புதன் 180418 :: உங்கள் ? எங்கள் !

(இது நகச்  சுவை) 

கீதா சாம்பசிவம் : 

அது சரி, இந்தக் கேள்விகளை எல்லாம் வேலை மெனக்கெட்டுச் சேர்த்து வைத்துப் போடறதை விட்டுட்டுப் புதுசாக் கேள்விகளைக் கேட்கலாமே! அதுக்கு வர பதில்களில் இருந்து அடுத்த வாரக் கேள்விகளைத் தயாரிக்கலாம். என்ன சொல்றீங்க?


ப: இது பதிலிலிருந்து வந்த கேள்வியா இல்லை கேள்வியிலிருந்து வந்த கேள்வியா அல்லது பதிலா அல்லது யோசனையா? 


வாரியர்னு சொன்னதும் மருத்துவரோனு நினைச்சேனே! அவர் இல்லையா? யார் இந்தக் கண்ணழகி ப்ரியா வாரியர்? ஆரிய வைத்தியசாலையில் இருக்காரா? 

ப: ஆரிய வைத்தியசாலையில் பைத்தியங்களுக்கு வைத்தியம் பார்க்கிற பைத்தியக்கார வைத்தியர் ஆக இருப்பாரோ!

     

இடியாப்பமும், சேவையும் ஒண்ணு தானா? 

ப: ஒண்ணு இல்லை; பல.  இடியாப்பச்சிக்கல் என்று கேள்விப்பட்டிருக்கோம். ஆனால் சேவை சிக்கல் இல்லாததுதானே! 


   
ஆமவடைனா ஆமையை அரைச்சுத் தட்டுவாங்களா?

ப: ஆமா இல்லே!     


அப்போ தவலை வடை? தவளை? அல்லது தவலை? ஹையோ! பயமா இருக்கே! 

ப: அது துவலை வடை. துவரம் பருப்பு, கடலை(ப் பருப்பு) சேர்த்து செய்வதால், அப்பெயர் வந்தது. (எங்கள் ஆராய்ச்சி ஆசிரியர்)               
மசால் வடை வேறே, வெங்காய வடை வேறேயா? படங்களுடன் விளக்கவும்.  

ப: மசால் வடை - மசாலா = வெங்காய வடை. 

  கேஜிஜி ஓடிப் போற மாதிரி ஒரு கேள்வி இப்போ! ஜூன் மாசம் கர்நாடக அரசு காவிரியில் தண்ணீர் விடுமா? விடாதா?
  
ப: விடும் ...................     ஆனா ...........   விடாது!  



நெல்லைத்தமிழன் : 

கல்யாணிக்கும் பூர்வி கல்யாணிக்கும் (ராகங்கள், பெண்களைத் தேடாதீர்கள்) உள்ள வித்தியாசம் கரண்டிக்கும் பாதாள கரண்டிக்கும் உள்ள வித்தியாசமா?

ப: எனக்கு பூர்விகல்யாணிக்கும் பந்துவராளிக்குமே வித்தியாசம் தெரியாது. இதுல பாதாள கரண்டி, மேகாலயா கரண்டிக்கெல்லாம் நான் எங்கே போவது!  

ஐபிஎல் மேட்சில், நீங்கள் முதலிலேயே ஒரு சைடுக்கு ஆதரவாக பார்க்க ஆரம்பிப்பீங்களா இல்லை மேட்சை மட்டும் ரசிப்பீங்களா?  

ப: எப்பவுமே ஆடுறவங்களை ரசிப்பேன். (Cheer leaders) 
 


                  
முன்னைவிட இப்போ நிறைய பிரபலங்கள் கட்சி ஆரம்பித்திருக்காங்களே... உங்களுக்கு யார் வருவான்னு தோணுது? உங்க சாய்ஸ் யாரு? 

ப: கூடுவாஞ்சேரி கோவிந்தசாமி.

வேலை மெனக்கெட்டு ஏகப்பட்ட அடை படங்களைப் போட்டிருக்கீங்களே. இது எங்கள் தகவலுக்கா அல்லது உங்கள் கிச்சன் இன்-சார்ஜ் தகவலுக்கா? 

ப:  நான் அடைப் பிரியன்தான். என் டேஸ்டுக்கு அடை செய்தவர், இன்றைக்கு நூற்று நான்கு வருடங்களுக்கு முன்பு பிறந்து, ஓராண்டுக்கு முன்பு காலமாகிவிட்டார்.  

