ஐயோ... நான் திருடனில்லை!

நியூஸ் ரூம் 

"எங்கப்பா குதிருக்குள்ள இல்லை!"

நல்லா வூட்டுக்குள்ள தேடிப்பாரும்மா...  இதையெல்லாமா நியூஸா தருவாங்க...

😂 சென்ற நிதியாண்டை விட இந்த நிதியாண்டில் அதிகம் வரி வசூலாகியிருக்கிறது, அதை வசூல் செய்வதற்கான செலவு குறைந்திருக்கிறது. டிஜிட்டல் பரிவர்த்தனையால் கிடைத்த அனுகூலம் -  நிதியமைச்சர் நிர்மலா சீதாராமன் அறிவிப்பு. 

👳 இங்கிலாந்து மன்னராக சார்லஸ் முடி சூட்டிக் கொண்டார்.

😆 அமெரிக்காவில் ஒரு ஷு கடைக்குள் நுழைந்து வலது கால் ஷுக்களை மட்டும் திருடிய திருடர்கள்- சிரிப்புத் திருடர்கள். 

👩 ஏர்-இந்தியா விமானத்தில் நடு வானில் பெண் பயணியை கொட்டிய தேள். - ஏன் ஏர் இந்தியா பற்றி எதிர்மறை செய்திகள் அடிக்கடி வருகின்றன?

💁 வைட்டமின் A, மற்றும் D செறிவூட்டப்பட்ட புதிய பாலை அறிமுகம் செய்கிறது ஆவின். ஊதா நிற இந்த பாக்கெட்ட் ஒன்றின் விலை ரூ 22/-

💤💔கர்நாடகாவில் காலையில் சீக்கிரம் எழுந்து கொள்ள சொன்னதால் இரண்டு குழந்தைகளை கொன்று தானும் தற்கொலை செய்து கொண்ட பெண்.

---  பானுமதி வெங்கடேஸ்வரன் ---

===================================================================================================

 சிறுவாபுரி சென்று ஒரு கோரிக்கை மனு வைத்து வந்தோம்.

சென்னை கொல்கத்தா நெடுஞ்சாலையில் புழல், ரெட்ஹில்ஸ் எல்லாம் தாண்டி 33 கிலோமீட்டர் சென்று, சட்டென  இடது புறம் திரும்பி பசுமையான வயல்ககளைக் கடந்து 'எங்கே கோவில், எங்கே கோவில் என்று தேடிக்கொண்டு மூன்று கிலோமீட்டர் சென்றால், மறுபடியும் ஒரு இடது புறம் திருப்பம்.  அப்புறம் ஒரு திருப்பத்தில் திரும்பியதும் கண்ணில் படுகிறது இந்த 500 ஆண்டு பழமையான கோவில்.

அழகிய பாலசுப்பிரமணியர் நான்கரை அடி உயரத்தில் நின்று அருள் பாலிக்கிறார்.  முன்னால் வள்ளியுடன் வள்ளிமணாளராக உற்சவர்.  அவர் காலடியில் கோரிக்கையை வைத்து எடுத்து வந்தோம்.

வீடு கட்டத்தான் ஸ்பெஷலிஸ்ட்டாம் இந்த முருகன்.  ஆனால் பக்தர்கள் கோரிக்கை யாவையும் நிறைவேற்றுவார் என்று, வேண்டுதல் நிறைவேறும் சமயம் அங்கு சென்று வந்த பக்தர்கள் சொல்ல, அது எங்கள் வரை பரவி, நாங்களும் சென்று வந்தோம்.

