திங்கக்கிழமை 160718 :: ஓட்ஸ் அடை.

          எங்கள் அலுவலகத் தோழி ஹேமா புதுசு புதுசாக நிறைய ரெசிப்பிக்கள் முயற்சி செய்வார்.  எல்லாம் ஆரோக்கிய சமையல்!  இரண்டு நாட்களுக்கு முன் ஓட்ஸ் அடை செய்தேன் என்று கூறி, வழிமுறைகளையும் சொன்னார்.  

          நானும் இந்த சனி, ஞாயிறில் செய்து விடலாம் என்று பார்த்தால் நேரம் அமையவில்லை.  அதற்குள் அவரே கொஞ்சம் அரைத்த மாவைக் கொண்டுவந்து கொடுத்து விட்டார்.  இதை அடை என்று சொல்வதை விட ("ஆமாம், இதை ஏன் அடை என்று சொல்கிறீர்கள், ஹேமா?")  தோசை என்றே சொல்லலாம்.  என்ன பெயரிட்டு அழைத்தாலும் சுவை நன்றாக இருந்தது.  

படத்தில் உள்ள இரண்டு பொருட்களில் எது ஓட்ஸ், எது அவல் என்று கண்டு பிடிக்க முடிகிறதா?!!

          ஒரு கப் அவலுக்கு முக்கால் கப் ஓட்ஸ், கால் கப் அரிசி, இரண்டு டேபிள் ஸ்பூன் ரவை எடுத்து 10 நிமிடங்கள் ஊற வைத்துக் கொள்ளவும்.  அரிசிக்கு பதிலாக இரண்டு கரண்டி அரிசி மாவு அல்லது தோசை மாவு கூடச் சேர்த்துக் கொள்ளலாம்.

          4 சின்ன வெங்காயம், (அல்லது ஒரு பெரிய வெங்காயம்) 3 பல பூண்டு, ஓரிரு ஈர்க்கு கறிவேப்பிலை ஆகியவற்றை கொஞ்சம் சோம்பு, பட்டை மிளகாய் (தேவையான அளவு) ஆகியவற்றுடன் முதலில் மிக்சியிலிட்டு அரைத்துக்கொண்டு, அதனுடன் ஊற வைத்திருக்கும் ஓட்ஸ், அவலையும் சேர்த்து அரைத்து எடுத்துக் கொள்ளவும்.

          தோசையாக அல்லது அடையாக வார்த்து எடுத்துச் சாப்பிட வேண்டியதுதான்.

          தக்காளி சட்னி இதற்கு நல்ல பொருத்தமாய் இருக்கும் என்றாலும், இதற்கும் தொட்டுக்க கொள்ள எதுவும் தேவை இல்லை என்றே தோன்றியது எனக்கு.  எங்கள் வீட்டில் நேற்று காலை டிபனாக வெந்தய தோசை செய்து, அதற்கு தேங்காய் சட்னி அரைத்திருந்ததால், அதைத் தொட்டுக்க கொண்டே சாப்பிட்டோம்.

ஞாயிறு 367 :: தன்னம்பிக்கை

                     

                                           

பாஸிட்டிவ் செய்திகள் - கடந்த வாரம்

1)  வாழ்க வளமுடன்...  வாழ்க பல்லாண்டு..   கிரண்.

 

2)  வாழ்த்துவோம்.  பெருமை கொள்வோம்.  கடலில் வீர தீரச் செயல் புரிவதற்காக ஐ.நா.வின் சர்வதேச கடல்சார் அமைப்பு அளிக்கும் விருதை முதல் முறையாக இந்திய கடற்படையைச் சேர்ந்த பெண் கேப்டன் ராதிகா மேனன்.

 

3)  தொழில் நுட்பத்தைப் பொழுதுபோக்குக்குப் பயன்படுத்தாமல் ஆக்கபூர்வமாகப் பயன்படுத்தும் அரசுப்பள்ளி ஆசிரியர் சூரியகுமார்.

