"திங்க"க்கிழமை : பூண்டு குழம்பு - துரை செல்வராஜூ ரெஸிப்பி

 பாரம்பர்ய பூண்டுக் குழம்பு..

செய்முறை :

இந்தக் குழம்பு வைப்பதற்கு செக்கில் ஆட்டி எடுக்கப்பட்ட நல்லெண்ணெய் தான் சிறந்தது..

தேவையான பொருட்கள்:

தேங்காய் ஒருமூடி

பூண்டு  20 பற்கள் 

சின்ன வெங்காயம்  150 gr

மிளகு  1 Tsp 

சீரகம்   1⁄2 Tsp 

புளி   சிறிதளவு

வீட்டில் தயாரித்த

சாம்பார் பொடி  1 T sp

 மஞ்சள் தூள் 1 tsp

வெந்தயம்  1⁄2 tsp

உளுத்தம் பருப்பு 1⁄2 tsp

கடுகு  1⁄2 tsp

கல்உப்பு தேவையான அளவு

கறிவேப்பிலை ஒரு இணுக்கு

நல்லெண்ணெய்  100 ml 

முதலில் பூண்டு வெங்காயம் இவற்றை உரித்து அலசிக் கொள்ளவும்.. நறுக்க வேண்டாம்..

தேங்காய் மூடியைத் துருவி - துருவலை சரிபாதியாகப் பிரித்துக் கொள்ளவும்..

1) ஒரு பாதியில் திட்டமாக  விட்டு அரைத்துப் பால் பிழிந்து கொள்ளவும்

( தண்ணீர் விடாமல் அரைத்துக் கொள்ளவும்..)

2) திட்டமான நீரில் புளியை ஊற வைத்துப் பிழிந்து - 

அதில் சாம்பார் பொடி மற்றும் மஞ்சள் தூள் கரைத்து  தனியாக வைத்துக் கொள்ளவும் . 

வாணலி ஒன்றை மிதமான சூட்டில் வைத்து, அதில் சிறிது நல்லெண்ணெய் விட்டு காய்ந்ததும்,  மிளகு, சீரகம் மறுபாதி தேங்காய்த் துருவல்  ஆகியவற்றை தனித்தனியாக வறுத்து -  ஆறிய பிறகு  ஒன்றாகச் சேர்த்து மிக்ஸியில் விழுதாக அரைத்துக் கொள்ள வேண்டும். 

அதே வாணலியில்   நல்லெண்ணெய் விட்டு காய்ந்ததும், கடுகு, வெந்தயம் உளுத்தம் பருப்பு  கறிவேப்பிலை தாளித்து,   பூண்டு வெங்காயம் சேர்த்து சிவக்கும்படி வதக்க வேண்டும். 

நன்கு வதங்கிய நிலையில் அதனுடன் 1) தேங்காய்ப் பால் ஊற்றவும்.. தொடர்ந்து,  2) புளிச்சாறு ஊற்றி, தேங்காய் விழுது, உப்பு போட்டு நன்கு கொதித்ததும் மேலும் சிறிது நல்லெண்ணெய் விட்டு - நன்றாகக் கொதிக்க வைத்து இறக்கினால்,  பூண்டு குழம்பு..

                       (படம் : இணையத்திலிருந்து .. )

கையளவு சுண்டை வற்றலைப் பொரித்துக் குழம்பில் போடுவதும் பழக்கம்.

நீர்க்க இல்லாமல் கொஞ்சம் இறுக்கமாக வைத்துக் கொண்டால் சுவையோ சுவை!..

ஃஃஃ