கம்ப்ளெயிண்ட் ரெஜிஸ்டர் பண்ணுங்க ஸார்...

கொஞ்சம் முன்னாலிருந்து....

அவனா, போனை வைத்து விட்டும் புலம்பலை தொடர்ந்தான்.  எல்லோரும் A/C ரூமில் சுகமாக இருப்பது போலவும், அவன் மட்டும் உழைக்கும் வர்க்கமாய் கஷ்டப்படுவது போலவும், விடாது அலுத்துப் போகும் அளவு, அரற்றிக் கொண்டே வந்தான்.  எனது ரத்த அழுத்தம் 80 லிருந்து 90, 95, 98, 100 என்று ஏறிக் கொண்டிருந்தது.  சொல்லப்போனால் சமீப காலங்களில் அது மாத்திரை சாப்பிட்டும் 95 லேயே நிலைகொண்டிருக்கிறது!  பின்னால் அமர்ந்திருக்கிறவர்களுக்காகவே அவன் உளறுகிறான் என்பது உ கை நெ க யாய் தெரிந்தது.  கேட்காமல் இருக்கவும் முடியாத சூழல். 

ஒரு நிலையில் 'ஒழிந்து போகிறான் நாய்' என்று விடவும் விட்டு விட்டேன்.  

அப்போது சுகுமாரிடமிருந்து ஃபோன் வந்தது.  முதல் நாள் அவருக்கு வாட்ஸாப்பில் ஒரு பார்வேர்ட் அனுப்பி இருந்தேன்.  தாடி வைத்த ஒரு முஸ்லீம் பெரியவர் இந்து கடவுள், இந்து தத்துவம் பற்றி பேசிய வீடியோ அது.

அதைப்பற்றி அவர் விசாரிக்க போட்ட ஃபோனை அப்போது சட்டென மண்டையில் ஒரு பொறி தட்ட,  அதை உபயோகித்துக் கொண்டேன்.  ஒரு முயற்சிதானே..  நானும் அதே அளவு செய்வேன் இல்லை?  விளையாடிதான் பார்ப்போமே...

தொடர்கிறது...

"ஸார்...  சொல்லுங்க.." என்றேன்.

"நேத்து அனுப்பி இருந்தியே...   என்ன அது?" - சுகுமார்.

"ஓ..  நான் அனுப்பியதை கேக்கறீங்களா?   போன மாதம் நாம் ஒன்று ரிஜிஸ்தர் செய்தோமே...   கம்ப்ளெயிண்ட் ....அதே போல அடுத்தது..  நம்பர் போட்டு அதை அப்படியே ரெஜிஸ்டர் பண்ணிடுங்க..."

"கம்பிளெய்ண்டா?  நம்பரா?   பண்ணினோமா?  நானுமா?  இல்லம்மா..."  

பிட் பிட்டாக குழம்பினார்!    

"நான் கேட்டது நீ நேத்து அனுப்பி இருந்தியே ஒரு வீடியோ....."

"ஆமாம் அதேதான்.   அவங்க லிங்க்கும் அனுப்பி இருக்கேன் பாருங்க...  ஓபன் பண்ணி போனதரம் செய்த மாதிரியேதான்...  அதே மாதிரி பண்ணிடுங்க...  (கொஞ்சம் இடைவெளி)  எஸ்...  எஸ்...   நம்பர் போட்டுட்டு அந்த நம்பரை எனக்கும் ஃபார்வேர்ட் பண்ணிடுங்க..."

நான் பேச ஆரம்பித்திலிருந்தே டிரைவர் புலம்பலை நிறுத்தி கவனிக்கிறான் என்பதை கவனித்திருந்தேன்.  அவன் புலம்பலும் நின்றிருந்தது. லேசாக என் பக்கம் திரும்பிய முகத்தோடு - காதுகளோடு - வண்டியை செலுத்திக் கொண்டிருந்தான்.

நானும் அவனுக்கு கேட்கக்கூடாது, புரியக்கூடாது என்று பேசுவது போல பொதுவில் பேசி,  ஆனால் அவன் காதுக்கும் கேட்கும் அளவில் சன்னமாக உரையாடலைத் தொடர்ந்தேன்.

சுகுமார் குழம்பிப்போய் "ஒண்ணும் புரியலைம்மா..." என்றார் பரிதாபமாக.

