செங்கயல் வண்டு கலிங் கலிங் என்று ஜெயம் ஜெயம் என்றாட இடை சங்கதம் என்று சிலம்பு புலம்போடு தண்டை கலந்தாட

 

ஒரு தாய்க்கு இரண்டு குழந்தைககள் இருக்கலாம்.  ஒரு குழந்தைக்கு இரண்டு தாய்கள் இருக்க முடியுமா?

இது மாதிரி சிக்கலான விஷயங்களை K. பாலச்சந்தர் படம் எடுக்காமல் வேறு யார் எடுப்பார்கள்?  1972 ல் வெளிவந்த 'கண்ணா நலமா' என்னும் படம்.  பின்னாட்களில் இந்தக் கதையைத் தழுவி கார்த்திக், சுஹாசினியை வைத்து 'சின்னக் கண்ணம்மா' என்று கூட ஒரு படம் வந்தது.  

நீண்ட காலமாய் பிள்ளை வரம் இல்லாமல் இருந்த ஜெமினி ஜெயந்தி ஜோடிக்கு, அந்த பாக்யம் வாய்க்கும் நேரத்தில் ஒரு நிலநடுக்கத்தில் மருத்துவமனையில்  குழந்தை மாறி விடுகிறது.  மாறுவது அவர் முதலாளி குழந்தையுடன்.  சில வருடங்கள் கழித்து சுந்தரராஜன் - முதலாளி - இந்த நிகழ்வை கண்டுபிடிக்க, 'என் குழந்தையைத் தாருங்கள்' என்று வருகிறார்.  

குழந்தையை மாற்றிக் கொள்வதிலேயே சங்கடம்.  என்னதான் தன் பிள்ளை இல்லை என்றாலும், தன் பிள்ளையாய் நினைத்து வளர்த்தபின் எப்படிப் பிரிவது?  மனதைத் தேற்றிக் கொண்டு நீதிக்கு பயந்து அங்கு சென்றால் இன்னொரு அதிர்ச்சி.  இவர்களின் பிள்ளை கால் ஊனமுற்றவனாக இருக்கிறான்.   

அதிர்ச்சி.  எனினும் ஏற்றுக் கொள்கிறார்கள்.  ஆனால்...?

குழந்தையை மாற்றிக் கொள்ளவேண்டும் என்று அறிய வரும்போது எழும் மனப்போராட்டங்களை விளக்க ரேடியோவில் ஒலிப்பதாய் வரும் பாடல் இந்த 'பெற்றெடுத்த உள்ளம் என்றும் தெய்வம் தெய்வம்' என்னும் கண்ணதாசன் பாடல்.   எம் எஸ் விஸ்வநாதன் இசை.  

சற்றே நீளமான பாடல் என்றாலும் ரசிக்கலாம்.  அந்நாட்களில் பாடலில் வரும் உணர்வுபூர்வமான வரிகளுக்காகவே கேட்டிருக்கிறேன்.

சமீபத்தில் பார்த்த ரீல்ஸில் எம் எஸ் விஸ்வநாதன் கண்ணதாசன் உடல்நிலை சரியில்லாமல் அமெரிக்காவில் சிகிச்சை பெற்றுவந்தபோது நடந்ததை குரல் கம்ம, கண்கள் கலங்கச் சொன்னார்.  ஒருமுறை அவர் நேரில் வந்து பார்த்து கண்ணதாசனுடன் பேசினால் சரியாகும் என்று சொன்னார்களாம்.  அது முடியாததால் இவர் டியூன் சொல்லி, தத்தகாரம் சொல்லி கண்னதாசனிடம் எப்போதும் கேட்பது போல பாடல் வரிகள் கேட்பது போலவும் பேசி கேசெட்டில் பேசி பதிவு செய்து அமெரிக்காவுக்கு அனுப்...

...ப்புவதற்குள் கண்ணதாசன் மறைந்த செய்தி வந்து விட்டதாம்.  இதைச் சொல்லும்போது அத்தனை வருடங்கள் கழித்தும் எம் எஸ் வி யால் பேசவே முடியவில்லை.  அவர் வாழ்வில் அவர் வாய்விட்டு அழுதது மூன்று பேர் மறைவுக்குதான், ஒன்று எம் எஸ் வியின் தாய், அடுத்து கண்ணதாசன், மூன்றாவது MGR என்றார்.

