகுமார் சந்திரசேகரன் கேள்வியும் கிட்டத்தட்ட இதே கேள்விதான் 

2. ஏன் வேட்பாளர்களைப் பார்த்து வாக்களிப்பதில்லை?

$ அவ்வை யின் சீடரோ?  தன்னைப்போல்...

# வேட்பாளர்கள் குறித்து அந்த அளவு தெரிந்திருக்க வாய்ப்பில்லை.

& ஒரு மாறுதலுக்காக கடந்த தேர்தலில் நான் வோட்டு போட்டு ஜெயித்த எம் எல் ஏ வை இரண்டு வருடங்களுக்கு முன்பு நேரில் சென்று பார்த்து பேச வாய்ப்பு கிடைத்தது! எங்கள் பகுதி போக்குவரத்துப் பிரச்சனை குறித்து ஒரு குழுவாகச் சென்று அவரிடம் மனு கொடுத்தோம். பிரச்சனை இப்போது ஓரளவுக்கு சரிப்படுத்தியுள்ளார்கள். 

3. Hotstar, Amazon Primeல் பார்க்க வேண்டிய தொடர்கள் சினிமாக்கள் என்ன? 

$ அமேசான் prime

Tv shows மட்டுமே பார்க்கிறேன்

NCIS

Covert affairs

Good wife bad wife

Madam secretary

Person of interest

Mentalist

Crime scene investigation

Young sheldon

# தெரியவில்லை. 

4. விளம்பரங்களில் சொல்லப்படும், காட்டப்படும் பொய்களை யார் கட்டுப்படுத்துவது?

 $ யார் என்று தெரியாது. ஆனால் சில விளம்பரங்கள் காணாமல் போவதுண்டு.

# தவறான விளம்பரம் என்றால் அதைக் குறித்து புகார் செய்ய வசதி இருப்பதாக நினைக்கிறேன்.  நிச்சயமாகத் தெரியவில்லை.

& We can register complaints in the net area : Grievances Against Misleading Advertisements page of the web page of Department of Consumer Affairs. 

LINK :  https://gama.gov.in/ <<<  இந்த சுட்டியில் கிளிக் செய்து, உங்கள் புகாரைப் பதியலாம். 

கில்லர்ஜி தேவக்கோட்டை: 

கணவனை செல்லமாக பொதுவெளியில் வாடா போடா என்று அழைக்கலாமா ?

# செல்லமாக அழைப்பதற்கெல்லாம் இலக்கணம் சொல்ல முயற்சிக்கக் கூடாது.

& மனைவியை ' வாடி  போடி ' என்று அழைப்பவர்களுக்கு அதுதான் சரியான பதிலடி!! இது எப்படி ? அம்மாடி - யாரும் என்னைத் துரத்துபவதற்கு முன் நான் போகிறேன் ஓடி !! 

ஜெயக்குமார் சந்திரசேகர் : 

தாம்பூலம் என்றால் என்ன? ஏன் அந்த பெயர் வந்தது?  தாம்பாளத்தில் வைத்து தரப்படுவதாலா? 

# தாம்பூலம் இடுகுறிப்பெயராக இருக்கும்.  

வெற்றிலை பாக்கு போடும் வழக்கம் போய்விட்ட இந்தக் காலத்திலும் தாம்பூலம் (வெற்றிலை பாக்கு) வைத்து அழைக்கா  விட்டால் மரியாதை குறைவு என்று கருதுவது ஏன்? 

# வெற்றிலை பாக்கு வைத்து அழைப்பது மரியாதை.  வைக்காவிட்டால் அவமரியாதை அல்ல.  சில பழக்கங்கள் காலம் காலமாக நம்மிடையே இருந்து வருகின்றன.  அவற்றில் இதுவும் ஒன்று.  சில சம்பிரதாயங்கள் ஒருவிதமான மன நிறைவை ஏற்படுத்தும். வெறும் பழக்க தோஷம்தான்..

அழைப்பிதழ் என்பது அவசியம் தானா? அழைப்பிதழ் தந்து வாய் அழைப்பு இல்லை எனில் வாயைத் திறந்து கூப்பிட்டானா என்கின்றனர். அழைப்பிதழ் இல்லாமல் சும்மா கூப்பிட்டால் ஒரு பத்திரிகை இல்லை, மரியாதை இல்லை என்கின்றனர். இந்த இரண்டும் தவிர்க்க முடியாதது ஏன்?

# வாய்நிறைய அழைத்தால் மனம் குளிர்ந்து போகும்.  அத்துடன் பத்திரிகை என்பது அழைப்பை உறுதி செய்கிறது.  இரண்டையும் சிறப்பாகச் செய்து விடலாமே.  சில நேரங்களில் அன்பு, அக்கறை  &  மரியாதை இருப்பதை உறுதி செய்ய வேண்டிய அவசியம் ஏற்படுகிறது.

தாம்பூலம் கொடுத்து உபசரிப்பதே மங்களம் என்று இருக்கிறது. பூஜையிலும் தாம்பூலம் அர்ப்பணம் பண்ண வேண்டும். அது ஸெளபாக்ய சின்னம்; அதோடு ஜீர்ணகாரி, ரத்த சுத்தி. சுண்ணாம்பில் கால்ஷிய ஸத்து இருக்கிறது. (காஞ்சிப் பெரியவர் உரை)

= = = = =

படம் பார்த்து கருத்து எழுதுங்கள் :

1) 

2) 

3) 

= = = =