60 வயதைக் கடந்தவர்கள் என்ன என்ன மாற்றங்களைத் தன் வாழ்க்கையில் செய்யவேண்டும்?

 

நெல்லைத்தமிழன்: 

1. குரு, துறவிகளிடம் ஏகப்பட்ட சொத்துக்கள் சேர்ந்துவிடுகிறதே. அது எப்படி? 

# குற்ற உணர்ச்சி இருக்கும் மனிதர்கள் தம்முடைய குருமார்களுக்கு அல்லது சில ஸ்தாபனங்களுக்கு பெரிய நன்கொடைகள் அளிப்பதன் மூலம் தங்களது தவறுகள் ஓரளவு மேல் உலகில் மன்னிக்கப்படும் என்று நம்புகிறார்கள். இதுபோக சில ஸ்தாபனங்கள் கருப்பு பணத்தை பெற்றுக்கொண்டு அதை பாதுகாத்து அதில் பெரும் பகுதியை வேண்டும் போது திரும்ப அளிப்பதாகவும் சொல்லுகிறார்கள். இது எந்த அளவு உண்மை என்று தெரியவில்லை.

& நிறைய வரவுகள்; செலவுகளே கிடையாது - அல்லது உணவு, உறைவிடம், உடை எல்லாமே பக்தர்கள் அல்லது சீடர்கள் கவனித்துககொள்கிறார்கள். அப்புறம் என்ன - சொத்து சேர்ந்துகொண்டேதானே இருக்கும்! 

2. 60 வயதைக் கடந்தவர்கள் என்ன என்ன மாற்றங்களைத் தன் வாழ்க்கையில் செய்யவேண்டும்? ஆரோக்கியமாக காலம் தள்ள?  

# அறுபது என்று இல்லை எப்பொழுதும் என்றே  சொல்லலாம் -  எரிச்சல் கோபம் இவற்றைத் தவிர்த்து, முறையான அளவான உடற்பயிற்சி செய்து, உண்ணும் போது அதிகம் உண்ணாமல் தேவைக்கு சரியான சாத்வீக  உணவு உட்கொண்டு வாழ்ந்தால் எப்போதும் எல்லாருக்கும்  நல்லது.

& (உணவுக்கோ அல்லது உணர்வுகளை வெளிப்படுத்தவோ) வாயை அதிகம் திறக்காமல் இருந்தால் போதும்! 

3. மன நிம்மதியை எது கொடுக்கும்? 

# தேவைகளும் ஆசைகளும் குறைந்தால் மகிழ்ச்சி இல்லாவிட்டாலும் திருப்தி இருக்கும்.

& நம் வீட்டில் கரண்ட் போனவுடன், அடுத்த வீட்டிலும் கரண்ட் இல்லை என்று தெரியவரும்போது மன நிம்மதி வரும். கரண்ட் மட்டும் இல்லை - எல்லா விஷயங்களுக்கும் இது பொருந்தும்! 

4. சந்தோஷம் அல்லது துக்கம் - எது அதிக காலம் நீடிக்கிறது?

# சந்தோஷம் ஆனாலும் சோகம் ஆனாலும் காலக்கெடுவில் அது தேய்ந்து அது குறித்த ஒரு நினைவு மட்டுமே மிஞ்சும். அந்த நினைவு கூட வீரியம் படிப் படியாகக் குறைந்து ஒரு மங்கலான பதிவாக மட்டும் தங்கும்.

இதற்கு எவ்வளவு காலம் ஆகும் என்பது அது எவ்வளவு தீவிரமானது என்பதைப் பொறுத்திருக்கும்.

& துக்கம் வரும்வரை சந்தோஷமும், சந்தோஷம் வரும்வரை துக்கமும் நீடிக்கக் கூடும். எந்த உணர்வாக இருந்தாலும்  அதன் அளவு படிப்படியாக குறைந்துகொண்டே வரும். அடுத்த நிகழ்வு முன்னதை மாற்றிவிடும். 

= = = = = = = = =

எங்கள் கேள்விகள் :

நெல்லை கேட்டுள்ள மேற்கண்ட 4 கேள்விகளுக்கு வாசகர்கள் பதில் சொல்லலாம். 

மேலும் எங்கள் கேள்வியாக : 

ஏப்ரல் 1 ஆம் தேதி - ஏ மு தினத்தில் கடந்த காலங்களில் நீங்கள் ஏமாற்றிய அல்லது ஏமாறிய சம்பவங்கள் ஏதேனும் நினைவில் இருந்தால் அதை கருத்துரை பகுதியில் எழுதுங்கள். 

= == = = = = =

KGG பக்கம்:

பாலிடெக்னிக் ஆசிரியர் வாஞ்சிநாதன் நினைவுகள் தொடர்கின்றன. 

ஃபிசிக்ஸ் பாட வகுப்பில் கணக்குகளை solve செய்ய நாங்கள் முயற்சி செய்யும்போது அவர் சொல்லுவது : 

" ரொம்ப சுலபமான பெருக்கல் - வகுத்தல் போன்ற சில ஸ்டெப் வரும்போது உங்களுக்குத் தெரிந்த கொம்பு வகுத்தல் , வாய்ப்பாடு மூலம் செய்யுங்கள் - எதற்கெடுத்தாலும் லாகரிதம் டேபிள் பார்த்து அதில் தவறு செய்து அபத்தமான விடை எழுதாதீர்கள். 