பெற்றெடுத்த உள்ளம் என்றும் தெய்வம் தெய்வம்

பெற்றெடுத்த உள்ளம் என்றும் தெய்வம் தெய்வம்

அது பேசுகின்ற வார்த்தை என்றும் மௌனம் மௌனம்

ரத்தத்துடன் சேர்ந்ததந்தப் பாசம் பாசம்

அது நாள் கடந்தும் பிள்ளையுடன் பேசும் பேசும்

அது நாள் கடந்தும் பிள்ளையுடன் பேசும் பேசும்

அன்றொரு நாள் மன்னன் சாலமனுடைய சபையில்

ஒரு விசித்திரமான வழக்கு வந்தது

ஒரு பிள்ளை … இரண்டு தாய்மார்கள்

இரண்டு பேரும் அது தன்னுடைய பிள்ளை என்கிறார்கள்

பிள்ளைக்கோ தன் தாய் யாரென்று

சொல்லத் தெரியவில்லை

மன்னன் சாலமன் யோசித்தான்

ஒரு தாயார் பல பிள்ளை பெறுவதுண்டு

இரு தாய்க்கு ஒரு பிள்ளை வருவதுண்டோ

அசல் யாரோ…….நகல் யாரோ

அசல் யாரோ…….நகல் யாரோ

அறியேனென்று அதிசயித்த மன்னன்

சொன்னான் முடிவில் ஒன்று முடிவில் ஒன்று

இரண்டு பேருமே இது தன் பிள்ளை என்பதால்

யாரிடம் ஒப்படைப்பதென்று தெரியவில்லை

ஆகவே காவலா இந்தப் பிள்ளையை ஆளுக்குப்

பாதியாகக் கொடு என்றான்..

காவலன் சென்றான்

இடை வாளை எடுத்தான்

அந்த மகனை இழுத்தான்

வாளை ஓங்கினான்

வாளை ஓங்கினான்

மன்னா மன்னா ஆ….ஆ….

மன்னா ,மன்னா

அம்மா என்றொரு குரலில்

ஒரு பெண் கண்ணீர் வடிக்கின்றாள்

இன்னொரு பெண்ணோ வாளைக் கண்டும்

புன்னகை புரிகின்றாள் புன்னகை புரிகின்றாள்

பாதி கொடுங்கள் என்றே அவளோ

மன்னனைக் கேட்கின்றாள்

மன்னா வேண்டாம் என்றே இவளோ

மன்னனைத் தடுக்கின்றாள்

இந்தா என்றவன் அந்தப் பெண்ணிடம்

மகனைத் தருகின்றான்

இவள் தான் உண்மைத் தாயென

மன்னன் சாலமன் முடிக்கின்றான்

சாலமன் முடிக்கின்றான்

சாலமன் முடிக்கின்றான்

பெற்றெடுத்த உள்ளம்

என்றும் தெய்வம் தெய்வம்

அது பேசுகின்ற வார்த்தை

என்றும் மௌனம் மௌனம்

ரத்தத்துடன் சேர்ந்தது அந்த பாசம் பாசம்

அது நாள் கடந்தும் பிள்ளையுடன் பேசும் பேசும்

அது நாள் கடந்தும் பிள்ளையுடன் பேசும் பேசும்

பெற்றெடுத்த உள்ளம்

என்றும் தெய்வம் தெய்வம்

அது பேசுகின்ற வார்த்தை

என்றும் மௌனம் மௌனம்

சக்தி வடிவானவளே அன்னை அன்னை

சக்தி வடிவானவளே அன்னை அன்னை

அவள் தானறிவாள்தான்

வளர்த்த கண்ணை கண்ணை

சக்தி ஓம்…..சக்தி ஓம்………

சக்தி ஓம்…..சக்தி ஓம்…..

பக்தியிலும் அன்னைதான் முதலில் தெய்வம்

இந்தப் பார் முழுதும் அவள்

வளத்த செல்வம் செல்வம்

சக்தி ஓம்…..சக்தி ஓம்……

சக்தி ஓம்….சக்தி ஓம்

பதியம் வைத்த மரம் புதிய

தோட்டம்தனில் நின்று வாழ்வதுண்டு

புதியதாக வரும் உறவு யாவும்

அதன் சொந்தமாவதில்லை [2]

சக்தி ஓம்…..சக்தி ஓம்……

சக்தி ஓம்….சக்தி ஓம்

உதிரம் கொண்டு வரும் இதயம் போல

ஒரு உண்மை அன்பு இல்லை

உருகும் உள்ளமென தமிழ் கூறுவது

அன்னை என்ற சொல்லை

சக்தி ஓம்…..சக்தி ஓம்……

சக்தி ஓம்….சக்தி ஓம்

பூவும் மஞ்சளுடன் பொங்கும்

தேவி அவள் புவனேஸ்வரி

சக்தி ஓம்…..சக்தி ஓம்……

பூஜை செய்து வரும்

மாதர் காவல் தரும் ராஜேஸ்வரி

சக்தி ஓம்…..சக்தி ஓம்……

பாசம் பொங்கி வரும் தேவி

சக்தி அவள் ஜெகதீஸ்வரி

சக்தி ஓம்…..சக்தி ஓம்……

பார்வை தன்னில் உயர் நீதி

சொல்ல வரும் பரமேஸ்வரி [2]

