டைம் பாஸ் - வானவில்லின் ஏழு வண்ணம் ; எங்கள் பிளாகில் ஏழுநாள்

1)  கொத்தமங்கலத்தில், காமராஜர் காலத்தில் கட்டப்பட்ட அம்புலி ஆறு அணை, அதன் வரத்து கால்வாய்களை துார்வாரி சீரமைக்கும் பணியைச் செய்த இளைஞர்களை பற்றி படித்தோம்.  இப்போது பெரம்பலூரில் மேலமாத்துார் கிராமத்தைச் சேர்ந்த வாலிபர்கள், துார்ந்து போன நீர்நிலைகளை துார் வாரும் பணியில், ஈடுபட்டு உள்ள செய்தி.

2)  டைம்பாஸ் என்கிற பேஸ்புக் பக்கத்தில் பார்த்த புகைப்படம்.  விளக்கம் தேவை இல்லை.

3)  "................இதன்பின்னும், திருமணம் செய்து கொள்ளாமல், சமூக சேவையில் ஈடுபட்டார். குடிசை வீட்டில் தாயுடன் வசித்து வந்தார். கடந்த ஆண்டு, தாய் இறந்த பிறகும், அதே வீட்டில் வசிக்கிறார்.மது, ஊழல், போலீஸ் அராஜகம் ஆகியவற்றுக்கு எதிராக, மக்களிடம் விழிப்புணர்வு ஏற்படுத்தும் நிகழ்ச்சிகளை, தொடர்ந்து நடத்தி வருகிறார். இதற்காக அவர் செல்வது, சைக்கிளில் தான்.  பலசோர், மயூர்பான்ச் பகுதிகளில், தாழ்த்தப்பட்ட மற்றும் பழங்குடியின குழந்தைகள் படிப்பதற்காக, பள்ளிகளை நடத்தி வருகிறார்................."

ஒடிசாவில் வெற்றி பெற்றுள்ள, பா.ஜ., - எம்.பி.,.க்கு, சொந்தமாக, வீடு, வாகனம் எதுவும் இல்லை. குடிசையில் வசிக்கும் இவருக்கு சொந்தமாக, சைக்கிள் மட்டுமே உள்ளது.

4)  அடடே....

அந்த வீட்டில் வழக்கத்துக்கு மாறாக, மின்விசிறி, 'ஏசி' ஏதும் இயங்காத நிலையில், வெயிலின் தாக்கம் இன்றி, குளுமையாக இருந்துள்ளது.  வீட்டின் உரிமையாளரிடம் கேட்டபோது, அந்த வீடு, தெர்மாகோல் மூலமாக கட்டப்பட்டது தெரிந்தது. ஆரம்பத்தில் இதை நம்பாதவர், இது குறித்து விசாரித்துள்ளார். 

=====================================================================================================

இந்த வார விமர்சனம் 25/5 டு 31/5 -  ஏஞ்சல் 

வானவில்லின் ஏழு வண்ணம் காணக்காண இன்பமே 

எங்கள் பிளாகில் ஏழுநாளின்  பதிவுகளும் இன்பமே :)

                                                                                                

ஏறத்தாழ  2011 முதல் எங்கள் ப்ளாக்குக்கும்  எனக்குமான நட்பு தொடர்கின்றது பின்னூட்டம் அளிக்க தயங்கித்தயங்கி இருந்த  காலங்கள் அவை பிறகு அவ்வப்போது எட்டிப்பார்ப்பதுண்டு . பிறகு பிரிக்கமுடியா பந்தமாகியது இந்த இடம் .

எந்த இடம் எந்த செயல் நமக்கு சந்தோஷத்தையும் நிம்மதியையும் தருகிறதோ அங்கே நாம் இருக்க வேண்டும் . தொடர்ந்து 

4 நாட்கள் இந்தப்பக்கம் எட்டிப்பார்க்கலைன்னா மனசுக்கு சோர்வு உணர்வு ஏற்படுது :)  இதற்கு நானே சாட்சி :) 

                                                        

 என்னைப்பொறுத்தவரை எங்கள் பிளாக் ஒரு மலர்த்தோட்டம் பலவண்ண மலர்கள் பூத்து மணம் வீசி சந்தோஷத்தை தரும் ஒரு இடம் . ஒவ்வொரு மலருக்கும் ஒவ்வொரு தனித்துவமுண்டு .இங்கே வருகை தரும் ஒவ்வொருவருக்கும் நிறைய நல்ல விஷயங்கள் தெரியும் சமையல், கோலம் ,இயற்கை மருத்துவம், நல்ல அறிவுரை கூறல் ,கதை எழுதுதல்,கவிதை ஓவியம் என எல்லாருமே பன்முகத்திறமையாளர்கள் . அனைவரையும் ஒரு சேர ஒரு family get together இல் சந்திப்பது போல இங்கே சந்திக்கிறோம்  சங்கமிக்கின்றோம்  மனம் விட்டு யார் மனமும் புண்படாமல் உரையாடுகின்றோம் .