 

4)  ஏற்கனவே ஆதரவற்ற குழந்தைகளைத் தத்தெடுத்து ஆதரவளித்துவரும் நடிகை ஹன்ஸிகா இப்போது சாலையோரங்களில் படுத்திருப்போருக்கு அவர்கள் தூங்கும்போது யார் தந்தார்கள் என்று தெரியாத நிலையில் கூட போர்வைகளை அவர்கள் அருகில் வைத்துச் செல்லும் காட்சியை தொலைக்காட்சியில் நானும் கண்டேன்.  விழித்திருந்தவர்களுக்கு அவர்கள் கையில் தந்து சென்றார்.

 

6)  பிச்சை புகினும் கற்கை நன்றே..  பிச்சை எடுத்தும் உதவுதல் பெரிதே..  புல் பாண்டியன்.

 

5)  முகநூல் மூலம் கிடைத்த ஒரு பாஸிட்டிவ் முத்து.

 

வெள்ளிக்கிழமை வீடியோ 160715:: நட்பு வேண்டுகோள்?

     

   

வியாழன் வில்லங்கம் 160714 :: எது, எது, எத்தனை? பதில்கள்.

         

    

மாதவன் முதல் ஆளாக வந்து பதில் சொல்லியிருக்கிறார். சினிமா கேள்விகளை ஒதுக்கிவிட்டார். மூன்றாவது கேள்விக்கு  அவர் சொல்லியிருக்கும்  பதில், அவருக்கே உரிய, மாற்றி யோசிக்கும் திறமையை வெளிக்காட்டுகிறது. வாழ்த்துகள். (ஆனா எங்கள் பதில் வேறு.)

ராமாராவ் எல்லா பதில்களையும் சரியாக சொல்லியிருக்கிறார். வாழ்த்துகள். மூன்றாவது  கேள்விக்கு பதிலாக இருபத்தைந்து என்று சொல்லியிருப்பதற்கு  அவர் விளக்கம்  எதுவும்  அளிக்கவில்லை. எங்கள் பதிலைப் பார்த்த பிறகாவது ஏதேனும் சொல்கிறாரா என்று பார்ப்போம்!       
மாடிப்படி மாது ரொம்ப  சுலபமா  பதில்  சொல்லியிருக்கார். வாழ்த்துகள். 
      
ஆ வி  முதல் இரண்டு கேள்விகளுக்கும் டாண், டாண்  என்று  பதில் சொல்லி, மூன்றாவது கேள்விக்கு  டாண்  + டாண்  என்று பதில் சொல்லியிருக்கார். கொஞ்சம் வித்தியாசமா யோசிச்சிருக்கார்.  வாழ்த்துகள். 

வல்லிம்மா நாங்க கேட்காத கேள்விக்கு சரியான பதில் சொல்லியிருக்கார்! என்றும் இனிதே வாழவேண்டும்!  
     
அனுராதா பிரேம் கோடிட்ட  இடங்களைப் பூர்த்தி செய்யாமல், மூன்றாவது கேள்விக்கு மட்டும் சுலபமா பதில் சொல்லியிருக்கார். நாங்க அவ்வளவு சுலபமா ஏதேனும் கேள்வி, எப்பவாவது கேட்டிருக்கோமா !  

மாதவன் மீண்டும் முயன்று, Amazing பதில்கள் சொல்லியிருக்கார். எங்கள் கேள்விகளில் Amazon எங்கேயிருந்து வந்தது என்று நான் என்னுடைய (இல்லாத) மூளையைக் கசக்கி ஆராய்ந்து கொண்டிருக்கின்றேன். ஏதாவது கிடைத்தால் சொல்கிறேன். 

கீ சா மேடம் பட ஆராய்ச்சி செய்துள்ளார். அந்தப்படத்தில், என்னுடைய கேள்விக்குத் தக்கவிதத்தில் மாற்றங்கள் செய்து வெளியிட்டுள்ளேன். யாரும் அதை கவனிக்கவில்லை என்று நினைக்கின்றேன். 