"ப்ரூஃபா? அனுப்பி இருக்கேனே..  சொன்னேனே...  பார்க்கவில்லை?" 

"என்னம்மா ஆச்சு?  என் கிட்ட தான் பேசறியா?"

"ரெகார்ட் பண்ணி இருக்கேன் ஸார்...  ரெக்கார்டிங்கைதான் அனுப்பி இருக்கேன்..  இருங்க பார்க்கிறேன்..."

செல்லை பார்ப்பது போல பாவனை செய்தேன்.

"ஓ...  சுத்திக்கிட்டே இருக்கு..  மொபைல் டேட்டாதானே..  மெல்ல வரும்..  ப்ரூஃபோடு அட்டாச் பண்ணி கம்ப்ளைன்ட் ரெஜிஸ்டர் பண்ணுங்க..  காபி எனக்கும் அனுப்புங்க..."

"ஒண்ணும் புரியலை...   பாயைப் பிராண்டலாம் போல இருக்கு...  நீ ஏற்கெனவே பிராண்டிகிட்டுதான் இருக்கே போல...   நான் வச்சுடறேன்மா...  முடியல..."

"சரி ஸார்...   புரிஞ்சுது ஸார்...   டைம் எடுக்கட்டும் பரவாயில்ல..  ஆனா விடக்கூடாது இதை...  இறங்கி அரைமணில பேசறேன்...  என்ன ஸார்...   (கொஞ்சம் குரலைத் தாழ்த்தி, ஆனால் கேட்கும்படியாக) மேப் ஸ்க்ரீன் ஷாட்டா?  ஓ எஸ்...    அதையும் அனுப்பறேன்...  கட்டாயம்.. ஆமாம் டைமும் நோட் பண்ணியே அனுப்பறேன்..   ஓகே ஓகே..."

சுகுமார் ஏற்கெனவே வெறுத்துப்போய் ஃபோனை வைத்திருந்தார். தலையில் சொற்பமாக பாக்கி இருக்கும் முடியை சொரிந்து கொண்டிருப்பார்.  

'என்ன ஆச்சு ஸ்ரீராமுக்கு?'  

பரவாயில்லை, அவருக்கு அப்புறம் விளக்கிக் கொள்ளலாம்.

ஃபோனை வைத்தபின் அந்த ஆச்சர்யம் நிகழ்ந்திருந்தது.  கடுப்பன் அமைதி ஆகி இருந்தான்.  சுத்தமான அமைதி நிலவியது.  நிம்மதி.  அப்புறமும் விடாமல் என் நாடகத்தை  முழுமையாக்கினேன்.

அதாவது, 

நான் ஆப்டாக அட்ரஸ் கொடுக்காமல் நகர் பெயர் மட்டும் போட்டு புக் செய்திருந்தேன்.  மேப் காட்டும் இடம் முடிந்து நான் போகவேண்டிய இடத்துக்கு முன்னாலேயே இறக்கி விடுவானா என்ன என்று தெரியவில்லை.  அந்த பட்சத்தில் இன்னும் கொஞ்ச தூரம் கொண்டு விடு என்று கேட்காமல் அமைதியாக இறங்கி விடுவது என்று முதலில் முடிவு செய்திருந்தேன்.  இப்போது அதையும் நாடகமாக்கலாம் என்று தோன்றியது.

பின்னாலிருந்து பார்த்தல் தெரியும் வண்ணம்தான் ஒரு ஸ்டேண்டில் அவன் தன் அலைபேசியை வைத்திருந்தான்.  அதனால்தான் எல்லாவற்றையும் கவனிக்க முடிந்தது.

பார்த்தால் அவன் அலைபேசி மேப்பில் நான் இறங்க வேண்டிய இடத்தையும் தாண்டி டெஸ்டினேஷன் காட்டியது.  'நல்லது' என்று மனதில் நினைத்துக் கொண்டு சட்டென ஓங்கி குரல் கொடுத்தேன்.  "இங்கேயே நிறுத்தப்பா..." என்றேன்.

அமைதிக் குரங்கு திடுக்கிட்டு 'இங்கேயேவா?" என்றான்.

"ஆமாம்..  இங்கேயேதான்"  அழுத்தமாக சொன்னேன்.