சக்தி ஓம்…..சக்தி ஓம்……

புவனேஸ்வரி

சக்தி ஓம்…..சக்தி ஓம்……

பெற்றெடுத்த உள்ளம்

என்றும் தெய்வம் தெய்வம்

அது பேசுகின்ற வார்த்தை

என்றும் மௌனம் மௌனம்

center;">

========================================================================================

சிவாஜி செய்த உதவிகள் இப்படித்தான்...

நம் மன்றத்தைச் சேர்ந்தவர்.தீவிர ரசிகர்.  இருதயநோயால் இளம் வயதில் இறந்துவிட்டார்.அவருக்கு இரண்டு பெண் பிள்ளைகள் .ஒரு ஆண் குழந்தை.அவருடைய குடும்பம் வருமானம் இன்றி வறுமையில் வாடியது.ரசிகர்மன்றத்தை சேர்ந்த சிலர் இளையதிலகத்தை வெளியூர் சூட்டிங்கில் நேரில்சந்தித்து அவருடைய இழப்பையும் அதனால் அந்த குடும்பத்தின் சிரமங்களையும் எடுத்துக் கூறிஉதவிசெய்யகோரினர்.

.இளையதிலகமும் அன்னை இல்லத்தில் வந்து சந்திக்குமாறு கூறியுள்ளார்.

அவர்களும் குறித்த தேதியில் அன்னை இல்லதிற்கு வந்தனர்.மூன்று குழந்தைகளுடன் தாயையும் ரசிகர் மன்றத்தை சேர்ந்தவர் அழைத்து வந்துள்ளார்.

இளையதிலகம் அவசர சூட்டிங் காரணமாக சென்றிருந்தார்.அவர் வந்து விடுவார் என்று தகவல் கூறி அவர்களை காத்திருக்குமாறு ஊழியர்கள் கூறினர்.

அந்த நேரம் வந்த நடிகர்திலகம் அவர்களை பார்த்து விவரம் கேட்க அவர்கள் இளையதிலகத்தை பார்க்க வந்திருப்பதாக கூறினர்.குழந்தைகளை பார்த்து புன்னகையுடன் பேசி நலம் விசாரிக்கையிலே அவர்களின் முகங்களை பார்க்கிறார்.இயல்பான சந்தோசம் அந்த முகங்களில் எதுவும் தெரியாததை அவர் உணர்ந்து கொண்டார்.மேலும் பேசி விஷயத்தை தெரிந்துகொண்டார்.

உதவியாளரை அழைத்து அவர்களின் பெயர், விலாசம் குறிக்கச் சொல்லிவிட்டு,

அவர்களிடம் பிரபு அவசரமாக சூட்டிங் போயிருக்கான் போல, வெயிட் பண்ணுங்க. "என்று சொல்லிவிட்டு பின் நடிகர்திலகம் சென்று விட்டார்.

இரண்டு மணி நேரத்திற்கு மேலானது.

மீண்டும் வருகிறார் நடிகர்திலகம்.கையில் ஏதோ பேப்பர்களை வைத்திருக்கிறார்.அவர்களை அழைக்கிறார்.

ஒவ்வொரு குழந்தையின் பெயரிலும் ரூபாய் ஐம்பதினாயிம் வங்கியில் டெபாசிட் செய்யப்பட்ட பத்திரங்களை ஒப்படைக்கிறார்.மொத்தம் ஒன்றரை லட்சம் . மாதந் தோறும் கிடைக்கும் வட்டியை வைத்து குடும்பம் நடத்துமாறும், குழந்தைகளை நன்றாக படிக்க வைக்குமாறும் அறிவுரைகள் கூறினார்.மேஜர் ஆகும் வரை பணவட்டியிலேயே குடும்பத்தை நடத்துமாறும் அதற்குண்டான அவசியங்களையும் எடுத்துக் கூறினார்.

பின் அழைத்து வந்த மன்றத்தலைவர் குடும்பத்தினரை பார்த்து இந்த விஷயம் இந்த விஷயம் இந்த வீட்டு வாசலோடு மறந்து விடுங்கள்.ஊரில் போய் எல்லோரிடமும் சொல்லிக் கொண்டிருக்க கூடாது சிறிது கண்டிப்புடன் கூறி அனுப்பி வைத்தார்.

