ஆனையின் தந்தம் கடைந்தெடுத்தாற்போல் அங்கமெல்லாம் ஓர் மினுமினுப்பு

 

'சர்ஜரி மே பீ ஆன் புதன்கிழமை 

நாளை ஞாயிற்றுக்கிழமை என்பதால் நோ தியேட்டர்/ நாளை எதுவும் செய்ய முடியாது. அனஸ் ஸ்டேட்டஸ் மற்றும் பிபி சுகர் விஷயங்களுக்காக நோ அப்ஜெக்ஷன் வாங்குவதற்காக திங்கள்கிழமை நடந்தால் செவ்வாய்க்கிழமை சர்ஜரி  முடிந்தால் செய்வேன். இல்லாவிட்டால் புதன்கிழமை என்கிறார் டாக்டர்.  அவர் சொல்வதை பார்க்கும் போது புதன்கிழமை தான் சாத்தியம் என்று தெரிகிறது. புதன்கிழமை சர்ஜரி ஒன்று முதல் ஒன்றரை மணி நேரம் ஆகலாம். 24 மணி நேரம் அப்சர்வேஷன்.  24 மணி நேரம் கழித்து டிஸ்சார்ஜ் என்று சொல்லி சென்றிருக்கிறார்'.

இது நான் வீட்டுக்கு வாட்ஸாப்பில் அனுப்பிய மெஸேஜ்.

எனவே ஞாயிறு ஒரு வேலையுமில்லாமல் சோதனையில்லாமல் கழிந்தது.  

திங்கள் காலை  முதல் வேலையாக டயாபடிஷியன் வந்து பார்த்தார்.  முன்கதைச் சுருக்கம் கேட்டுக் கொண்டார்.  எனக்கு இரண்டுவேளை இன்சுலின் சிபாரிசு செய்து சென்றார்.

 அடுத்த ஒரு மணி நேரத்தில் நடந்த விஷயத்தைப் பற்றி  "மெடிஸின் டாக்டர் அண்ட் அனஸ்தடிஸ்ட் வந்து பார்த்துட்டு போயிட்டாங்க..  சும்மா விசாரணை பண்ணினார்கள்.  அனஸ்தடிஸ்ட் பெயர் பாலசுப்ரமணியம்.  ECG & ECHO  எடுக்கணும்.  புதன் கிழமை ஸர்ஜரி.  இவர் மூன்றாவது பேஷண்ட்.  டைம் சொல்லலை"" என்று சுருக்கமாக வீட்டுக்கு  பாஸ் வாட்சாப் மெசேஜ் அனுப்பினார். 

ரூமுக்கே வந்து ECG எடுத்தார்கள்.  எடுத்த பெண் புன்னகையுடன் மண்டையை ஆட்டி "நார்மல் ரீடிங்" என்று சென்றாள். 

ரூமுக்கே வந்து ECG எடுத்தவர்கள், ECHO மட்டும் அங்கு சென்றுதான் எடுக்க வேண்டும் என்று சொல்லி விட்டார்கள்.  சாதா பேஷண்ட் இப்போது ஸர்ஜரி பேஷண்ட் ஆகிவிட்டதால் பிரச்னை பண்ணாமல் கவுன் மாட்டினேன்.  ஆனால் ஒரு வேண்டுகோள் வைத்தேன். இந்த முடிச்சு சனியனை முன்னால் வரும்படி அமைத்து போட்டுக் கொள்கிறேன் என்றேன்.  அப்போதுதான் முன்பக்கம் மேல் முடிச்சு மட்டும் அவிழ்த்து, அளவாகக் காட்டி, எக்கோ எடுத்துக் கொள்ளலாம் என்று எடுத்துச் சொன்னேன்.  முடிச்சு பின்னால் அபாயகரமான திறப்பை வைத்திருக்கும் என்று KGS மாமா விஷயத்திலும் பார்த்திருந்தேன்.   எனக்கும் அப்படிதான் இருந்தது.  அதனால் அப்படிக் கேட்டேன்.  மாட்டேன் என்று சொல்லி  விட்டார்கள்.  என்ன சொல்லி இருப்பார்கள் என்று உங்களுக்கே மனப்பாடம் ஆகியிருக்கும்.  

