எந்த நாட்டுப் பெண்கள் அழகு?

 

கேள்வி பதில்கள் : 

நெல்லைத்தமிழன் : 

1.  ஹ்யூமனாய்ட் ரோபோக்களை ஏன் பெண்கள் மாதிரியே வடிவமைக்கறாங்க? அந்த ரோபோக்களால் என்ன என்ன உபயோகம்?  

# விளம்பரத்துக்கும், சினிமா நாயகிகளாக தேர்வு ஆவதற்கும், வரவேற்பு மேஜை அருகே நின்று சிரிக்கவும் ஏன் பெண்களைக் கூப்பிடுகிறார்களோ அதே காரணம்தான். அமுல் விளம்பரங்களில் காணப்படுவது கூட ஒரு சிறுமிதானே.‌

2.   மனித உணர்ச்சிகளை இந்த ரோபோவிற்குக் கடத்துவதால் என்ன பிரயோசனம்?  பெண்களுக்குப் பதிலாக ரோபோவைத் திருமணம் செய்துகொண்டால் வாழ்க்கை இன்னும் நல்லா இருக்கும் என்று விஞ்ஞானிகள் கருதுகிறார்களா?

(அட்டுப் படங்களை நீங்கள் போட்டுவிடக்கூடாது என்பதற்காக நானே படங்களை அனுப்பியுள்ளேன்!) 

3. செய்திகளை வாசிக்கவும் சில பல சேனல்களில் (இந்தியாவில் அல்ல என்று நினைக்கிறேன்) இத்தகைய ரோபோக்களை உபயோகிக்கிறார்களே.  வேலையிழப்பு ஏற்படும் என்று ஏன் இந்த கம்யூனிஸ்டுகள் போராடுவதில்லை (அவங்க பல வருஷங்களாகவே எதற்கும் போராடுவதில்லை, கூட்டணிக்கு ஜால்ரா போடுவதிலேயே குறியாக இருக்காங்க என்பது வேறு விஷயம்)   

# 2 & 3 : மனித மூளையை ஃபாக்டரியில் தயாரிக்கும் முயற்சியில் இதுவும் ஒரு படி.

4. எத்தனையோ எத்தர்கள் பத்திரிகையாளர்கள் என்ற போர்வையில் யூடியூப் காணொளி வைத்துக்கொண்டு நுழைகிறார்களே. அதிலும் கட்சியிடம் பணம் வாங்கிக்கொண்டு அதற்கு ஏற்றபடி கருத்துக்களைப் பரப்புகிறார்களே. இந்த எத்தர்களை உள்ளே தள்ள எந்தச் சட்டமும் இல்லையா?

# இந்த மாதிரி எதிர்ப்பு ஊடகக் காரர்கள் ஜனநாயகத்துக்கு இன்றைய தேவை என்று ஒரு கருத்து நிலவக் காரணம் பல பொது ஊடகங்கள் ஒரே காரணத்துக்காக நடுநிலை பிறழ்ந்து விட்டதுதான். இதற்கு மேல் இது பற்றி விளக்கமாக சொல்ல வசதி இல்லை.

5. இந்த நாட்டுப் பெண்கள்தான் மிக மிக அழகானவர்கள் என்று ஒரு நாட்டின் பெண்களைப் பற்றிச் சொல்லிவிட முடியுமா? உங்கள் கண்ணோட்டத்தில் எந்த நாட்டைச் சேர்ந்த பெண்கள் அழகு என்று நினைக்கிறீர்கள்?

# பதில் தெரியாத வினா. தெரிய வரும்போது எனக்கும் சொல்லுங்கள்.

& அட! உலகம் சுற்றும் வாலிபர் கேட்கின்ற கேள்வியா இது! கீழே உள்ள KGG பக்கம் படிக்கவும். 

கே. சக்ரபாணி சென்னை: 

ராஜாமணி மற்றும். சூர்யா  போன்ற சில பெயர்களை  ஆண்.    பெண்  இருபாலரும். வைத்துக்கொள்வார்கள்.   அதேபோல்   ஒரே  பெயர்கொண்ட   கணவன் மனைவியை. பார்த்ததுண்டா.  அல்லது  கேள்விப்பட்டதுண்டா? 

# தொலைக்காட்சித் தொடரில் பார்த்ததும் உண்டு ஆடியோ கேட்டதும் உண்டு. (ரமணி Vs ரமணி) 

& எங்கள் சகோதரர் ரமணி என்னும் வெங்கடரமணி, சகோதரி வனமாவி(னி)  - இருவர் பெயரும் ஆண், பெண் இருவருக்கும் உண்டு.   சகோதரர்களில் சந்திரா என்ற சந்திரசேகர் உண்டு! 