"இறங்க வேண்டிய இடம் இன்னும் கொஞ்ச தூரம் காட்டுது இல்ல?" என்று கேட்டபடி "மேப்பை ஒரு ஸ்கிரீன் ஷாட் எடுத்துக்கறேன்" என்றபடி அவன் அலைபேசியை ஒரு போட்டோ பிடித்துக் கொண்டேன்.  "ரோடும் மோசமில்லை..  நல்ல ரோடு தான்" என்றபடி சாலையை (தேவை இல்லாமல்) ஒரு படம் பிடித்துக் கொண்டேன்.

'ஜி பே செய்யவா' என்று நானும் 'கேஷா கொடுத்துடுங்க' என்று அவனும் ஒரே நேரத்தில் பேசி, நான் மறுபடி அதே கேள்வியைக் கேட்டதும் குரலை உயர்த்தி 'கேஷாவே கொடுத்துடுங்கன்னு சொன்னேன்" என்றான்.

பட உதவி Meta AI 

"எவ்வளவு?" என்றேன் நானும் அதே டெசிபலில்.

"ஏன், நீங்க புக் செய்யும் போது காட்டவில்லையா?" என்றபடி "151"  என்றான்.

"புக் செய்யும்போது காட்டியதையே கொடுக்கவா?" என்றபடி பையில் கைவிட்டேன்.  (உண்மையில் எனக்கும் அதுதான் காட்டி இருந்தது)  "ஃபிராடுங்க...    'ஆப்'பில் ஒரு அமவுண்ட் காட்டும்..  உங்க செல்லில் ஒன்று காட்டும்.  அதான் கேட்டேன்" 

கொடுத்து விட்டு முன்பக்கமாக தாண்டிச் செல்கையில் ஆட்டோ நம்பரை ஒரு போட்டோ எடுத்தேன்.  பாவ்லாதான்.  சற்று தள்ளி நின்று அவன் உருவம் தெரியும்படி ஒரு போட்டோ அவன் அறியாமல் எடுப்பது போல எடுத்தேன்.  அதையும் ஓரக்கண்ணால் கவனித்தான்.  அவன் முகம் முற்றிலும் மாறி இருந்தது.

இதில் என்னுடைய வெற்றி என்பது 25 நிமிட பயணத்தில் சுமார் 12 நிமிடங்கள் விடாமல் கெட்ட வார்த்தைகளால் அலங்கரிக்கப்பட்ட பேச்சை அள்ளித் தெளித்துக் கொண்.........டே வந்தது, எப்போது நிறுத்தினான், அல்லது எதற்குப் பிறகு அது நின்றது என்றால் நான் பேசிய பேச்சுகளை கேட்ட பிறகு!

மறுநாள் சுகுமாருக்கு அலைபேசி நான் சொன்ன விளக்கங்களை அவர் அவ்வளவு சுவாரஸ்யமாக கேட்டுக் கொள்ள்வில்லை.   உங்களுக்கும் இது போர் அடித்திருக்கலாம்.  எனினும் இது இவ்வாறு நடந்தது.  அது நிஜம்!

அவன் ஒரேயடியாக நடுங்கி விட்டான் என்றோ, இதனால் தமிழ்ப்பட நல்ல வில்லன் போல மனம் திருந்தி விட்டான் என்றோ சொல்ல மாட்டேன்.  திருந்துகிற ஜென்மங்களும் இல்லை இவர்கள். 

இத்தனைக்குப் பிறகும் அவன் குரல் உயர்த்தியதில் வேறொன்று செய்தேன்.  சாதாரணமாக என்னதான் சூடான பேச்சுகள் நடந்திருந்தாலும் கடைசியில் இவர்கள் தண்டத்துக்குக் கொடுக்கும் ஸ்டார் ரேட்டிங்கில் 5 ஸ்டார் கொடுத்து விடுவேன்.  முதன்முறையாக இவனுக்கு 3* கொடுத்ததும் சப்மிட் ஆகாமல் ஏனென்று காரணம் கேட்டு நான்கைந்து ஆப்ஷன்ஸ் கொடுத்தது.  அதில் கடைசி இரண்டு 'ரொம்ப பேசிட்டான்', 'ரொம்ப ரொம்ப பேசிட்டான்'!  ஐந்தாவதை டிக் அடித்து மறுபடி  சப்மிட் செய்தேன்.  என்ன செய்வார்களோ...  அவனுக்காச்சு, அவர்களுக்காச்சு!