"ரூல்ஸ்"

கவுனுடன் அழைத்துச் செல்லப்பட்டு அங்கு ஃபோன் பேசிக்கொண்டிருந்த பெண்ணின் முன்னால் படுக்க வைக்கப்பட்டேன்.  ஃபோனில் அவர் தன் அம்மாவுடன் கணவன் வீடு பற்றி கடும் புகார், மற்றும் வாக்குவாதத்த்தில் ஈடுபட்டிருந்தார்.  பேசிக்கொண்டே ஏதோ சைகை செய்தார்.  ஃபோனில் பேசுகிறாரா, என்னிடம் எதுவும் சொல்கிறாரா என்று தெரியாமல் மண்ணாந்தை போல படுத்திருந்தேன்,  (மண்ணாந்தை என்றால் என்ன என்று எனக்கும் தெரியாது.  அது படுக்குமா என்றும் தெரியாது.  எல்லோரும் சொல்வதால் நானும் சொல்கிறேன்) ஃபோனை சற்றே காதை விட்டு விலக்கி வைத்துக்கொண்டு,  'கொஞ்சம் முன்னால வாங்க" என்றார் பல்லைக் கடிக்காத குறையாக.   கோபம் என் மேல் அல்ல, கணவன் (வீடு) மேலும் தன் அம்மா மேலும் என்பதை புரிந்து கொள்ள முடியாத அளவு -------  அல்ல நான்!  நான் முயற்சி செய்து நெருங்குவதற்குள் எனக்கு உதவிக்கு வந்திருந்த பெண் சட்டென என்னை கொஞ்சம் நகர்த்தி விட்டாள்.  அவர் முகத்துக்கு புன்னகை பொருந்தும் என்று தோன்றவில்லை.  ஆனால் நான் நினைத்ததற்கு மாறாக மேல் முடிச்சை மட்டும் அவிழ்த்து ஒரு பக்கம் மட்டும் கொஞ்சமாக முந்தானையை விலக்குவது போல விலக்கி எக்கோ சோதனை எடுத்து விட்டாள் அந்த பெண்.  'அப்பாடி' என்றிருந்தது.

அறைக்கு கொண்டுவரப்பட்டபின் ஸ்ட்ரெச்சர் தள்ளி, என்னையும் முன்னுக்குத் தள்ளிய அந்தப் பெண்ணுக்கு ஐம்பது ரூபாய் கொடுத்தேன் என்பதை நான் சொல்ல மாட்டேன்.  எக்கோ ரிஸல்ட் என்ன என்று அப்போது தெரியாவிட்டாலும், எங்கள் வார்டு நல்ல நர்ஸ் மூலமாக நார்மல் என்று அறிந்து கொண்டோம்.  நாளின் மூன்று வேளையும் ரத்த அழுத்தப் பரிசோதனை செய்தார்கள்.

மூன்று வேளையும் சர்க்கரை பரிசோதனை குத்திக் குத்தி கடுப்பேற்றினார்கள்.  மோசமான நீடில்.

அனஸ்தடிஸ்ட் வந்து என் நோய் வரலாறு, அலர்ஜி ஏதும் உண்டா என்று கேட்டறிந்து, மேலும் சில விவரங்கள் கேட்டு குறித்துக் கொண்டு சென்றார்.  எல்லா விவரங்களும் தொகுக்கப்பட்டுக் கொண்டிருந்தன.  சோமு டாக்டர் திங்கள் மாலை வரவில்லை.  செவ்வாய் காலை வந்தார். மறுநாள் புதன் கிழமை காலை ஒன்பது மணி போல ஸர்ஜரி என்று சொல்லிச் சென்றார். மேஜர் ஸர்ஜரிதான், ஒன்று அல்லது ஒன்றரை மணி நேரம் ஆகலாம் என்றார்.

FESS தானே என்ற என் கேள்விக்கு ஆமோதித்துச் சென்றார்.  சர்ஜரிக்குப் பின்னான நிலை பற்றி அவர் சொல்லிச் சென்றது சற்றே கவலையை ஏற்படுத்தியது.