பானுமதி வெங்கடேஸ்வரன்: 

வாதாபி கணபதியை பரஞ்சோதி என்னும் சிறுதுண்டுகளாக பிரதிஷ்டை செய்தது திருச்செங்காட்டங்குடியிலா? திருவாரூரிலா?

# திருச்செங்காட்டங்குடியில்தான்.  திருவாரூர் ஆலயத்திலும் வாதாபி கணபதி சந்நிதி உண்டு. நடராஜர் சந்நிதி தில்லையில் விசேஷம்.  எனினும் எல்லா சிவஸ்தலங்களிலும் நடராஜர் அருள் பாலிப்பது போல் வாதாபி கணபதியும் பல தலங்களில் தரிசனம் தருகிறார்.

(சிறுத்தொண்டரை சிறு துண்டுகளாக்கிவிட்டீர்களே !)

= = = = = = = = = =

படமும் பதமும் 

நெல்லைத்தமிழன் :

இதுதான் தலைக்காவிரி என்று சொல்லப்படும் இடம். இங்குதான் காவிரி உற்பத்தியாகிறது. சிறிய ஊற்றுப்போல இருக்கும் இடம் இது. அங்கு காவிரி அன்னைக்குச் சிறிய சன்னிதி அமைத்திருக்கிறார்கள். உற்பத்தி ஸ்தானத்திலிருந்து காவிரி நீரை நமக்குத் தெளிக்கின்றனர். அதன் முன்பு ஒரு சிறிய குளம் போன்ற அமைப்பு இருக்கிறது. அங்கு நீராட (பக்தியுடன்) வசதி செய்திருக்கிறார்கள். இங்கிருந்து பக்கத்தில் நீரோடை போன்று செல்லும் காவிரி, இடையில் காட்டில் மறைந்துவிடுகிறதாம். பிறகு இன்னொரு இடத்தில் வெளியாகி சிறு ஆறாக வெளிப்படுகிறது. 

உற்பத்தியாகும் ஊற்றிலிருந்து பக்கத்தில் உள்ள தொட்டி வடிவில் இருக்கும் இடத்துக்குச் செல்லும் காவிரி நீர் பிறகு நீரோடையாக வெளியே காட்டுவழிச் செல்கிறது. 

= = = = = = = = = = = =

KGG பக்கம்:

எந்த நாட்டுப் பெண்கள் அழகு? 

உலகில் அழகான பெண்களை கொண்ட நாடுகள் எது தெரியுமா? இந்தியாவிற்கு எத்தனையாவது இடம் ?

பெண்கள் என்றாலே அழகுதான். அதிலும் ஒவ்வொரு நாட்டினரும், தங்கள் நாட்டுப்  பெண்கள்தான் அழகு என்று போட்டி போட்டுக்கொண்டு வருவார்கள். ஒவ்வொரு நாட்டினுடைய கலாச்சாரமும், பண்பாடும் கூட இதில் அடங்கும். கலாச்சார உடைகளை அணிந்து பெண்கள் வந்தால், அவர்கள் தேவதைபோல மற்றவர் கண்களுக்கு தெரிவார்கள்.

உலகின் மிக அழகான பெண்களைக் கொண்ட நாடுகளில் ஸ்வீடன், இந்தியா, ஈரான் போன்ற நாடுகள் பட்டியலில் இடம் பிடித்துள்ளனர். பொதுவாக இந்தியாவின் பாரம்பரிய உடை என்பது ஒவ்வொரு மாநிலங்களை பொருத்து மாறுபடும். ஆனால், பெரும்பாலும் ஆண்களுக்கு வேட்டி, சட்டை, பெண்களுக்கு புடவை என்பதுதான் உடையாக இருந்து வருகிறது. அதை உடுத்தும் விதம் மட்டும் மாறுபடும்.

#ஸ்வீடன்:

அழகு, சிலை, பொன்னிறம், பொருத்தம் மற்றும் உடல்வாகு என்று அறியப்பட்டவர்கள் ஸ்வீடன் நாட்டுப் பெண்கள். ஸ்வீடன் நாட்டு தலைநகரான ஸ்டாக்காமில்தான் உலகிலேயே பேரழகு நிறைந்த பெண்களின் பேரணி இருக்கிறது என்று டிராவலர்ஸ் டைஜஸ்ட் என்ற இதழ் குறிப்பிட்டு இருந்தது.