எனக்கும் ஒரு சின்ன திருப்தி.  ஈகோ சாடிஸ்ஃபாக்ஷன்!

என்ன சொல்றீங்க...!

================================================================================================

- நிலத்தில் வாழும் உயிரினங்களிலேயே பெரியது யானை. இந்தியா உள்ளிட்ட தென்கிழக்காசியா, ஆப்பிரிக்கா தவிர உலகில் வேறு எங்கும் யானைகள் இல்லை.  2000 ஆண்டுகளுக்கு முன் இந்தியா காடுகளில் 11 வகையான யானை இனங்கள் வாழ்ந்தது என்று வரலாற்று ஆய்வாளர்கள் குறிப்பிடுகின்றனர். இப்போது ஆசியா முழுவதிலும் ஒரே யானை மட்டுமே தப்பி உள்ளது.  மீதி இனங்கள் எல்லாம் வேட்டையின் மூலமாக முற்றிலும் அழிக்கப்பட்டு விட்டன.  இந்த யானை அழிப்பிற்கு முக்கிய காரணம் அதன் தந்தங்கள்.

- "வீரப்பன் வாழ்ந்ததும் வீழ்ந்ததும்" புத்தகத்திலிருந்து...

- உங்கள் வேலையில் நீங்கள் நேர்மையாக இருந்தால் தவறில்லை. கோபமாக இருந்தால் இருந்தால் தவறு என்பது வீரப்பன் கட்சி!  ரேஞ்சர் சிதம்பரம் குற்றவாளிகளை மோசமாக நடத்துவார் என்று கேட்டு தெரிந்து கொள்ளும் வீரப்பன், அவரை கொல்ல முடிவு செய்கிறான்.

===============================================================================

இணையத்தில் படித்த வம்பு...

சமீபத்தில் பிரபல மலையாள நடிகர் மோகன்லால் பெரிய சர்ச்சையை ஒன்றில் சிக்கினார். இதில் ஆயிரம் பெண்களுடன் உறவு கொண்டதை டைரியில் குறித்து வைத்து.. ஆயிரமாவது பெண்ணுடன் உறவு கொண்ட பிறகு அதனை ஒரு பார்ட்டி கொடுத்து கொண்டாடி இருக்கிறார்.   அந்த தகவல் அரசல் புரசலாக இணைய பக்கங்களில் வெளியானது. இந்த விவகாரம் குறித்து நடிகர் மோகன்லால் இதுவரை எந்த ஒரு பதிலும் தெரிவிக்கவில்லை. மேலும் மறுப்பு கருத்தும் தெரிவிக்கவில்லை என்பது குறிப்பிடத்தக்கது.  - தமிழ் டாட் காம் தமிழ் சினிமா நியூஸ் பக்கத்தில் 

=======================================================================

​

இணையத்தில்க் பார்த்த வினோத இந்தியா பக்கத்திலிருந்து....

Extremely Risky Train Riding 

India has a population of over 1.3 billion, which, putting it lightly, is a lot. That being the case, public transportation can be a serious problem, and it may require some radical solutions. The one you can see in the picture below is such a solution that makes us totally nervous.  We get it, India — you have a lot of people. But honestly, this just doesn’t seem safe. Then again, you gotta do what you gotta do even if it looks extremely risky.

இது பழைய படமாக இருக்கலாம்.  இப்போது  எலெக்ட்ரிக் ட்ரெயினில் இதெல்லாம் சாத்தியமில்லை!  75, 80 களில் வத்ராப் பக்கம் T. கல்லுப்பட்டி பக்கம் மக்கள் இப்படிதான் பஸ்ஸிலும் போவார்கள்!  பார்த்திருக்கிறேன்.

=============================================================================================

நியூஸ் ரூம் 

பானுமதி வெங்கடேஸ்வரன் 

- அஹ்சன் என்கிற இளைஞர் ப்ளிப்கார்ட் மூலம் ஆர்டர் செய்த காலணி ஆறு ஆண்டுகளுக்குப் பிறகு அவ்ருக்குக் கிடைத்துள்ளது.  ப்ளிப்கார்ட் நிறுவனத்திடமிருந்து அழைப்பு வரும்போது இவருக்கு தெரிந்திருக்கவில்லை, இது மிகப்பெரிய செய்தியாகும் என்று!

