நான் தரிசனம் செய்த கோயில்கள் – ஐந்து துவாரகைகள் யாத்திரை – பகுதி 15 : நெல்லைத்தமிழன்

 

மா வைஷ்ணவதேவி கோவில், அஹமதாபாத்

திருப்பதி பாலாஜி கோவிலில் தரிசனம் முடிந்த பிறகு அங்கிருந்து புறப்பட்டு அருகிலிருந்த  மா வைஷ்ணவதேவி கோவிலுக்குச் சென்றோம்.

ஜம்மு காஷ்மீரில் உள்ள வைஷ்ணோதேவி கோவில் மிகப் புராதானமானது. இந்தக் கோவிலுக்குச் செல்ல சுமார் 12 கிமீ தூரம் நடந்து சென்று வழிபடுகின்றனர் பக்தர்கள். அஹமதாபாத்தில் உள்ள வைஷ்ணவோதேவி கோவில், காஷ்மீரின் கோவிலைப் போன்றே ஒரு டிரஸ்டினால் 2007ல் வடிவமைக்கப்பட்டது. (நான் இன்னும் கஷ்மீர் செல்லவில்லை). ஒரு குன்றினைப் போன்ற வடிவுடைய இடத்தில் இந்தக் கோவில் அமைக்கப்பட்டு உள்ளது. பக்தர்கள், மனிதனால் வடிவமைக்கப்பட்ட மலைப்பாதை போன்று உள்ளதில் சென்று உச்சியில் உள்ள வைஷ்ணவோதேவி சன்னிதிக்குச் செல்லவேண்டும்.

ரொம்பச் சிறிய பாதை, குன்றின் கற்களைப் போன்று வடிவமைக்கப்பட்ட பாறைகளின் வழியே செல்கிறது. அது ஒரு வித்தியாசமான அனுபவம்.

கூட்டத்தைப் பொறுத்து தரிசன நேரம் மாறுபடும். எங்களுக்கு பதினைந்து நிமிடங்கள்தாம் ஆயிற்று. கோவிலின் தரைப்பகுதியில் பிரசாதக் கடைகளும் குளிர்பானக் கடைகளும் உண்டு. குஜராத்துக்கே உரிய டோக்ளா போன்றவற்றைப் பார்த்தேன். 

வைஷ்ணவ தேவி கோவில் நுழைவாயில்

பாறைகளைப் போன்று வடிவமைக்கப்பட்டதன் இடுக்குகளின் வழியே பயணம். 

நடுவிலிருந்து பார்த்தால், கீழே சமதளம் அழகாகத் தெரிகிறது

உச்சியில் கோவில் கோபுரக் கொடி

ரொம்ப கஷ்டமாக இல்லாவிட்டாலும் மிகக் குறுகலான பாதை.

சன்னிதானத்திற்குச் சற்று முன்பு ஒரு ஹாலில் பல்வேறு தேவியரின் வடிவங்கள்

கர்பக்ரஹம் – வைஷ்ணவ தேவி

லக்ஷ்மி, காளி, சரஸ்வதி தெய்வங்களின் திருமுகங்கள் இருக்கின்றன.

கீழிருந்து பார்த்தால் வைஷ்ணவதேவி கோவிலின் தோற்றம். 

மதியம் 12:50க்கு அங்கிருந்து புறப்பட்டு, சுமார் 14 கிமீ தூரத்தில் இருந்த சபர்மதி ஆஸ்ரமத்தை அடைந்தோம்.

