வெள்ளி வீடியோ : நித்தம் நித்தம் தித்திக்கும் முத்தம் முத்தம்

மெல்லப் பேசுங்கள்.  

1983 இல் வெளிவந்த திரைப்படம்.

பன்னீர் புஷ்பங்களை இணைந்து இயக்கியது போலவே இந்தப் படத்தையும் இணைந்து இயக்கி இருந்தவர்கள் (சந்தான)பாரதி (P)வாசு.

பானுப்ரியாவின் முதல் தமிழ்ப்படமாம் இது.  

இதில் ஒரு பாடல் நல்ல பாடல்.  புலமைப்பித்தனின் பாடலுக்கு இளையராஜா இசை.

உமாராமணன், தீபன் சக்கரவர்த்தி குரலில் பாடல்.  உமாரமணன் குரலில் அழகிய திருப்பள்ளி எழுச்சிப் பாடலுடன் தொடங்கும் பாடல்...  

தீபன் சக்கரவர்த்தி -  பழம்பெரும் பாடகர் திருச்சி லோகநாதன் அவர்களின்  இளைய மகன்.  இவர் மூத்த சகோதரர் டி எல் மகாராஜனும் பாடகரே.   திருவருட்ச்செல்வர் படத்தில் டி எல் மகாராஜன் சிறுவயதிலேயே பாடி இருக்கிறார்.

நான் படம் பார்க்கவில்லை.  இந்தப் பாடலை மட்டும் ரசித்திருக்கிறேன்.

கூவின பூங்குயில்.. கூவின கோழி குருகுகள் இயம்பின.. 

இயம்பின சங்கம் யாவரும் அறிவறியாய்.. எ

மக்கெளியாய் எம்பெருமான் பள்ளி எழுந்தருளாயே ...  

செவ்வந்திப் பூக்களில் செய்த வீடு 

வெண்பஞ்சு மேகம் நீ கோலம் போடு 

வெண்பஞ்சு மேகம் நீ கோலம் போடு 

நெஞ்சில் நெஞ்சம் ஒன்றாகிக் கொஞ்சும் கொஞ்சும் 

நித்தம் நித்தம் தித்திக்கும் முத்தம் முத்தம் 

வானவில்லில் அமைப்போம் தோரணம் 

வண்டு வந்து இசைக்கும் நாயனம் 

தாழம்பூவில் கல்யாண ஓலை தந்து 

தங்கத் தேரில் ஊர்கோலம் நாளை வந்து 

காதல் மணம் காண்போம் 

எண்ணம் போல் இன்பத்தின் வண்ணங்கள்.. 

அந்தி வந்து மலரும் தாமரை 

அங்கம் எங்கும் பொழியும் தேன் மழை 

கைகள் ரெண்டில் தோளோடு ஊஞ்சல் கட்டி 

ஆடச் சொல்லும் கஸ்தூரி மானின் குட்டி 

நாளை வரும் காலம் 

என்றென்றும் எங்களின் கைகளில்