"திங்க:க்கிழமை : பனீர் முந்திரி குருமா.. - துரை செல்வராஜூ ரெஸிப்பி

 பனீர் முந்திரி குருமா..

*** *** *** *** ***

அந்தக் கடை இந்தக் கடை என்று புகுந்து சாப்பிடுவதற்கு இனி ஆசைப்பட வேண்டாம்.. ஆங்காங்கே கலப்படங்களும் தரமற்ற உணவுகளும் தலை

விரித்து ஆடுகின்றனவாம்..

இதோ

பனீர் முந்திரி குருமா 

செய்வதற்கான குறிப்பு ….

அமுல் பனீர் 250 gr

பெரிய வெங்காயம் ஒன்று

தக்காளிப் பழம் 2

பச்சை மிளகாய் 2

தேங்காய் ஒருமூடி

பசுநெய் தேவைக்கு

முந்திரி பருப்புகள் 25 

வேர்க்கடலை 50 gr

இஞ்சி பூண்டு விழுது ஒரு Tbsp

வீட்டில் தயாரிக்கப்பட்ட

மஞ்சள் தூள் 1⁄2 tsp

சீரகத் தூள் 1⁄2 tsp

மல்லித் தூள் ஒரு tsp

கரம் மசாலாத்தூள் ஒரு tsp

கல் உப்பு தேவைக்கு

தாளிப்பதற்கு:

பட்டை கிராம்பு ஏலக்காய்  பிரிஞ்சி இலை மல்லித்தழை கைப்பிடியளவு  

குறிப்பு கள் :-

வீட்டில் பனீர் மற்றும் நெய் தயாரிக்க இயலாது எனில் உயர் தரமான  நம்பகமான பனீர் நெய் இவற்றைத் தேர்ந்தெடுத்துக் கொள்ளவும்.. 

இங்கே சொல்லப்பட்டிருக்கின்ற

வேர்க்கடலை  வறுக்கப்பட்டது. தோல் நீக்கப்பட்டதாகும்..

செய்முறை :-

அகலமான வாணலி ஒன்றில் ஒரு தேக்கரண்டி பசு நெய் விட்டு - சூடானதும் பனீரை வதக்கிக் கொள்ளவும்..

அதே வாணலியில்

முந்திரிப் பருப்புகளை வறுத்துக் கொள்ள வேண்டும்..

மேலும் சிறிது நெய் விட்டு

நீளவாக்கில் நறுக்கப்பட்ட

வெங்காயத்தை  வதக்க வேண்டும். வெங்காயம் சிவந்து  வதங்கும் நேரத்தில்  பச்சை மிளகாய் சேர்த்து வதக்கிக் கொள்ளவும். 

தொடர்ந்து  தேங்காயைத் துருவி வேர்க் கடலையுடன்

 சேர்த்து  சூடான வாணலியில்  சற்றே புரட்டிக் கொள்ள வேண்டும்.

தேங்காய், கடலை வறுவலை  சிறிது நேரம் ஆற வைத்து  மிக்ஸியில் இட்டு விழுதாக அரைத்துக் கொள்ளவும். 

பனீர் குருமா செய்வதற்கான முக்கியமான  தேங்காய் விழுது  தயார்.

அடுத்ததாக  கடாயில் 

மிதமான சூட்டில் சிறிது நெய் விட்டு தேங்காய் விழுதை

வதக்கவும்..  மிதமான சூட்டினைக்  கவனித்துக் கொள்ள வேண்டும். 

அடுத்து இத்துடன் இஞ்சி பூண்டு விழுது மஞ்சள் தூள், மல்லித் தூள்,  சீரகத்தூள்,  கரம் மசாலாத் தூள், கல் உப்பு சேர்த்துக்  கொள்ள வேண்டும்.

நன்றாக வதங்கியதும் வேண்டும்.  சிறிதளவு வெந்நீர் சேர்த்து கொதிக்க விட வேண்டும். 

முதல் கொதி வர்ந்ததும்  நறுக்கி வைத்திருக்கும் தக்காளியை சேர்த்து .

வாணலியை இரண்டு நிமிடங்கள் மூடி வைக்கவும்  

தக்காளி வெந்ததும்  

இந்தக் கலவையுடன்   வதக்கிய பனீர் துண்டுகள் வறுத்த முந்திரி இவற்றைச் சேர்க்கவும் .. மீண்டும் ஒரு கொதி வந்ததும்  -.

 பட்டை கிராம்பு ஏலக்காய் பிரிஞ்சி இலை தாளித்து   மல்லித் தழையை நறுக்கிப் போட்டு இறக்கவும்.

சுவையான பனீர் முந்திரி குருமா...

வட்டார வழக்கில் வேறு வேறு செய்முறைகளும் இருக்கின்றன..

ஃஃஃ