"திங்க"க்கிழமை : சக்கவரட்டி - பானுமதி வெங்கடேஸ்வரன் ரெஸிப்பி

 

சக்க வரட்டி

தேவையான பொருள்கள்:

பலாச்சுளை : 40 - 50
வெல்லம்  - 1/4 கிலோ
நெய் - 3 டேபிள் ஸ்பூன்

செய்முறை:

இதை செய்ய நன்கு கனிந்த பழங்கள் மற்றும் நார் உள்ள சுளைகளை பயன்படுத்திக் கொள்வது நலம் 

பலாச் சுளைகளிலிருந்து கொட்டைகளை எடுத்து விட்டு நன்றாக கழுவி, 1/4 டம்ளர் தண்ணீர் விட்டு ஒரு குக்கரில் வைத்து மூன்று விசில் வரும் வரை வைத்திருந்து, நிறுத்தி விடவும்.

பத்து நிமிடங்கள் கழித்து குக்கரை திறந்து, வெந்த பலா சுளைகளை மத்தினால் நன்றாக மசிக்கவும். அல்லது ஆறியதும் மிக்ஸியில் அரைத்துக் கொள்ளலாம். நைஸாக அரைக்கக் கூடாது. கரகரப்பாக அரைக்க வேண்டும்.

மசிந்த பலா சுளைகளோடு நறுக்கி வைத்திருக்கும் *வெல்லத்தை சேர்த்து, அடுப்பை மீடியம் ஃப்ளேமில் எரியவிட்டு வெல்ல வாசனை போகும் வரை கை விடாமல் கிளறவும். பிறகு நெய் சேர்த்து கிளறி அடுப்பை நிறுத்தி விடலாம். இதற்கு வேறு வாசனை சாமான்கள் எதுவும் தேவை இல்லை.

சுவையான இந்த சக்கை விரட்டியை ஒரு டப்பாவில் எடுத்து குளிர்சாதன பெட்டியில் வைத்துக் கொண்டால், தேவைப்படும் பொழுது பாயசம் அடைப்பிரதமன் போன்றவை செய்யலாம். நேரம் கிடைக்கும்பொழுது அவைகளை பகிர்கிறேன்.

பலாச்சுளை விழுது எவ்வளவு இருக்கிறதோ அதே அளவு வெல்லத்தூள்(1:1) சேர்க்க வேண்டும்.