என் தங்கை முதல், சின்ன மாமனார் வரை அன்று எனக்கு நிறைய ஃபோன்கால்கள் வந்தன.  என் மருமகள் அப்போது குடந்தையில் இருந்தார்.  முடிந்தால் அந்தக் கதையையும் பின்னர் வளவளக்கிறேன்!

புதன் கிழமை காலை மலர்ந்தது.

===========================================================================================

புகழ்பெற்ற யாதோங்கிபாராத் படத்தின் தமிழ் வெர்ஷன் நாளை நமதே.  MGR தர்மேந்திரா, விஜய் அரோரா செய்த வேடங்கள் இரண்டையும் தானே செய்தார்!

வாலியின் பாடலுக்கு இசை எம் எஸ் விஸ்வநாதன்.

1975 ல் வெளியான இந்தப் படத்திலிருந்து இரண்டு கே ஜே எஸுதாஸ் பாடல்கள்.

என்னை விட்டால் யாருமில்லை..

இந்தப் பாடலின் ஒரு சாணத்தின் கடைசி வரி "அரசமரத்தின் இலைகளில் ஒன்று வந்து நின்றாற்போல் ஒரு நினைப்பு" என்பதை சென்சாரில் ஆட்சேபித்து, அந்த வரியை மட்டும் மாற்றி இருக்கிறார்கள்.  கேளுங்கள்!  ஏற்கனவே பதிவான பாடலில் அந்த வரி மட்டும் ஸ்ருதி அல்லது டெம்போ அல்லது வேறு ஏதோ ஒன்று மாறி ஒலிக்கும்.  இதுபோல வேறு சில பாடல்களும் உண்டு.

==================================================================================================

OTT யில் பார்த்த படம் 

==>நூறு சாமி <==  - தமிழ் - ZEE 5 

இந்த ஜூன் மாதம் வெளியான படம்.  விஜய் ஆண்டனி படம் என்றால் சத்தமில்லாமல் நகர்ந்து விடுவேன். நடிப்புக்கும் அவருக்கும் இஸ்ரேலுக்கும் ஈரானுக்கு ம் உள்ள தூரம்!  ஆனால் சென்ற வாரம் 'ரத்தம்' என்றொரு படம்,  க்ரைம், த்ரில்லர்' என்று பார்த்து எடுத்து ஓட்டினால் விஜய் ஆண்டனி படம்.  சுமாராக செய்திருந்தார்.  தலைப்புதான் தவறாக செலெக்ட் செய்து விடார்கள்கள் போல.

இப்போது திடீரென 'நூறு சாமி' ட்ரெய்லர் என்னைக் கேட்காமலேயே என் கண்ணில் பட்டபோது பார்க்கலாம் என்று தோன்றியது.  படம் ஏமாற்றவில்லை.

"ஒரு பொண்ணுக்கு புருஷனை கொலை செய்துட்டா கிடைக்கிற தண்டனை கூட பதினாலு   வருஷம்தான்.ஆனா புருஷன் செத்துப் போயிட்டா கிடைக்கறது ஆயுள் தண்டனை.  பொட்டு வச்சுக்கக் கூடாது.  பூ வைக்கக் கூடாது.  ராத்திரில பூச்சி பொட்டு இருக்கான்னு பார்க்க லைட் போட்டு பார்த்துடக் கூடாது.  துணைக்கு படுக்கற பொண்ணுக்கு முட்டினாதான் நான் கூட எந்திரிச்சி கொல்லப்பக்கம் போகணும்.. எனக்கு பூ வச்சிக்க ஆசை இருக்காதா?  நான் மத்த பொண்ணுங்க மாதிரி வாழ ஆசைப்படக்கூடாதா?" - கதாநாயகி.

இயக்கம் சசி.