20 X 5 = 100 என்பதை மனக் கணக்காகவே போடமுடியும் - அப்படி இருக்கும்போது 

log 20 = 1.3010 

log 5 = 0.6989 

so 20 X 5 = antilog ( log 20 + log 5) = antilog (1.3010 + 0.6989) = antilog (1.9999) = 99.9770 

என்று எழுதினீர்கள் என்றால், உங்கள் நேரமும் வீண், விடையும் தவறு என்று ஆகிவிடும். 

So, don't use logarithm table for simple multiplication and simple division. Use logarithm table for complicated multiplication or division problems. 

அப்போது அவர் சொன்னது கால்குலேட்டர் புழக்கத்திற்கு வராத காலம். அப்பொழுது பரிட்சை எழுதும்போது Clarks Table மட்டுமே மாணவர்கள் பரிட்சையில் பயன்படுத்த அனுமதி இருந்த காலம். 

Clark's Table புத்தகத்தில் இன்னும் ஒரு சிறப்பு உண்டு. Physics பாடத்தின் பல பகுதிகளுக்கு பயன்படும் formulae மற்றும் definitions எல்லாம் அந்தப் புத்தகத்தில் இருக்கும்! Physics பாட தியரி பகுதிகளுக்கு பதில் எழுத சில சமயங்களில் அந்தப் பகுதி உபயோகமாக இருக்கும். 

இந்தக் காலத்தில் எல்லா மேல்வகுப்பு பரிட்சைகளிலும் கால்குலேட்டர் அனுமதி இருக்கிறது என்பதால் நாங்கள் அந்தக் காலத்தில் பட்ட கஷ்டங்கள் இந்தக் கால மாணவர்களுக்கு இல்லை. 

இன்றும் கூட - நான் இருக்கும் தெருவில் உள்ள மருந்துக்கடையில் 86 ரூபாய் மதிப்புள்ள மாத்திரை strip இரண்டு வாங்கினால் - அந்தக் கடையின் ஆள் கால்குலேட்டர் கையில் எடுத்து, 86 X 2 = 172 என்று போட்டு பில் தொகை சொல்லும்போது எனக்கு வாஞ்சிநாதன் ஞாபகம் ஒருமுறை வந்துபோகும். மனக் கணக்காகப் போடவேண்டியதற்கு கால்குலேட்டர் தேவையா என்று நினைப்பேன். 

- -- - - -

physice லாப் வகுப்பில், ஃபிசிகல் பேலன்ஸ் (பௌதிக தராசு ) பரிசோதனை - விவரங்கள் பார்த்து observation நோட்டில் எழுதவேண்டும். 

பௌதிக தராசின் முள் வலது பக்கமும் இடது பக்கமும் மாறி மாறி அசைந்து திரும்பும்போது அதிக பட்ச அளவு எண் பார்த்து நோட்டில் எழுதிக்கொள்ள வேண்டும். 

ஒரு மாணவர் தன்னுடைய நோட்டில், 

left side ---- right side 

4           ----       5  

4            -----     6 

3         -----         5 

3         -------      4 

இதைப் பார்த்த வாஞ்சிநாதன் அந்த மாணவரிடம் - 'இந்த readings தவறு. முதல் ரீடிங் அளவிலிருந்து அடுத்த ரீடிங் குறையலாம் அல்லது அதே அளவு இருக்கலாம் - ஆனால் அளவு கூடாது' என்றார். 

அந்த மாணவர் உடனே " இல்லை சார் இப்படித்தான் ரீடிங் வந்தது"  என்றார்.

" நீ ரீடிங் எடுக்கும்போது கொஞ்சம் விலகி நின்று தராசின் ஸ்கேல் க்கு நேராக கண்ணை வைத்துப் பார்த்து ரீடிங் எடுக்கணும். அதுக்கு பதிலாக தராசின் வலது தட்டுக்கு நேராகப் போய் பாம்பு போல மூச்சு விட்டிருப்பாய் " (Instead of keeping a safe distance from the scale - you would have hissed like a snake near the right-side pan of the balance!) " என்று சொன்னார்.  

இதைக் கேட்டு எங்களுக்கு சிரிப்பு வந்தாலும் - ரீடிங் எடுக்கும்போது என்ன முன் எச்சரிக்கை எடுத்துக்கொள்ளவேண்டும் என்பதை அழகாக மனதில் பதியவைத்தார். 

= = = = = = =

பாலிடெக்னிக் முதல் ஆண்டு கால் பரிட்சையில் ( First term exam) எனக்கு சிம்பிள் பெண்டுலம் பரிசோதனை வந்தது. பரிசோதனை செய்து, ரீடிங் எடுத்து, அந்த readings மூலம் சிம்பிள் பெண்டுலம் L / T*T = constant நிரூபணம் செய்து, செகண்ட்ஸ் பெண்டுலம் நீளம் கண்டு பிடிக்கவேண்டும். ( செகண்ட்ஸ் பெண்டுலம் நீளம் = 100 செ மீ என்பது தியரி - ) 

பரிசோதனை செய்து முடித்து, செகண்ட்ஸ் பெண்டுலம் நீளம் கண்டுபிடித்து என்னுடைய ரீடிங் படி 99.8 செ மீ விடை வந்தது. விடை ஏன் 100 வரவில்லை என்பதற்கு ஒரு விளக்கம் எழுதி பரிட்சை விடைத் தாளை கொடுத்துவிட்டு பெருமையுடன் வந்தேன். 

அப்புறம் என்ன ஆனது என்றால் .. 

(தொடரும்) 

= = = = = = = = =