இங்கே நிறைய தாயுள்ளம் கொண்டோர் இருப்பதால்  அன்புக்கும் ஆதரவுக்கும் பஞ்சமில்லை . அதேபோல் சினிமா முதல் பெரிய தலைகள் பற்றிய செய்திகளை கீதாக்கா,பானுக்கா துரை அண்ணன் நெல்லைத்தமிழன் ஏகாந்தன் சார் மற்றும் ஜிவி ஐயா   விரல்நுனியில்  வைத்திருக்கும்  ,மேலும்  //காளியார்மடம்" அட்ரஸ் மற்றும் கணினி பழுதானதுக்கு புவனஜோதி மந்திரம் ,தேசிக்காய் உருட்டல்  என  ஆலோசனை கிடைக்குமிடமும் எங்களுடைய எங்கள் பிளாக்தான் :)))) 

                                                                         

                                                                          

 சமீபத்தில்  நான் மன ஆரோக்கியம் நலம் சம்பந்தப்பட்ட துறையில்தான் வேலைக்கு சேர்த்துள்ளேன் .வேலையில் சேருமுன் மென்டல் ஹெல்த் பற்றிய புரிதலுக்காக  பல்வேறு விஷயங்களை படிக்க நேரிட்டது அதில் மிக முக்கியமானது , பலர் பேசுவதற்கு ஒருவருமின்றி தனிமையில் இருக்கிறார்கள் .தனிமை அதிகமாகும்போது மனநல குறைபாடு இன்னபிற நோய்கள் அண்டுமாம் .

ஆதலால்  நம்மால் இயன்ற  ஒரு நல்ல விஷயத்தை  நாலு பேருக்கு செய்வோம் .எத்தனையோ பேர் பின்னூட்டமிடாமல்  இங்கே பதிவுகளை நமது பின்னூட்டங்களை உரையாடலை தினமும் படித்துக்கொண்டுதான் இருக்கிறார்கள் மேலும் படிக்கிறவர்கள்

என்ன மனநிலையில் இருந்தாலும் ஒரு சந்தோஷத்தை அவர்கள் மனதில் பரப்பக்கூடிய இடம் இது .

ஒரு நொறுங்குண்ட இதயமாவது இங்கே வெளிவரும் பதிவுகளின் பின்னூட்ட அரட்டையை  பார்த்து சந்தோஷமடைந்தாலும் அதுவே பெரும் வெற்றி .எனக்கே சில வருடமுன்  ஏற்பட்ட ஸ்ட்ரெஸ் வலைப்பதிவுகளால் குறைந்தது என்றால் மிகையாகாது .

ஆகவே இனிமேலும் இதேபோல் மனமகிழ்வாயிருப்போம் :) என்று கூறிக்கொண்டு  விமரிசனப்பகுதிக்கு பறந்து செல்கின்றேன் .

                                                                                            கடந்த சனிக்கிழமையன்று நேர்கொண்ட பார்வையோடு :) என்னை மற்றும் அனைவரையும்  கிள்ளி :) கில்லி  அடித்து விளையாடிய மேதகு அதிரடி  அப்பாவி மியாவ்வுக்கு மனமார்ந்த வாழ்த்துக்கள் 

மற்றும் பாராட்டுக்கள் :) . மேடம் நிறைய விஷயங்களை குறிப்பிட்டிருந்தாங்க சனிக்கிழமை பதிவு ,பின்னூட்டங்கள் பற்றி.   

அதில் மியாவின் பின்னூட்டம் //அதுதான் சொன்னேனே .. அது என் கருத்தே தவிர.... நான் சொல்வதுதான் சரி என ஆகிவிடாது...//  என்னை கவர்ந்தது . 