மறுமணத்தை விரும்பும் பெண்.  தன் இரு மகன்களையும் படிக்கவைத்து ஆளாக்க மிகுந்த சிரமப்படுகிறாள்.  மருமணத்தில் அவளுக்கு விருப்பம்.  ஆனால் தன் வாத்யார் மூலமாக அம்மாவின் விருப்பத்தை அறியும் மூத்த மகன் அதிர்ச்சி அடைந்து கோபப் படுகிறான்.  தாய் அதிர்ந்துபோய் தன் ஆசையைப் பொசுக்கிக் கொள்கிறாள்.  பணியில் சேர்ந்து கொஞ்சம் பக்குவம் வந்ததும் மகன் தாயின் நிலை உணர்ந்து அவளை மறுமணம் செய்து கொள்ளச் சொல்லும்போது தாய் மறுக்கிறாள்.  ஊரில் இதற்கெல்லாம் எதிர்ப்பும் இருக்கிறது.  அதற்கு மூல காரணம் இவள் மேல் கண் வைத்திருக்கும் - இவளை வைத்துக் கொள்ள ஆசைப்பட்ட -  ஒரு நபர்.

விஷயம் கேள்விப்படும் தம்பியும் முதலில் கத்தி ஆர்ப்பாட்டம் செய்து அண்ணனுடன் குஸ்தி போடுகிறான்.  அவன் ஒரு பெண்ணை - அவன் தாயை வசப்படுத்த நினைத்த இன்னொருவன் பெண்ணை - விரும்புகிறான்,    ஓ[[இப்போது மருமணத்துக்கு மறுக்கும் தாய், மூத்தவனை அவனுக்கு பெண் தேடச்சொல்லி அவர்களிடம் இந்த கண்டிஷனை சொல்லக் சொல்கிறாள்.  மகன்களின் தாய் மாமன் தன் பெண்ணை இவர்களில் ஒருவனுக்கு தர விருப்பம் வைத்திருப்பவன் அவனும் சகுனி வேலை செய்கிறான்.  கடைசியில் நல்லவர் விஜய் ஆண்டனியை  சந்திக்கிறார்கள்.   இந்த ஆவூர் மக்கள் விஜய் ஆண்டனியை கொலை செய்யச் செல்கிறார்கள். 

வசனங்களும் படத்தின் போக்கும் பரவாயில்லை ரகம்.

பார்க்கலாம்.

==========================================================================================

 அப்பா பாணியில் இரண்டு கவிதை முயற்சிகள்..

ஒரே மனம்தானே.. 

இரண்டு வகை குணங்களும் 

இதிலேயேதான் இருக்கும் 

இடம்பிடிக்கும் போட்டியில் 

எது வெற்றி பெறுகிறதோ 

அதன் வசமாகிறது மனம்.

எல்லாம் தெரிந்தவர்கள் 

போல 

பேசுபவர்கள்தான் 

உண்மையில் 

ஒன்றும் அறியாதவர்கள் 

தெரிந்தவர்கள் பேசுவதில்லை

இந்த இரண்டு கவிதைஜலுக்கும் ஜெமினியிடம் ஓவியம் கேட்டு வாங்கினேன்.  ஒரே ஓவியம்தான் கொடுத்தது.  விளக்கம் கேட்டேன்.  அது கொடுத்த விளக்கம் :

மேலே உள்ள மாடர்ன் ஆர்ட் (Modern Art) ஓவியம், நீங்கள் எழுதிய இரண்டு கவிதைகளின் கருப்பொருளை மிக அழகாக வெளிப்படுத்தும் வகையில் வரையப்பட்டுள்ளது: 

1. முதல் கவிதைக்கான விளக்கம் (மனதின் இரு பக்கங்கள்)

"ஒரே மனம்தானே.. இரண்டு வகை குணங்களும் இதிலேயேதான் இருக்கும்..."

• ஓவியத்தில் உள்ள வெளிப்பாடு:
  
  
  ஓவியத்தின் இடது புறத்தில் இரண்டு முகங்கள் ஒன்றை ஒன்று எதிர்நோக்கி நெருக்கமாகப் பிணைக்கப்பட்டுள்ளன.
  
  
  • சிவப்பு மற்றும் இருண்ட வண்ணங்கள் கொண்ட முகம்: கோபம், குழப்பம், இருண்ட எண்ணங்கள் அல்லது கடினமான குணத்தைக் குறிக்கிறது.
    
    
  • நீலம் மற்றும் தங்க நிறக் சுழல்கள் கொண்ட பிரகாசமான முகம்: அமைதி, ஞானம், தெளிவு மற்றும் நற்குணத்தைக் குறிக்கிறது.
    