ஆறு செவ்வாய் சென்று பார்த்து வந்தால்தான் பாலசுப்ரமணியம் நம் பக்கம் பார்த்து அருள் பாலிப்பாராம்.  கோரிக்கையைப் பரிசீலித்து சாங்ஷன் செய்வாராம்.  .  நாங்கள் ஒற்றை விசிட்டில் வேண்டுதல் வைத்திருக்கிறோம்.  நிறைவேற்ற வேண்டும் வள்ளிமணாளன்.  உள்ளே அர்ச்சனை சீட்டு வாங்கச் சொல்லி அறநிலையத்துறை அராஜகச் சீட்டு விற்றுக் கொண்டிருந்தது. வழக்கம்போல கம்பித்தடுப்புகள் போட்டு வசூல் வேட்டையும் நடக்கிறது என்பது உள்ளே நுழைந்ததும் தெரிந்தது.   கோவில் பற்றிய விவரங்களை இங்கேயும் இங்கேயும் காணலாம்.  சமீபத்தில்தான் பக்தர்களின் பணத்தை எடுத்து அறநிலையத்துறை மூலமாக கும்பாபிஷேகம் நடந்திருக்கிறது.

கோவிலின் வெளியே அருமையான, பசுமையான காய்கறிகள் விற்றுக் கொண்டிருந்தார்கள்.  பெரிய பெரிய பருப்புகளுடன் பச்சைக் கடலை பெரிய படியால் ஒன்றரைப் படி 50 ரூபாய்க்கு கிடைத்தது.

கோவிலுக்கு அடுத்தபடி நாம் அல்லது நான் முக்கியத்துவம் தருவது ஹோட்டல்!  கோவிலுக்கு காலையில் சென்றாலும் சரி, மாலையில் சென்றாலும் சரி, ஒரு வேளை சிற்றுண்டி ஹோட்டலில் முடிக்க வேண்டியதாய் இருக்கும்.

சமீப காலங்களில் நான் A2B, சங்கீதா, வசந்த பவன், சரவணபவன்  போன்ற எங்கே போனாலும் கண்ணில் படுகிற ஹோட்டல்களை விடுத்து மற்ற ஹோட்டல்களில் சாப்பிட முயற்சிக்கிறேன்.  கண்ணில் படவேண்டுமே..

சென்னை கொல்கத்தா நெடுஞ்சாலையில் கோவில் நோக்கி, அதாவது கொல்கத்தா நோக்கி போகும்போது அந்தப் பக்கம் சில ஹோட்டல்கள் கண்ணில் படுகின்றன.  ஆனால் கோவில் சென்று சென்னை திரும்பும் வழியில் இடது பக்கம் ஹோட்டல் எதுவுமே இல்லை.  இடதுபுறம் ஏதாவது ஊருக்குள் ரொம்ப உள்ளே செல்ல வேண்டும் அல்லது சென்னை எல்லை வந்துவிட வேண்டும்! வலதுபுறம் இருக்கும் ஓரிரண்டு ஹோட்டலை நீங்கள் அடைய, நேஷனல் ஹைவே என்பதால் பெருந்தூரம் சுற்றி வரவேண்டும்.  அதிலும் அப்படி யு டர்ன் எடுப்பபவர்கள் கொஞ்சம் விவரம் இருந்தால்தான் சர்விஸ் ரோடில் திரும்பி செல்ல வேண்டும் என்பது தெரியும்.  இல்லா விட்டால் ஹைவேயிலேயே ஓரமாக வண்டியை நிறுத்தி ஹோட்டல் சென்று திரும்பி, மறுபடி வண்டியை எடுத்து நீண்ட தூரம் சென்று யு டர்ன் எடுத்து மறுபடி சென்னைப் பாதையைப் பிடிக்க வேண்டும்.  ஹோட்டல்காரர்களாவது தங்கள் வியாபாரத்துக்காகவாவது அருகிலேயே ஒரு யு டர்னுக்கு ஏற்பாடு  செய்து வைத்துக் கொள்ளவேண்டும்.  ஹைவேயில் வண்டியை நிறுத்தி விட்டு போலீஸ்காரர்களுக்கு பச்சா கட்ட வேண்டியிருக்குமோ என்று பக்பக்க்குடனே சாப்பிட வேண்டும்.