ஏஞ்சலின் மேடம் சடார் சடார் என்று இரண்டு பதில்கள் கொடுத்துள்ளார். ஆனந்த ஜோதியை ஏற்றியது சரி .... ஆனால், மூன்றாவது கேள்வியில ஏதோ சூது இருக்குன்னு நீங்க சஸ்பெக்ட் பண்ணலியா மேடம்? 

=======================  

இப்போ எங்கள் பதில்கள் : 

முதல் இரண்டுக்கும் பெருவாரியான வாசகர்கள் சரியான பதில் சொல்லிவிட்டீர்கள். (ஆனந்த ஜோதி, காவல்காரன்)  

மூன்றாவது கேள்விக்கு எங்கள் பதில்:   25 
அது எப்படி என்றால் ......  

போன வாரம் மூன்றாவது கேள்விக்கு என்ன சொன்னோம்? 

......... 
 F உடனே  கோபம் வந்து, அருவாள்  வாங்குவதற்காக அவசரமா கிளம்பிப் போயிடிச்சு.  ......  

அருவாள் வாங்கப்போன F இன்னும் திரும்பி வரலை. So, 26 - 1 = 25. 
     

(எங்கே கிளம்பிட்டீங்க? ஆட்டோ ஸ்டாண்ட் க்கா? ஆட்டோ அனுப்பப் போறீங்களா! எஸ்கேப்) 

      

       

மீண்டும் அடுத்த வாரம் சந்திப்போம்! 

            

புதன் புதிர் 160713 :: எது, எது, எத்தனை?

   
போனவாரம்  சொன்னாப்போல   ரொம்ப சுலபமா கேள்விகள்  செட்  பண்ணிட்டேன். 

பதிலும்  சுலபமா  சொல்லிடுவீங்க என்று தெரியும். 

ஒரே பதிலையே  எல்லோரும்  சொன்னாலும்  ஓ கே! ஆனால்,  தயங்காம  சொல்லுங்க. 

எங்கள் பதில்கள் (தேவை என்றால்) நாளைய பதிவில் .


கேள்வி ஒன்று :  

மக்கள் திலகம் எம்ஜியாரும், உலகநாயகன்  கமலும் இணைந்து நடித்த, முதல் தமிழ்ப் படம் எது?   
     

கேள்வி  இரண்டு :  

மக்கள் திலகம்  எம்ஜியாரும், எவர் கிரீன் நடிகர் சிவகுமாரும் இணைந்து நடித்த முதல் தமிழ்ப் படம் எது?
     

  

கேள்வி மூன்று  : 

ஆங்கில எழுத்துகள், A  தொடங்கி,  Z வரை மொத்தம் எத்தனை எழுத்துகள்?  
   

    

நாளை  சந்திப்போம்?  

    

கேட்டு வாங்கிப் போடும் கதை :: கதையல்ல நிஜம்

          எங்கள் ப்ளாகில் இந்த வார "கேட்டு வாங்கிப் போடும் கதை" பகுதியில் இடம்பெறும் கதைக்குச் சொந்தக்காரர் வல்லிசிம்ஹன்.

          வல்லிம்மாவின் தளம் நாச்சியார்.

          வல்லிம்மா.  அன்பும் பாசமும் நிறைந்த எழுத்துகளுக்குச் சொந்தக்காரர்.  அவரோடு பேசியவர்கள் அவரின் பேச்சில் இழைந்தோடும் அன்பையும், அக்கறையையும் உணர்வார்கள்.  அவர் தளம் சென்று படித்தவர்கள் அவரின் எல்லாப் பதிவுகளிலும் இடம் பெற்றிருக்கும் ஒரு வார்த்தையைக் கவனித்திருக்கலாம்.

