"திங்க"க்கிழமை - குழைசாதம் - அதிரா ரெஸிப்பி

குழைசாதம்.. இது அதிரா ஸ்பெஷல்

சே..சே... குழைசாதம் சாப்பிட முன்னரே, குண்டாத்தெரியுதே கண்ணாடியில்:).. இதுக்குத்தான் அம்மம்மா சொல்றவ சாப்பிட முன்பு கண்ணாடி பார்க்காதே என:)

நோ குறொஸ் குவெஷன்ஸ் பிளீஸ்ஸ்.. ஹா ஹா ஹா:).. இது நான் வீட்டில எப்பவாவது வெள்ளிக்கிழமைகளில் செய்வது. ஏனெனில் இப்படி செய்தால்தான் சத்தமின்றி தமிழ் மரக்கறிகள் எல்லாம் உள்ளே போகும்..

நான் செய்த குழை சாதத்துக்கு ஊஸ் பண்ணிய பொருட்கள்..
சோயா மீட், மஸ்ரூம், கோவா/கபேஜ், மரவள்ளிக்கிழங்கு, உருளைக்கிழங்கு, மைசூர் பருப்பு, நோக்கிள், கத்தரிக்காய், பூசணிக்காய், புடலங்காய், கரட், பொன்னாங்காணி, வல்லாரை...

இங்கின ஒரு குட்டி ஊசிக்குறிப்பு: இதில் பாவிக்கும் உருளைக்கிழங்குகள்.. எங்கள் கார்டனில், தன் பாட்டில் விளைந்தவை:)

இலைவகைக்குப் பதில் கீரை சேர்ப்பதும் நல்லது.

ஃபிறிஜ்ல இருந்த அத்தனையும் சேர்த்தேன்:), இன்னும் பாவக்காய், வெண்டிக்காய், இருந்தது அவற்றைச் சேர்ப்பதில்லை இதுக்கு. அவரைக்காய் இருந்துது மறந்துவிட்டேன்.. வாழைக்காயும் சேர்க்கலாம்.. இருக்கவில்லை.

மற்றும் உள்ளி , குத்தரிசி(boiled rice/matta rice), கறித்தூள், பழப்புளி , உப்பு.

அது ஏனோ தெரியவில்லை, குழைசாதம் எனில் நாம் குத்தரிசிதான் பாவிப்போம்.. அதில்தான் சுவை அதிகம், நம் கோயில்களிலும் இதுதான் பாவிப்பினம்.

இங்கு நான் அளவு குறிப்பிடவில்லை, நிறைய மரக்கறிகள் சேர்ப்பதால், கொஞ்சம் கொஞ்சம் எடுத்தால் போதும். குத்தரிசிக்கு மட்டும் அளவு சொல்றேன்.. ஒரு கப் க்கு 3 அல்லது 3.5 கப் தண்ணி விட்டு அவிய விட்டால் பதம் சரியாக வரும்.. அரிசி கொஞ்சம் குழைந்து வந்தால்தான் சுவை அதிகம்.

அடுத்து, இதுக்கு பொரித்தும் சேர்த்தால் இன்னும் லக்‌ஷறி ஆக இருக்கும்:).. அப்போதான் சின்னவர்களும் விரும்பிச் சாப்பிடுவினம்.

பொரியலை விரும்பாதோர்ர்.. அரிசி அவியும்போதே, பச்சை மிளகாய், வெங்காயம் சேர்த்துக் கொள்ளலாம்.

முதலில் அரிசியை நன்கு கழுவி, உள்ளி, உப்புச் சேர்த்து(உள்ளி விரும்பாவிட்டால் போடத் தேவையில்லை. மைசூர் பருப்பு, கிழங்கு எல்லாம் வாய்வுத் தன்மையானவை என்பதால் சேர்ப்பது நல்லதே). அரிசியை அவிய விடுங்கள். எப்பவும் அடுப்பு அளவான நெருப்பில் இருக்கட்டும்.. 

கொதித்து அவியத் தொடங்கியதும் சோயா மீற்றை சேர்த்துக் கொள்ளலாம்.. அது கரைந்துவிடாது என்பதால்.

பாதிக்கு மேல் அரிசி வெந்ததும், கொஞ்சம் கொஞ்சமாக, முதலில் அவிய நேரம் எடுக்கும் மரக்கறிகளையும் பின்பு மிகுதியையும் சேர்த்து அவிய விடுங்கோ... முக்கால் பதத்துக்கும் மேல், அவிந்து தண்ணியும் வற்றி வரும்போது, கறிக்கு விடும் அளவு புளி கரைத்துச் சேர்த்தால் போதும்.. கொஞ்சம் புளி சுண்ட வேணும்.. அப்போதான் சுவை அதிகம்.

புளியுடன் கறித்தூள் சேர்த்து விடுங்கள்.. இது உங்கள் விருப்பத்துக்கு.. ஆகவும் அதிகம் சேர்க்க வேண்டாம் கலர் கறுப்பாகிவிடும்.

புளியும் சேர்ந்து கொதிக்கும்போது மைசூர் பருப்பைப் போடோணும்.. தண்ணித் தன்மையை எடுக்கும், அத்தோடு பருப்பு கரையாமல் இருக்கும் போதுதான் சுவை நன்றாக இருக்கும்.

நன்கு எல்லாம் வற்றி சாதப் பதம் வரும்போது இலை வகையைக் கொட்டி 2,3 நிமிடத்தில் அடுப்பால் இறக்கி மூடி விடுங்கள்.

பின்பு உங்கள் விருப்பப்படி தாளித்தும் கொட்டலாம், நான் இங்கு தனித்தனியே பொரித்தேன், வெங்காயம், சைனீஸ் செத்தல்(உறைப்பு குறைவு என்பதால்) மரவள்ளிக்கிழங்கு, பப்படம், கறிவேப்பிலை..

 பப்படத்தை துண்டுகளாக்கியும்.. அனைத்தையும் கொட்டிப் பிரட்டி விடலாம். மிளகாயைக் கொட்டவில்லை, பிள்ளைகளுக்கு உறைப்பு அதிகமாயிடும் என்பதால்..

குழைசாதம் ரெடி.. கையைக் கழுவிப்போட்டு சாப்பிட வாங்கோ.. சுண்டங்காய் வத்தலையும் மொறுமொறு எனப் பொரித்து வைத்திருக்கிறேன்:). கீழே இருக்கும் இப்படத்துக்கும்.. நெல்லைத்தமிழனின் சமையல் குறிப்புக்கும் ஒரு சம்பந்தம் இருக்கு:- கரீட்டாக் கண்டுபிடித்துச் சொல்லுவோருக்கு, ஸ்ரீராம் தன் புதுப் ஃபோனை டி எச் எல் இல்:) அனுப்பி வைப்பார் பரிசாக:).. நெல்லைத்தமிழன் பதில் சொல்லக்கூடாது, தெரியும் /தெரியாது என மட்டும் சொல்லுங்கோ.

 நாங்களும் அப்புசாமிக்கு வைப்போமாக்கும்.. ஹா ஹா ஹா:).

ஆண்டவா!! எல்லோரையும் காப்பாத்துங்கோ.. என்னையும்தேன்ன்:).

%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%

அதிராவின்  “கன்னிக் கலெக்‌ஷன் diary” இலிருந்து(தமிழ்ல எழுதினால் அடிக்க வருகீனம் கர்:)).

%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%