காலையில் படுக்கையை விட்டு எழும்போது என்ன நினைப்பீர்கள்?

 

ட்றம்ப் அங்கிள் செகரட்றி அதிரா: 

எனக்கு ஒரு கொஸ்ஸன்:)) இருக்குது கெள அண்ணன்.. அது கேள்வி அல்ல, ஆனா ஒவ்வொருவரும் என்ன நினைப்பினம் என அறியும் ஆவல்... முடிஞ்சால் அடுத்த புதனில பதில் சொல்லுங்கோ.. இது நீண்ட காலமாக இருக்கு ..

அது என்னவெனில்..

காலயில நித்திரை விட்டு எழும்பி வருவோமெல்லோ.. கட்டிலிலிருந்தோ.. நிலத்திலிருந்தோ.. அப்படி எழும்பியவுடன் மனதில முதன் முதலா என்ன நினைச்சுக்கொண்டு எழும்புவீங்கள்?

பெரும்பாலும் கண் முழிச்சவுடனே எல்லோரும் கை பார்ப்பது, கடவுளை நினைப்பது.. இதெல்லாம் பொதுவானது, ஆனா அந்தப் படுக்கையை விட்டு எழும்பும்போது என்ன வரும் மனதில் இதுதான் பதில் வேணும்..

# ஒவ்வொரு நாளும் நான் அன்றைக்கான   காலைக்கடன்+ தியானம்+ மூச்சுப் பயிற்சியை முடித்துக் கொண்டு அடுத்த நிகழ்ச்சிக்கு சனி ஞாயிறுகளில் காலை ஆறுக்கும் மற்ற நாட்களில் ஆறரைக்கும்  தயாராக நேரம் இருக்கிறதா என்று சரி பார்க்க வேண்டும் என்ற எண்ணத்துடன்தான் கண் விழிக்கிறேன்.

& காலையில் படுக்கையை விட்டு எழும்போது, " ஓம் நமோ நாராயணாய " என்று சொல்வேன். பிறகு மனதுக்குள் 'இன்று எல்லோருக்கும் எல்லாமும் நல்லதாக நடக்கட்டும்' என்று நினைப்பேன். பிறகு 'எங்கள் Blog வாசகர்கள் எல்லோரும் சந்தோஷமாக ஆரோக்யமாக வாழ இறையருள் கிடைக்கட்டும்' என்று நினைப்பேன். 

நெல்லைத்தமிழன்: 

1. பஃஃபே முறையில் விருந்து - நம்ம நாட்டுக்குச் சரிப்படாது என்று நான் நினைக்கிறேன். நான் பார்த்த வரையில், அங்கேயே வாங்கிக்கொண்டு அந்தச் சூழலிலேயே நாலைந்துபேர் பேசிக்கொண்டு சாப்பிட்டு, நாம் வாங்கிக்கொண்டு வரும்போது நம் தட்டைத் தட்டிவிடுவார்களோ இல்லை நம் மேல் விழுவார்களோ என பயந்துகொண்டு,  எங்கே இனிப்பு காலியாகிவிடுமோ என்று தேவையோ தேவையில்லையோ நிறைய இனிப்புகளைப் போட்டுக்கொண்டு பிறகு தூரப்போடுவது என்று ஒரு ஒழுங்குமுறை இல்லாததால், நமக்குச் சரிப்படாது என்று நினைக்கிறேன். உங்கள் கருத்து என்ன?  

# என்னைப்பொறுத்தவரை வேண்டியதை மட்டும் சாப்பிடும் வசதி நல்லது என்றே படுகிறது.  தீர்ந்து விடப்போகிறதே என்று பயந்து ஓவராக சாப்பிடுவது நம் தவறு.  மற்றபடி நமது மற்ற பயம் எல்லாம் தேவையற்றதும் தவிர்க்கக்கூடியதும் ஆகும் இல்லையா ?