          "எல்லோரும் இனிதாக வாழ வேண்டும்"

          இந்த வரிகளை அவர் இந்தக் கதையிலும் சேர்த்திருக்கிறார்.

          இனி அவரின் ஒரு சிறிய முன்னுரை.  அதைத் தொடர்ந்து அவரின் படைப்பு.


=================================================================

       

நன்றி ஸ்ரீராம்.

     இதோ கதை வந்த காரணம்.

     2008 இல் வீட்டை திருத்தி அமைத்து  இன்னொரு அறை கட்ட ஆரம்பித்தோம் அதற்கு வந்த கொலத்துக்காரர், சித்தாள் பத்து நபர்கள்.

     அதில் ஒரு தம்பதி இந்தக் கதையின் அம்மா அப்பா.  நிஜமாவே நடந்த சம்பவம். தினம் முருகானந்தத்தின் மனைவி மாப்பிள்ளையின் போக்கைச் சொல்லி அழுவாள்.

     நானும் இவரும் குறுக்கிட்டு அந்த  மனுஷனைக் கண்டிக்கலாம் என்றால் இவர்கள் மறுத்துவிட்டார்கள்.  பெண்ணுக்கு ஏதாவது தீமையாகும் என்று.

     பிறகு எப்படி எல்லாமோ போய், நல்லபடியாக முடிந்தது.   இரண்டு வருடம் கழித்து என் வலைப் பதிவில் எழுதினேன் மா.  என்னையும் கதை அனுப்பப் சொன்னதுக்கு மிக நன்றி.

அன்புடன் அம்மா.

=====================================================================

கதையல்ல, நிஜம்

ரேவதி நரசிம்மன்

நிஜமாக நடந்த கதை 

+++++++++++++++++++++

முன் போல் இல்லை .உலகம்  மாறி வருகிறது என்று

நான் நினைக்கும் நேரம் இதைப் போல

செய்தி கிடைக்கிறது.

 பெரியவர்கள் என்று சொல்லப்படும் சம்பந்திகளின்,மாப்பிள்ளைகளின்

ஈனத்தனம் என்பது எந்த விதத்திலும் அகலவில்லை என்பது

அதிர்ச்சியாக எனக்குக் கிடைத்த புது விஷயம்.

வீட்டுக்குச்  சீரமைப்புப் பணிக்கு வரும் மேஸ்திரி முருகானந்தம்.

அவருக்கு இரண்டு மகள்கள்.

பெரிய பெண்ணு (பூங்காவனம்)ப்ளஸ் 2 முடித்துக் கல்யாணமும் செய்து கொடுத்தாச்சு.

அவளுக்கு இரண்டு குழந்தைகளும் உண்டு.

பத்து பவுன் போட்டுத் திருமணத்தை முடித்துக் கொடுத்தார்.

மயிலாப்பூர் மாடவீதியில் உள்ள சத்திரம் ஒன்றில் நாங்கள்

அனைவரும் சென்று முடிந்த அளவு உதவி செய்து திருமணம் நடந்தது.

பெண்ணுக்கு மாமனார் இல்லை.

மூன்று கொழுந்தனார்கள்.அனைவரும் கார் ஓட்டக் கற்று ஆட்டோ

ட்ரைவராகவோ, டாக்சி ட்ரைவராகவோ இருக்கிறார்கள்.

இரண்டாம் குழந்தை பிறந்ததும்,முருகானந்தம் தன் இரண்டாவது பெண்ணை,வேல்விழி யை

அவர்களுக்கு உதவியாகத் திருச்சிக்கு அனுப்பி வைத்தார்.

அதுவும் இரண்டு மாதம் இருந்துவிட்டு

சென்னைக்கு வந்துவிட்டது.

அதற்கப்புறமாதான் இந்த கலாட்டா ஆரம்பம்.