எப்போவாவது தவறுதலா வாக்கு போட்டிருக்கீங்களா (இவருடைய சின்னம் என்று நினைத்து அவசரத்தில் மாத்திக் குத்தி)? அப்போ உங்கள் மன நிலை எப்படி இருந்திருக்கும்?

ப: ரொம்ப நிதானமா, நிறுத்தி, அழகா சின்னத்துக்கு நடுவே ஸ்பஷ்டமாக முத்திரை குத்துவேன். இ வி எம் வந்த புதிதில்தான் கொஞ்சம் தடுமாற்றம் இருந்தது. ஆனாலும் மாற்றி அழுத்தியதில்லை. 

ஸ்ரீராம் 'அனுஷ்காவை' ரசிப்பதற்கும், சிலர் 'தமன்னா'வை ரசிப்பதற்கும், ஏதாவது பூர்வ ஜென்ம பந்தம் இருக்குமா?

ப: அனுஷ்கா தமன்னா இவர்களின்  பூர்வ ஜன்மம் என்ன என்று தெரியவில்லையே! 

அதிரா- குச்சியை வச்சு என்னதான் பண்ண முடியும்ம்ம்ம்ம்? - ஐயோ... ஒரு நல்ல பெண்ணை பாராட்டியது, ரசித்தது குற்றமா? அதுக்காகவா அதிரா முதற்கொண்டு எனக்கு எதிரி ஆகிட்டாங்க? இல்லை ஒருவேளை இது ஸ்ரீராமின் வேலையா?  

ப: ஸ்ரீராம் வேலையா!  மருந்துக்குக் கூட அப்படி எல்லாம் செய்யமாட்டார்!  


கோமதி அரசு: 


அடுத்தவாரம் வேறு மாதிரி கேள்வி , பதில்கள்தானே?

ப: ஆமாம்! வேறு மாதிரி கேள்விகள் வந்தால்! 


 அதிரா : 


பெண்டனில B இருக்கே.. அப்போ அது பாவனாவோ?:).

ப: இல்லைங்க பானுமதி (பாவனா + அனுஷ்கா + தமன்னா + திரிஷா )

     

     

பானுமதி வெங்கடேஸ்வரன் : 

ப்ரியா வாரியர், மஞ்சு வாரியர் இவர்களோடு கிருபானந்த வாரியாரை நகைச்சுவையாக ஒப்பிட முடியுமா?

ப: இதுக்கு ஏதாவது பதில் சொன்னால் எல்லோரும் எங்கள் முதுகில் டின் கட்டி, வாரிடுவாங்க!

அட்சய திரிதியையில் தங்கம், வெள்ளி, ப்ளாடினம் இவற்றில் எதை வாங்கப் போகிறீர்கள்?

ப: எது கொடுத்தாலும் வாங்கிக்கறேன். 

வாழ்த்துக்கள், வாழ்த்துகள் எது சரி?

ப: வாழ்த்துகள். அழுத்தாமல், மென்மையாக !



அதிரா :


1. நமக்கு தெரிந்த ஒருவர், நமக்கு எதிரியாகிவிட்டால் , எங்காவது சந்திக்க நேரும்போது, அவர் நம்மைப் பார்த்து சிரித்தால், பதிலுக்கு நாமும் சிரிக்க வேண்டுமோ? சிரிக்காமல் போவது நல்லதோ?.

ப: என்னைப் பொறுத்தவரை, பதிலுக்கு சிரித்துவிடுவேன். அப்படி ஒருமுறை புன்னகை செய்துவிட்டு, சிரித்தவரின் அருகில் சென்றேன். அவர், எனக்குப் பின்னாடி இருப்பவரைப் பார்த்து, " என்ன சௌக்கியமா ?" என்று கேட்டார். 

திடீரென உலகம் அழிஞ்சு நாம் எல்லோரும் “சொர்க்கம்”:) போனால், அங்கும் எங்கள் புளொக் அமைச்சு ஸ்ரீராமை 3 வது ஆசிரியராக நியமிப்பீங்களோ?.. அஞ்சுவை அங்கு எப்படி அடையாளம் காணுவீங்க?

ப: நாங்க ஏற்கெனவே அஞ்சு (ஆசிரியர்) 

நகைச்சுவையாகப் பேசுவது நல்லதோ? ஆபத்தோ? 

ப: யாரிடம் என்பதில்தான் விஷயமே இருக்கு. 



அவர்கள் உண்மைகள் :  

அதிரா தன் வைர நெக்லஸை கழட்டி ஸ்ரீராமிடம் பரிசாக கொடுத்தால் அதை அவர் யாருக்கு பரிசாக தருவார் அனுஷ்காவிற்கா அல்லது மனைவிக்கா?

