கடற்படையில் பெண் அதிகாரி மற்றும் நான் படிச்ச கதை

 

சேலம் மாவட்டம் பெத்தநாயக்கன்பாளையம் அரசு ஆண்கள் மேல்நிலைப் பள்ளியில் பயிலும் மாணவர் அபிஷேக் பேட்டரியால் இயங்கும் மிதிவண்டியை வடிவமைத்து பள்ளிக்கு சென்று வருகின்றார்.

அரசுப் பள்ளி மாணவர்களின் சாதனைகளுக்கு எடுத்துக்காட்டாகத் திகழும் மாணவர் அபிஷேக் முயற்சிக்கு வாழ்த்துகள்.

தொடர்ந்து சாதனைகள் படைப்போம். அரசுப் பள்ளி என்பது பெருமையின் அடையாளம் என்பதை நிரூபிப்போம்.

#Tamilnadu_School_Education_Department

Sun News Tamil

(Thank you JKC Sir)

=================================================================================================

நம் கடற்படை வரலாற்றில் முதல்முறையாக, பெண் அதிகாரி ஒருவர் போர் கப்பலின் கமாண்டராக நியமிக்கப்பட்டுள்ளார். இவரும், இவரது சகோதரரும் ஒரே நேரத்தில் இருவேறு போர் கப்பல்களின் கமாண்டர்களாக நியமிக்கப்பட்டுள்ளனர்.  நம் முப்படைகளில், பெண்கள் அதிகாரிகளாக பணி நியமனம் செய்யப்படும் நடைமுறை துவங்கி, 30 ஆண்டுகள் ஆகின்றன. ஆனால், போக்குவரத்து, மருத்துவ பிரிவு உள்ளிட்டவற்றில் மட்டுமே அவர்கள் பணியாற்றி வந்தனர். அதிகாரிகள் பதவிக்கு குறைவான பணிகளில் பெண்களை முதல்முறையாக நியமனம் செய்த பெருமை, நம் கடற்படையை சேரும்.  அக்னிவீரர் திட்டத்தின் கீழ் நம் கடற்படையில், 1,000 பெண்கள் தற்போது பணியாற்றி வருகின்றனர். நம் கடற்படையின் போர் கப்பல்களில், நான்கு பெண் அதிகாரிகள் கடந்த 2021ல் பணி நியமனம் செய்யப்பட்டனர். இதை தொடர்ந்து, 40 பெண் அதிகாரிகள் தற்போது பணியில் உள்ளனர். ஆனால் போர் கப்பலுக்கு தலைமை வகிக்கும் கமாண்டர் பொறுப்பு அவர்களுக்கு வழங்கப்பட்டதில்லை. இதை, பிரேர்னா தியோஸ்தலி என்ற பெண் அதிகாரி முறியடித்து உள்ளார்.  நம் கடற்படைக்கு சொந்தமான ஐ.என்.எஸ்., டிரிங்கட் போர் கப்பலின் முதல் பெண் கமாண்டராக அவர் நேற்று நியமிக்கப்பட்டார். நம் கடற்படையில், கடந்த 2000ல் இணைந்த ஐ.என்.எஸ்., டிரிங்கட், 50 வீரர்களை கொண்டது. அந்தமான் நிகோபாரில் உள்ள ஒரு தீவின் நினைவாக, கப்பலுக்கு இந்த பெயர் சூட்டப்பட்டது.  கனரக இயந்திர துப்பாக்கிகள் பொருத்தப்பட்ட இந்த கப்பல், நிலப்பரப்பு தாக்குதல்களை எதிர்க்கும் திறன் உடையது. அதி வேகத்திலும், ஆழம் குறைவான பகுதிகளிலும் இயங்கும் திறன் உடையது. இந்த கப்பலின் கமாண்டராக நியமிக்கப்பட்டுள்ள பிரேர்னாவின் சகோதரர் இஷான் தியோஸ்தலியும், நம் கடற்படையில் அதிகாரியாக பணியாற்றி வருகிறார்.  இவர், ஐ.என்.எஸ்., விபூதி போர் கப்பலின் கமாண்டராக நேற்று நியமிக்கப்பட்டார். சகோதரனும், சகோதரியும் ஒரே நேரத்தில் நம் கடற்படை போர் கப்பல்களின் கமாண்டர்களாக பணியாற்றுவது இதுவே முதல்முறை.