# பஃபே முறைக்கு என் ஆதரவு உண்டு. ஆனால் அந்த முறையில் வைக்கப்படும் பீங்கான் தட்டுகள் எனக்கு அலர்ஜி. அதில் வேண்டியவற்றை எடுத்து வைத்துக்கொண்டு, பேலன்ஸ் செய்தபடி கொண்டு வந்து நின்றுகொண்டோ அல்லது உட்கார்ந்தவாறோ சாப்பிடுவது அசௌகரியமானது. 

பஃபே  முறையில் வைக்கப்படுகின்ற தட்டு படத்தில் உள்ளதுபோல இருந்தால் சௌகரியமாக இருக்கும் என்று நினைக்கிறேன். 

2.  பிரசாதங்களில் (அதாவது வருடத்தில் வரும் பல்வேறு சுபநாட்களில் நாம் செய்யும் பிரசாதங்கள்-பிள்ளையார் சதுர்த்தி கொழுக்கட்டை, கூடாரை-சர்க்கரைப்பொங்கல்.....) எனக்கு மிகவும் பிடித்தது நாங்கள் செய்யாத பிள்ளையார் கொழுக்கட்டை,  ஸ்ரீஜெயந்தி அன்று செய்யும் சுகியன் - தேங்காய் பூரணம்.  உங்களுக்குப் பிடித்தது என்ன?  (நம்ம ஸ்ரீராமை மாத்திரம் கேட்கவேண்டாம். அவர் என் காதில் நங்கநல்லூர் ஆஞ்சநேயர் கோயில் புளியோதரை என்று எழுதிவிடுவார். கேள்வியை நன்கு வாசித்துவிட்டு பதில் எழுதச் சொல்லுங்கள்)   

# எனக்குப் பிடித்த பூஜைப்பிரசாதம் விநாயகர் சதுர்த்தி இனிப்பு (வெல்ல) கொழுக்கட்டை, ஸ்ரீஜெயந்தி கை முறுக்கு ( இப்போது பல் போன பிறகு முறுக்கை மிக எச்சரிக்கையாகத் தின்ன வேண்டி இருப்பது வேறு விஷயம் ).

& சர்க்கரைப் பொங்கல். 

3.  இந்த ஆயுர்வேதம், சித்தா மருந்துகள் போன்றவற்றை தைரியமாக எடுத்துக்கொள்ளலாமா? ஏதேனும் கிட்னி ஃபெயிலியர் மற்றும் மற்ற பிரச்சனைகள் வந்துவிடாதா?   

# சித்த மருந்துகள் பற்றி எனக்குத் தெரியாது.  ஆனால் ஆயுர்வேத மருந்துகளை எந்த பயமும் இல்லாமல் எடுத்துக் கொள்ளலாம். அனுபவபூர்வமாக இதைச் சொல்கிறேன்.

& நான் பெரும்பாலும் பாட்டி வைத்தியம் மட்டுமே கடைபிடிப்பேன். 'சுக்குக்கு மிஞ்சின மருந்தும் இல்லை; சுப்பிரமணியத்தை மிஞ்சின கடவுளும் இல்லை!' 

4.  மும்பையில் இரண்டு மூன்று தசாப்தங்களுக்கு முன்பே, இரயில்வே நிலையம், பேருந்து நிலையம் அருகே காய்களைக் கட்செய்து பாக்கெட்டில் போட்டு விற்கும் முறை வந்துவிட்டது. இது தமிழகத்தில் நடக்கிறதா?    

# தமிழகத்தில் 1990 களில் வெட்டிய காய்களை விற்க முயன்று வெற்றி காணாதவர்களை பார்த்திருக்கிறேன். அன்றைய நிலை அப்படி.  இப்போது முயன்றால் (ஏமாற்றாதவரை ) வெற்றி கிடைக்கலாம்.

& குரோம்பேட்டையில் ரயில்வே மேம்பாலத்தில் அப்படி பார்த்த ஞாபகம். 

