இருப்பவன் சண்டை பொருளோடு... இந்த ஏழையின் சண்டை வயிறோடு

 

உளுந்தூர்ப்பேட்டை ஷண்முகம் பாடலுக்கு குன்னக்குடி ஆர் வைத்தியநாதன் இசை அமைக்க, சூலமங்கலம் சகோதரிகள் பாடி இருக்கும் பாடல்.

இதே டியூனை குன்னக்குடி தான் இசை அமைத்த  படமொன்றிலும் உபயோகித்திருக்கிறார்.  மனிதனும் தெய்வமாகலாம் என்கிற படத்தில் சீர்காழி கோவிந்தராஜன் குரலில் வரும் 'காவலுக்கு வேல் உண்டு' என்னும் பாடல்தான் அது.  பாடல் வரியைச் சூட்டினால் அதையும் கேட்கலாம்!

வேல் வந்து வினை தீர்க்க மயில் வந்து வழிகாட்ட

கோவிலுக்குள் சென்றேனடி

குமரன் கொலுவிருக்கக் கண்டேனடி

வேல் வந்து வினை தீர்க்க மயில் வந்து வழிகாட்ட

கோவிலுக்குள் சென்றேனடி

குமரன் கொலுவிருக்கக் கண்டேனடி

பால் கொண்டு நீராட்டி பழம்தந்து பாராட்டி

பால் கொண்டு நீராட்டி பழம்தந்து பாராட்டி

பூமாலை போட்டேனடி

பூமாலை போட்டேனடி

திருப்புகழ் மாலை கேட்டேனடி பூமாலை போட்டேனடி

திருப்புகழ் மாலை கேட்டேனடி (வேல் வந்து )

பங்குனியின் உத்திரத்தில் பழனிமலை உச்சியினில்

பங்குனியின் உத்திரத்தில் பழனிமலை உச்சியினில்

கந்தன் எனைக் கண்டானடி கந்தன் எனைக் கண்டானடி

எந்தன் சிந்தையில் நின்றானடி

கந்தன் எனைக் கண்டானடி

எந்தன் சிந்தையில் நின்றானடி

வேலழகும் மயிலழகும் வீற்றிருக்கும் பேரழகும்

வேலழகும் மயிலழகும் வீற்றிருக்கும் பேரழகும்

காலமெல்லாம் இருக்குமடி அந்த காட்சி என்றும் இனிக்குமடி

காலமெல்லாம் இருக்குமடி அந்த காட்சி என்றும் இனிக்குமடி (வேல் வந்து )

=========================================================================================

மஹாகவி காளிதாஸ் மஹாகவி காளிதாஸ் னு ஒரு படம்ங்க...  1966 ம் வருஷம் வெளியானது.  சிவாஜி, சௌகார் ஜானகி, முத்துராமன், நாகேஷ்னு பெரிய நடிகர் பட்டாளமே நடிச்ச வாழ்க்கை வரலாற்றுப் படம்.  

இதிலிருந்து ஏற்கெனவே இரண்டு பாடல்கள் பகிர்ந்திருக்கிறேன்.  இன்று கு மா பாலசுந்தரமணியம் எழுதிய கல்லாய் வந்தவன் கடவுளம்மா என்னும் பாடல் கே வி மகாதேவன் இசையில் T M சௌந்தரராஜன். பாடியது.

கல்லாய் வந்தவன் கடவுளம்மா

அதில் கனியாய்க் கனிஞ்சவ தேவியம்மா

புல்லாய் மொளைச்சவ சக்தியம்மா

அதில் பூவாய் மலர்ந்தவ காளியம்மா

மந்தையில் மேய்கிற வெள்ளாடு

அந்தி சந்தைக்கு வந்தால் சாப்பாடு

பந்திக்கு முந்துற பெரும்பாடு

அது படிச்சவன் வகுத்த பண்பாடு

பந்திக்கு முந்துற பெரும்பாடு

அது படிச்சவன் வகுத்த பண்பாடு

கல்லாய் வந்தவன் கடவுளம்மா

அதில் கனியாய்க் கனிஞ்சவ தேவியம்மா

புல்லாய் மொளைச்சவ சக்தியம்மா

அதில் பூவாய் மலர்ந்தவ காளியம்மா

ஆண்டியின் கையில் திருவோடு

தினம் அவனுக்கு வேலை தெருவோடு

இருப்பவன் சண்டை பொருளோடு

இந்த ஏழையின் சண்டை வயிறோடு

இருப்பவன் சண்டை பொருளோடு

இந்த ஏழையின் சண்டை வயிறோடு

கல்லாய் வந்தவன் கடவுளம்மா

அதில் கனியாய்க் கனிஞ்சவ தேவியம்மா

புல்லாய் மொளைச்சவ சக்தியம்மா

அதில் பூவாய் மலர்ந்தவ காளியம்மா

காக்காய் உண்டு நரியுண்டு

வரிக்கழுதைகள் உண்டு புலியுண்டு

மனிதரில் இத்தனை வகையுண்டு

அவர் வாக்கினில் தெரியும் யாரென்று

கல்லாய் வந்தவன் கடவுளம்மா

அதில் கனியாய்க் கனிஞ்சவ தேவியம்மா

புல்லாய் மொளைச்சவ சக்தியம்மா

அதில் பூவாய் மலர்ந்தவ காளியம்மா