==============================================================================

=======================================================================================

நான் படிச்ச கதை 

ஜீவி 

"எல்லாரும் ஏறியாச்சா?" என்ற அப்பாவின் அட்டகாசமான குரலுடன் கதை ஆரம்பமாகிறது.

அப்பா இருக்கும் இடத்தில் அப்பாவின் குரல் தான் எப்பொழுதும் உயர்ந்திருக்கும்.  அப்பாவின் குரலே அலாதி.  அது தலைமை தாங்கும் குரல்.  குரல் மாத்திரமில்லை.  உடல் வாகும் ஆஜானுபாகுவாய் அதற்கேற்ற மாதிரி இருக்கும்.  

அப்பா தான் எதையும் தீர்மானிப்பார்,  அப்பா தீர்மானிப்பது எதுவும் இது வரை சோடை போனதில்லை.  அப்பா எதுவும் சொன்னால் இது வரை எதிர் பேச்சாய் எதுவும் எழுந்ததில்லை.  சொல்வது மாத்திரமில்லை.   அப்பா தான் சொல்வதை நிறைவேற்றியே காட்டுவார்.  அதில் எல்லாருடைய நலனும் கலந்தே இருக்கும்.  அதான் அதிலிருக்கும் விசேஷமே.

பையன் ஸ்ரீதரின் திருமணம் வெகு சிறப்பாக நடைபெற்று முடிந்ததில்  அப்பாவுக்கு பரம திருப்தி. வீட்டுக்கு மருமகளாய் அமைந்த ரேவதியும் ஸ்ரீதருக்கு ஏற்ற ஜோடி போலவே பார்வைக்குத் தெரிந்தாள்.  திருமணத்திற்கு வாழ்ந்த வந்திருந்திருந்தவர்களில் இதைக் குறிப்பிட்டுச் சொல்லாதவர்கள் யாருமில்லை.  அப்பாவுக்கு இதில் ஏகப்பட்ட சந்தோஷமும் திருப்தியும்.

அந்த சந்தோஷத்தில் தான் ஸ்ரீதர்-- ரேவதி திருமணம் முடிந்த கையோடு அத்தனை சொந்த பந்தங்களும் கலந்து கொள்கிற மாதிரி அந்த சுற்றுலாவிற்கு அவர் ஏற்பாடு செய்திருந்தார்.  முழுசா மூணு நாள் டூர் அது.

திருக்கோவில் சுற்றுலாவும் கலந்த டூர் அது.

இதோ அந்த மகிழ்ச்சி சுற்றுலாவிற்காக வீட்டு வாசலில்  நின்றிருந்த அந்த மகிழ்வுந்தில் அத்தனை பேரும் ஏறியாச்சு.  இந்த இடத்தில் தான் இந்தக் கதை ஆரம்பிக்கிறது.

யார் எழுதின கதை என்கிறீர்களா?  வேறு யாருமில்லை.. நம்ம எபி குழுமத்திற்கு ரொம்பவும் நெருக்கமான

கதாசிரியர் தான் அவர்.  எனது நாற்பதாவது வயதிலேயே இவர் எழுத்து எனக்கு அறிமுகமானது  இன்றும் தனித்த ஆர்வத்துடன் தொடர்கிறது.  நிறைய பத்திரிகைகளில் எழுதும் பெருமைக்குரியவர்.

இனி  நான் உங்கள் வாசிப்புக்கு குறுக்கே வரப்போவதில்லை.  

என் எதிர்பார்ப்பு ஒன்று மட்டுமே.   நம் எபி வாசக சகோதரிகள் தவறாது இந்தக் கதையை வாசித்து தங்கள் கருத்தைப் பதியுங்கள்.  ரேவதியைப் பற்றிச் சொல்லுங்கள்.  

இனி நீங்களும்  இந்தக் கதையும்.   கதையின் பெயர்:   உதிரிப்பூ.  கதாசிரியர்:  ரிஷபன்

கதையை வாசிக்க சுட்டி   இதோ.