காரணம்:

வலிமைமிக்க வைக்கிங்ஸ் தங்கள் மரபணுக்களை ஸ்காண்டிநேவிய நாடுகளில் பரப்பியதன் விளைவாகதான் சுவீடன் பெண்கள் மிக அழகாக இருக்கிறார்களாம். ஸ்காண்டிநேவியா முழுவதும் கிராமங்கள் மற்றும் டவுன்ஷிப்களை வைக்கிங்ஸ் தன்வசம் வைத்திருந்தபோது, அவர்கள் பெண்களை மிகவும் அழகாக அருள்பாலிகளாக எடுத்துக் கொண்டனர். இதனால் வலுவான, கட்டமைக்கப்பட்ட மற்றும் கவர்ச்சிகரமான சந்ததிகள் அவர்களுக்கு தொடர்ச்சியாக கிடைக்கின்றன.

#இத்தாலி:

இத்தாலி நாட்டுப் பெண்கள் பாஸ்தா மீதான அதீத காதலின் காரணமாக ஆலிவ் நிறமுடைய தோல் மற்றும் வடிவான உருவங்களுடன் அழகாக இருக்கிறார்கள். இத்தாலிய பெண்கள் ஐரோப்பாவின் மிக அழகான பெண்கள் என்பதில் எந்த ஆச்சரியமும் இல்லை. சோபியா லோரன் முதல் மோனிகா பெலூசி வரை, இத்தாலிய பெண்கள் தங்கள் கவர்ச்சி, வெளித்தன்மை, அழகு மற்றும் உச்சரிப்புகள் ஆகியவற்றால் இத்தாலிய மற்றும் அமெரிக்க சினிமா இரண்டிலும் கொடிக்கட்டி பறக்கின்றனர்.

காரணம்:

இத்தாலிய பெண்களை உண்மையில் அழகாக மாற்றுவது அவர்கள் உணவு முறைதான் என்கிறார்கள். அவர்கள் உணவை சாப்பிடுவதற்கு யோசிப்பதில்லை. மிலன் இத்தாலியின் பேஷன் தலைநகராகும். அங்கு ஒல்லியாக இருக்கும் மாடல்கள் பலர் நிரம்பிருந்தாலும், இத்தாலிய பெண்கள் பீஸ்ஸா மற்றும் ஜெலட்டோவை அதிகம் உண்பார்கள். மேலும், மத்தியதரைக் கடல் உணவுகளையும் அவர்கள் அதிகம் உண்பார்கள். அது எவ்வளவு ஆரோக்கியமானது என்பதே இதற்குக் காரணம்.

#கொலம்பியா:

தங்க பழுப்பு நிற சரும பராமரிப்பு, அடர்த்தியான மற்றும் ஆரோக்கியமான கூந்தல் மற்றும் வடிவான உருவங்களுடன் கவர்ச்சியான தோற்றத்திற்கு கொலம்பிய பெண்கள் பெயர் பெற்றவர்கள் என்பதில் ஆச்சரியமில்லை. ஷகிரா முதல் சோபியா வெர்கரா வரை, கொலம்பிய பெண்கள் தங்களுடைய அழகால் ஹாலிவுட்டில் ஒரு புயலை ஏற்படுத்தியுள்ளனர். மேலும், வெவ்வேறு துறைகளிலும் தங்களுடைய பெயரை நிலை நிறுத்தியுள்ளனர்.

காரணம்:

கொலம்பியா பெண்கள் அழகாக இருப்பதுடன், தங்களுடைய கலாச்சாரம் மற்றும் பாரம்பரியத்தைப் பற்றி நம்பிக்கையுடனும் பெருமையுடனும் இருப்பார்கள். இது அவர்களை மிகவும் க வர்ச்சிகரமானதாகவும் அழகாகவும் ஆக்குகிறது.

#இந்தியா:

இந்தியா மிகவும் மாறுபட்டது என்பதால், இந்நாட்டு பெண்களின் அழகு எல்லா வடிவங்களிலும் வருகிறது. நாட்டின் தெற்கில் இருந்து வரும் பெண்கள் நேர்த்தியான பழுப்பு நிற தோல், அடர்த்தி நிறைந்த கருமையான முடி மற்றும் பெரிய  கண்களுக்கு பெயர் பெற்றவர்கள்.

வடகிழக்கு பெண்கள் பளபளப்பான தோல், நேரான முடி மற்றும் கவர்ச்சியான ஆலிவ் தோலுக்கு பெயர் பெற்றவர்கள். நாட்டின் வடக்குப் பகுதியைச் சேர்ந்த பெண்கள் வெண்மையான தோல், மெல்லிய மற்றும் வலுவான உடல்கள் மற்றும் பாதாம் வடிவ கண்களுக்கு பெயர் பெற்றவர்கள்.

