மணிவிழி மூடி கனவுகள் கோடி காண்பதும் உன்னாலே

 

1972 ல் ராம்குமார் பிலிம்ஸ் என்கிற நிறுவனம் (ஒருவேளை சிவாஜி ப்ரொடக்ஷன்ஸாரின் முதல் பெயராக இருக்கலாம்) தயாரிப்பில் வெளியான படம் 'திக்கு தெரியாத காட்டில்'

நாகேஷ் மற்றும்  வி எஸ் ராகவன் கதை.  முத்துராமன், ஜெயலலிதா, மேஜர் , நாகேஷ் நடித்திருந்த திரைப்படம்.  காட்டில் தொலைந்துபோகும் குழந்தை பற்றிய படம். 

வாலியின் பாடல்களுக்கு இசை எம் எஸ் விஸ்வநாதன்.

ஒரு சுவாரஸ்யம், இந்தப் படத்தை அப்படியே ஹிந்தியில் டப் செய்திருந்திருக்கிறார்கள்.  இதன் பாடல்களை இந்த சுட்டியில் இதே டியூனில் ஹிந்தியில் கேட்கலாம்!   

இதில் மூன்று SPB பாடல்கள். அதில் ஒன்றான 'கேட்டதெல்லாம் நான்  தருவேன்'பாடல்தான் இன்று..  உடன் குரல் கொடுத்திருப்பவர் P. சுசீலா.

மற்ற இரண்டு பாடல்கள் 'பாட்டுக்காரன் பாடிப் பார்க்கலாம் ', 'குளிரடிக்குதே கிட்ட வா கிட்ட வா'.  இந்த இரண்டு பாடல்களிலும் குழுவினரோடு SPB பாடி இருப்பார்.

முதல் பாடலில் விசேஷம் என்று நான் என்ன சொல்லுவேன்...   அதேதான்!

கேட்டதெல்லாம் நான் தருவேன் என்னை நீ மரகிக்காதே 

காலமெல்லாம் நான் வருவேன் என்னை நீ தடுக்காதே 

மணிவிழி மூடி கனவுகள் கோடி காண்பதும் உன்னாலே 

பனியிதழ் தேடி பல கதை பேசி வாழ்வதும் உன்னாலே  - கேட்டதெல்லாம் 

மணவறைக்கோலம் தனியறைப் பாடல் மலர்ந்ததும் இந்நாளே 

தலைவனின் நெஞ்சம் தவித்தது கொஞ்சம் கனிந்தது பெண்ணாலே 

ஒரு பொழுதேனும் பிரிவறியாமல் வாழ்வதும் நாம்தானே 

தாயோடு மகளும் தந்தையும் சேர்ந்து காண்பது நலம்தானே

=======================================================================================

இன்னொரு ரசிக்கத்தக்க பாடல் எம் எஸ் ராஜேஸ்வரி பாடி இருக்கும் 'பூப்பூவா பறந்து போகும்' பாடல்.  தொலைந்துபோன குழந்தை பாடுவதாக அமைந்துள்ள பாடல்.  இதுவும் இன்றைய பகிர்வில். 

பூப்பூவா பறந்து போகும்
பட்டுப்பூச்சி அக்கா
நீ பளபளன்னு போட்டிருப்பது
யாரு கொடுத்த சொக்கா

பூப்பூவா பறந்து போகும்
பட்டுப்பூச்சி அக்கா
நீ பளபளன்னு போட்டிருப்பது
யாரு கொடுத்த சொக்கா

 குதிச்சு குதிச்சு ஓடி போகும்
குள்ள முயல் அண்ணா
நீ குதிக்காமல் கொஞ்சம் நில்லு
கூட வரேன் ஒண்ணா

பூப்பூவா பறந்து போகும்
பட்டுப்பூச்சி அக்கா
நீ பளபளன்னு போட்டிருப்பது
யாரு கொடுத்த சொக்கா