சனிக்கிழமை பதிவுகள் பற்றிய எனது கருத்து செய்திகள்   ஒரு பத்திரிகையில் வருவது  மட்டுமன்றி வேறு பத்திரிகைளில் வருவதை இங்கே பகிர்வது குறைவோ என தோன்றுகிறது.  ஆங்கில  இணையங்களில் இருப்பதை தமிழில் சுருக்கமாக மொழிபெயர்த்து விட்டு ,நன்றி என்று இறுதியில் கூறலாம் . சனிக்கிழமை பாசிட்டிவ் செய்திகள் மூலம் இத்தனை நற்குணமுள்ள மனிதர்கள் நம்மிடையே  வாழ்கிறார்கள் என்பதை வாராவாரம் உறுதி செய்கிற ஸ்ரீராம் மற்றும் தாங்கள் படித்த  நல்ல விஷயங்களை சேகரித்து  தொகுத்து ஸ்ரீராமுக்கு அனுப்பி பகிரும்  பிற வலைப்பூ நட்புக்களுக்கும் நன்றிகள் .

சனிக்கிழமை  25/05 /2019 

=========================

சனிக்கிழமை கேப்டன் ஸ்ரீராம் :)

     Every action has a reaction,everything we do or say has an effect.”

                                                                                          ― Heidi Ayarbe, Freeze Frame 

இன்றைய பதிவில்  மார்பக புற்றுநோய் கண்டறியும் எளிய சாதனத்தை கண்டுபிடித்த விஞ்ஞானி  சீமா பற்றிய செய்தி அருமை. உதவி நற்செயல் மட்டுமின்றி இப்படிப்பட்ட அவசியமான விழிப்புணர்வு செய்தி பகிர்வுகளை அதிகமாக பகிரவேண்டுகிறேன் . 

அடுத்து நாம செய்யும் ஒரு நல்ல செயல் எப்படி நல்விளைவுகளை இளம் சிறுவர்கள் சிறுமியர்கள் இடையில் கூட  ஏற்படுத்துகிறது என்பதற்கு இன்றைய இரு செய்தி பகிர்வுகளும் சாட்சி. நூறுநாள் வேலைத்திட்டத்தில் சம்பாதித்த 10,000 ரூபாயை மக்களுக்கு இன்றியமையாத நீர் வரத்து வேண்டி தூர் வார அளித்தார் ராஜம்மாள் என்றால் அவரை பற்றி செய்தியறிந்து தங்கள் சிறுசேமிப்பு தொகையை அவருக்களித்த சுரேஷும் அனுஷ்காவும் உயர்ந்து நிற்கிறார்கள் இவர்களை நல்லமுறையில் வளர்த்த பெற்றோருக்கு நன்றி .மேலும் ராஜம்மாள் பற்றிய செய்தியை நியூஸ் பேப்பர் மட்டுமில்லாது சமூக வலையிலும் பகிர்ந்து அனைவரையும்  சென்றடைய செய்த நல்லுள்ளங்களுக்கும் நன்றி .

சனிக்கிழமை பின்னூட்டங்கள் = 226

ஞாயிற்றுக்கிழமை 26/05/2019

==============================

ஞாயிற்றுக்கிழமை கேப்டன் கே .ஜி எஸ்   சார் :) 

பொதுவாக ஞாயிற்றுக்கிழமைகளில் நான் பிஸி என்பதால் வருகை தருவது வெகு அபூர்வம் .இந்த வாரம் வந்தபோது மிக பெரிய மாற்றம் .படங்கள் மட்டுமே caption உடன் இருக்கும் ஞாயிறு பதிவில்  ஆனால் இவ்வாரம் நிறைய தகவல்கள் இருந்தன .கோமதி அக்காவின் விமரிசனம் படித்தபோது அவர்கள் பயண  விவரங்கள் பற்றி  கூடுதலாக பகிருமாறு குறிப்பிட்டிருந்தது நினைவுக்கு வந்தது .இது மிக நல்ல விஷயம் .கடல் தாண்டி வாழும் எனக்கு மாம்பலம்  மாமி வற்றல் கடை பற்றி தகவல் கிடைத்தது எங்கள் பிளாக்  பதிவில். நானும் 3 தாங்க்ஸ் போட்டிருக்கேன் அங்கே :)  அதுபோல் பயணக்கட்டுரையில்  உணவு தங்குமிடம் பற்றி குறிப்பிடும்போது புதிதாக செல்வோருக்கு பயன்படும் . 

இந்த வாரம் ஞாயிறு  கண்ணை கவர்ந்த விஷயம் முதலில் இருந்த படம் பழங்குடியினரின் உடையணிந்து ஒய்யாரமாய் போஸ் கொடுத்த ஆசிரியர் family  பாஸ் :) கள் சூப்பர் :) கழுத்தில் அணிந்திருந்த மணிமாலைகள் செம வெயிட்டோ ?? ஹாஹா .பயணத்தில் உணவு பற்றி சொல்லியிருந்தது சிறப்பு . அந்த கடுகு வாசனை எனக்கும் பிடிக்காது :) மேலும் இத்தனை நாள்  இருக்க இடமளித்த மரக்கிளைக்கு பை பை சொல்லிய இலை படத்தை ரசித்தேன் .