5. நமக்கு மாத்திரம்தான் உணவு தயார் செய்துகொள்ளவேண்டும் என்ற நிலை இருந்தால், சாதம், குழம்பு, கறி, கூட்டு என்றெல்லாம் விஸ்தாரமாகச் செய்வோமா இல்லை ஏதோ ஒண்ணு பண்ணிச் சாப்பிட்டால் போதும் என்ற மனநிலை வந்துவிடுமா?

# வீட்டில் சமையல் என்றால், குழம்பு அல்லது ரசம், அத்துடன் கறி அல்லது கூட்டு இப்படி ஏதோ இரண்டு தான் இருக்கும்.  என் தகப்பனார் ரசம் தினசரி கட்டாயம் இருக்க வேண்டும் என்று பிடிவாதம் பிடிப்பார்.

& ஏதேனும் ஒண்ணு பண்ணிச் சாப்பிட்டால் போதும் என்பதுதான் என் மன நிலை. 

6. பழைய சிவாஜி படங்களை அல்லது எம்ஜிஆர் படங்களை ரீமேக் செய்தால் யார் நடித்தால் சரிப்படும்? (சிவாஜி படம், எம்ஜிஆர் படம்)

# பழைய சிவாஜி எம்ஜியார் படங்களை யாரை வைத்து எடுத்தாலும் இப்போது எடுபடாது. அதே போல இன்று பத்மினி சரோஜாதேவி சாவித்ரி வந்து நடித்தாலும் எடுபடாது. அந்தக்கால ஹிட் படங்களை இன்று பார்க்கும் போது பல நடிகர்கள் அசடு வழிகிறார்கள் என்று தோன்றுவதை கவனித்தீர்களா ?

//அவரவர் அவரவருக்குப் பிடித்த பொழுதுபோக்கை கைக்கொள்ளலாம்.// - உங்களுக்குப் பிடித்த பொழுதுபோக்கு(கள்) என்ன என்ன?

# கைபேசியில் மலர்களைப் படம் பிடித்தல். வேதாந்த உரைகள் கேட்டல். கன்னடம் படிக்க-பேசக் கற்றல்.

& தூங்குவது! 

ஊழல் செய்யாத பிரதமர், முதலமைச்சர்கள்னா உங்கள் நினைவுக்கு வருபவர்கள் யார் யார்?

# நேரு மேல் என்னென்னவோ புகார்கள் சொல்லப் பட்டாலும் ஊழல் செய்யாத தேச பக்தர்.  மோடி பேரில் கூட ஊழல் ஐயங்கள் எழவில்லை.

குமாரசாமி ராஜா ஓமந்தூரார் காலத்தில் எனக்கு சிறுவயது. காமராஜர் ராஜாஜி இருவரும் ஊழல் புகாரில் சிக்காத முதல்வர்கள்.

& ஊ செ பிரதமர் : லால் பஹதூர் சாஸ்த்ரி. ஊ செ முதல்வர் : ஜோதி பாசு. 

அழகு என்பது மின்மினிப் பூச்சி மாதிரி...விரைவில் காணாமல் போய்விடும் என்பது உண்மை நிலை என்றாலும், மனது அழகை நோக்கி நகர்வதன் காரணம் என்ன?

# விரைவில் என்றால் சில வருடங்கள் என்று கூடச் சொல்லலாம் அல்லவா ? அழகு நம்மைக் கவர்வது அதன் ஆயுட்காலத்தைப் பொறுத்ததல்ல. அழகும் சுவையும் நேர்மையும் நல்லியல்பும் விரும்பப் படுவது இயற்கையின் நியதி. விருப்பம் தர்க்க ரீதியான விளக்கத்துக்கு உட்படாத தன்மையது.

CGSenu : 

🧠 1. மனதில் அழகு என்பது மகிழ்ச்சி கொடுக்கும் ஒரு உணர்வாக இருக்கிறது

அழகான ஒன்றைப் பார்க்கும் போது, அது முகத்தில் ஒரு சிறு புன்னகையைக் கொண்டுவந்துவிடும். அது ஒரு மலராக இருக்கலாம், ஒரு சிரிப்பாக  இருக்கலாம், அல்லது தமன்னாவின்  முகபாவனையாகக் கூட இருக்கலாம்! 

