கேட்டு வாங்கிப் போடும் கதை :: சீ ரா ம - கே ஜி கௌதமன் - சீதை - 20

     கதைத் தலைப்பினால் கவரப்பட்ட எங்கள் தலைமை ஆசிரியர்  இந்தத் தலைப்புக்கு ஒரு கதை எழுதி அனுப்பி இருக்கிறார்.


================================================================

சீதை ராமனை மன்னித்தாள்! 

கே ஜி கௌதமன் 

"நாதா ! ஓரிரு நாட்களில், கார்த்திகை மாதம் துவங்குகிறது. மாதம் முழுவதும் வீட்டில் அகல் விளக்கேற்றினால், மங்களகரமாக இருக்கும். வீட்டிற்கும் நாட்டிற்கும் நன்மை விளையும். மழை பொழியும், பயிர் செழிக்கும்.  எனக்காக அகல் விளக்குகளை வாங்கி வருவீர்களா? " என்று கேட்டாள் சீதை. 

" அப்படியே செய்கிறேன் சீதா" என்றான் ராமன். 

அன்று மாலை. 

" சுவாமீ . வாங்கி வந்தீரா?"

"இன்று மறக்காமல் வாங்கி வருகிறேன்." 

மீண்டும் அதே கதை. 

வாங்கி வரவில்லை. 

இன்று ராமனை விடுவதில்லை. இரண்டில் ஒன்று பார்த்துவிடவேண்டும் என்று தீர்மானித்தாள் சீதை. 

" இன்றும் வாங்கி வரவில்லைதானே?"

" ஆமாம்."

"என்னதான் உங்களுக்குப் பிரச்னை?" 

" சொல்கிறேன் கேள் வைதேஹி! ஒவ்வொரு நாளும் ஊருக்கு வெளியில் இருக்கும் மயன் (குயவர்) இடம் சென்று, 'அகல் விளக்குகள் வேண்டும் ' என்று கேட்பேன். 

அவர், " ராமா உங்களுக்கு அகல் கொடுக்கமாட்டேன்!" என்பார். நான் உடனே, 'இன்று ஏதோ பிரச்னை போலிருக்கு' என்று நினைத்து, 'நாளை வந்து வாங்கிக் கொள்ளலாம்' என்று வந்துவிடுவேன். 

நீ கேட்டது போலவே, இன்று அவரிடம், 'என்னதான் உங்களுக்குப் பிரச்னை?' என்று கேட்டேன். 

"அதற்கு மயன்,  'ராமா! உன் கால் பட்டு அகலிகை கல்லிலிருந்து பெண் ஆனாள். உன் கைகள் பட்டு, என்னுடைய அகல்கள் எல்லாம் பெண்ணுருவம் அடைந்துவிட்டால், அவர்களை ஏழையாகிய நான், கடைத்தேற்ற முடியாது.  ஏகபத்தினி விரதனான நீயும் அவர்களை ஏற்றுக்கொள்ளமாட்டாய். லவன் குசனுக்குத்  தங்கைகளாக, சீதை ஏற்று, அவர்களை ஆளாக்குவார்களா என்று கேட்டுக் கூறு' என்றார்" என்று கூறினான் ராமன். 

கலகலவென  நகைத்தவாறு, சீதை ராமனை மன்னித்தாள்.    




தமிழ்மணத்தில் வாக்களிக்க....