பாவாடைப்போல் தோகை விரித்து
புள்ளி மயில் வாயேன்
என் புத்தகத்திலே குட்டி போடவே
பூஞ்சிறகொண்ணு தாயேன்

 தாண்டி தாண்டி கிளைக்கு கிளை
தாவி போகும் குரங்கே
நான் பாண்டி ஆடவே உன்னை வேண்டி கேட்கிறேன்
நீயும் இறங்கி ஓடிவா

 பூப்பூவா பறந்து போகும்
பட்டுப்பூச்சி அக்கா
நீ பளபளன்னு போட்டிருப்பது
யாரு கொடுத்த சொக்கா

 யானைக்குட்டி மாமா நீயும்
தும்பிக்கையை நீட்டு
உன் முதுகின் மேலே குந்திக்க போறேன்
காட்டை சுத்தி காட்டு

 மான் குட்டியே உன் உடம்பு முழுக்க
புள்ளி வச்சதாரு
நீ துள்ளி ஓடினா நானும் துரத்தி பிடிக்கிறேன்
நீயும் ஓடி ஒளிஞ்சிக்கோ

 பட்டு சிவப்பா போல் மூக்கு இருக்கிற
பச்சைக்கிளியே பாரு
இந்த பாப்பாவுக்கு பசி எடுக்குது
பழம் பறிச்சு போடு
இந்த பாப்பாவுக்கு பசி எடுக்குது
பழம் பறிச்சு போடு

 பூச்சி புழுவை கொத்தி திங்கிற
ஒத்தை கண்ணு காக்கா
நீ மறஞ்சு நிக்குறே வடையை திருடி திங்குற
நான்தான் பேச மாட்டேன் போ கா

பூப்பூவா பறந்து போகும்
பட்டுப்பூச்சி அக்கா
நீ பளபளன்னு போட்டிருப்பது
யாரு கொடுத்த சொக்கா 

= = = = = = = = = =

வால் பதிவு: 

ஏப்ரல் மாதத்து படப் போட்டியாக 'மீன்' அறிவித்தோம். 23 ஆம் தேதி பதிவாக வாசகர்கள் அனுப்பிய மீன் படங்கள் வெளியிடப்பட்டு வோட் பதிவு இந்த வாரம் முழுவதும் நடந்துகொண்டு உள்ளது. 

அந்தப் பதிவிற்கும், இன்றைய தேதிக்கும் ஒரு வியப்பான சம்பந்தம் உள்ளது. என்ன தெரியுமா? 

திருமால் எடுத்த பத்து அவதாரங்களில், முதல் அவதாரமாகிய மச்ச அவதாரம் நிகழ்ந்தது, சித்திரை மாதம், தேய்பிறை திரயோதசி நாள் என்று இணையத்தில் ஒரு அற்புதமான குறிப்பு பார்த்தேன். 

இந்த வருடத்தின் சித்திரை மாதம், தேய்பிறை திரயோதசி - 25-04-2025 ஆகிய இன்றுதான்! 

இன்றுதான் முதல் அவதாரமாகிய மச்ச அவதாரம் நிகழ்ந்த நாள்! 

 திருமால் பெருமைக்கு நிகரேது<<<<< சுட்டி 

திருமால் பெருமைக்கு நிகரேது

உந்தன் திருவடி நிழலுக்கு இணையேது

பெருமாளே உந்தன் திருநாமம்

பத்து பெயர்களில் விளங்கும் அவதாரம்

திருமால் பெருமைக்கு நிகரேது

கடல் நடுவே வீழ்ந்த சதுர்வேதம்

தனைக் காப்பதற்கே கொண்ட அவதாரம்

கடல் நடுவே வீழ்ந்த சதுர்வேதம்

தனைக் காப்பதற்கே கொண்ட அவதாரம்.. 

மச்ச‌ அவதாரம்! 

= = = = = = = = = =