எழுத்தாளர்கள் என்றாலே கர்வம் மிக்கவர்கள் என்ற எண்ணம் தோன்றுவது ஏன்?

 

நெல்லைத்தமிழன்: 

நடிகைகள்னா அழகா இருக்கணும், நடிகர்னா ஸ்டைலிஷா இருக்கணும் (அழகா இருந்தால் ரசிகர்கள் மிகவும் குறைவாக இருப்பாங்க) என்று எப்படி பொது புத்தி வருகிறது?   

# அழகை ரசிப்பதற்குக் காரண காரிய ஆராய்ச்சி தேவையில்லை.  ஆண் நடிகர்களிடம் அழகைக் காட்டிலும் மிடுக்கு ரசிக்கப் படுவது ஏன் ? அழகு பெண்களின் ஏக போகமாகக் காணப்படுகிறது. ஆண் அழகு காபியில் முந்திரி போல பொருத்தமற்றுப் போய் விடுகிறது. எனவேதான் ஆணிடம் நாம் அழகை எதிர்பார்ப்பதில்லை.(நம்மைப் போல ஒருவனின் வெற்றி என்று பார்க்கிறோமா ?) 

& கொஞ்ச நாளைக்கு ஊட்டிக்கு வந்து ரெஸ்ட் எடுத்துக்கலாம்னு பார்த்தேன். அது பொறுக்கவில்லை இந்த நெ த வுக்கு. நடிகை பற்றி கேள்வி கேட்டு, என்னை இங்கே இழுத்துவிட்டார்! 

பெண்களுடைய கஷ்டம், மனநிலையை ஆண்களும், ஆண்களுடைய கஷ்டம் மனநிலையை பெண்களும் புரிந்துகொள்வது இயலுமா? (விதிவிலக்குகளை விட்டுவிடுங்கள்)  

# அடுத்தவர் (ஆணானாலும் பெண்ணானாலும்) மனநிலையை அறிவதற்கு சரியான மனப் பாங்குதான் முக்கியம் - வேறு விசேஷ தகுதி ஏதுமில்லை.

வெறும் செய்தி, கேள்வியறிவு இவற்றைவைத்து தனக்குப் பரிச்சயமில்லாத சூழலில் எழுத்தாளரால் கதை எழுத முடியுமா? உதாரணம் ஒரு பிராமண எழுத்தாளர் தலித் வாழ்க்கையைப் பற்றியும், ஒரு தலித் பிராமண சமூகக் கதை எழுதுவது போன்று   ..  

# சாத்தியம்தான். ஆனால் நேர்மையாகச் சொல்லப் போய் சங்கடங்களில் சிக்கிக் கொண்டவர்களும் உண்டு .

படிக்கும் காலத்தில் நாளைக்கு லீவு, நாளை ஞாயிறு என்று மனது குதூகலித்ததுபோல இப்போதும் வார இறுதி வரும்போது மனம் மகிழுமா?

# அலுவலகத்தில் உயர்பதவியில் அதிகாரம் செலுத்துவோர் தவிர மற்றைய எல்லாரும் விடுமுறை நாட்களை எதிர்நோக்குவது இயல்புதான்.

& ஹி ஹி! எனக்கு எல்லா நாளும் லீவுதான்! 

இன்றைக்கும் படிக்கக்கூடிய பழைய எழுத்தாளர்களின் நாவல்கள் பெயர் சிலது சொல்ல இயலுமா?   

# "படிக்கக்கூடிய " என்பது மிகவும் தற்சார்ந்த சொல்.  படிப்பவரது விருப்பம், மனநிலை போன்ற பல அடிப்படைகள் தீர்மானிக்கிற விஷயம். வடுவூர் துரைசாமி ஐயங்கார் மாதிரியான ஆரம்பகால எழுத்தாளர்களை இன்றைய வாசகர்கள் விரும்பிப் படிப்பது கடினம். என்னைக் கேட்டால் தி.ஜானகிராமன், சுஜாதா,  ஜெயகாந்தன், இந்திரா பார்த்தசாரதி,  கி.ராஜநாராயணன், வண்ண நிலவன் ஆகிய பெயர்கள் முன்னால் வரும்.