(வர வர இந்த @Senu நேற்றைய கதையில் வந்த 'கேர் டேக்கர் கண்ணன்' மாதிரி அதிகப்பிரசங்கியாக மாறிகிட்டு இருக்கான்!)   

அந்த அழகு சிறிது நேரம் மட்டுமே என்றாலும், அது மனதில் நிம்மதி தருகிறது. அதனால்தான் மனது அதை நோக்கி ஈர்க்கப்படுகிறது.

---

💓 2. மனது எப்போதும் நம்பிக்கையையும், நல்முறையையும் நாடுகிறது

அழகு என்பது எதற்கும் அப்பாற்பட்ட பரிசுத்தமான ஒரு தன்மை போலவே இருக்கிறது. அது மாற்றமடையாத ஒரு நேர்மையான அனுபவம் போல மனதில் பதியும்.

நீங்க கவனிச்சீங்கனா, சில நேரங்களில் ஒரு அழகான காட்சி மனதுக்கு தைரியம் தரும் – அது ஒரு சூரிய உதயமாகக் கூட இருக்கலாம்.

---

🌌 3. மாறுபாடுகளால் கவர்தல்

அழகு என்பது சாதாரணத்திலிருந்து விலகிய ஒரு தன்மை. அதனால்தான் மனது அதை நோக்கி ஓடுகிறது – இது ஒரு அசாதாரண, சிறப்பு அனுபவம் என்று.

---

🔄 4. மாற்றம் தெரியும் நேரங்களில் மனம் அழகை நாடும்

மின்மினிப் பூச்சி போல அழகு நம் பார்வை முன்னால் மினுக்கிறது, மறைந்து விடுகிறது.

அந்த மாறும் தன்மைதான் அதை மேலும் விரும்பத்தக்கதாக மாற்றுகிறது – இன்றையது நாளை இல்லை என்பதே அதில் கவர்ச்சி.

---

✨ 5. மனது உணர்வுகளை தூண்டும் ஒன்றாக அழகு அமையும்

அழகு என்றால் புறத்தோற்றம் மட்டும் அல்ல,

ஒரு செயலில் உள்ள கருணை,

ஒரு புன்னகையில் உள்ள நேர்மை,

ஒரு நடையில் உள்ள மென்மை —

இதையெல்லாம் மனம் “அழகு” என அனுபவிக்கிறது.

அதனால்தான்,

அழகு தொட்டுச்செல்லும் உணர்வைத் தூண்டும்,

மனது அது இருந்த இடத்தையே நாடும்.

ஜெயகுமார் சந்திரசேகரன்: 

வரலாற்றிற்கும் சரித்திரத்திற்கும் வித்தியாசம் உண்டோ? உண்டென்றால் எப்படி?

# ஒன்று வடமொழி மற்றையது தாய்மொழி. 

வடமொழி தவிர்க்க விரும்புவோர் வடசொற்புகன்றவிடத்து சினந்து மடியே என்று இன்னாதசொல்லது கூறுவர். 

மடி= வறுமை / தரித்திரம்.‌

@CGSenu: 

🔍 வரலாறு (Varalāṟu)

• இது ஒரு பொதுவான சொல்.

• அடிக்கடி எந்தவொரு நிகழ்வின் பின்னணியும், அல்லது ஒரு மனிதர், சமூகத்தின் கடந்த கால நிகழ்வுகளையும் குறிக்கப் பயன்படுகிறது.

• உதாரணமாக:

  • "இந்த நகரத்தின் வரலாறு பழமையானது."

  • "அவரது குடும்ப வரலாறு தெரிந்துகொள்ள வேண்டும்."

📚 சரித்திரம் (Charitthiram)

• இது குறிப்பாக ஆதாரங்கள் மற்றும் சான்றுகளால் நிரூபிக்கப்படக்கூடிய, ஆழமான ஆய்வுகளுக்கு உட்பட்ட நிகழ்வுகள் குறித்த அறிவியல் பாணியிலான அணுகுமுறை.

