வெள்ளி வீடியோ 181130 : நாளை உந்தன் சோலையிலே... நட்சத்திரம் எத்தனையோ...​

1991இல் வெளிவந்த திரைப்படம் சிகரம்.  அனந்து இயக்கத்தில் எஸ் பி பாலசுப்ரமணியம் இசையில் அவரே கதாநாயகனாயும் நடித்து வெளிவந்த திரைப்படம்.  இந்தத் திரைப்படத்தில் சில அற்புதமான பாடல்கள் உண்டு.   

இதோ இதோ என் பல்லவி, அகரம் இப்போ சிகரம் ஆச்சு, வண்ணம் கொண்ட வெண்ணிலவே போன்ற பாடல்கள் நன்றாக இருக்கும்.  அந்த வரிசையில் இந்தப்பாடல் கொஞ்சம் ஸ்பெஷல்.  மகனுக்கு தந்தை பாடும் தாலாட்டு.  சிறிய பாடல்.

வைரமுத்து வரிகளில் எஸ் பி பி   .கடைசிவரி கவர்ச்சி!  பாடல் முடிந்தபின்னும் உங்கள் தூக்கம் கலையாமல் இருக்க சற்றே நீளும் சிறு இசை...



நல்ல பாடல். 

புலிக்குப் பிறந்தவனே பூப்போல வளர்ந்தவனே 

கனவுக்கும் வலிக்காமல் கண்ணுறங்கு பொன்மகனே 

தந்தை போல் ஓரன்னை தாய் போல ஓர் தந்தை 

வரமாகப் பெற்றவனே சுகமாக நீ உறங்கு..

நாளை உந்தன் சோலையிலே நட்சத்திரம் எத்தனையோ 

மகராசன் தோள்களிலே மாலைவகை எத்தனையோ 

இந்திரனார் சேதி வரும் மந்திரிமார் ஓலை வரும் 

அப்போது நேரமில்லை இப்போதே கண்ணுறங்கு