அந்த இரண்டு கார்களும் கவனித்தேன் எல்லாருக்கும் குழப்பமாய் தோன்றியது எனக்கு தோன்றவில்லையே ???

பின்னூட்டத்தில் கார் எண் பற்றி சிலர்   குழம்பியது  RTO ரெஜிஸ்ட்ரேஷன் முதல் நான்கு எழுத்தை மட்டும் கவனித்ததாலோ ?? 

ஞாயிறு பின்னூட்டங்கள் = 51

திங்கட்கிழமை 27/05/2019

==========================

இன்றைய நாள் வலைப்பூ   நட்புக்கள் டர்ன் எடுத்து கேப்டனாக இருப்பார்கள் :)

வாரத்தின் முதல் நாளான திங்கள்கிழமைகளில் எல்லா சமையல் வல்லுனர்களின் சமையல் குறிப்பும்  வெளியிடுவார்கள் இங்கே .

ஹிஹி :) எனது குறிப்புக்கள்  மற்றும்  தமிழில் டீ குடித்த அதிராவின் சமையல் குறிப்புகளும் கூட இங்கே வெளி வந்துள்ளன :)

விதவிதமான குறிப்புகள் கிடைக்கின்றன .என்னைப்போன்ற கோதுமை மைதா சேர்க்காதோருக்கான குறிப்புக்கள் மற்றும் வீகன் வகை உணவு குறிப்புக்களையும் இங்கே பகிருமாறு அனைவரையும் கேட்டுக்கொள்கின்றேன் . அவ்வப்போது ஸ்ரீராம் மற்றும் அவர் பாஸின் குறிப்புக்களையும் எதிர்பார்க்கிறோம் இங்கே :) அதேபோல் OPOS  என்றொரு சமையல் வகை இருக்குன்னு .(ஏதோ குட்டியூண்டு குக்கர் படம் இருந்தது கூகிளில் )கேள்விப்பட்டேன் அதை செய்து பார்த்தவர்களும் அச்சமையல் பற்றிய  தங்கள் கருத்துக்களை ரெசிபியுடன் பகிர வேண்டுகின்றேன் .

                                                                                                                                      

எங்கள் ப்ளாகில் கோமதி அக்காவின்  அழகான கதைகளை படித்திருக்கிறோம் ,முதன்முதலா மிகவும் புதுமையான எளிமையான சத்தான  வாழைக்காய் அப்பளம்  ரெசிப்பி இன்று பகிர்ந்திருக்கிறார்கள் .அக்கா அவர்களை ரெசிப்பி பகிர வைத்ததில் எல்லா புகழும் பாராட்டுக்களும்  ஸ்ரீராமையும் வலைப்பூ நட்புக்களுக்கும் சேரும் :) 

கோமதி அக்கா பின்னூட்டத்தில் சொல்லியிருந்தார் ஏற்கனவே ஜலீலாவின் பேச்சிலர்ஸ் ரெசிப்பி போட்டியில் தான் பங்கேற்றதாக .இப்படி பழைய பதிவுகளின் சுட்டி கிடைக்கும்போது இன்னும் நிறைய சமையல் ரெசிப்பிக்களை கற்றுக்கொள்ள முடிகிறது .

இன்றைய பதிவில் சமையல் லெஜெண்ட்ஸ் கீதாக்கா ,நெல்லைத்தமிழன், கீதா ரெங்கன், காமாட்ஷியம்மா ,வல்லிம்மா ,கமலா அக்கா ,பானு அக்கா,ப்ரியசகி அம்மு  ,ஸ்ரீராம், துரை அண்ணா ,ஜி எம் பி ஐயா அப்புறம் பேச்சிலர் ரெசிப்பிபோட்டியில் 4வது பரிசு வாங்கிய மேதகு ஸ்கொட்லான்ட் பூனையார் ,என அனைவரும் பாராட்டி கருத்துரையாடலில் பங்கேற்றார்கள் .பெரும்பாலானோர்  கவனத்தை கவர்ந்தது 

கோமதி அக்கா அவர்களின் கணவர் வரைந்த அழகிய படம் . அப்படியே தத்ரூபமாய் அக்கா அவர்கள்  (மூக்குத்தி ,ஜிமிக்கி கண்ணாடி சேலைக்கொசுவம் அந்த அழகிய புன்னகை )வற்றல் வடாம்  இடும்போது எப்படி இருப்பார்களோ அதை காட்சிப்படுத்தியிருந்தார் அரசு சார் . அவர்கள் மகனும் வடாமை அபேஸ் செய்ய ஆர்வமுடன் காத்திருக்கும் காகமும் என 

