வெள்ளி வீடியோ : நேசத்துல வந்த வாசத்துல நெஞ்சம் பாடுது ஜோடிய தேடுது பிஞ்சும் வாடுது வாடையில...

 இன்றைய தனிப்பாடல்...

கீதப்ரியன் எழுதிய பாடல். V. குமார் இசை.  சீர்காழி கோவிந்தராஜன் குரல்.

வள்ளிக்கணவன் பெயரை தினமும் சொல்லடா தம்பி 

வள்ளிக்கணவன் பெயரை தினமும் சொல்லடா தம்பி 

உன் வாழ்வில் வளம் காண்பதற்கு உறுதியுடன் நம்பி -வள்ளி 

தெள்ளுதமிழ் கற்றுத்தேர்ந்த புலவர்க்கெல்லாம் தலைவன் 

தெள்ளுதமிழ் கற்றுத்தேர்ந்த புலவர்க்கெல்லாம் தலைவன்

தேன் மணக்கும் தென்பழநி மலையில் வாழும் முருகன் 

தேன் மணக்கும் தென்பழநி மலையில் வாழும் முருகன் -வள்ளிக் 

கருணைபொழியும் விழிகளில் அருள் விளங்குமடா 

கருணைபொழியும் விழிகளில் அருள் விளங்குமடா 

கையில் உள்ள வேல் அவனின் ஆற்றல் கூறுமடா 

கையில் உள்ள வேல் அவனின் ஆற்றல் கூறுமடா 

அருணன் உதயம் போலே மேனி வண்ணம் காணுமடா 

அருணன் உதயம் போலே மேனி  வண்ணம் காணுமடா 

அவனியெல்லாம் புகழ்ந்துபோற்றும் அழகு தெய்வமடா 

அவனியெல்லாம் புகழ்ந்துபோற்றும் அழகு தெய்வமடா -வள்ளிக்

***********************************************************************

எஸ் பி பாலசுப்ரமணியத்தின் இளைய சகோதரி எஸ் பி ஷைலஜா.  இளையராஜாவிடம் போய் தான் பாட விரும்புவதாகச் சொல்ல, அவர் இவருக்கு பாட வாய்ப்பு கொடுத்து முதலில் பாடிய பாடல் பொண்ணு ஊருக்கு புதுசு படத்தில் வரும் 'சோலைக்குயிலே..  காலைக்கதிரே..' பாடல்.  இனிமையான பாடல்.  அப்போதே பல நெஞ்சங்களைக் கவர்ந்த பாடல்.

பின்னர் பல பாடல்களை பாடினாலும், முதல் பாடலே கொஞ்சம் சவாலான பாடல்தான் என்றாலும் ஷைலஜா அண்ணனிடம் பாராட்டு வாங்கிய பாடல் இன்று நான் பகிரும் அவர் பாடல்.  பெருமை இளையராஜாவுக்கு.

1980 ல் வந்த படம் ஜானி.  மகேந்திரன் இயக்கத்தில் ரஜினி இரட்டை வேடத்திலும், ஸ்ரீதேவியுடன் நடித்த படம்.  மகேந்திரனுக்கு ரஜினியுடனான அவர் முந்தைய படமான முள்ளும் மலரும் படத்தின் 'ராமன் ஆண்டாலும் ராவணன் ஆண்டாலும்' பாடலின் மலைஜாதிப் பெண்கள் நாட்டியம் ரொம்பப் பிடித்துப் போய்விட்டது போல...  இதிலும் அதே போல ஒரு நடனத்தைக் கொண்டு வந்திருப்பார்.

ஜெயசுதாவுக்கு எவ்வளவு வயதானாலும் சின்னப்பெண் போலவே தெரிவார்.  அவர் தங்கையான சுபாஷினி நேர்மாறு!  சிறு வயதிலேயே ஆண்ட்டி போல தெரிவார்.  அவர் அறிமுகமான அழகே உன்னை ஆராதிக்கிறேன் படத்திலேயே அப்படிதான்.  இதில் சொல்லவே வேண்டாம்!  ரஜினி உணர்ச்சியே காட்டாமல் பார்த்துக் கொண்டிருக்க,சுபாஷினி ஆடும் காட்சி.  நடனத்துக்காக ஒரு முறை பாருங்கள்.  அப்புறம் பாடலை மட்டும் ஒருமுறை கேளுங்கள்.

இந்தப் பாடல் சிந்து பைரவி ராகமாம்.  இதன் பாடல்கள் எல்லாமே ஹிட், மற்றும் வெவ்வேறு முறை மறுபடி உபயோகப்படுத்தப் பட்டிருக்கின்றன.

பாடலை எழுதியவர் கங்கை அமரன்.

ஆசைய காத்துல தூது விட்டு

ஆடிய பூவுல வாடை பட்டு

சேதிய கேட்டொரு ஜாடை தொட்டு

பாடுது பாட்டு ஒண்ணு

குயில் கேட்குது பாட்டை நின்னு

ஆசைய காத்துல தூது விட்டு

ஆடிய பூவுல வாடை பட்டு

வாசம் பூவாசம் வாலிப காலத்து நேசம்

மாசம் தை மாசம் மல்லிகை

பூ மணம் வீசும்

நேசத்துல வந்த வாசத்துல

நெஞ்சம் பாடுது ஜோடிய தேடுது

பிஞ்சும் வாடுது வாடையில

கொஞ்சும் ஜாடைய போடுது

பார்வையில் சொந்தம் தேடுது

மேடையில

ஆசைய காத்துல

தேனு பூந்தேனு தேன்துளி கேட்டது நானு

மானு பொன்மானு தேயில தோட்டத்து மானு

ஓடி வர உன்னை தேடி வர

தாழம் பூவுல தாவுற காத்துல

தாகம் ஏறுது ஆசையில

பாக்கும் போதுல ஏக்கம் தீரல

தேகம் வாடுது பேசயில