- ரஷியாவால் கடந்த 2022 ஆம் ஆண்டு செயலிழந்ததாக அறிவிக்கப்பட்ட செயற்கைக்கோள் ஒன்று திடீரென உடைந்து நொறுங்கியது.  அதன் நூற்றுக்கும் மேற்பட்ட துகள்கள் ரேடாரில் கண்களுக்குத் தெரிந்தன.  அந்த செயற்கைக்கோள் சர்வதேச விண்வெளி நிலையத்துக்கு அருகே வெடித்ததால் அதன் துகள்கள் அந்த விண்வெளி நிலையத்தைத் தாக்கக்கூடும் என அஞ்சி, அங்கிருந்த விஞ்ஞானிகள் பாதுகாப்பு அறைகளுக்கு அனுப்பப்பட்டனர்.  பின்னர் ஆபத்து நீங்கியதும் அவர்கள் பணிகளைத் தொடர்ந்தனர்.

- ராஜஸ்தான்: துங்கர்பூர் அரசு மருத்துவ கல்லூரியில் முதலாமாண்டு மாணவனை 300க்கும் மேற்பட்ட முறைகள் சிட் அப்ஸ் செய்யச்

சொல்லியிருக்கின்றனர். இதனால் அந்த மாணவனுடன் சிறுநீரகத்தில் அழுத்தம் ஏற்பட்டு பாதிப்பு ஏற்பட்டிருக்கிறது. அதற்காக ஒரே வாரத்தில் நான்கு முறை டயாலிசிஸ் செய்து கொண்டு குணமடைந்திருக்கிறார். இது தொடர்பாக கல்லூரி நிர்வாகம் அளித்த புகாரின் பேரில் ஏழு மாணவர்கள் கைது செய்யப்பட்டுள்ளனர்.

- அமெரிக்காவின் டெக்ஸாஸ் மாகாணத்தைச் சேர்ந்த 'பெர்வோ எனர்ஜி' என்னும் நிறுவனம் பூமியின் வெப்பத்தில் மின்சாரம் தயாரிக்கும் முறையை கண்டுபிடித்திருக்கிறது. இந்த முறையில் கார்பன் மற்றும் மீத்தேன் வெளிப்பாடு இல்லாமல் மின்சாரம் தயாரிக்க முடியும்.

- கர்நாடகா,ஹாசன்: ஹாசன் மாவட்ட மருத்துவமனையில் கால் வலிக்கு சிகிச்சை பெற வந்த முதியவரிடம் இரண்டு கிரெப் பாண்டேஜ் மற்றும் மெஹந்தி கோன் வாங்கிவரச் சொல்லி மருந்து சீட்டில் எழுதி கொடுத்திருக்கின்றனர். மெஹந்தி கோனுக்காக பல மருந்து கடைகளில் ஏறி, இறங்கிய விஷயம் சமூக,வலைத்தளங்களில் பரவியது. 

இறுதியில் ஹாசன் மருத்துவமனை இயக்குனர் டாக்டர்.சந்தோஷ், "அந்த நோயாளிக்கு ரத்த நாளங்களில் பிரச்சனை உள்ளது. சிகிச்சைக்காக மருத்தும மனையில் அனுமதிக்கப் பட்டுள்ளார். காலில் பாதிப்புள்ள இடத்தை அடையாளம் காண, பேனாவால் குறியிட்டால் இரண்டு நாட்களில் அழிந்து விடும், எனவே மெஹந்தி கோன் மூலமாக குறியிடப்படுகிறது" என்று விளக்கமளித்துள்ளார்.

 

- உத்தரகண்ட் ஹரித்வாரில் கங்கை ஆற்றின் துணை ஆறான சுகி ஆற்றுப்படுகை எப்போதும் வரண்டு காணப்படும் என்பதால் அங்கு வாகனங்கள் நிறுத்துவது வழக்கம். சனியன்று திடீரென்று கங்கையில் வெள்ளப் பெருக்கு ஏற்பட்டதால்,சுகி ஆற்றுப் படுகையிலும் தண்ணீர் பெருக்கெடுத்து ஓடியது. இதனால் அங்கு நிறுத்தப்பட்டிருந்த வாகனங்கள் நீரில் அடித்துச் செல்லப்பட்டன.