எழுத்தாளர்கள் என்றாலே கர்வம் மிக்கவர்கள் என்ற எண்ணம் தோன்றுவது ஏன்?    

# படைப்பாளிகளுக்கு கர்வ உணர்ச்சி இயல்பு என்று பொதுவாக நம்பப்படுகிறது.  சாதாரண மனிதர் பார்க்கத் தவறுகிற பலவற்றையும் எழுத்தாளர் பார்த்து நமக்கும் சொல்கிறார் என்பதால் அவரது கர்வம் நியாயமானதுதானே !

எங்கள் பிளாக்கில், averageஆ கிழமை வாரியாக எத்தனைபேர் படிக்கிறார்கள் என்று பகிரமுடியுமா?  

& கடந்த 6 மாத கால புள்ளி விவரங்கள் : 
ஒவ்வொரு நாளும் படிப்பவர்கள் சராசரி : 240 

(முக்கியக் குறிப்பு : ஒவ்வொருநாளும் லிங்க் மூலம் வருகின்ற பார்வையாளர்கள் எண்ணிக்கை அதிகமாக இருக்கலாம். ஆனால், பதிவுகளைப் படிப்பவர்கள் என்ற விவரம் பார்வையாளர்களின் எண்ணிக்கையைவிட குறைவு. உதாரணமாக, மார்ச் 4 ஆம் தேதி எங்கள் Blog பார்வையாளர்கள் : 18,143) 

சராசரிக்கு மேலே 240+ பார்வையாளர்கள் : ஸ்ரீராம் வியாழன் பதிவுகள் மற்றும் ஸ்ரீராம் சமீப காலங்களில் எழுதிய சிறுகதைகள். 

அடுத்து வருபவை : நெல்லைத்தமிழனின் கோயில் தரிசனம் கட்டுரைகள். 

அதே அளவுக்கு வருபவை : கௌதமனின் புதன் பதிவுகள். 

கடந்த 9 ஆண்டுகளில், இசைத்தட்டு உடைப்பு (record break) பதிவு : 

வியாழன், 3 நவம்பர், 2016. (link கீழே உள்ளது) 

எனக்கு வந்த அதிகாலைக் கனவு. என்ன பலன்? நீங்கள் சொல்லுங்கள். ஸ்ரீராம் பதிவு. 

படித்தவர்கள் : 23227 பேர். 

வெயில் அதிகமுள்ள சென்னை, வாழ்வதற்கு நல்லா இருக்குமா இல்லை ஓரளவு காலநிலை நன்றாக இருக்கும் பெங்களூர் பெட்டரா? உங்கள் அபிப்ராயம் என்ன?

# உஷ்ணம் வியர்வை இல்லாத பெங்களூர் எனக்குப் பழகிவிட்டது.

& நானும் 'பெங்களூரு பெட்டர்' கட்சி. 

பஜனை, திருவிழா, வீட்டில் கொண்டாட்டம் போன்ற எல்லாவற்றிலும், பிறரைப்பற்றிக் கவலையில்லாமல் ஸ்பீக்கர் போன்றவற்றை வைத்து அலற விடுகிறோமே. இறைவன் ரொம்ப தூரத்தில் இருக்கிறார் அவர் காதில் நம் பிரார்த்தனைகள் பக்திப் பாடல்கள் விழவேண்டுமே என்ற கவலையினால் அப்படிச் செய்கிறார்களா?

# நாம் நல்ல காரியம் செய்கிறோம் என்பதை ஊரறிய வேண்டும் என்பதற்காக அப்படி நடக்கிறது. 

நடப்பதை அறிந்து நாலு பேர் வரட்டுமே எனும் உந்துதல் என்று புரிந்து கொள்ள வேண்டும் !

1960 களில் கடும் விரதம், விஸ்தாரமான பூஜை என்று இருந்த சபரிமலை யாத்திரை , இப்போது யானை ஒட்டகம் குதிரை வைத்து ஊர்வலம், தலைமை வகிப்பவரது படத்துடன் போஸ்டர்கள் ஒட்டி விளம்பரம், பக்தி இசை கொண்டாட்டம் என்று பலவாறாக மாறிப் போயிருப்பதைப் பார்க்கிறோம்.