சின்ன டீட்டெயில்ஸையும் அரசு சார் எவ்வளவு அழகாய் காட்சிப்படுத்தியிருக்கிறார்.   அக்கா அவர்கள் குறிப்புடன் எங்களில் சிலர்  அறியாத தகவலையும் //முன்னாள் பாரதபிரதமர் இந்திராகாந்தி அவர்களுக்கு எழுத்தாளர் சிவசங்கரி அவர்கள் சத்து மிகுந்த வாழைக்காய் தோல் சமையலைப் பற்றி சொன்னார்கள்//குறிப்பிட்டிருந்தார்கள்  இதேபோல் புதிய சமையல் குறிப்புகளை அக்கா அவர்கள் சார் வரைந்த ஓவியத்துடன் பகிர கோரிக்கை விடுக்கின்றேன் . 

திங்கட்கிழமை பின்னூட்டங்கள் = 183

செவ்வாய்க்கிழமை 28/05/2019

===============================

செவ் வாய்க்கிழமையும் நட்புக்களின் பங்களிப்பில் கதைகள் மிளிரும் 

செவ்வாய்க்கிழமைகளில் கேட்டு வாங்கி போடப்படும் கதைகள் மற்றும் ஸ்ரீராமின் கடின முயற்சி பற்றி போன வார விமரிசனத்தில் அப்பாவி அதிரா குறிப்பிட்டிருந்தது //எவ்ளோ அவமானங்கள், மனக்கவலைகள் கசப்புக்கள்.. ஸ்ரீராமுக்கு ஏற்பட்டிருக்குமோ தெரியவில்லை // இதை அப்படியே மீண்டும் வழிமொழிகின்றேன் .ஒரு தோட்டத்தில் இயற்கையாக வளர்ந்து 

கொண்டிருக்கும் பூ மரங்கள் செடிகளுக்கு  மேலும் தோட்டத்தில் சந்தோஷமாய் பறந்துதிரியும் பட்டாம்பூச்சிகளுக்கும் தோட்ட நிலத்தின் தன்மை மலர்களின் தன்மை  தோட்டக்காரரின் குணம் கூட வளரும் செடிகளின் குணம் எல்லாம் நன்கு பரிச்சயம்  அப்படிப்பட்டதுதான் ஸ்ரீராமுக்கும் இங்கு தொடர்ந்து கதை ,சமையல் குறிப்பு போன்றவற்றை பகிரும் நல்லுள்ளங்களுக்கும் எப்பொழுதும் அவ்வித புரிதலுள்ள நட்பு , அன்பு நீடிக்கிறது. ஆகவே  இதற்கும் நானே சாட்சி  :)

இது இப்படியே தொடர வேண்டும்  என்பது என்னுடைய ஆவல் .

                                                                         செவ்வாய்க்கிழமை பதிவுகளில்  பல வித்யாசமான கதைகளை நம் நண்பர்கள் பகிர்ந்துள்ளார்கள் அனைத்துமே அட்டகாசம். ஒவ்வொருவரின் பின்னூட்டமும் பல உணர்வுகலவைகளை சொல்லும் 

இதில் தனது  சில கதைகளுக்கு பொருத்தமாக  நெல்லைத்தமிழன் படமும்  வரைவது கூடுதல் சிறப்பு.

ஆற்றங்கரையோர முதியவரின் படம் மற்றும் இரயிலில் உறங்கும் முதிய ஜோடிகளின்   படம் இவற்றுக்கான கதைகளையும் படைத்துள்ளர் நம் நண்பர்கள் . கதைகளில் வியாழன் வெளியான கதையும் உண்டு. கேட்டு வாங்கிப்போடும் கதைப்பகுதி 2016 ஆரம்ப முதல் எங்கள் பிளாக்கில் இடம்பெறுகிறது .   செவ்வாய் கதைகள்  சிறப்பை சொல்ல இடம் போதாது ஆகவே இன்றைய பதிவுக்கு செல்வோம் .

