திங்க கிழமை 140217:: சேமியா பாத்.

சேமியா, 'பாத்' செய்யும்பொழுது பார்க்கலாம். அதாவது, சேமியா பாத் செய்து பார்க்கலாம். பிறகு சாப்பிடலாம்! 

ஒரு லிட்டர் பால் எடுத்துக்குங்க. 

    

பால் பொங்கும் வரைக் காய்ச்சுங்கள். 

பால் பொங்கும் பருவத்தில் அடுப்பை அணைத்து, பால் ஆறி ரூம் டெம்பரேச்சருக்கு ஐந்து டிகிரி மட்டுமே அதிகம் இருக்கின்ற நிலையில், அந்த வெது வெதுப்பான பாலில், பத்து கிராம் தயிர் இட்டு, ஒரு ஸ்பூனால் கலக்கி அப்படியே இருபத்துநான்கு மணி நேரம் அதை தொந்தரவு செய்யாமல் விட்டு விடவும். இப்போ ஒரு லிட்டர் புளித்த தயிர் தயார். 

           

அரை கிலோ சேமியாவை எடுத்துக் கொள்ளவும். ஒரு வாணலியில், நான்கு கரண்டி நெய் விட்டு, அதில் சேமியாவை ஒவ்வொரு பீசும் ஒரு சென்டிமீட்டர் அல்லது இரண்டு சென்டிமீட்டர் நீளம் இருக்கின்ற அளவில் நொறுக்கிப் போட்டு, பொன் வறுவலாக வறுத்துக் கொள்ளவும். 

பன்னிரண்டு முந்திரி பருப்புகள் எடுத்து, அதை வறுத்த சேமியாவுடன் சேர்த்து, ஒரு பாத்திரத்தில் போதிய அளவு தண்ணீர் விட்டு, சேமியாவையும் மு பருப்பையும் வேகவைத்து, பிறகு தண்ணீரை வடித்து விடவும். 

மீண்டும் பால், கால் லிட்டர் எடுத்துக் கொள்ளவும். நன்றாகக் காய்ச்சி, ஆற விடவும். ரூம் டெம்பெரேச்சருக்கு பால் வந்துவிடட்டும். 

ஏற்கெனவே செய்து வைத்த ஒரு லிட்டர் புளித்த தயிரில், இந்தக் கால் லிட்டர் பாலைக் கலந்து, சேமியாவையும் முந்திரிப் பருப்பையும் சேர்த்துக் கிளறி விடவும். 

சிறிதளவு பெருங்காயப் பொடி அல்லது கட்டிப் பெருங்காயத்தை ஐந்து மில்லி நீரில் கரைத்து அதை சேமியா தயிரில் சேர்க்கவும். 

ஒரு கன சென்டிமீட்டர் இஞ்சியை பொடிப்பொடியாக நறுக்கி சேமியா பாத்தில் சேர்க்கவும். 

                

இரண்டு கரண்டி நெய்யை வாணலியில் விட்டு, காய்ந்ததும் கடுகு, கடலைப்பருப்பு, ஒரு மிளகாய் வற்றல், பன்னிரண்டு கறிவேப்பிலை இலைகள் இவற்றைப் போட்டு, தாளித்து சேமியா பாத்தில் கொட்டி, கிளறி, மூடி வைக்கவும். 

               

இப்போ போயி, இரண்டு மணி நேரம், தொலைக்காட்சியில் மாமியார் கொடுமை, மருமகள் பொறுமை, நாத்தனார் பொறாமை, கள்ளக்காதல், பழிக்குப்பழி, வெட்டுக்குத்து இல்லாத நிகழ்ச்சிகள் ஏதேனும் இருந்தால் அவற்றைப் பார்த்து இரசித்துவிட்டு வாருங்கள். நிகழ்ச்சி முக்கியமில்லை, நேரம் முக்கியம்.

              

சேமியா பாத் நீங்கள் சாப்பிட ரெடி! 

          

ஞாயிறு 241:: உண்ட மயக்கம்!