ப: நகைகளை மதிப்பீடு செய்பவரிடம்.  

     
 உங்களால் ஒரு விலங்கை பசு மாட்டின் அளவிற்கு பெரிதாக மாற்ற முடிந்தால் எந்த விலங்கை மாற்றுவீர்கள்? ஏன்?

ப: கொசுவை. ஈசியாக அடித்துத் துரத்திவிடலாம்!  
        
  நீங்கள் யாரையாவது பார்த்து ஸ்மைல் பண்ணிவீட்டு அதன் பின் அவரை பார்த்து ஏண்டா ஸ்மைல் பண்ணினோம் என்று நினைத்தது உண்டா?

ப: உண்டு. 

உங்களின் பலம் என்ன? பலவீனம் என்ன?

ப: பலம் : கோபமே வராது. பலவீனம்: இரக்க குணம். 
      
 ஒரு வேளை நீங்கள் எனது பதிவுகளை படிப்பவராக இருந்தால் எந்த பதிவையாவது படித்து என்னை நல்லா திட்டனும் என்று நினைத்ததுண்டா?ஆமாம் என்றால் அது எந்த பதிவு? இந்த கேள்வி எங்கள் ப்ளாக் ஆசியர்களுக்கு மட்டுமல்ல இங்கே வருபவர்கள் யாராவது என் பதிவை படிப்பவர்களாக இருந்தால் உங்களுக்கும் இந்த கேள்வி முடிந்தால் பதில் சொல்லுங்கள்

ப: திட்டணும் என்று நினைத்ததில்லை. மற்றவர்கள் பதில் கூறலாம். 

 காக்கா கத்தினால் விருந்தினர்கள் வருவார்கள் என் மனைவி கத்தினால் பூரிக்கட்டை வரும் அது போல உங்கள் மனைவி கத்தினால் என்ன வரும்?

ப: பயம். 


காவிரி தண்ணீர்க்காக கெஞ்சி கொண்டிருப்பதைவிட நம்ம அதிராவை தூக்கி காவிரி அணையில் போட்டால் கெஞ்சாமலே தண்ணி நமக்கு வந்துவிடுமே என்று வாட்ஸப் மூலம் லண்டனில் உள்ள ஒருவர் தகவல் அனுப்புகிறார்? எனக்கும் இந்த ஐடியா பிடிச்சிருக்கு உங்களுக்கு பிடிச்சிருக்கா?

ப: நல்ல வேளை . எங்களுக்கு (பைத்தியம்) பிடிக்கலை. 

                       

ஏகாந்தன்  :

1 :கேள்வி வந்ததால்,  பதிலும் வந்ததா ..   பதிலிருப்பதால், கேள்வி வந்ததா ?

ப: கேள்விதான் முதலில். வினா யகா!  ஏகதந்தா!  

              

2 : காதலில் இருக்கும் பெண்ணும்கூட, தன் ஆணை சந்தேகக் கண்ணோடு பார்ப்பதாய்த்தான் தெரிகிறது. பின்னே, இப்படிப் பாடுகிறாளே :

ஊரறிய மாலையிடுவாரோ – இல்லை

ஓடிவிட எண்ணமிடுவாரோ ?

இதிலிருந்து, இந்தப் பெண்களைப்பற்றி ஏதாவது புரிகிறதா?

    
ப: அந்தக் காலத்தில் அபிநய சரஸ்வதிக்குத் தோன்றிய சந்தேகத்தை இந்தக் காலத்தில் மூன்றெழுத்து நடிகை, கல்யாணந்தான் கட்டிக்கிட்டு ஓடிப்போலாமா? இல்லை ஓடிப்போயி கல்யாணந்தான் கட்டிக்கலாமா? என்று பதில் சொல்லிவிட்டாரே!  ஆக , கல்யாணம் பண்ணிகிட்டாலும், பண்ணாவிட்டாலும் ஓடப்போவது ஆண்களே ! 

குரோம்பேட்டை குறும்பன்: 


முதல் வாரம் பிடிக்காத பதிவர் : அவர். அடுத்த வாரம் பிடித்த பதிவர் : அவரே! அது எப்படி?

ப: முதல் வாரம் பதில் கொடுத்தவர் அவரே. அடுத்தவாரம் பதில் கொடுத்தவர் வேறு ஒருவர். 





பாராட்டியவர்களுக்கும், கேள்விக்கணைகள் தொடுத்தவர்களுக்கும் எங்கள் நன்றி. 

மீண்டும் அடுத்த வாரம் சந்திப்போம்!