- ஆப்பிள் ஐ ஃபோன் தயாரிப்பு நிறுவனமான 'பாக்ஸ்கான்' மணமான பெண்களுக்கு வேலை வழங்க மறுப்பதாக குற்றச்சாட்டு. 

- திருமணமான இந்திய பெண்களுக்கு வீட்டுப் பொறுப்புகள் அதிகரிப்பது, அவர்கள் அணியும் நகைகள், மற்றும் அணிகலன்கள் ஐஃபோன் உபகரணங்களை பழுதாக்குவது முதலியவை முக்கிய காரணங்களாக கூறப்படுகின்றன.

- சென்னை: கலைமாமணி விருது பெற்றவர்கள் 60 வயது நிறைவடைந்திருந்தால் அவரும்,அவரது உதவியாளர் ஒருவரும் அரசுப் பேருந்தில் இலவசமாக பயணிக்கலாம்.

- விண்வெளித் துறையில் புதுமைகளை உருவாக்கவும், முதலீடுகளை ஈர்க்கவும் தமிழக அரசின் விண்வெளிக் கொள்கை 2024 உருவாக்கப் பட்டுள்ளது. இந்தக் கொள்கையின் கீழ் குலசேகரன்பட்டினம் சுற்றியுள்ள மதுரை,விருதுநகர்,தூத்துக்குடி,நெல்லை மாவட்டங்களை space bay ஆக அறிவித்து வளர்ச்சியை ஊக்கப்படுத்த முடிவெடுக்கப் பட்டுள்ளது.

- உலகின் சக்தி வாய்ந்த அணுகுண்டை தயாரித்துள்ளது இந்தியா.

-

[ இப்போதெல்லாம் ஸ்ரீராம் வியாழனன்று அனுஷ்கா படம் போடுவதில்லை.  அதனால் இந்த படச்செய்தி - பானுமதி வெந்கடேஸ்வரன் ]

அக்கா..   சமீபத்தில் கூட அனுஷ் படம் பகிர்ந்திருந்தேன்.  நீங்கள் பார்க்கவில்லை!

========================================================================================

2013 ல் நான் எழுதிய (நகைச்சுவை) கவிதை வடிவமும், அதற்கு வந்த சுவாரஸ்யமான கமெண்ட்ஸும்!

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

கோவிலுக்கு நேர்ந்திருந்தேன் அதான் மொட்டை போட்டேன் என்று சொல்வார்கள். முடி வளர்றதலாதானே மொட்டை போட்டிருக்கே... விரலை வெட் டுவியா என்று கிண்டலடிப்பார்கள். ஆனால் முடி காணிக்கை என்பது மரணத்துக்கு ஒப்பானது என்பது தெரியுமா?

மகாபாரத போர் நடக்கும் போது இறுதி நாளில் குரு துரோணாச்சாரியாவின் புதல்வன் அஸ்வத்தாமன் திரெளபதியின் ஐந்து குழந்தைகளையும் பாண்டவர்கள் என்று நினைத்து வெட்டி சாய்த்தான். விடிந்ததும் குழந்தைகளைக் கண்டு சொல்லொணா துயரம் அடைந்தார்கள் பாண்டவர்கள்.

இத்தகைய கொடூரச் செயலை செய்த பாதகனை வெட்டி வீழ்த்தாமல் விடமாட்டேன் என்று அர்ஜுனன் சபதமிட்டான். அன்று மாலையே கள்வன் அஸ்வத்தாமன் என்று தெரிந்து இழுத்துவரப்பட்டான்.

குருவின் மகனா என்று பாண்டவர்களும், திரெளபதியும் அதிர்ந்து போனார்கள்.

யாராக இருந்தால் என்ன.. இவன் தலையைக் கொய்யாமல் விடமாட்டேன் என்றான் அர்ஜுனன்.