இன்றைய கதை கோபம்   சகோதரர் பரிவை சே .குமாரின் கதை .குமார் எப்பவும்மனித உணர்வுகளை கிராமிய மணம் வீசி அழகாய் கதையாக்கி சொல்வதில் வல்லவர் .இன்றைய கதையில் எல்லா மனிதர்களுக்கும் இயல்பில் பணி ஓய்விற்குப்பின் ஏற்படும் மன குழப்பங்கள் ,ஸ்ட்ரெஸ் போன்றவற்றை கதையின் நாயகர் தாசில்தார் ராஜகோபால் மூலம் வெளிப்படுத்தியுள்ளார் .

கதையின் முடிவில் எனக்கும் அங்கே படித்து கருத்திட்ட பலருக்கும் உடன்பாடில்லை .காரணம் ராஜகோபால் ஒரு நேர்மையான மனிதர் அவர் அந்த ஹோட்டல் சிப்பந்தியிடம் மன்னிப்பு கேட்டதில் தவறில்லை ஆனால் அவனுக்கு பணம் தருவது//''திட்டுனதுக்கு லஞசம் கொடுத்து சமாதானம் பண்ணுறேன்னு நினைச்சிடாதே... எனக்கு லஞ்சம் பிடிக்காது... இது அன்பால கொடுக்குறது... வச்சிக்க.//' அவ்வுயர்ந்த மனிதரை ஏற்றி வைத்த  சிம்மாசனம் சரிந்தது  போலிருந்தது எனக்கு .ஆனால் குமார்  வாசகர்களின் விருப்பமறிந்து பின்னூட்டத்திலேயே மிக அருமையான முடிவை அழகாய் எழுதி இருக்கின்றார் .மனமார்ந்த பாராட்டுக்கள் குமார் .

செவ்வாய்க்கிழமை பின்னூட்டங்கள் =80

புதன்கிழமை 29/05/2019

========================

புதன் கிழமை  எனக்கு மிகவும் பிடித்த நாள் எங்கள் பிளாகில் :) எனக்கு கேள்வித்திலகம் என்ற பட்டத்தை பல்லாயிரக்கணக்கானோர் முன் ஏகாந்தன் சார் பொற்கிழியோடு பொன்னாடை போர்த்தி :) பாராட்டுபத்திரம் வாசித்து அளித்தார் . என்னை  மிகவும் சந்தோஷப்படுத்தும்  நாள் :) கேள்விகேட்பது எனக்கு மிகவும் பிடிக்கும் .அதுவும் எனக்கு பல கேள்விகளுக்கு பதில்  தெரியும் ஆனாலும் என்னைப்போலவே எத்தனை பேர் சிந்த்திக்கிறார்கள் என்று தெரிந்துகொள்வதில் பேரார்வம் :) 

என் ஜுனியரும் அப்படியே நான்  என்ன சொல்கிறேன் எனது நிலைப்பாடு என்ன என்பதை தெரிந்துகொள்ள வில்லங்கமான கேள்விகள் கேட்பாள் :) 

எப்பொழுதும் தயங்காமல் கேட்கும் கேள்விகளுக்கு பதில் அளிக்கும் புதன்கிழமை கேப்டன் கௌதமன் சாருக்கும் பிறருக்கும் நன்றி .  

ஏற்கனவே நான் சொன்னது அதாவது இங்கே எங்கள் பிளாக் மனதுக்கு ரிலாக்ஸேஷன் தரும் இடம் என்பதற்கு இன்று 

கீதாக்காவின் பின்னூட்டம் சாட்சி :)

///geethasmbsvm629 மே, 2019 ’அன்று’ முற்பகல் 11:53

//இந்த வாரக் கேள்வி :

 இந்த வாரக் கேள்வி! விடை சொல்லிட்டேனே! :))))) இங்கே வந்ததும் கொஞ்சம் மனசு ரிலாக்ஸ் ஆகி இருக்கு. இன்னும் கொஞ்ச நேரம் தொடர்ந்து இருந்தால் அநேகமாச் சரியாயிடும்! :)))
பதிலளி//

இன்றைய எனது கேள்விகளில் இந்த கேள்விக்கான பதிலை மிகவும் ரசித்தேன் 

//

 5,முன் பின் தெரியா அறிமுகமில்லா ஒருவருடைய நாளை சிறப்பானதாக ஆக்க என்ன செய்வீர்கள் ?

 # அவரைப் பாராட்ட தகுந்த காரணம் இருந்தால் பலமாகப் பாராட்டுவேன்.

& அவரைப் பார்த்துப் புன்னகை புரிவேன். A smile costs nothing but wins many things.    