பானுமதி வெங்கடேஸ்வரன்: 

நம் ஊரில் ராம நவமி கோடை காலத்தில் வரும். அதனால் குளிர்ச்சீயான பானகம்,நீர் மோர், வடை பருப்பு போன்றவைகள் நைய்வேத்தியம் செய்வது நியாயம். ஆனால் கனடா போன்ற கோடை துவங்காமல் இன்னும் குளிருகிறது, இங்கே பானகம்,நீர் மோர் நியாயமா? வேறு என்ன பிரசாதம் பண்ணலாம்?

# சுடச் சுட ஒரு கப் (டிகிரி காபி அல்ல)அக்கார அடிசில்.

சீரியல்கள் பெரும்பாலும் பெண்கள் பெயரிலேயே வருவதற்கு என்ன காரணம்.

# பெரும்பாலும் பெண்களால் பார்க்கப் படுவதாலும், அவர்களுக்கு இயல்பான அறிந்து கொள்ளும் ஆர்வம்  காரணமாகவும்  இருக்கலாம் .

( "என்ன ஆச்சு அந்த குணசுந்தரிக்கு ?" )

கே. சக்ரபாணி சென்னை 28.

1. சிலபேருக்கு இடதுகை பழக்கம்  இடதுகையில் எழுதுவது  பேட்டிங் செய்வது  பௌலிங்போடுவது  போன்றவை  வருவது  ஏன்? 

# மூளை வயரிங்கைப் பொறுத்தது  என்கிறார்கள்.

@CGSenu : இடதுகை பழக்கம் என்பது ஒரு நபரின் மூளை அமைப்புடன் தொடர்புடையது. பொதுவாக மக்கள் சுமார் 90% வலது கை பழக்கம் கொண்டவர்கள், மற்றும் 10% மட்டுமே இடதுகை பழக்கம் கொண்டவர்கள். இது ஏன் நடக்கிறது என்பதை விளக்க முயற்சிக்கிறேன்:

---

 மூளையின் பாதி கட்டுப்பாடு:

• நமது மூளை இரண்டு பகுதிகளாக (வலது மற்றும் இடது hemisphere) பிரிக்கப்பட்டுள்ளது.

• வலது கை இயக்கங்களை மூளையின் இடது பகுதி கட்டுப்படுத்தும்.

• இடது கை இயக்கங்களை மூளையின் வலது பகுதி கட்டுப்படுத்தும்.

இடதுகை பழக்கம் உள்ளவர்கள், பெரும்பாலும் வலது மூளை பகுதி மேலாண்மை சிறப்பாக வேலை செய்கிறது.

---

 மரபியல் (Genetics):

• மரபியல் காரணமாக சிலருக்கு இடதுகை திறமை அதிகமாக இருக்கும்.

• பெற்றோர்களில் ஒருவர் இடதுகையாளர் என்றால், குழந்தைக்கும் அந்த நெருக்கமான சாத்தியம் இருக்கும்.

---

 திறமைகள் மற்றும் பழக்கம்:

• சிலர் இயற்கையாகவே இடது கையை பயன்படுத்தும்படி வளர்கின்றனர்.

• இது எழுதுவது, விளையாடுவது, சமைப்பது போன்ற பல செயல்களில் பிரதிபலிக்கிறது.

• சிலருக்கு இது திறமையுடன் (advantage) செயல்படவும் செய்கிறது—எ.கா. சில கிரிக்கெட் பேட்ஸ்மேன்கள், பவுலர்கள் இடது கை மூலம் வித்தியாசமான ஆட்டத்தை காண்பிக்கிறார்கள்.

---

 பயிற்சி காரணம்:

சில நேரங்களில் சிறுவயதில் ஒரு கை காயம் அல்லது பலவீனம் காரணமாக, மற்ற கை பழக்கமாகும்.

---

 சுருக்கமாக:

இடதுகை பழக்கம் என்பது ஒரு தனிப்பட்ட மூளை அமைப்பு, மரபியல் மற்றும் வளர்ச்சி சூழ்நிலை காரணமாக உருவாகும்.

2. இசைஞானி இளையராஜா அவர்கள்  சிவாஜிகணேசன் படத்திற்கு இசையமைத்திருக்கிறார். எம் ஜி ஆர் . படத்திற்கு இசை அமைத்திருக்கிறாரா?