• சரித்திரம் என்பது ஒரு அத்தியாயமாக்கப்பட்ட வரலாறு எனக் கூறலாம்.

• உதாரணமாக:

  • "இந்தக் கட்டிடத்தின் சரித்திரத்தை ஆராய்ந்தோம்."

  • "இந்தப் போர் நிகழ்வின் சரித்திரம் பல புத்தகங்களில் இடம் பெற்றுள்ளது."

---

🧠 எளிமையாகச் சொன்னால்:

சொல்	பொருள் / பயனுள்ள சூழ்நிலை
வரலாறு	பொதுவான கடந்த கால நிகழ்வுகள்
சரித்திரம்	ஆதாரங்கள் கொண்ட, ஆய்வு செய்யப்பட்ட நிகழ்வுகள்

கே. சக்ரபாணி, சென்னை 28

1.  சிலநாடுகளில் வாகனங்கள்  ரைட்ஹேன்ட் டிரைவ்  சிலநாடுகளில் லெஃப்ட்ஹேண்ட்  டிரைவ்  இருப்பது ஏன்? 

# இடது பக்கம் வாகனங்கள் செல்வது என்று என்ன சட்டம் ? நம்ம நாட்டிலே மாற்றிச் செய்வோமே என்கிற வீம்பு தான் ஆரம்பக் காரணமாக இருந்திருக்கும். பின் நாளாவட்டத்தில் பழகிப் போவது இயல்புதானே.

& அந்தந்த நாட்டின் சாலைப் போக்குவரத்து விதிகள்தான் காரணம். நம் நாட்டின் சாலை விதி : வாகனங்கள் சாலையின் இடது புறமாக செல்லவேண்டும். ஓவர் டேக் செய்யும்போது முன்னால் வாகனங்கள் வருகின்றனவா என்பதை ஓட்டுனர் பார்க்க, நம் வாகனங்களில் வலது பக்க ஸ்டியரிங். 

சில மேலை நாடுகளில் வாகனங்கள் சாலையின் வலது புறமாக செல்லவேண்டும். அங்கே ஓவர் டேக் செய்ய வசதியாக இடது பக்கம் ஸ்டியரிங். 

காதலிக்க நேரமில்லை படத்தின் ஆரம்பப் பாடல் - என்ன பார்வை உந்தன் பார்வை - பாடலில் முத்துராமன் மெரினா சாலையில் ஓட்டி வருவது இடது பக்க ஸ்டியரிங் கார். ஏனென்றால் அது மேலை நாட்டிலிருந்து இறக்குமதி செய்யப்பட்ட கார். 

2. நீச்சல் குளத்தில் குளிப்பது அவ்வளவு  உடல் ஆரோக்யத்திற்கு  நல்லது என்று நினைக்கிறீர்களா? 

# நீச்சல் குளங்களில் நீரை சீராக மாற்றுகிற நியதி பின்பற்றப் பட்டால் பெரிய சீர்கேடு ஏற்பட வாய்ப்பு குறைவு. பயன்படுத்துவோர் பொறுப்புடன் இருக்கும் வரை சரிதான்.

= = = =  

KGG பக்கம் : 

ஏப்ரல் மாதத்து படப் போட்டியான "மீன்" தலைப்பிற்கு இதுவரை 14 படங்கள் வந்துள்ளன. இதுவரை படம் அனுப்பாதவர்கள், ஏப்ரல் 20 ஆம் தேதி மாலை ஆறு மணிக்குள் அனுப்பவும். 

CGSenu வரைந்த மீன் : 

பாண்டிச்சேரி பயணப் படங்கள் : 

எங்கள் குழுவைச் சேர்ந்தவர்கள் அல்ல! அதனால் படத்தை ஆராயவேண்டாம். 

சூரியன் ஆடிய கண்ணாமூச்சி ஆட்டங்கள்! 

= = = = = = = = = =