அக்கா வீட்டுக்காரர், திருச்சியிலிருந்து  இங்கு வந்து , இந்தப் பெண்ணை வெளியில் அழைத்துப் போவதற்கும்,காளஹஸ்திக்கு

நாக தோஷம் பரிகாரம் செய்ய அழைத்துச் செல்வதுமாக போக்குக் காட்டினார்.இவர்களுக்கு வித்தியாசமாக ஒன்றும் தோன்றவில்லை.

முருகானந்தத்தின் மனைவி( சிவகாமி)யும் வேலை நேரத்தில் இங்கே வருவார்.

திடீரென்று ஒரு நாள், அந்த அம்மாவும் ,பெண் வேல்விழியும்

வந்தார்கள்.

'இப்ப என்ன செய்யறதுன்னு சொல்லுங்கம்மா

என்று மடமடவென்று முதல் மாப்பிள்ளையின் அநாகரீகச் செயலைச் சொல்லிக் காட்டினார்.

எங்க(முதல்) பொண்ணு பலவீனமா இருக்காம்.அதனால் இந்தப் பெண்ணை

'நீ என்னைக் கல்யாணம் செய்துக்கோ. அக்காவும் நீயுமா இருப்பீங்களாம்னு

சொல்லி இருக்கார்மா'என்று அழுதவளை

மன அதிர்ச்சியில் வார்த்தை வராமல் பார்த்தேன்.

''எப்ப நடந்ததுப்பா இது' என்று அந்தப் பெண்ணைக் கேட்டால்,

நேத்திக்கு அம்மா அப்பா வேலைக்கு வந்ததும் வீட்டாண்ட வந்தார்மா,

நல்லவேளையா என் ஃப்ரண்டும் இருந்தா.

அவளை வெளில போகச் சொல்லிட்டு,

நீ என்னோட இப்ப ஆட்டோல வா, உன்கிட்டப் பேசணும்'னு சொன்னார்மா.

அந்தாளு பார்வையே சரியில்லைன்னுட்டு, நான் அம்மா அப்பா வரட்டும் மாமா

நாம் எல்லாம் வெளில போகலாம்னுட்டு வீட்டுக்கு வெளியில் வந்து உட்கார்ந்துட்டேன்.அப்பவும்

விடாம எதிராப்புல உட்கார்ந்து கிட்டு, உங்க அக்காவால எனாக்குப் பலனொண்ணும் இல்ல. எப்பப்

பார்த்தாலும் பிள்ளைகளையே பார்க்கிறா. என்னோட வெளியில் வரமாட்டேங்கறா. சளி பிடிச்சுக்கும்

பெரிய பொண்ணுக்கு வீட்டுப் பாடம் எழுதணும்னு'' சொல்றா.

உனக்குத்தான் என்னைப் பிடிக்குமே ,நீ எப்படியாவது இதை நடத்திக் கொடுக்கணும்னு

சொன்னார்மா.

அதுக்குள்ள பக்கத்துவீட்டம்மா வந்து ''மாப்பிள்ளை, வேலுப் பொண்ணு தனியா இருக்கா

நீங்க கொஞ்சம் பொழுது சாய்ஞ்சு வாங்க'' என்று சொன்னதும்

கோபமாகத் திருச்சிக்குப் போவதாகச் சொல்லிக் கிளம்பிவிட்டாராம்.

படபடப்புத் தீராத நிலையில் வேல்விழியும் அம்மா வந்ததும்

நடந்ததைச் சொல்லிவிட்டாள்.

அப்பாவுக்கு ரத்த அழுத்தம் இருப்பதால் அவரிடம்

சொல்ல பயந்துகொண்டு இங்கே வந்திருக்கிறார்கள்.

என்னம்மா செய்யட்டும். பூங்காவனத்துக்குத் தெரிஞ்சா உசிரையே

விட்டுடும்மா'என்கிறாள். சிவகாமியின் சொந்த ஊர் திருமயம்,

அங்கே எல்லா உறவுகளும் இருக்கிறார்கள்.