இச்சம்பம் நடந்தது 1995 களில். நண்பர் பகிர்ந்த விஷயம்.

- செந்தில்வேல் சிவராஜ் -

===========================================================================================

இன்றைய இரண்டாவது பாடல் 'ஆதிபராசக்தி' திரைப்படத்தில் இடம்பெற்ற 'சொல்லடி அபிராமி' பாடல்.  

ஆதிபராசக்தி திரைப்படம் 1971 ல் வெளிவந்தது.  அதனுடன் வெளியான பாபு, நீரும் நெருப்பும் போன்ற சிவாஜி எம் ஜி ஆர் படங்களை விட மிக அதிக வசூல் செய்தது.

K S கோபாலகிருஷ்ணன் இயக்கம்.  கே வி மஹாதேவன் இசை.  கண்ணதாசன் பாடல்.

நம் அல்லது என் மனக்கோளாறு..  இந்த 'சொல்லடி அபிராமி' வரியையும், 'நில்லடி முன்னாலே' வரியையும் கேட்கும்போது வடிவேலுவின் 'அரசு' பட நகைச்சுவைக் காட்சி நினைவுக்கு வந்து தொலைக்கிறது!  'மணியே' என்று தொடங்கும்போது 'உனக்கும் எனக்கும் Something something' விவேக்!

எஸ் வி சுப்பையா அபிராம பட்டராக நடித்திருப்பார்.

மணியே

மணியின் ஒளியே

ஒளிரும் அணிபுனைந்த

மணியே அணியும் அணிக்கழகே

அணுகாதவர்க்கு பிணியே

பிணிக்கு மருந்தே அமரர்

பெரும் விருந்தே பணியேன்

ஒருவரை நின் பத்ம பாதம்

பணிந்த பின்னே

சொல்லடி அபிராமி

சொல்லடி அபிராமி

{ வானில் சுடர் வருமோ

எனக்கு இடர் வருமோ

பதில் சொல்லடி அபிராமி } (2)

நில்லடி முன்னாலே

நில்லடி முன்னாலே முழு

நிலவினை காட்டு உன்

கண்ணாலே சொல்லடி

அபிராமி

{ பல்லுயிரும்

படைத்த பரமனுக்கே

சக்தி படைத்ததெல்லாம்

உந்தன் செயல் அல்லவோ } (2)

நீ சொல்லுக்கெல்லாம்

சிறந்த சொல் அல்லவோ நீ

சொல்லுக்கெல்லாம் சிறந்த

சொல் அல்லவோ இந்த

சோதனை எனக்கல்ல

உனக்கல்லவோ

சொல்லடி அபிராமி

{ வாராயோ ஒரு

பதில் கூறாயோ நிலவென

வாராயோ அருள் மழை

தாராயோ } (2)

வானம் இடிபடவும்

பூமி பொடிபடவும் நடுவில்

நின்றாடும் வடிவழகே கொடிகள்

ஆட முடிகள் ஆட குடிபடை 

எழுந்தாட வரும் கலை அழகே

பிள்ளை உள்ளம்

துள்ளும் வண்ணம் பேரிகை

கொட்டி வர

மத்தளமும் சத்தமிட

வாராயோ ஒரு

பதில் கூறாயோ நிலவென

வாராயோ அருள் மழை

தாராயோ

செங்கயல் வண்டு

கலிங் கலிங் என்று ஜெயம்

ஜெயம் என்றாட இடை சங்கதம்

என்று சிலம்பு புலம்போடு தண்டை

கலந்தாட இரு கொங்கை கொடும்

பகை என்றென்ன மென்று குழைந்து

குழைந்தாட

மலர் பங்கயமே

உன்னை பாடிய பிள்ளை

நிலாவும் எழுந்தாட விரைந்து

வாராயோ எழுந்து வாராயோ

கனிந்து வாராயோ

காளி பயங்கரி

சூலி மதாங்கினி கண்களில்

தெரிகின்றாள் கண்கள்

சிவந்திடும் வண்ணம்

எழுந்தொரு காட்சியை

தருகின்றாள்

வாடிய மகன்

இவன் வாழிய என்று

ஒரு வாழ்த்தும் சொல்கின்றாள்

வானகம் வையகம் எங்கணுமே

ஒரு வடிவாய் தெரிகின்றாள்

எழில் வடிவாய் தெரிகின்றாள்

அன்னை தெரிகின்றாள்

என் அம்மை தெரிகின்றாள்

அன்னை தெரிகின்றாள் என்

அம்மை தெரிகின்றாள்

ஓம் சக்தி ஓம்

ஓம் சக்தி ஓம் ஓம்

சக்தி ஓம்