சமீபத்தில் பீச் சென்றபோது வாலாஜா ரோட் திருப்பத்தில் ஒன்றை ஒன்று ஒட்டியபடி இரண்டு பஸ் வலதுபுறமாக எங்களைத் தாண்ட,  கொஞ்சம் ஸ்லோ செய்து வலது புறம் திரும்புவதற்குள் ரோடைக் கிராஸ் செய்யக் காத்திருந்த நான்கு பேர் வேகமாக க்ராஸ் செய்ய, அந்த சமயம் அங்கே ரெட் விழ, நிற்க வேண்டியதாயிற்று.   இதையெல்லாம் பார்த்துக்கொண்டிருந்த, நிலைமை புரிந்த அங்கு நின்ற போலீஸ் உடனே பொறுப்பாக முன்னால் வந்து எங்களை (எங்கள் கார் நம்பரை) ஒரு ஃபோட்டோ எடுத்துக்கொண்டு அகன்றார்.  இரண்டு மணி நேரத்தில் ஐநூறு ரூபாய் அபராதம் கட்டக் சொல்லி குறுந்தகவல் வந்து விட்டது.  அராஜகமாகத் தாண்டிச் சென்ற பஸ்ஸுக்கு அபராதம் இல்லை.  சிக்னல் விழுமுன் பறக்கப் பறக்க சாலையைக் கடந்த அந்த நாலு பேருக்கு அபராதம் இல்லை.  எக்குத்தப்பாக இடையில் மாட்டிக்கொண்டு கோட்டை சற்றே கடந்த நிலையில் சிகப்பு விளக்குக்கு மதிப்பு கொடுத்து நின்ற எங்களுக்கு அபராதம்.  

ஆனால் ஒன்று சொல்ல வேண்டும்.   அங்கிருந்த அடையார் ஆனந்த பவன் A2B என்கிற சின்னம் இல்லாமல் தனியாக இருந்தது.  உள்ளே எல்லாமே சுவையாக இருந்தது.  உள்ளே இடம்பிடிக்க கொஞ்ச நேரம் காத்திருக்க வேண்டியதாய் இருந்தது.  Self Service என்று பயமுறுத்தி இருந்தாலும் டேபிளுக்கு வந்து சேர் செய்து வயிற்றில் பால் வார்த்தார்.  

பின் குறிப்பு :  அங்கு டேபிள் க்ளீன் செய்த ஒரு பெண் மிக அழகாக இருந்தார்.  யாராவது டைரக்டர் பார்த்தால் சீரியலுக்கோ, சினிமாவுக்கோ கொத்திக்கொண்டு போய்விடும் வாய்ப்புஇருக்கிறது!

==================================================================================================

படித்ததை பகிர்வது...

​இங்கிலீஷ்ல சார் எஸ் ஐ ஆர் என்கிற சொல் சையர் எஸ் ஐ ஆர் இ என்கிற சொல்லில் இருந்து தான் வந்தது.  டிக்ஷனரி எடுத்து பாருங்கள். செயர் என்றால் இனவிருத்தி செய்யும் ஒரு ஆண் அல்லது ஒரு ஆண் விலங்கு ஒரு மகன் தனது தந்தையை சையர் என்று கூப்பிடலாமே தவிர போவோரை எல்லாம் சயர் என்று எப்படி கூப்பிட முடியும்?  நீங்கள் இந்தியர்களுக்கு சயர் என்கிற சொல்லின் பொருளை சொல்லித் தராமல் அவர்கள் உங்களை சார் என்று அழைக்க சொல்லி அழைக்க வைத்து கேவலப்படுத்தி வருகிறீர்கள்!