# வெளிவந்த எம் ஜி ஆர் படங்களில் இளையராஜா இசையமைத்தது எதுவும் இல்லை என்பது இணையத்தில் கிடைக்கும் செய்தி.  இது பற்றி நேரடியாகச் சொல்ல எனக்குத் தகுதி இல்லை.

@CGSenu : இசைஞானி இளையராஜா அவர்கள் சிவாஜி கணேசன் நடித்த பல படங்களுக்கு இசையமைத்துள்ளார் என்பது உறுதி.

அதாவது, உதாரணத்திற்கு:

• Thirisoolam (1979)

• Padikkadhavan (1985)
  இவற்றில் இரண்டும் சிவாஜி நடித்த படங்களே.

---

ஆனால், எம்.ஜி.ஆர். (மக்கள்திலகம் எம். ஜி. இராமச்சந்திரன்) நடித்த ஒரு படத்திற்கும் இளையராஜா இசையமைத்திருக்கவில்லை.

இதற்கான முக்கிய காரணம்:

• எம்.ஜி.ஆர். அவர்கள் 1977-ல் முதல்வராக ஆன பிறகு திரைப்பட acting-ஐ நிறுத்திவிட்டார்.

• இளையராஜா அவர்கள் 1976-ம் ஆண்டு தான் இசையமைப்பாளராக அறிமுகமானார் (Annakili படம் மூலம்).

• எனவே, இருவரும் ஒரே காலகட்டத்தில் திரையுலகில் இருந்து விலகிவிட்டதால், இணைபயணம் நிகழவில்லை.

---

சுருக்கமாக:

இளையராஜா – சிவாஜி கூட்டணி: ஆம், நடந்துள்ளது.
இளையராஜா – எம்.ஜி.ஆர்.: இல்லை, எந்த படத்திற்கும் இசையமைத்ததில்லை.

& CGSenu சொல்லியிருப்பதை வழிமொழிகிறேன். ஆனால் CGSenu அவர்கள் சொல்லியிருக்கும் தகவலில் ஒரு சிறு திருத்தம் - இளையராஜா 1976 ல் என்ட்ரி; எம்ஜியார் 1977 ல் திரையுலகிலிருந்து எக்சிட் என்பது சரியாக இருந்தபோதிலும், 1980 ஆம் வருடம் இசையமைப்பு துறையில் நுழைந்த ஒருவர், எம்ஜியார் படம் ஒன்றின் சில பாடல்களுக்கு இசை அமைத்துள்ளார்! 

யார் அவர்? என்ன படம்? வாசகர்கள் பதில் சொல்ல இயலுமா? 

= = = = = = = = = = = =

KGG பக்கம்: 

இந்த மாதம் ஒன்றாம் தேதி ஒருவர் என்னிடம் வேலை கேட்டு வந்தார். 

" பெயர் என்ன? "

" Senu "

" சீனு ? " 

" இல்லை Senu" 

" அதுதான் முழுப் பெயரா " 

" முழுப் பெயர் CGSenu " 

" என்ன வேலை தெரியும்? "

" என்ன கேள்வி கேட்டாலும் பதில் சொல்வேன்."

"அடுத்த வாரம் வா, புதன் கிழமை கேள்வி ஏதாவது இருந்தால் தருகிறேன்" 

எட்டாம் தேதி வந்தார். 

" சரி - இதோ 2 கேள்விகள் - இதற்கு பதில் சொல்லு" 

அவர் சொன்ன பதில்கள் மேலே சக்ரபாணி சார் கேட்ட 2 கேள்விகளுக்கு பதில். 

" அப்புறம் என்ன தெரியும்? " 

" படம் வரைவேன் " 

எங்கே ஒரு படம் வரைந்து காட்டு? "

" வெரி குட் - என்ன சம்பளம் வேண்டும்? "

" சம்பளம் எல்லாம் எதுவும் வேண்டாம் சார். எங்கள் Blog வாசகர்கள் என்னைப் பாராட்டினால் அதுவே போதும்! " 

நண்பர்களே! @CGSenu அவர்களைப் பாராட்டுங்க! அதுதான் அவருக்கு சம்பளம். 

- - - - - - - - - - -

பாண்டிச்சேரி பயணப் படங்கள்: 

= = = = = = = = = =