காரணம்:

மொத்தத்தில், இந்தியாவின் பன்முகத்தன்மைதான் மக்களை ஈர்க்கிறது. இங்கு பல மொழிகள், பல கலாச்சாரங்கள், பலவிதமான உணவு முறைகள் மற்றும் விருந்தோம்பல் என எல்லாம் கலந்து பன்முகத்தன்மை கொண்டதாக இருக்கிறது. மேலும் பெண்களை தெய்வமாக வழிபடும் வழக்கமும் இந்தியாவில் உள்ளது. இந்தியாவின் கலாச்சாரம், பண்பாடு, வாழ்க்கை முறை என அனைத்தும் இந்திய பெண்களை இன்னும் அழகாக காட்டுக்கிறது.

#ஈரான்:

மத்திய கிழக்குப் பகுதியின் மிகச்சிறந்த பெண்களின் வீடாக அறியப்படுவது ஈரான். பளபளப்பான தோல் மற்றும் ஒளிபொருந்திய கண்கள் மற்றும் கூந்தல் ஆகியவற்றின் மொத்த கவர்ச்சியான கலவையுடன், உலகின் அதிசயமான சில பெண்கள் ஈரானில் இருந்தால் ஆச்சரியப்படுவதற்கில்லை. ஈரான் நாட்டு பெண்களின் அடர்த்தியான கூந்தலைக் கண்டு உலகெங்கிலும் உள்ள பெண்கள் பொறாமை கொள்வார்களாம்.

காரணம்:

ஈரான் பெண்கள் பெரும்பாலானோர் ஹிஜாப் அல்லது புர்காதான் அணிவார்கள். அதற்கு பதிலாக அவர்கள் முக அம்சங்களை மேம்படுத்துவதில் கவனம் செலுத்துகிறார்கள். இதன்காரணமாக அழகான பொலிவான சருமங்களை அவர்கள் பெறுகிறார்கள்.

#பிரேசில்:

உலகிலேயே கவர்ச்சியான உடலை கொண்ட பெண்களில் முதலிடத்தில் இருப்பது பிரேசில் நாட்டு பெண்கள்தான் என்கிறது முன்பு எடுக்கப்பட்ட ஆய்வு ஒன்று. பிரேசிலிய பெண்கள் குடியேற்றம் காரணமாக உலகின் மற்ற பெண்களை விட மிகவும் மாறுபட்டவர்களாக இருக்கிறார்கள். பிரேசிலில் பொன்னிற மேனியை கொண்ட அழகிய பெண்கள் அதிகமாக இருந்தால் ஆச்சரியப்பட வேண்டாம்.

காரணம்:

அமெரிக்காவைப் போலவே, பிரேசிலும் வெவ்வேறு கலாச்சாரங்களை கொண்டது. பிரேசிலிய பெண்களின் குறிப்பிடதக்க அம்சம் என்னவென்றால், பிரேசிலில் குடியிருப்பதுதான் என்கிறார்கள். மேலும், அவர்களின் அழகிய உடலமைப்பு, தனித்துவமான அம்சங்கள், மகிழ்ச்சி உணர்வு மற்றும் நட்பு தன்மை ஆகியவற்றால் அறியப்பட்ட பிரேசிலிய பெண்கள் குறிப்பிடதக்கவர்களாக இருக்கிறார்கள்.

#எகிப்து:

உலகின் மிக அழகான பெண் இளவரசி கிளியோபாட்ரா என்பது வரலாற்றில் பொறிக்கப்பட்ட பெயர். இந்த பட்டியலில் எகிப்து நாட்டு பெண்கள் அழகானவர்கள் என்று காண்பிப்பதில் எந்த ஆச்சரியமும் இல்லை. பெரும்பாலான எகிப்திய பெண்கள் இளமையான வட்ட முகங்களுடன், அழகிய கன்னங்களுடனும், ஒளிபொருந்திய கண்களுடனும் மற்றும் அழகான உதடுகளையும் கொண்டவர்கள்.

காரணம்:

தங்களின் உடல் அழகை கவனிப்பதில் எகிப்து பெண்கள் முழு கவனத்தையும் செலுத்துவார்கள். 2011 எகிப்திய புரட்சிக்குப் பிறகு, பெண்கள் ஒரு அரசியல் அறிக்கையை வெளியிட்டு, அதில் ஃபேஷனைப் பயன்படுத்தத் தொடங்கினர். அவர்கள் பிரகாசமான வண்ண ஹிஜாப் மற்றும் அழகிய வேலைபாடுகள் கொண்ட நகைகளை அணியத் தொடங்கினர். இது அவர்களின் அழகையும்  கவர்ச்சியையும் மேலும் மெருகேற்றியது.