நமது நாட்டில் எல்லா ஆண்களையும் சார் என்று சொல்லி அழைக்கிறோம். இல்லத்தின் மொழியில் மட்டும் தான் அதற்கு உத்தம மனிதன் என்கிற பொருள் வருகிறது.  லண்டன் நண்பர் ஒருவர் ஆங்கிலத்தில் எஸ் ஐ ஆர் இ என்னும் சொல் 'என்னை உருவாக்கியவர்' என்கிற பொருளில்தான் டியூட்டர் மற்றும் ஷேக்ஸ்பியர் காலத்தில் பிரயோகப்படுத்தப்பட்டது என்று கூறினார்.  இன விருத்தி செய்யும் குதிரையை எஸ் ஐ ஆர் இ என்று அழைத்தனர். அண்ட் எஸ் ஐ ஆர் ஏ டி 2 சாங்ஸ் என்று சொன்னால் அவன் அவளை மணந்து கொண்டு இரண்டு மகன்களை பெற்றுக் கொண்டான் என்று தான் பொருள்.  ஒரு தந்தையை அவர் மகன் எஸ் ஐ ஆர் இ என்று அழைத்தால் மட்டுமே பொருத்தமாக இருக்கும் என்றார்.  'எஸ் ஐ ஆர் ஏ என்றால் ஸ்லேவ் ரிமைண்ட் எவர் என்று கூறுகிறார்களே' என்ற போது,  இந்தியாவில் அந்தப் பொருளை ஆங்கிலேயர்கள் பரப்பி விட்டிருக்கலாம்.  ஆனால் இங்கிலாந்தில் ஒருவரை ஒருவர் எஸ்ஐஆர்இ என்று அழைப்பதில்லை.  'தாமஸ் சார்' என்று அழைக்க மாட்டார்கள்.  'மிஸ்டர் தாமஸ்' என்றுதான் அழைப்பார்கள். இந்தியாவில் ஏன் சார் என்று அழைக்கிறார்கள் என்பது தெரியவில்லை' என்று கூறினார்.

கரிச்சான் குஞ்சுகள் இனவிருத்தி செய்கிற இடத்தில், முள் உள்ள வாழை மரத்து அடியில், ஒரே தண்டுல ரெண்டு தாமரை பூக்கள் பூத்திருக்கிற குளத்தில் எல்லாம் பொக்கிஷங்கள் இருக்கும்.

நாம் பொக்கிஷங்களை விலை மதிப்பில்லா செல்வங்கள் என்று மட்டுமே நினைக்கிறோம். ஆனால் மனிதர்களாகிய நம்மை விட பொக்கிஷங்கள் நீண்ட காலம் வாழ்வதால் அவற்றுக்கு நம்மை விட அனுபவங்கள் அதிகம்.  நாம் அரியணை ஏறிவிட்டோம் என்று மன்னர்கள் நினைக்கிறார்கள்.  ஆனால் உண்மையில் அரியணை தான் தனக்கு ஏற்ற ஒருவரை தேர்ந்தெடுக்கிறது. அதே போன்றுதான் பொக்கிஷங்களும் . தங்களது எதிர்காலத்தை தாங்களே நிர்ணயம் செய்கின்றன. எப்போது பதுங்கி இருக்க வேண்டும், எப்போது வெளிவர வேண்டும், யார் தன்னை அனுபவிக்க வேண்டும், யார் தங்களை வசப்படுத்தினால் அவர்கள் தண்டிக்கப்பட வேண்டும் என்பதை எல்லாம் நிர்ணயிப்பது பொக்கிஷங்கள்தான்.

புதையல்கள் பேசும் வல்லமை பெற்றவை. தகுதி இல்லாதவர்கள் அதனை வைத்துக் கொண்டால் அவர்களை அழித்துவிட்டு தான் மறுவேலை பார்க்கும். பொக்கிஷங்களை ஆள நினைக்கும் மனிதன் 100 வருடங்கள் மட்டுமே வாழ்ந்து நிலத்தின் அடியில் மறைபவன். பொக்கிஷங்களோ ஆயிரம் ஆண்டுகளுக்கு மேலாக நிலத்தில் புதைந்த கிடந்து பிறகு ஒருநாள் பூமியை ஆள்வதற்கு வெளியே வரும். பொக்கிஷங்களை மனிதர்கள் வேட்டையாடுவது போன்று பொக்கிஷங்களும் நல்ல மனிதர்களை நாடும். தகாதவர்கள் வசம் சிக்கினால் அவர்களை அழித்துவிடும்.

