"திங்கக்கிழமை 170918 : ஜம்ஜம்ஜாம் - அதிரா ரெஸிப்பி

ஜாம் ஜாம்.. இது வேற ஜாம்:)  

JAM சாப்பிட்டு, என்னைப்போல அழகாக வாங்கோ:)

இங்குள்ள வெள்ளையர்கள் ஜாம் செய்வதில் வல்லவர்கள். அதிலும் இங்கு ஸ்கொட்லாந்தைப் பொறுத்தவரை, கிரான் பெரி, பிளாக்பெரி இவைகளெல்லாம்.. ரோட்டோரம், ஆத்தோரங்களில் நிறைய படர்ந்து பூத்துக் காய்த்துக் குலுங்கும்...

இவை மருந்து அடிக்காமல், இயற்கையாக வளர்பவை என்பதால், சாப்பிட யாரும் பிடுங்க மாட்டார்கள், ஆனால் இவற்றைப் பிடிங்கி ஜாம் செய்வார்கள்... சம்மர் முடியும்போதுதான் இவை அதிகம் பழுத்திருக்கும்... அப்போது சூப்பர் மார்கட்டுக்களிலும்.. ஜாம் செய்யும் உபகரணங்கள்.. போத்தில்கள் விற்பனைக்கு வந்திருக்கும்.

இதேபோல பெரும்பாலான வீடுகள் ஆப்பிள் பழங்கள் பழுத்துப் பழுத்துக் கொட்டியிருக்கும்.. அவற்றிலும் ஜாம் செய்வார்கள்.

இப்படி எனக்கொரு இங்கத்தைய நண்பி:), நம் வீட்டுக்கு அடுத்த தெருவில் இருக்கிறா(அவவுக்கு வயது இப்போ 76.. ஒரு ரிரயேட் ஹெட் ரீச்சர்:) - இப்போ பின்னூட்டங்கள் பறக்குமே:)]] ஹா ஹா ஹா.

அவவுக்கு ஜாம் செய்வது ஒரு பொழுதுபோக்கு.. அவ எனக்கு அப்படி பிளாக்பெரிஸ் இல் ஜாம் செய்து தந்தா, சூப்பர் சுவை.. கடையில் வாங்குவதில் அப்படி சுவை கிடைக்காது...   அவவிடம் செய்முறை கேட்டுவிட்டுக் களத்தில் இறங்கினேன்.. இப்போ எனக்கு விரும்பும் பழங்களில் அப்பப்ப செய்வதுண்டு...

கிரான்பெரி ஜாம்[Granberries]

தேவையான பொருட்கள்:
பழம் -:    250 கிராம்ஸ்
தண்ணி -:   200 மில்லி லீட்டர்
சீனி(சுகர்) -:   200-250 கிராம்ஸ் [பழத்தின் இனிப்புத்தன்மையைப் பொறுத்து]..

இவ்ளோதேன்ன் விசயம்:) முடிஞ்சு போச்சு:)..

செய்முறை:
அனைத்தையும் ஒன்றாகப் போட்டு அடுப்பில் வைத்துக் காச்சவும்..

இப்படி நன்கு திரண்டு கொஞ்சம் இறுக்கமாக வந்ததும், அடுப்பால் இறக்கி, ஒரு 5 நிமிடங்கள் ஆறவிட்டால் போதும்.. போத்தலில் போட்டு மூடாமல் விடவும்..

கொஞ்ச நேரத்தால் மூடி விட்டு , பிரிஜ்ஜில் வைத்துப் பாவிக்க, பல மாதம் இருக்கும். ஆகவும் இறுகும்வரை காச்ச வேண்டாம்... கொஞ்சம் தளதளப்பாக இருக்கும்போதே இறக்கிப் போத்தலில் போட வேண்டும், பின்பு கட்டியாகும்.

இதேபோல நான் செய்த றூபார்ப் ஜாம்[Rhubarb Jam]

இது கொஞ்சம் புளிப்பு அதிகம் என்பதால், சீனியின் அளவு 250 கிராம்ஸ் போட்டேன், தண்டை மெதுவாக, வெளி நாரை நீக்கிவிட்டுக் குட்டிக் குட்டியாக கட் பண்ணிப் போட வேண்டும்..

ஊசி இணைப்பு

இது எங்க ஊர் வரவேற்புக் குதிரை.. அயகா இருக்கோ?:). பெயர் ஜிஞ்ஜர்.. உங்கள் எல்லோரையும் வரவேற்க, முன்னங்கையைத்தூக்கி அழைக்கிறார்.. வாங்கோவன்:)

)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(-)(

[எவ்வளவு சுலபம்!  இங்கு கிடைக்கும் பழம் வைத்து செய்து விட வேண்டியதுதான்!  - ஸ்ரீராம் ]



தமிழ்மணத்தில் வாக்களிக்க ............