அர்ஜுனனை யாராலும் தடுக்க முடியவில்லை. அப்போது அங்கு வந்த ஸ்ரீகிருஷ்ணர் “அவன் தலையை எடுக்க வேண்டுமென்பதில்லை அர்ஜுனா.. அவன் சிகையை மழித்துவிடு.. அது அவன் மரணத்துக்கு ஈடானது” என்றார்.

அதற்கு பிந்தைய நம் மூதாதையர்கள் தவறு செய்பவர்களை மொட்டை அடித்து செம்புள்ளி, கரும்புள்ளி வைத்து கழுதை மேல் ஊர்வலம் வரச் செய்ததையும் இத்தருணத்தில் நினைவுபடுத்தி பார்க்க வேண்டும்.

உங்கள் ஜாதகத்தில் கிரகங்கள் கடும் மோசமான விளைவுகளை ஏற்படுத்தும் என்பதை அறிந்தாலோ... உங்களுக்கு மரணதிசை நடக்கிறது என்பதை முன் கூட்டியே தெரிந்து கொண்டாலோ உங்கள் குலதெய்வம் அல்லது இஷ்ட தெய்வத்திடம் மொட்டை போடுவதாக முடி காணிக்கை செலுத்துவதாக வேண்டிக் கொள்ளுங்கள்.

தலை போகும் பேராபத்திலிருந்தும் தப்பித்துக் கொள்வீர்கள்.

பிறந்த குழந்தைக்கு 1,3, என்னும் ஒற்றைப்பட வயதில் குலதெய்வ கோயிலில் பூஜை செய்து மொட்டை அடிப்பது வழக்கம்.

விஞ்ஞான ரீதியாக கருவில் இருக்கும் குழந்தை இரத்தம், மலம், சிறுநீர் போன்ற அழுக்குகள் சூழ இருக்கும்.

இந்த கழிவுகள் குழந்தையின் கேசம், மயிர் கால்கள் வழியாக வெளியேறுவதால் மொட்டை போடுவது அவசியமாகிறது. இல்லையெனில் அக்கழிவுகள் வழியாக நோய்கள் பரவும் அபாயமும் உண்டு என்கிறது விஞ்ஞானம்.

விஞ்ஞானத்திலும் மெய்ஞானத்திலும் மொட்டை போடுதல் ஆரோக்யமான வாழ்வுக்காகவே என்று நிரூபிக்கப்பட்டுள்ளது! படித்ததில் தெரிந்து கொண்டதை பகிர்கின்றேன்.! Gajendhira Mani

///////////////////////////////////////////////////////////////////////////////////////////////////////////////////////////////////////////////////////////////////////////////////

'பழைய நெனப்புடா பேராண்டி...  பழைய நெனைப்புடா' டைப் புகைப்படங்கள்.

நேரு காலத்திலேயே இந்தியாவில் கம்பியூட்டர்...

ம்...ஹூம்...   இப்போ இருக்கும் கச கச சென்னையை நினைக்கும்போது.....

அப்போதிருக்கும் போலீஸ் உடை, அப்போது ரெகார்ட் செய்யும் கேமிரா..  கையெடுத்து வணங்கும் பொதுஜனம்....  சுபாஷின் நடையில் இருக்கும் கெத்தும் கம்பீரமும்....  ஒரு ஃபோட்டோ என்னென்ன விஷயங்களை சொல்கிறது...

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\/////////////////////////////////////\\\\\\\\\\\\\\\\\\\\\\\\///////////////////////////\\\\\\\\\\\\\\\\\\\\\\\\\\\\\//////////////////////\\\\\\\\\\\\\\\\\\\\\\\

பொக்கிஷம்  : 

பிரபலமாக பா டிக்கொண்டிருக்கும் பாடகர் திரு T M சௌந்தரராஜன் கொடுத்துள்ள விளம்பரம்...   மற்ற ரேடியோக்களில் கேட்பதைவிட பிலிப்ஸ் ரேடியோவில் TMS பாட்டு இன்னும் துல்லியமாக இருக்குமாம்!

"துமாரா நாம் க்யாஹை பசந்தி..?" 

ஜோக்குதாங்க...   கட்டம் கட்டி போட்டிருக்காங்க பாருங்க...

நம்ம கீதா அக்கா ஜோக் எழுதி கல்கிக்கு அனுப்பினாங்களோ...

வயிற்றுக்கு ஈயப்படும் நேரம்...