ஒரேயொரு சுயதம்பட்டம் அடிச்சிக்கிறேன் அதிரா சத்து பொறுத்துக்கொள்ளவும் :)))  முந்தாநாள் ஹாஸ்பிடலில் நுழைந்ததும் கண்ணில் பட்ட அனைவரையும் பார்த்து சிரித்தேன் :) அதில்  இருவர் நான் வேலை முடிந்து திரும்பும்போது //you made my day//

தாங்க்ஸ்னு சொன்னாங்க .

நாமெல்லாம் சைக்கிள் ஓட்டினா :) ஸ்கொட்லான்ட் அப்பாவி மட்டும் சைக்கிள் ஓட அதுபின்னாடி ஓடியிருப்பார் போல ..ஹ்ம்ம் கிரேட் லெஜண்ட் :) ஆனாலும் இந்த லெஜண்ட்டால் :) கௌதமன் சாரின் பழுவேட்டரைய சைக்கிள் ஓடிய /ஓட்டிய  அனுபவங்கள் சுட்டி கிடைத்தது :)

//11,கடிதம் எழுதி தபாலில் சேர்க்க மறந்து போனதுண்டா ?

அப்படி தபாலில் சேர்த்த கடிதம் உங்களுக்கே வந்த அனுபவம் இருக்கா ? //

இந்த கேள்வி உண்மை சம்பவத்தை அடிப்டையாகவைத்து கேட்டேன் ஒரு ஜீனியஸ் நமக்கு தெரிந்தவர் டு அட்ரெஸில் தன்  அட்ரஸை போட்டு லெட்டர்ஸ் அனுப்பியிருக்கார் தொடர்ந்து 3 கடிதங்கள் அவருக்கே ரிட்டர்ன் ஆச்சாம் :)  .

நானும் காரசாரமாக ஒரு போலீஸ் அங்கிளை இங்கே திட்டி( கொஞ்சம் அதிகமாவே) 2008 இல் திட்டி லெட்டர் எழுதி அப்புறம் போஸ்ட் செய்யமுன் படிச்சி பார்த்ததில் எனக்கே ஒருமாதிரி இருந்தது பிறகு அப்படியே வச்சிட்டேன் .இன்னும் பத்திரமா இருக்கு லெட்டர் .

கேள்விக்கான பதிலில் நல்மனம் கொண்ட  திரு :) டர் அலுவலக தாள்களை பேப்பர்ஸை அனுப்பியதில் வியப்பில்லை ஆனால் அந்த அபிமான நடிகை படத்தையும்  பார்சலில் அனுப்பியிருக்காரே ஹாஹா :) அது அந்த அபி :) யாரா இருக்கும்னு  அறிய ஆவல் குறு குறுன்னு இருக்கு :)

புதன்கிழமை பின்னூட்டங்கள் =230

வியாழக்கிழமை 30/05/2019

============================

வியாழக்கிழமை கேப்டன் ஸ்ரீராம் :)

வியாழக்கிழமைகள் அனைவருக்கும்  ஸ்ரீராம் இனிய தாளி மீல்ஸ் வழங்கும் நாள் :)  புகைப்படங்கள் கிசுகிசு பழைய கதைபுத்தகங்களில் இருந்து சில பகுதிகள் வாராந்தரிகளில் வெளிவந்த கதைகள் ஓவியம் , நாலுகால் செல்லங்கள் ,ரெட்டைவால் ரெங்குடு கார்ட்டூன்ஸ் அப்புறம் அவரது குறுங்கவிதைகள் எல்லாம் மொத்தமா பரிமாறுவார் :) ஸ்ரீராம் மழைக்காதலரோ ?? மழை பற்றிய கவிதைகள் அடிக்கடி எழுதுவார்னு நினைக்கின்றேன் .இதுவரை வெளிவந்த வியாழன் பதிவுகளில் இன்று வெளியானதுதான் கொஞ்சம் பெரிய பதிவோன்னு தோன்றியது . இந்த படம் அதிராவின் ஸ்கொட்லன்ட் கண்ணழகியை எனக்கு நினைவூட்டியது :) 

இன்றைய பதிவில் ஸ்ரீராம் அலகாபாத் ஆல் செயிண்ட்ஸ் கத்தீட்ரலை வளைச்சி வளைச்சு படம்பிடித்திருக்கிறார் அப்புறம் அந்த காலியான சாலை அநேகமா அதிகாலைன்னு நினைக்கின்றேன் அழகாமனித  சஞ்சாரமில்லாமல் இருந்தது .