#நைஜீரியா:

நைஜீரிய பெண்கள் உயரமாக இருப்பதில் பிரம்பலானவர்கள். மேலும் அவர்களுடைய பாலுணர்வு, உடல் வாகு, வசீகரிக்கும் கவர்ச்சி காரணமாக அழகானவர்களாக இருக்கிறார்கள். அழகான செப்பு நிறமுடைய தோலுடன், நடிகைகள் சிலர் நைஜீரியாவிலிருந்து வருவதில் ஆச்சரியமில்லை. அவர்கள் வசீகரம், துணிச்சல் மற்றும் படைப்பு இயல்பு ஆகியவற்றிற்கும் பெயர் பெற்றவர்கள்.

#ஆஸ்திரேலியா:

வெளீர் நிறமுடைய முடி, வெண்மையான நிறம், அழகிய உடல் அமைப்பு மற்றும் சுலபமான இயல்புடன், ஆஸ்திரேலிய பெண்கள் ஹாலிவுட்டை அசத்துவது ஆச்சரியமில்லை. நிக்கோல் கிட்மேன், மார்கோட் ராபி முதல் ரெபெல் வில்சன் வரை ஆஸ்திரேலிய பெண்கள் சுவாரஸ்யமான உச்சரிப்புகளுக்கும், நகைச்சுவை உணர்விற்கும் பெயர் பெற்றவர்கள். அவர்கள் மிகவும் வேடிக்கையாகவும், ஸ்போர்ட்டியாகவும் அறியப்படுகிறார்கள்.

'உலகில் அழகான பெண்களை கொண்ட நாடுகள் பட்டியலில் இடம் பிடித்த நாடுகளில் உள்ள பெண்கள் மட்டும்தான் அழகா?' என்றால், இவ்வுலகில் பிறந்த அனைவரும் அழகே. இறுதியாக அழகு என்பது பார்ப்பவரின் கண்ணில் இருக்கிறது. ஒருவருக்கு அழகாக தெரிவது உண்மையில் இன்னொருவருக்கு அழகாக தெரிவதில்லை. ஒவ்வொருவரும் தங்கள் தனித்துவமான வழியில் அழகாகவும் சிறப்பாகவும்தான் இருக்கிறார்கள். அழகு என்பது நம் எண்ணத்திலும், வாழும் வாழக்கையிலும் இருக்கிறது என்பதை உணர வேண்டும்.

Facebook பதிவு ஒன்றில் பாராஞ்சி சங்கர் என்பவரின் பதிவு. 

= = = = = = = =

Facebook பதிவுக்கு படங்கள் சேர்த்து, பட்டி பார்த்து செப்பணிட்டு வெளியிட்டுள்ளேன்.  

வாசகர்கள், மேற்கண்ட படங்களில் எந்த நாட்டுப் பெண் அழகு என்று கருத்துரை இடவும். 

= = = = = = = == = = = = =

அழகு பற்றி எழுதும்போது முன்பு பத்மா சேஷாத்ரி பள்ளியின் நிர்வாகி திருமதி ஒய் ஜி பி அவர்கள் சொன்ன ஒரு சம்பவம் நினைவுக்கு வருகிறது. அவர்களின் குடும்ப நண்பர் ஒருவரின் பையன், குஜராத் மாநிலத்தைச் சேர்ந்தவன். அவனுக்கு திருமணத்திற்கு பெண் பார்த்து பரிந்துரைக்க திருமதி ஒய் ஜி பி முயற்சிகள் செய்தாராம். 

அந்தப் பையனிடம், தமன்னா போன்ற ஒரு படத்தைக் காட்டி இந்தப் பெண் பிடித்திருக்கிறதா என்று கேட்டாராம்.  அதற்கு அவன் இல்லை என்று சொல்லிவிட்டான். 

அப்புறம் திரிஷா போன்ற பெண் படம். ஊஹூம் அவனுக்குப் பிடிக்கவில்லை. 

அனுஷ்கா? கொஞ்சம் பரவாயில்லை ஆனாலும் சரியில்லை. 

பாவனா? ஊஹூம் !! 

" ஏண்டா உனக்கு இவர்கள் யாரையும் பிடிக்கவில்லை?" என்று கேட்டாராம். 

" ஆண்ட்டி - இவர்கள் யாருக்குமே எங்க குஜராத்தி பெண்கள் போல அழகான பெரிய வயிறு இல்லை - அதனால் பிடிக்கவில்லை " என்று சொன்னானாம்! 

= = = = = = = = = =