சபர்மதி ஆஸ்ரமம், அஹமதாபாத்

சபர்மதி ஆற்றின் கரையில் அமைந்துள்ள இந்த ஆஸ்ரம ம் 1915ல் நிறுவப்பட்ட து (1917).  இந்த இடத்தில் காந்தி நிறைய சுய பரிசோதனைகளை மேற்கொள்வதற்காக ஆஸ்ரமத்தை அமைத்தார். (இது காந்தி தென்னாப்பிரிக்காவிலிருந்து இந்தியா திரும்பியவுடன் நிகழ்ந்தது). இங்கு பசு வளர்ப்பு, கதர், தோட்டம் என்று பல்வேறு பணிகள் நிகழ்ந்தன.  இந்த ஆஸ்ரமம், ஹரிஜன் ஆஸ்ரமம் என்று அழைக்கப்பட்ட து. அப்போது இது பொட்டல் காடாக இருந்ததாம் (ஒரு பக்கம் சுடுகாடும் இன்னொரு பக்கம் சிறையும் இருந்த இடமாம்)  ஒரு சத்யாக்ரஹி, எப்போதும் ஜெயிலுக்கும் அல்லது இறப்புக்கும் தயாராக இருக்கவேண்டும் என்று காந்தி நினைத்தாராம். இங்கு காந்தி 1917 முதல் 1930 வரை வாழ்ந்தார். இந்திய விடுதலைப் போராட்ட த்தில் முக்கியப் பங்கு வகித்த இடம் இது. இந்த இட த்திலிருந்துதான் புகழ் பெற்ற தண்டி யாத்திரையை காந்தி 1930ல் தொடங்கினார். (உப்பு சத்தியாக்கிரஹம். அது என்ன என்று யோசிப்பவர்கள் இணையத்தில் தேடவேண்டியதுதான்) பிரிட்டிஷாருக்கு எதிராக நாட்டின் சுதந்திரத்துக்கான நிகழ்வு அது. 60,000 வீரர்களைச் சிறைக்கு அனுப்பிய போராட்டம் அது.

இந்தியா விடுதலை பெறாமல் இந்த ஆஸ்ரமத்துக்குத் திரும்பமாட்டேன் என்று சபதம் செய்துகொண்டு தண்டி யாத்திரைக்குக் கிளம்பிய காந்தி, இந்தியா 1947ல் சுதந்திரம் பெற்றும், சில மாதங்களிலேயே அவருடைய துர்மரணம் நிகழ்ந்ததால், இந்த ஆஸ்ரமத்திற்குத் திரும்பவே இல்லை.

இந்த ஆஸ்ரமத்தை அதன் நினைவுகள் மங்காமல், நிறைய புகைப்படங்களுடன், அந்த அந்த குடிலை மிக அழகாகப் பராமரித்து வைத்துள்ளனர். குஜராத் பாஜக அரசு (மோடி தலைமை) அமைந்தபோது சபர்மதி ஆற்றைச் சீரமைத்து, ஆற்றையும் சபர்மதி ஆஸ்ரமத்தையும் பார்க்கும்போது மிக அழகாக இருக்கும்படிச் செய்திருக்கிறார்கள். அந்த ஆஸ்ரமத்தின் நான் கண்ட காட்சிகள் இங்கு.  

நுழைவாயிலில் ஆஸ்ரமத்தைப் பற்றிய குறிப்பு

குஜராத்தியாக இருப்பதால், அந்த மொழி, நிலத்தில்தான் என் பயணம் தொடரவேண்டும். அதிலும் அஹமதாபாத், தலைநகராக இருப்பதால், என் பயணத்திற்கு, லட்சியத்திற்கு, பணமுள்ளவர்களின் உதவியும் கிடைக்கும் என்பதால் அஹமதாபாத்தில் ஆஸ்ரமம் அமைக்கிறேன் என்று சொன்னாராம் காந்தி.

உப்பு சத்தியாக்கிரஹத்தைக் குறிக்கும் 3D சிற்பம்

ஆஸ்ரமத்தை யார் யார் பார்வையிட்டார்கள் என்று ஒரு புகைப்படத் தொகுதி

காந்தியின் திருவுருவம் கண்ணாடிப் பேழையில்

இப்போது அவரது வாழ்க்கையை, நிகழ்வுகளைச் சுலபமாக நாம் விமர்சிக்க முடியும். ஆனால் அவர் ஒரு யுக புருஷர். 

பெரிய கூட்டத்தில் பேசும் எளிமையான காந்தியின் ஓவியம்

இதில் அனைவருமே காந்தி, தேச விடுதலை என்ற உணர்வால் ஈர்க்கப்பட்டவர்களாக இருக்கவேண்டும்.  ‘காந்தி’ என்று மாத்திரம் போட்டாலே அவருக்கு தபால்தலை சென்று சேர்ந்துவிடுமாம். (இப்போ அட்ரஸை ஒழுங்காக எழுதினாலே, சேர்க்காமல் கீழே விட்டெறிந்துவிடுகின்றார்கள்)

சபர்மதி ஆஸ்ரமத்தில் இன்னும் காணவேண்டிய இடங்கள் இருக்கின்றன. அடுத்த வாரம் தொடரலாமா?

(தொடரும்) 

= == = = = = = = =

எங்கள் Blog வாசகர்கள் 

எல்லோருக்கும் 

எங்கள் 

இனிய தமிழ்ப் புத்தாண்டு வாழ்த்துகள்.! 

= = = = = = = = = = = = = = = = = =