                  

பாஸிட்டிவ் செய்திகள் - சென்ற வாரம்

 

1) திண்டுக்கல் அருகே, முகநூல் நட்பில் கருத்துப் பரிமாறி, விவசாயம் சார்ந்த துறையில் ஆர்வம் காட்டி, வெள்ளாடு வளர்ப்பில் இலாபம் பார்க்கும் பொறியாளர்கள். 

 

 

2) டெல்லியில் ஏழைக் குழந்தைகளுக்கு ஆங்கிலம் போதிக்கும் தமிழ்ப் பெண் பற்றி சரோஜ் நாராயணசுவாமி.
 

3)“அரசுசாரா தொண்டு நிறுவனத்தில் சேர்வதற்காக நான் அரசாங்க வேலையை ராஜினாமா செய்தபோது என் நேர்மையைச் சந்தேகித்தவர்கள்தான் அதிகம். அப்போது எனக்கு அது வேதனையளித்தாலும், எங்கள் அமைப்பின் மூலம் நாங்கள் கண்ட மாற்றங்கள் அந்தக் காயங்களுக்குக் களிம்பு பூசிவிட்டன” என்று எந்த மிகைப்படுத்தலும் இல்லாமல் இயல்பாகப் பேசுகிறார் கல்பனா.

 

 

 

4) நாளிதழ்களையும் ஊடகங்களையும் துணைக்கு அழைத்துக்கொண்டு பிரபலமானவர்களின் கரிசனத்தோடு எத்தனையோ தன்னார்வத் தொண்டு நிறுவனங்கள் செயல்படுகின்றன. ஆனால் விளம்பர வெளிச்சம் படாமல், பத்தாண்டுகளுக்கும் மேலாக குழந்தைத் தொழிலாளர்களையும் படிப்பை இடையில் நிறுத்திவிடும் குழந்தைகளையும் கண்டெடுத்து, அவர்களின் படிப்பைத் தொடரும் சேவையில் ஈடுபட்டு வருகிறது காஞ்சிபுரத்தைச் சேர்ந்த ‘வேர்கள்’ தன்னார்வ அமைப்பு. இதன் நிறுவனர், அறங்காவலர் நளினி மோகன். கல்வியால் பல தடைகளைத் தகர்த்து, வங்கிப் பணியில் இருப்பவர்.

 

 

 

5) ஃபிராங்க்ளினின் கண்டு பிடிப்பு. நீலகிரியில் பயன்படுத்தப்பட்ட இக்கருவியை உருவாக்க ஓராண்டு உழைப்பும், ரூ.1 லட்சமும் செலவானது. எதிர்காலத்தில் இந்தத் தொகை குறையலாம். ஒருமுறை மட்டும் செலவிடப்படும் இத்தொகை வாழ்நாள் முழுக்க சம்பந்தப்பட்ட பகுதி மக்களை பாதுகாக்கும் அம்சமாகும்'' என்றார் பிராங்க்ளின்.

 

 

 

6) மனதில் உறுதி இருந்தால்... தேவிகா 

 

 

 

6) 1 ரூபாய்க்கு 5 லிட்டர் சுத்திகரிக்கப்பட்ட குடிநீர். ஒரு பேரூராட்சியின் சாதனை.

 

7) கடந்த பதினைந்து வருடங்களுக்கும் மேலாக சேவை மனப்பான்மையுடன் இருபது ரூபாய் மட்டுமே ஆலோசனை கட்டணமாக பெற்று அதிகாலை வேளையில் ஏழைகளுக்கு சிகிச்சை தரும் மருத்துவர் அய்யா P நாராயண சாமி அவர்கள். 

 

 

அய்யா அவர்கள் காரைக்கால் அரசு பொது மருத்துவமனை யில் பல வருடங்கள் குழந்தைகள் நல மருத்துவராக பணியாற்றி தற்போது துணைநிலை இயக்குனராக உள்ளார். இவரைப் போல் சர்வீஸில் உள்ள அநேக மருத்துவர்கள் மாட மாளிகையில் வாழும் போது இவர் மட்டும் எளிமையான வாழ்க்கையை பழைய வீட்டிலேயே வாழ்கிறார்...!!