முருகானந்தத்துக்கும் நார்த்தாமலை தான் சொந்த ஊர்.

இப்ப பேத்திக்கு  முடியிறக்கிக் காது குத்தப் போகப் போறோம்மா

அங்க போய் இந்த விஷயத்துக்கு முடிவு கட்டணும்.

பெரிய பொண்ணு வாழ்க்கையும் கெடக் கூடாது. இந்தப் பொண்ணுக்கும்

நல்ல இடம் அமையணும் என்று அழுதாள் சிவகாமி.

இப்படிக் கூட நடக்குமா. எப்பேர்ப்பட்டக் கிராதகனாக இருக்கணும் அவன்

என்று என் மனம் தத்தளித்தது.

இப்படியே விட்டால் இந்தப் பெண்ணோட வாழ்க்கையே பாழாகி விடும்.

'நீ முதலில் ஊரில் யாரை நம்ப முடியுமோ அவர்களிடம்

சொல்லிவிடு. இவர் இந்த மாதிரி இவளைப் பார்க்க வந்தது

தெரிந்தால் இவளுக்கு வரும் வரன்களும் தட்டிப் போகும்''

என்று நான் சொல்ல,அப்படியெல்லாம் விட்டுவிடுவோமா

அம்மா, நான் நாத்தனாரிடம் பேசி இதற்கு

முடிவு செய்கிறேன்''என்று கிளம்பிச் சென்றாள்.

அவள் திரும்பி இன்று வரும்வரை ஒரே யோசனை. என்னால் இந்த

மாதிரி நடத்தையை ஜீரணிக்கவே முடியவில்லை.

திருமயம் போய் ஐய்யனார் கோவிலில் முடியிறக்கி

காதும் குத்திவிட்டுத்  திரும்பி வந்து , நடந்த கதையையும் சொன்னாள் சிவகாமி.

கோயிலில்  முடியிறக்கிய பெண்ணின் மேல் சத்தியம் செய்து தரும்படியும் ,இல்லாவிட்டால் பஞ்சாயத்து வைக்கப் போவதாகவும் மிரட்டி இருக்கிறாள். மாப்பிள்ளையிடம்.

கொஞ்ச நேரம் யோசித்த அவன் 

இனி தவறு ஏதும் செய்வதில்லை. அந்த எண்ணத்தோடு

வேல்விழியைப் பேசவும் இல்லை என்று சொன்னானாம்!

கேலிப் பேச்சே தவிர உண்மையில் பூங்காவுக்கு நான் தப்பு செய்ய மாட்டேன் அத்தை.

தயவு செய்து வேறு யாரிடமும் சொல்லிவிட வேண்டாம்,மானம் போய்விடும் ''

என்று சிவகாமியிடமும்,அவளுடைய வீட்டுப் பெரியவரிடமும்

உறுதி கொடுத்திருக்கிறான்.

சீக்கிரம் இந்த வேல்விழிக்கு வேலி போடு, ஊரில் மாப்பிள்ளை தேடாதே

இங்கயே தேடிக் கல்யாணம் செய்'என்று நான் சொன்னேன்.

மாப்பிள்ளை, ஒரு வரன் இருக்கார்மா,அவரும் ''கொல்த்து''   வேலைதான்  செய்கிறார். நல்ல வருமானம் ,. கல்யாணம்னா பத்துப் பவுன் வேணும்.மூணு பவுன் இருக்கிறது மிச்சம் ஏழு பவுனுக்கு

என்ன செய்யறது. அம்மாவைத் தான் நம்பி யிருக்கிறேன் இரண்டு பவுனாவது

கொடுத்து உதவணும் அம்மாதான்""

என்றாளே பார்க்கணும்!!

இது உண்மையிலியே நடந்தது. பெயரும் ஊரும் தொழிலும் மாற்றிவிட்டேன்.

எதற்கு வம்பு!

எல்லோரும் இனிதாக வாழ வேண்டும்.