இந்த லோகத்தில் பல்வேறு ஆத்மாக்கள் மனிதர்களாக பிறந்து அவரவர் கர்ம பலனுக்கு ஏற்ப மன்னராகவோ ஆண்டியாகவோ புலவனாகவோ போர் வீரனாகவோ திகழ்வது போல, உயர்ரக கற்கள் தங்களது  பஞ்சபூத பலன்களால் திருவாபரணங்களாக ஒருங்கிணைகின்றன. மயில் வங்கி பொக்கிஷம் விலை மதிப்பில்லாதது மட்டுமல்ல, மிகவும் சக்தி வாய்ந்தது. நாம் ஆபரணங்களை வெறும் அழகு பொருளாகவும், விலைமதிப்புள்ள பொக்கிஷமாகவும் பார்க்கின்றோம். உண்மையில் பொக்கிஷங்கள் பேசும் ஆற்றல் உடையவை. அவை யாரிடம் சேரவேண்டுமோ அவர்களைத்தான் சேரும். அவற்றை அனுபவிக்க தகுதி இல்லாதவர்கள் அபகரிக்க நினைத்தால் அந்த பொக்கிஷங்கள் அழிவை உண்டாக்கும். இதை பலர் அறிவதில்லை. உன்னிடம் இருந்த மயிலங்கி பொக்கிஷங்களை அபகரிக்க நினைப்பவர்களை அந்த பொக்கிஷங்கள் அழித்து விடும்.

பெண்கள் ஆபரணங்களை அணிவது அழகுக்கு என்று பலரும் நினைக்கிறார்கள். தவறு. அவை அழகுக்காக மட்டுமல்ல, அரணுக்காக.  மக்களுக்கு அரண்மனை பெண்களுக்கு அரண் ஆபரணங்கள். எனவே தான் பெரியவர்கள் அவற்றை ஆபத்து காலத்தில் அரண்கள் என்று அழைத்திருக்க வேண்டும். பெண்களின் ஆபரணங்கள் ஒவ்வொன்றிற்கும் ஒரு விளக்கம் உள்ளது. தலைநிமிராமல் நடப்பதற்கு தலையின் உச்சியில் நிமிராக கொடி என்று அணிவார்கள். 'பெண்கள் ஏன் தலைநிமிரக்கூடாது?' என்று கேட்பாய்.  பெண்களின் சாதாரண பார்வையை கூட அழைப்பாக ஏற்ற பின் தொடரும் ஆண்களை தவிர்த்து, எல்லையில் நிறுத்தி வைக்கவே நிலத்தை பார்த்து நடக்கச் சொன்னார்கள். பெண்களின் நெற்றியில் உச்சியில் சூடாமணி அணிகிறார்கள், ஏன் தெரியுமா? ஆண்கள் மூளை உறுதியான கபாலத்தில் இருப்பதால் எவ்வளவு சிந்தித்தாலும் அவர்களின் மூளை சூடு அடையாது. ஆனால் பெண்களின் மூளை சகதியைப் போன்றது ,மென்மையாக உள்ளதால் அவர்களின் மூளை வேகமாக சூடு அடைந்து விடும். எனவே அவர்களுக்கு குளிர்ச்சியை உண்டாக்கும் கற்களை கொண்டு சூடாமணி அறிவித்த அணிவித்தார்கள். பெரிய வைர கற்களால் செவியில் தோடு செய்து அணிகிறார்கள் பெண்கள்....

- காலச்சக்கரம் நரசிம்மா, மயிலங்கி மரகதப் பெட்டி நாவலில் -

=================================================================================================

​சில சமயங்களில் 

பழி வாங்கவும் முடிவதில்லை, 

புறக்கணிக்கவும் முடிவதில்லை!  

புன்னகையுடன் கடக்கவும் 

முடியாமல் 

புழுங்கத்தான் முடிகிறது

============================================================================================

பாருங்க..    2016 ல் காஃபி பற்றி இப்படி ரிப்போர்ட்...

இப்போது இப்படி ஒரு தகவல்..  என்னதாங்க பிரச்னை இவங்களுக்கு...!!!

==============================================================================================

இணையத்தில் ரசித்த படம்..

======================================================================================================

பொக்கிஷம்  :-

இதைக்கூட வாங்கிக்கலைன்னா எப்படி பிரதர்...!

என்ன நம்பிக்கை!

அதைச் சொல்லுங்க....

என்னங்க..  இது தெரியாம....