8) 2,200 ரூபாய் மதிப்புள்ள கருவியை நம் வண்டியில் பொருத்தினால் இவ்வளவு லாபமா! கண்டுபிடித்த மாணவனுக்குப் பாராட்டுகள்.

வெள்ளிக்கிழமை வீடியோ 140214 :: சுலபமாக் கண்டுபிடிச்சுடலாம்!

எல்லோருக்கும் எங்கள்

 வாழ்த்துகள்! 

                  

திங்க கிழமை 140210 :: அப்பளக் கூட்டு!

                             
கட்சிகள் எல்லாம் தேர்தல் நேரத்தில் கூட்டு பற்றி யோசிக்க ஆரம்பிப்பார்கள். சிலர் தனியாகக் குழம்(ப்)பிக் கொண்டிருப்பார்கள்.

நாம் அப்பளக் கூட்டு பற்றி சற்றுச் சிந்திப்போம்!

அப்பளக் கூட்டு செய்ய என்னென்ன பொருட்கள் தேவை?
 

உருளைக்கிழங்கு நூறு கிராம்.

கடலைப்பருப்பு ஐம்பது கிராம்.

மஞ்சள் தூள் ஒரு சிட்டிகை.

மிளகாய் வற்றல் : மூன்று.

உளுத்தம்பருப்பு ஒரு டீஸ்பூன்.

மிளகு : பத்து.

கறிவேப்பிலை பன்னிரண்டு இலைகள்.

துருவிய தேங்காய் இரண்டு டீஸ்பூன் அளவு.

உளுந்து அப்பளம் : ஐந்து. / ஆறு.

தாளிப்பதற்கு கடுகு, உளுத்தம்பருப்பு, இரண்டு துண்டு மிளகாய் வற்றல்.

=================
செய்முறை:

# உருளைக்கிழங்கை வேகவைத்து, தோல் உரித்து, பொடிப்பொடியாய் நறுக்கி எடுத்துக் கொள்ளவும்.

# கால் லிட்டர் தண்ணீரில், கடலைப்பருப்பைப் போட்டு, மஞ்சள்தூள் ஒரு சிட்டிகை போட்டு, வேகவிடவும். கடலைப்பருப்பு வெந்ததும், நறுக்கிய உருளைக்கிழங்கு போட்டு, தேவையான உப்புப் போட்டுக் கிளறவும்.

# மிளகாய் வற்றல், உளுத்தம்பருப்பு, மிளகு, கறிவேப்பிலை ஆகியவற்றை, ஒரு வாணலியில் சிறிது நெய்யூற்றி, அதில் இவைகளை வறுத்து எடுத்துக்கொள்ளவும்.

# வறுத்து எடுத்தவைகளை, ஒரு மிக்சியில் நன்றாக அரைத்துக்கொள்ளவும்.

# அரைத்த இந்தக் கலவையை, ஐம்பது மில்லி தண்ணீரில் நன்கு கரைத்து, உருளைக்கிழங்கு + பருப்பு கூட்டில் இட்டு, நன்றாகக் கிளறவும்.
                   
# கூட்டு பக்குவத்திற்கு வந்ததும், அதில் தேங்காய்த் துருவலை இட்டுக் கிளறவும்.
             
# கூட்டு உள்ள அடுப்பை அணைத்துவிடலாம்.
   

# வாணலியில் நல்லெண்ணெய் விட்டு, சூடானதும், ஒவ்வொரு அப்பளத்தையும் எட்டு செக்டார் ஆகக் கிழித்து, எண்ணையில் தனித் தனியாகப் பொரிக்கவும்.
           