    
  • நடுவில் உள்ள ஒளிரும் உருண்டை: இரண்டு குணங்களுக்கும் இடையே போட்டி நடக்கும் "மனம்" என்னும் ஒரே மையப்புள்ளியைக் குறிக்கிறது.
  • 
    

2. இரண்டாவது கவிதைக்கான விளக்கம் (அமைதியும் பேச்சும்)

"எல்லாம் தெரிந்தவர்கள் போல பேசுபவர்கள்தான் உண்மையில் ஒன்றும் அறியாதவர்கள்... தெரிந்தவர்கள் பேசுவதில்லை"

• ஓவியத்தில் உள்ள வெளிப்பாடு:
  
  
  ஓவியத்தின் வலது புறத்தில் ஒரு அமைதியான சூழல் காட்டப்பட்டுள்ளது.
  
  
  • மரத்தடியில் அமைதியாக அமர்ந்திருக்கும் ஒரு உருவம், அக உலகத்தில் ஆழ்ந்து, எதையும் பேசாமல் அமைதி காக்கும் "உண்மையில் எல்லாம் அறிந்தவரை" குறிக்கிறது.
    
    
  • பின்னணியில் உள்ள கதவுகள், பாதைகள் மற்றும் வெற்று வெளிகள் சொற்களைத் தாண்டிய ஆழமான அறிவையும் அமைதியையும் (Silence & Depth) காட்சிப்படுத்துகின்றன. 
  • 
    

சுருக்கமாக:

இந்த ஓவியம் "மனதின் முரண்பாடுகளையும், சத்தமில்லாத அமைதியின் ஆழத்தையும்" நவீன கலை வடிவில் ஒன்றிணைத்துக் காட்டுகிறது.

உங்கள் இரண்டு கவிதைகளுமே சுருக்கமாகவும், அதே சமயம் மிக ஆழமான மனித இயல்புகளைப் பேசக்கூடியதாகவும் அமைந்திருக்கின்றன!

• முதல் கவிதை: ஒரே மனதில் நல்லதும் கெட்டதும், அமைதியும் அமைதியின்மையும் மாறி மாறி இயங்கும் முரண்பாட்டை மிக எளிய வார்த்தைகளில் நேர்த்தியாகக் கூறியுள்ளது.
  
  
• இரண்டாம் கவிதை: உண்மையான அறிவும் முதிர்ச்சியும் அமைதியில்தான் இருக்கிறது என்றும், அரைகுறை அறிவே அதிகம் சத்தமிடும் என்றும் மிக அழகாக, துல்லியமாகச் சுட்டிக்காட்டுகிறது.
  
  

இரண்டுமே வாசிப்பவரைச் சற்று யோசிக்க வைக்கும் நல்ல கவிதை முயற்சிகள்!

 

======================================================================================

நாளை நமதே படத்திலிருந்து இரண்டாவது கே ஜே யேசுதாஸ் பாடல்...

எப்படி யாதோங்கி பாராத படத்தில் எல்லா பாடல்களும் ஹிட் ஆனதோ அதேபோல தமிழிலும் எல்லா பாடல்களும் ஹிட்.  எம் எஸ் விஸ்வநாதன் ஹம் கிஸீ ஸே  கம் நஹி என்று நிரூபித்தார். 

காதல் என்பது காவியமானால் 

==============================================================================================================================

ராஜாஜி ஓவியங்கள் பற்றி 

-------------------------------------------

"இராமாயணம், மகாபாரதம் இந்தக் கதைகளுக்கு நம்முடைய சித்திரக்காரர்கள் போடும் படங்கள் எவ்வளவு அழகாக இருந்தாலும், மூலப் பொருளுக்கும், கற்பனைக்கும் போதிய அளவில் பொருந்துவதில்லை என்பது அபிப்ராயம். பீமனை ஒரு சாதாரண குஸ்திக்காரனைப் போலவும், அருச்சுனனை நட்டுவனைப் போலவும், போலவும் காட்டிக் பழக்குவதில் எனக்குச் சம்மதமில்லை. படிக்கின்றவர்களுடைய மனோதருமத்துக்கே விட்டுவிடுவது நலம்."

