தொலைக்காட்சி வராத வரை வர்ணனை தேவையாக இருந்தது. இப்போதும் அவசியமா?

 

பானுமதி வெங்கடேஸ்வரன்: 

கிரிக்கெட் வர்ணனை ஆங்கிலம்,தமிழ் எந்த மொழியில் ரசிப்பீர்கள்? பிடித்த வர்ணனையாளர் யார்?

b). தொலைக்காட்சி வராத வரை வர்ணனை தேவையாக இருந்தது. இப்போதும் அவசியமா?

# 1. தமிழில். பெயர் தெரியாத உற்சாக நபர். 

2. நம் உணர்வுகளை அவர்களும் சொல்லுவது ஒரு மகிழ்ச்சி. மேலும் நமக்கு ஆட்ட நுணுக்கங்கள் அவ்வளவாகத் தெரியாதல்லவா ?

& 1) எனக்கும் தமிழ் வர்ணனைதான் பிடிக்கும். பிடித்த வர்ணனையாளர்  அந்தக் காலத்தில் ராமமூர்த்தி மற்றும் அந்தக் கால வல்லுனர் கே எஸ் எஸ் மணி அசோக் லேலண்ட் நிறுவனத்தில் எனது பக்கத்து டிபார்ட்மெண்டில்பணிபுரிந்தார். அடிக்கடி அவருடன் பேசியுள்ளேன். எங்கள் அலுவலக பெர்சனல் மேனேஜர் ஆக பணிபுரிந்த விஸ்வநாதன் என்பவர் சென்னையில் கிரிக்கட் மாட்ச் பார்த்துக்கொண்டிருந்தபோது மாரடைப்பால் காலமானார். 

b) இப்போதெல்லாம் தொலைக்காட்சியில் சவுண்ட் மியூட் பண்ணி வைத்துவிட்டு ஆட்டத்தை மட்டும் பார்ப்பேன். 

= = = = = = =

எங்கள் கேள்விகள் : 

1) எதுக்கெடுத்தாலும் பெண்களைக் குறை சொல்லுவோரை என்ன பண்ணலாம்?

2) எதுக்கெடுத்தாலும் தன்னுடைய கணவனை அல்லது மனைவியை குறை சொல்பவர்களை என்ன பண்ணலாம்? 

3) எதுக்கெடுத்தாலும் தன்னுடைய மாமியாரைக் குறை சொல்பவர்களை என்ன பண்ணலாம் ? 

4) எதுக்கெடுத்தாலும் தன்னுடைய மருமகளைக் குறை சொல்பவர்களை என்ன பண்ணலாம் ? 

5) எதை எடுத்தாலும் அதில் குறை காண்பவர்களை என்ன செய்யலாம்? 

= = = = = = = =

KGG பக்கம் : 

கணக்குப் பாட ஆசிரியர் தேவதாஸ் (சென்ற வாரம் தேவராஜ் என்று தவறுதலாகக் குறிப்பிட்டுவிட்டேன் - மன்னிக்கவும்) பற்றியும் அவர் வைத்த சர்ப்ரைஸ் டெஸ்ட் பற்றியும் சொல்லியிருந்தேன். 

மறுநாள் வகுப்பில், அவர் நாங்கள் எழுதிய டெஸ்ட் பரீட்சை தாள்களை மதிப்பீடு செய்து வந்து எங்களுக்குக் கொடுத்தார். 

எதிர்பார்த்தபடி எல்லோருமே ஃபெயில் மார்க்! 

அதிக பட்ச மார்க் 35%  (எனக்கு 32%) 

குறைந்த மார்க் 0 

பரிட்சை பேப்பர்களைக் கொடுத்தபின் அவர் சொன்னது :

" இந்த பரிட்சையில் 25% க்கு மேலே மார்க் வாங்கியவர்கள் கவலைப்படவேண்டாம். உங்களை ஃபர்ஸ்ட் கிளாஸ் மார்க் எடுக்கவைக்கிறேன். 

20 முதல் 25 மார்க் எடுத்தவர்களை நிச்சயம் பாஸ் செயவைப்பேன். 

10 முதல் 20 மார்க் வரை எடுத்தவர்கள் இன்னும் கொஞ்சம் கடுமையாகப் படித்தால் பாஸ் செய்துவிடலாம். 

சிங்கிள் டிஜிட் மார்க் எடுத்தவர்கள் இன்னும் கடுமையாக உழைக்கவேண்டும். என்ன சந்தேகம் வந்தாலும் உடனுக்குடன் என்னிடம் கேளுங்கள் - அப்போதுதான் பாஸ் செய்ய இயலும்" 

இதைச் சொன்னவர், கரும்பலகையில், அல்ஜீப்ரா ஃபார்முலா எல்லாவற்றையும் அழகாக எழுதினார். (a+b) ^2 முதல் 20 formulas (என்று ஞாபகம்). 

அதற்குப்பின் அவர் சொன்னதுதான் மிகவும் முக்கியமானது. 

இந்த ஃபார்முலா எல்லாவற்றையும் உங்கள் நோட்டில் எழுதிவைத்துக்கொள்ளுங்கள். பிறகு ஒரு தனி தாளிலும் எழுதி, அதை உங்கள் பையில் எப்போதும் வைத்திருங்கள். நேரம் கிடைக்கும்போதெல்லாம் அந்தத் தாளை எடுத்து, ஃபார்முலா எல்லாவற்றையும் மனப்பாடம் செய்யுங்கள். 

இன்றிலிருந்து ஒரு வாரம் உங்கள் எல்லோருக்கும் டைம் தருகிறேன். 

பிறகு வருகின்ற வகுப்புகளில், முதல் ஐந்து நிமிடங்கள், உங்களுக்குக் கேள்வி நேரம். 

வகுப்பில் உள்ள எந்த மாணவரும் மற்றொரு மாணவரை, எந்த ஃபார்முலா வேண்டுமானாலும் கேட்கலாம். கேட்கப்பட்ட மாணவருக்கு அந்த ஃபார்முலா தெரியவில்லை என்றால், கேட்ட மாணவர் அந்த ஃபார்முலாவை சரியாகச் சொல்லிவிட்டு, தெரியாத மாணவருக்கு இம்பொசிஷன் கொடுக்கவேண்டும். மறுநாள் அந்த மாணவர் இம்பொசிஷன் எழுதிக்கொண்டு வந்து ஆசிரியரிடம் கொடுத்துவிட்டு, அதை பார்க்காமல் சரியாக ஆசிரியரிடம் சொல்லவேண்டும். 

இந்த உபாயம் மிகவும் நன்றாக வேலை செய்தது. இரண்டு மாதங்களுக்குள் எங்கள் எல்லோருக்குமே எல்லா ஃபார்முலாவும் நன்கு மனப்பாடம் ஆகிவிட்டது. 

ஃபைனல் THSLC பரிட்சையில் கணக்குப் பாடத்தில் நான் 70 சதவிகிதம் மதிப்பெண் பெற்றேன். 

= = = = = = = = =