அந்த ப்ரிட்ஜ் மற்றும் எல்லாஇடங்களிலும் இருந்த ஓவியங்கள் மிக அழகு கும்பமேளா வரும்போது அப்படி செய்திருக்கிறாரகள் என்று படித்துத்தெரிந்துகொண்டேன் .ப்ரயாக் ஹோட்டலின் ஓவியங்கள் அப்புறம்  லிங்கங்கள் .லிங்கங்களில் ஓவியம் இதுவரை பார்த்ததில்லை மூன்று நாமம் மட்டும்தான் நான் பார்த்தது .பிறகு தேசிய கொடி பறக்கும்  சாலை நேதாஜி லால்பகதூர் சாஸ்திரி என அனைவரையும் காமிராவில் சிறைபிடித்திருந்தார் .இவையெல்லாம்காசிக்கு போகும் வழியில் :)

அப்புறம் முக்கியமா இதை சொல்லணும் அலஹாபாத் நகரில் ரிஃஷாவை படமெடுக்கும்போது அதில் இருந்த ஆன்டியும் காமெராவில் வந்து முறைத்திருக்காங்க ஸ்ரீராமை :) 

வியாழன் பின்னூட்டங்கள் =229

வெள்ளிக்கிழமை  31/05/2019 

==============================

வெள்ளிக்கிழமையும் ஸ்ரீராம் கேப்டன் .  மிக ஆரவாரமாக  தான் ரசித்த பாடல்களை பகிரும் நாள் :) அதுவும் ஸ்ரீராம்  எஸ் .பி பி சாரின் ரசிகர் மன்ற செயலர் பொருளாளர் ஆல் இன் ஆல் :)  ஒருவேளை அவரின் பெயரில் பாதியை வைத்திருப்பதாலோ :)    அவ்வப்போது மனோ ,ஜெயச்சந்திரன் மலேசியா வாசுதேவன் ,டி .எம் .எஸ் போன்றோரின் பாடல்களையும் பகிருவார் .இதற்க்கு தில்லையகத்து கீதா ரெங்கன் இசையை ராகத்தைதுல்லியமாய் கணித்து வெள்ளியை சிறப்பாக்குவார் .பல பாடல்கள் நானும் அதிராவும் அறியாதவை :)   

ஸ்ரீராம் பகிரும் பாடல்களின் கதையை சுருக்கமாக பானு அக்கா சொல்லுவார் . இப்படி வெள்ளிக்கிழமை அழகாய் இனிமையாய் பயணிக்கும் .  ஜிவாஜி அங்கிள் விக் மற்றும் சிவகுமார் அங்கிளின் நவரசத்துக்கும்  ....அதுக்கும் மேலே அதிகமான முக எக்ஸ்பிரெஷன்ஸ் மற்றும் பிற எங்கள் பெரியப்பாக்களின் வயது அங்கிள்கிளின் உ :) டான்ஸ் , விஜயா ஆன்ட்டி  சரிதா சுஜாதா ஆன்ட்டிஸ் மற்றும்  சரோ ஆன்ட்டி பிறரின் முக அசைவுகளை வெகு க்ளோஸப்ப்பா வர காணொளிகளை என அனைத்தையும் ஸ்ரீராம் போட்டு அப்பப்போ சின்னபிள்ளைங்களான என்னைப்போன்றோரை பயம் காட்டறார் :) ஆனா இன்று காணொளியில்லாமல் சகலகலா வல்லவரின் மிக அழகிய  இனிய கருத்துள்ள தாலாட்டு பாடல் spb சித்ரா குரல்களில் இந்த நாளை அழகாக்கியது என்றால் மிகையில்லை . இன்றைய பதிவில் நடமாடும் விக்கிப்பீடியா நெல்லைத்தமிழன் துரை அண்ணன் போன்றோர் நிறைய தகவல்களை சொல்லி சென்றார்கள் . ஸ்ரீராமுக்கு ஒரு வேண்டுகோள் பெயர் சொல்ல விரும்பாத ஒருவர்  ஏஞ்சலோட சித்தப்பா ரஜினி அங்கிள் ,அரவிந்த்சாமி ,பிருத்திவிராஜ் சுகுமாரன் நிவின் பாலி தல அஜித் , போன்றோரின் பாடல்களை அவ்வப்போது தேர்வு செய்து பகிர சொல்லியிருக்கிறார் :)  

வெள்ளிக்கிழமை பின்னூட்டங்கள் = 136

எழுதி முடித்து வாசித்தால்  மிக நீளமாக எழுதி விட்டேனோ என தோன்றியது .எனது விமரிசனத்தில்  நிறை குறைகளை சுட்டிக்காட்டுங்கள் :) விமரிசனம் எழுத வாய்ப்பளித்த ஸ்ரீராமுக்கு நன்றிகள் .

தொடர்ந்து பயணிப்போம் ..