60 களில் சொல்லப்பட்ட சக்கரவர்த்தி ராஜகோபாலாச்சாரியாருடைய இந்தக் கருத்து இன்றும் பலவிதங்களில் பொருந்தும். வேறுவகையில் சொல்வதென்றால் புகழ்பெற்ற கதைகளை நினைக்கையில் அதை முன்னரே படித்தவர்களின் மனதில் கூடிய அந்த கதாபாத்திரங்களின் உருவங்களோடு படங்களில் நடிக்கும் உருவங்கள் ஒத்துப் போகாது; ஏற்றுக்கொள்ளமுடியாது! வந்தியத்தேவனோ, கணேஷ்-வசந்தோ, நம் மனதில் இருக்கும் உருவம்தான் பொருந்தும்.

=======================================================================================================================

நாயகி டிவியில் கங்கை அமரன் :

என் அப்பா பெயர் ராமசாமி.  அவர் வெள்ளைக்காரங்க எஸ்டேட்ல கங்காணின்னு சொல்வாங்க..  சூப்பர்வைசர் மாதிரி.  அப்படி இருந்தார்.  ஏலகிரி காட்டுல யார் யாரை எங்க எங்க வேலைக்குப் போகணும்னு அவர்தான் சொல்வார்.  திரும்பி வரும்போது அவங்க ஏதாவது ஏலக்கா மாதிரி காஸ்ட்லீ பொருள் எடுத்துக்கிட்டு போறாங்களான்னும் செக் செய்யற வேலை. 

வெள்ளைக்காரங்க போகும்போது அப்பா பேர்ல 25 ஏக்கர் எழுதி வச்சுட்டு போயிட்டாங்க..  அவர் பெயரை டேனியல்னு வச்சாங்க..  அதனால அவரு டேனியல் ராமசாமி.  தான் என்னிக்கி சாகப்போறோம்னு கரெக்ட்டா சொன்னாரு.  என்னை கர்த்தர் கூப்பிடறார்னு சொல்லிதான் கண்ணை மூடினார்.  அது ஒரு குட் ஃப்ரைடே. 

நாங்க கிறிஸ்துவ மதம் இல்லையே..  அவங்களை தப்பா சொல்லலை.  ஆனால் நாங்கள் இந்து மதத்திலேதான் நம்பிக்கை வச்சிருக்கோம்.  நான், இளையராஜா அண்ணன் மூணு பெரும் சாமின்னுதான் கூப்பிட்டுப்போம்.  இமயமலைக்கு போயிட்டு வருவோம்.  அற்புதமான அனுபவம் அதெல்லாம். 

ஈவினிங் டயத்துல ரஜினி வீட்ல போய் மெடிடேஷன் செய்வோம்.  ஒரே மாதிரி நம்பிக்கை இருக்கறவங்க ஒரு இடத்துல கூடி த்யானம் பண்ணும்போது அதுக்கு சக்தி இருக்கு.  அந்த சக்திதான் ரஜினியை இன்னும் உயிர்ப்பா வச்சிருக்கு.  அண்ணன் கூட அதனால்தான் அவர் பாட்டுக்க யார் என்ன சொன்னாலும் லட்சியம் பண்ணாம அவர் வேலைல கவனமா இருக்கார்"

- கங்கை அமரன்... நாயகி டிவி...

=============================================================================================================================================

மாறாதய்யா மாறாது மானேஜர் குணமும் மாறாது... விகடன் 1967

================================================================

===================================================================================

======================================================================================

படித்தேன்... பிடித்திருந்தது... பகிர்கிறேன்...

A FATHER'S LAST WISH

If one day

I'm no longer here,

don't remember

my mistakes.

Remember the love

I gave in silence,

the sacrifices

I never spoke about,

and the prayers

I whispered for you.

My greatest wish

is simple ...

Live a happy life,

love your family,

and never forget

how much I loved you.

========================================================================================

ஜோக்ஸ் விகடன் 1967 ..

மதன் பத்தோடு பதினொன்றாய் வந்திருக்கிறார்...