"திங்க"க்கிழமை :: Breadப்ரெட் பணியாரம், சுலப டிபன் வகை - வல்லிசிம்ஹன் ரெஸிப்பி

 

                           Breadப்ரெட் பணியாரம்  - இது சுலப  டிபன் வகை.

வல்லிசிம்ஹன்

எல்லோரும் வளமாக  வாழ வேண்டும்.

இன்றைய காலை உணவாக ப்ரெட் பணியாரம்.

என் மாமியார் சொல்லிக் கொடுத்ததைச் செய்தேன்.

மாடர்ன் ப்ரெட் வந்த புதில், ஒரு பாக்கெட் ஒரு ரூபாய்க்கு வாங்கிய நினைவு இருக்கிறது. பிறகு நீல்கிரியில் (ஸ்டொர்ஸ்). 2 ரூபாய்க்கு பெரிய அளவில் கிடைத்தது.

வாங்கின அன்றே தீர்ந்து விடும். சிலசமயம், கணவரும் வாங்கி வந்து நானும் வாங்கி இருந்தால் உடனே  அதை உபயோகிக்க  வேண்டிய அவசியம் நேரும்.

இல்லாவிட்டால், ஒரு மாதிரி மஞ்சள், பச்சை நிறம் எல்லாம் வந்துவிடும்.

இந்த ஊரில் ஷெல்ஃப் லைஃப் இரண்டு வாரமாவது இருக்கிறது. குளிர்ச்சியின் காரணமாக இருக்கலாம். 

இப்போது பணியாரத்துக்கு வரலாம்.

மீதி இருக்கும் ரொட்டித் துண்டுகளை மிக்ஸியில் இட்டு பொடி செய்து கொண்டு, அத்துடன்,

(கண்ணளவுக்கு) சமமான கோதுமை மாவும், அரிசிமாவும், தயிரும் சேர்த்து மாவாக்கி அரைமணி நேரம் வைக்க வேண்டும்.

இந்தக் கலவையில் வழக்கம் போல் ப.மிளகாய், வெங்காயம், கொத்தமல்லி, உப்பு கலந்து கொண்டு, பணியாரக் குழிகளில் போட்டு எடுக்க வேண்டும்.

எளிமையான, மொறு மொறு பணியாரம் தயார்.

==========================================================================================

படம் AI யில் தந்திருக்கிறார்கள்.  இந்த தளம் சொல்லும் செய்தி உண்மையா என்றும் நான் செக் செய்யவில்லை.  சுவாரஸ்யத்துக்கு கொடுத்திருக்கிறேன்.

==========

1,300 கோடி ஆண்டுகாலப் பயணம்... பிரபஞ்சத்தின் தொடக்க காலத்தில் இருந்து 10 செக்ண்ட்-ல வந்த பேரொளி!

வெறும் 10 வினாடிகள் மட்டுமே நீடித்த இந்த ஒளிக்கீற்று, 1300 கோடி ஆண்டுகள் பயணம் செய்து பூமியை வந்தடைந்துள்ளது. இந்த ஒளி மிகத் தொலைவில் இருந்து வருவதால், பிரபஞ்ச விரிவாக்கத்தின் காரணமாக அதன் அலைநீளம் நீட்டிக்கப்பட்டு அகச்சிவப்பு கதிர்களாக மாறியிருந்தது.

நமது பூமி உருவாவதற்கும், பால்வெளி மண்டலம் வடிவம் பெறுவதற்கும் பல்லாயிரம் கோடி ஆண்டுகளுக்கு முன்பே நிகழ்ந்த ஒரு மாபெரும் நட்சத்திர வெடிப்பு, இப்போது மனிதர்களின் கண்களுக்குப் புலப்பட்டுள்ளது. சுமார் 13 பில்லியன் (1300 கோடி) ஆண்டுகளுக்கு முன்பு, பிரபஞ்சம் இருளாகவும் கொந்தளிப்பாகவும் இருந்தபோது தோன்றிய அந்த ஒளி, அண்டவெளி முழுவதும் பயணம் செய்து ஒருவழியாக இப்போது பூமியை வந்தடைந்துள்ளது.

கடந்த 2025-ம் ஆண்டு மார்ச் 14-ம் தேதி, விண்ணில் உள்ள SVOM என்ற செயற்கைக்கோள் ஒரு சக்திவாய்ந்த 'காமா கதிர் வெடிப்பை' (Gamma-ray burst) பதிவு செய்தது. வெறும் 10 வினாடிகள் மட்டுமே நீடித்த இந்த ஒளிக்கீற்றை ஆய்வு செய்த விஞ்ஞானிகள் வியப்பில் உறைந்தனர். ஏனெனில், இது பிரபஞ்சம் உருவான (Big Bang) வெறும் 730 மில்லியன் ஆண்டுகளிலேயே நிகழ்ந்த ஒரு சூப்பர்நோவா (Supernova) வெடிப்பு என்பது உறுதி செய்யப்பட்டது. இந்த ஒளியின் தன்மையை உறுதிப்படுத்த நாசாவின் ஜேம்ஸ் வெப் (JWST) தொலைநோக்கி பயன்படுத்தப்பட்டது. 1300 கோடி ஆண்டுகாலப் பயணத்தால் இந்த ஒளி 'அகச்சிவப்பு கதிர்களாக' (Infrared) மாறியிருந்தது.

பொதுவாக ஆதி காலத்து நட்சத்திரங்கள் மிகவும் வித்தியாசமாக இருக்கும் என்று கருதப்பட்டது. ஆனால், வியப்பளிக்கும் விதமாக, இந்த ஆதி காலத்து சூப்பர்நோவா, இன்று நாம் பார்க்கும் நவீன கால நட்சத்திர வெடிப்புகளைப் போலவே (Type II Supernova) அப்படியே அச்சுப்பிசகாமல் இருந்தது. இதுவரை கண்டறியப்பட்டதிலே மிகத் தொலைதூர சூப்பர்நோவா இதுதான். மேலும், இவ்வளவு தொலைவில் உள்ள நட்சத்திரத்தின் தாய் விண்மீன் திரளை (Host Galaxy) ஜேம்ஸ் வெப் வெற்றிகரமாகப் படம்பிடித்துள்ளது இதுவே முதல் முறை.

ஆதி காலத்து நட்சத்திரங்களும், இன்றைய நவீன நட்சத்திரங்களைப் போலவே வெடிப்பதை ஜேம்ஸ் வெப் நிரூபித்துள்ளது என்று விஞ்ஞானிகள் தெரிவித்துள்ளார். இதன்மூலம், பிரபஞ்சம் தோன்றிய ஆரம்ப காலத்திலே விண்மீன் திரள்கள் நாம் நினைத்ததை விட மிக வேகமாக வளர்ந்து, பல தலைமுறை நட்சத்திரங்களை உருவாக்கியுள்ளன என்பது தெரியவந்துள்ளது.

காமா கதிர் வெடிப்புகள் என்பவை பிரபஞ்சத்தின் ஆழமான ரகசியங்களைத் தேடும் ஒரு டார்ச் லைட் போன்றவை. 1300 கோடி ஆண்டுகளுக்கு முந்தைய இந்த ஒரு சிறிய ஒளிக்கீற்று, பிரபஞ்சத்தின் இளமைக் காலத்தைப் பற்றிய மனிதர்களின் புரிதலையே மாற்றியமைக்கத் தொடங்கி உள்ளது.