# ஒரு கரண்டியில் கொஞ்சம் நல்லெண்ணெய் எடுத்துக் கொண்டு, இரண்டு சிட்டிகை கடுகு போட்டு, கடுகு வெடித்தவுடன், அரை டீஸ்பூன் உளுத்தம்பருப்பு,  இரண்டு துண்டு மிளகாய் வற்றல் இட்டு, உளுத்தம்பருப்பு பொன்னிறம் வந்தவுடன் தாளிப்புப் பொருட்களை கூட்டில் போடவும்.
               
# பொரித்து வைத்திருக்கும் அப்பளத் துண்டுகளையும் கூட்டில் போட்டு, நன்கு கிளறவும்.
     

       
+ அப்பளக் கூட்டு தயார். 
                     

ஞாயிறு 240:: மணி என்ன?

        

Positive NewS

1) தேனியைச் சேர்ந்த, சென்னையில் பணிபுரியும், சந்த்ரசேகர் ஆதரவற்றொருக்குச் செய்யும் சேவை.

2) மலேரியாவை விரட்டுகிறதோ இல்லையோ, கொசு கடிக்காமல் 8 மணிநேரம் காப்பாற்றினால் போதாது?!!! 2...... 3

 

3) விழுப்புரம் அருகே ஒரு விவசாயி தன் வீட்டில் சூரிய ஒளிமூலம் மின்சாரம் தயாரித்து மின்வாரியத்துக்கு விற்பனை செய்கிறார் என்ற தகவல்......

 

4) வசந்தசேனா 

 

 

5) ஈரோடு, சென்னிமலையைச் சேர்ந்த கார்த்திகேயனின் கண்டுபிடிப்பு.

 

 

 6) ராய்ப்பூர்: சத்தீஸ்கரில், ஒரு கிராமத்தை சேர்ந்தவர்கள், பசு மாடுகள் வளர்த்து, பால் பண்ணை தொழிலின் மூலம், ஆண்டுக்கு, 1.5 கோடி ரூபாய் சம்பாதிக்கின்றனர்.

 

பா.ஜ.,வைச் சேர்ந்த, முதல்வர், ரமண் சிங் தலைமையிலான சத்தீஸ்கர் மாநிலத்தில் உள்ளது, கோத்ரபாதா கிராமம். எட்டாண்டுகளுக்கு முன், இக்கிராம மக்களின் விவசாய நிலங்கள், ஏதோ ஒரு காரணத்தால், மாநில அரசால் கையகப்படுத்தப்பட்டது.இதனால், வேலைஇழந்த அக்கிராமத்தினருக்கு, இழப்பீடு வழங்கப்பட்டது. அந்தத் தொகையை வைத்து, கறவை மாடுகள் வாங்கிய கிராம மக்கள், பால் உற்பத்தியில் அபரிமிதமான வளர்ச்சி அடைந்துள்ளனர்.

அந்த கிராமத்தில், 200 வீடுகள் உள்ளன. ஒவ்வொரு வீட்டிலும், 75 - 100 பசு மாடுகள் இருக்கின்றன. தினமும், 12 ஆயிரம் லிட்டர் பால் இங்கு உற்பத்தியாகிறது. இதன் மூலம், மாதத்திற்கு, 1.5 கோடி ரூபாய் வருமானம் கிடைக்கிறது.மாதந்தோறும், ஒவ்வொரு வீட்டிற்கும், தலா, ஒரு லட்சம் ரூபாய்க்கு மேல் வருமானம் வருவதால், இந்த கிராமம், செல்வச் செழிப்பில் உள்ளது. இங்கு கிடைக்கும் பாலை, 'அமுல்' போன்ற முன்னணி நிறுவனங்கள், முன்பணம் செலுத்தி வாங்கிச் செல்கின்றன.

 

 

7) படிக்கும்போதே சுய சம்பாத்தியத்துக்கு வழி வகுத்த ரசனை. மதுரை தியாகராஜர் கல்லூரியில், இரண்டாம் ஆண்டு ஆங்கிலம் படிக்கும் மாணவன் கிறிஸ்டோபர்.