180404 :: புதன் கேள்வி பதில். யார் அழகு ? அனுஷ்கா / தமன்னா?

கேள்வி பதில் பகுதி, நகைச்சுவைக்கு முன்னுரிமை கொடுத்து எழுதப்படும் பகுதி. 

யாரையும் புண்படுத்துவது எங்கள் நோக்கம் அல்ல.  



வாட்ஸப் : 

கே ஜீ : 

Idhu budhan kelviyaa? 

ப : இல்லை.

கீதா ரெங்கன்: 
சிறந்த கேள்விக்கு பொற்கிழி உண்டா 

ப : ஓ ! உண்டே! (கேள்விக்குதான்; கேள்வி கேட்டவருக்குக் கிடையாது!)


எங்கள் கேள்விகளுக்கு ஆசிரியர்கள் கிழி.............நிரப்புக. 

ப: 'ச்சுகிட்டு ஓடிடுவாங்க!'
                                      

அப்பாதுரை: 

Question 26
நெல்லைக்கு  225 பிடிக்கும் ஆனா 224 பிடிக்காது; ; 900 பிடிக்கும் ஆனா 800னா அலர்ஜி; 144 இஷ்டம்  145 கஷ்டம். அப்ப நெல்லைக்கு எது பஸந்து? 1600ஆ 1700ஆ?

மிச்ச 25 கேள்வி என்னாச்சு!  

ப: நாங்க என்ன டிடெக்டிவ் எஜென்சியா நடத்துறோம் ! 

800 பிடிக்காதுனா 1600 பசந்து???

ப : பசந்து என்றால் என்ன ? பசை + கோந்து? 


 கலிலூர் ரஹ்மான்: 

கேள்விக்கு என்ன பதில்

1. 🏽இதற்கும்🤝🏻இதற்கும் என்ன வித்தியாசம்?


ப: விடை பெறுகிறார்;  கை குலுக்கி விடை பெறுகிறார்! 


2 . பால் சாதம் , தயிர் சாதம் ஒற்றுமை / வேற்றுமை என்ன?

ப: ஒற்றுமை : வெண்மை.
      வேற்றுமை: தன்மை.

3 . கூட்டாஞ்சோறு Vs வெஜிடபிள் பிரியாணி ?

ப: கூட்டாஞ்சோறு நாட்டுக்காய்கறிகளையும், கீரையையும் சேர்த்து சமைப்பது என்றும், வெஜிடபிள் பிரியாணி இங்கிலீஷ் காய்கறிவகைகளைப் பயன்படுத்தி செய்வது என்றும் நினைக்கிறேன். நம் வாசக நள, தமயந்திகள் இதுபற்றிக் கூறலாமே! 


4. வெப்ப தாக்கம் என்றால் என்ன?

ப: Sun Stroke ஆ! 

அப்பாதுரை: 

இட்லி, தோசை எது மேலான டிபன்?

ப: இட்லி = அனுஷ்கா; தோசை = தமன்னா . 
(ரெண்டுமே ஃபீமேல்தான். )          
ஸ்ரீராம்: 

இவ்வளவு முருங்கைப்பூ தேறுகிறது.  என்ன செய்யலாம்?

ஓ! சாரி ஸ்ரீராம்! கேள்விக்குறி இருந்த போஸ்ட் எல்லாம் காபி பண்ணும்போது, இதுவும் வந்திடுச்சு! ஆனாலும் பாக்கியராஜை ஒருவார்த்தை கேட்டுப் பாருங்க!

யாரு? 

அப்பள பஜ்ஜிக்கு, பஜ்ஜி மாவுல தோய்ப்பதற்கு முன், அப்பளத்தைப் பொறி(ரி?)க்க வேண்டுமா?

அடுத்த கேள்வி: அப்பள பஜ்ஜி அப்பளம் இரட்டையாக மடிக்கப்பட வேண்டுமா அல்லது ஒற்றைதானா?

இவைகளும் அப்படிதான் ! (வாட்ஸ் அப்பில் இந்தக் கேள்விகளுக்கு பதில் சொன்ன ஆதி வெங்கட் அவர்களுக்கு நன்றி!) 


இனி பதிவில் கேட்கப்பட்ட கேள்விகள்:  

அவர்கள் உண்மைகள் 

1.கல்யாணத்திற்கு முன்பு ஸ்ரீராம் யாரையாவது காதலித்து இருக்கிறாரா? உடனே ஏதாவது நடிகை பெயரை சொல்லக்கூடாது. 


ப: உஷ் ! கொஞ்சம் இருங்க .....  "அந்தக் காதலிதான், மனைவி என்று கூறடா கண்ணா..... "  என்று யாரோ பாடுவது கேட்கிறது! 



2. காவிரி பிரச்சனையில் மத்திய அரசு செய்வது சரியா?

ப: செய்வதா! ஒன்றுமே செய்யவில்லை என்று அல்லவா எல்லோரும் லாவணி பாடிக்கொண்டிருக்கிறார்கள்! 

3 அதிரா தேம்ஸ் நதிக்குள் குதித்தால் பாதிப்பு அதிராவிற்கா அல்லது நதிக்கா?  

ப:  நாங்க ஓடிடறோம். இதுக்கு ஏதாவது பதில் சொன்னா. அதிரா எங்களை தேம்சுல தள்ளிடுவார்! 


4.உங்களுக்கு பிடிக்காத பதிவர் யார்? (அப்படி எல்லாம் யாரும் இல்லை என்று சொல்லக்கூடாது)

ப:  காசு சோபனா . 

5.. பதிவர்களுக்கு பட்டபெயர் சூட்டி கூப்பிடுவதுண்டா? ஆமாம் என்றால் பதிவர்கள் பெயரையும் அவர்களின் பட்டப் பெயரையும் சொல்லுங்கள்?

ப: இல்லை. 

வல்லி சிம்ஹன்: 

காலையில் எழுந்ததும் குடிக்க வேண்டியது நீரா...காப்பியா.

                                       


ப: காலையில் எழுந்ததும், திருமதியிடம், "வாய் கொப்பளிக்க வெந்நீரும், குடிக்க காபியும் கொடு. எது, எது எந்த டம்ப்ளரில் இருக்கு என்று சொல்லிக்கொடு" என்று கேட்டேன். வாய் கொப்புளிச்சுப் போயிடுச்சு!


கடைசி கேள்விய கேட்டவர், தன் பெயரைக் குறிப்பிடவேண்டாம் என்று கேட்டுக்கொண்டார்! 

கே: யார் அழகு? அனுஷ்கா / தமன்னா ? 

                   

ப: ஆசிரியர் குழுவினரின் பதில் சமமாக இருந்ததால், (ஒருவர் செல்லாத ஓட்டு) டை பிரேக்கர் ஆக, திருமதியிடம் இந்தக் கேள்வியைக் கேட்டேன். அவர் என்னை முறைத்துவிட்டு, இதெல்லாம் என்ன கேள்வி? உப்புமரவை அழகா / உரல் அழகா ? என்று எதிர்க்  கேள்வி கேட்டுவிட்டார்.  

(எல்லோரும் ஓடிவாங்கோ ! ஸ்ரீராம் / நெல்லைத் தமிழன் இருவரிடமிருந்தும் என்னைக் காப்பாற்றுங்கள்! )  

    
வாசகர்கள் வழக்கம்போல், வாட்ஸ் அப் (வாட்ஸ் அப் எண் 9902281582 NO VOICE CALLS Please)   மற்றும் பின்னூட்டங்கள் மூலமாக கேள்வி கேளுங்க. 

மீண்டும் அடுத்த புதன் சந்திப்போம்!