வெள்ளி வீடியோ : வலது அடி எடுத்து வைத்து வாசல் தாண்டி வா வா பொன் மயிலே பொன் மயிலே

இன்றைய தனிப்பாடல் மேனி ஒரு செம்பவளம்...  டிசம்பர் 1958 ல் வெளியானது.  TMS குரலில் பாடல்.  அருள்மணி எழுதிய பாடல்.

மேனி ஒரு செம்பவளம் மேல் முழுதும் வெண்நீறு 

தேனளைந்த தினைப் புசிக்கும் 

திருத்தணிகை வேலனுக்கு ----(2)

ஆடிவரும் வண்ணமயில் அமர்ந்திருக்கும் பேரழகன் 

ஆடிவரும் வண்ணமயில் அமர்ந்திருக்கும் பேரழகன் 

தேடி வரும் துயரெல்லாம் தீர்த்து வைக்கும் கந்தனுக்கு    

தேடி வரும் துயரெல்லாம் தீர்த்து வைக்கும் கந்தனுக்கு   - மேனி ஒரு 

ஆற்றிவிடும் ஆறுமுகம் அசுரனுக்கு மாறு முகம் 

ஆற்றிவிடும் ஆறுமுகம் அசுரனுக்கு மாறு முகம் 

போற்றும் ஜெக தீசனுடன் பேசும் ஞானதேவனுக்கு

போற்றும் ஜெக தீசனுடன் பேசும் ஞானதேவனுக்கு  - மேனி ஒரு 

ஏவலுக்கு சேவல் கொண்ட ஏரகத்தின் குமரனுக்கு  

ஏவலுக்கு சேவல் கொண்ட ஏரகத்தின் குமரனுக்கு  

காவலுக்கு வேலும் உண்டு கதிர்காம செம்மலுக்கு 

காவலுக்கு வேலும் உண்டு கதிர்காம செம்மலுக்கு  - மேனி ஒரு 

முருகா முருகா முருகா முருகா 

============================================================================================

1992 ல் ஒரு கதை எழுதும் சாஃப்ட்வேரை வைத்து கமல் 7 நாட்களில் எழுதி வெளியான படம் தேவர் மகன்.   5 தேசிய விருது பெற்ற திரைப்படம்.  1972 ல் வெளியான Godfather மற்றும் 1973 ல் வெளியான கன்னடப்படம் காடு படம் ஆகியவை இந்தப் படத்தின் கதைக்கு இன்ஸ்பிரேஷன் என்று கமல் சொல்லி இருக்கிறார்.  மாபெரும் வெற்றிப்படம்.  காட்ஃபாதர் படத்தை வைத்து சிவாஜி கமலை வைத்து முக்தா சீனிவாசன் ஒரு படம் எடுக்க நினைத்தாராம்.   கமலின் நண்பர் அனந்து அது சிவாஜி படமாக பார்க்கப்படுமே தவிர கமல் படமாக இருக்காது என்று சொன்னதால் கமல் மறுத்து விட்டதாகவும் சொல்கிறார்கள்.  ஆனால் தேவர் மகனில் சிவாஜி நடித்திருக்கிறார்!  

இன்னொரு வம்பும் உண்டு.  கங்கை அமரன் 'அதிவீரராமபாண்டியன்' என்கிற பெயரில் இதே கதையை கமலை வைத்து இயக்க முயன்றபோது, இளையராஜா கமலிடம் அமர் இயக்குவதற்கு லாயக்கில்லாதவன் என்று சொல்லி நிறுத்தி விட்டாராம்.  அந்தக் கதையைத்தான் கமல் தேவர் மகனாக எடுத்து, தனக்கு இயக்கும் அனுபவம் இல்லாததால் பரதனிடம் கொடுத்து இயக்கச் சொன்னதாகவும் சொல்கிறார்கள்.

அந்தப் படத்திலிருந்து வாலி எழுதி, இளையராஜா இசையில் சுத்தசாவேரி ராகத்தில் அமைந்த, மின்மினி, சிந்துஜா பாடிய மணமகளே மணமகளே பாடல் இன்றைய பகிர்வில்...

மணமகளே மணமகளே 

மண மகளே மண மகளே வாழும் காலம் சூழும்

மங்களமே மங்களமே

குண மகளே குல மகளே பாலும் தேனும் நாளும்

பொங்கிடுமே பொங்கிடுமே

குற்றம் குறை இல்லா ஒரு கொங்கு மணிச்சரமே

மஞ்சள் வளமுடனே என்றும் வாழணும் வாழணுமே

மண மகளே மண மகளே வாழும் காலம் சூழும்

மங்களமே மங்களமே

குண மகளே குல மகளே பாலும் தேனும் நாளும்

பொங்கிடுமே பொங்கிடுமே

வலது அடி எடுத்து வைத்து வாசல் தாண்டி வா வா

பொன் மயிலே பொன் மயிலே

புகுந்த இடம் ஒளிமயமாய் உன்னால் தானே மாறும்

மாங்குயிலே மாங்குயிலே

இல்லம் கோயிலடி அதில் பெண்மை தெய்வமடி

தெய்வம் உள்ள இடம்

என்றும் செல்வம் பொங்குமடி

மண மகளே மண மகளே வாழும் காலம் சூழும்

மங்களமே மங்களமே

குண மகளே குல மகளே பாலும் தேனும் நாளும்

பொங்கிடுமே பொங்கிடுமே…