"திங்க"க்கிழமை 171030 : ஸ்வீட் ரெசிப்பி - கீதா ரெங்கன்

ஆண்கள் தங்கள் ஸ்வீட் மனைவியை அசத்த ஒர் எளிதான ஸ்வீட்!   

வணக்கம் நண்பர்களே! ஸாரி வரதுக்கு லேட்டாகிப் போச்சு! நீங்க எல்லாம் வெய்ட் பண்ணிட்டிருப்பீங்கனு தெரியும். (அதாங்க ஏஞ்சல், அதிரா, ஸ்ரீராம், நெல்லை, மதுரை, கில்லர்ஜி, எல்லாரும் வெயிட்டிங் அடுத்த ரெசிப்பி செய்ய). அதை ஏன் கேக்கறீங்க இந்த நவராத்திரி ரவுன்ட்ஸ் சென்னை ரோட்ல சுத்திச் சுத்தி 'ஹப்பா'னு ஆயிடுச்சு. அதான் கொஞ்சம் லேட்.

இப்ப நான் சொல்லப் போற ரெசிப்பிய கேட்டு பாய்ஸ் எல்லாம் ஹே ஹூ நு சொல்லுவீங்க! பாருங்க! தீபாவளி தாண்டி விட்டது.  அவங்கவங்க பாஸ் செய்த ஸ்வீட் சாப்பிட்டிருப்பாங்க மக்கள்ஸ்..  ஸோ ஏஞ்சல், அதிரா, இப்ப நாம பாய்ஸ்க்கு அடுப்புல வைச்சு வேர்க்க வேர்க்க கிளறாம செய்யற ரொம்ப எளிதான இந்த ஸ்வீட்ட செஞ்சு அவங்க மனைவியை அசத்த, சொல்லிக் கொடுத்துருவோம் ஓகேயா!

அதுக்கு முன்னாடி  நம்ம எங்கள் ப்ளாக் கிச்சனுக்கு, குடும்ப கிச்சன் கில்லாடிகள் காமாட்சியம்மா, கீதாக்கா, வல்லிம்மா, உணவகமும் நடத்தும் கில்லாடிகள் மனோஅக்கா, நிஷா! இவங்களை விருந்தினரா அழைச்சுருக்கோம். இந்த ஸ்வீட் போணியாகுமா ஆகாதானு சுவைத்துச் சொல்ல வந்திருக்காங்க. ரெஸ்டாரன்ட்ல வைச்சா போணியாகுமானும் சொல்லுவாங்க. ஸோ வாங்க, வாங்கனு சொல்லிக்கறோம்!

சரி பாய்ஸ் எல்லாரும் ரெடியா? நோட் பண்ணிக்குங்க. அதிரா உங்களுக்கும்தான் இது. தீஞ்சு போகாம செய்து (முன்னாடி நெ.த ரெசிப்பி புளி மிளகாய கருப்பாக்கினீங்களே! ஹிஹிஹி) உங்க கணவர், பிள்ளைகளை அசத்தலாம் சத்துள்ள ரெசிப்பியும் கூட! ஏஞ்சல் பூஸாற் மேல ஒரு கண் வைச்சுக்கங்க!

பொட்டுக் கடலை – 2 கப் (இது நாங்கள்
படத்தில் காட்டியுள்ள கப் அளவு. கேக் எல்லாம் செய்ய மெஷரிங்க் கப் பயன்படுத்துவோம் இல்லையா அது. கொஞ்சம் உள்ள இருக்கற மாதிரி இருக்கும். அது சிந்தாம இருக்க. கப் விளிம்பு வரை எடுத்துக்கலாம்.)

சர்க்கரை – ¾ கப் (படத்தில் ஒரு அரை கப் + கால் கப் மெஷர்மென்ட் கப்பில்)

பாதாம் : கப்பில் காட்டியுள்ள அளவு

முந்திரிப் பருப்பு : கப்பில் காட்டியுள்ள அளவு இந்த இரண்டும் கூடுதல் வேணும்னாலும் போட்டுக்கலாம்.

நெல்லை இதை எல்லாம் சேர்த்து மிக்சில போட்டு நல்லா நைசா திரிச்சுக்கணும். ஓகேயா.

மதுரை நீங்க செய்ய வேண்டியது..

ஒரு ஃபுல் கப் தூக்கலாக மில்க் பௌடர் அளந்து ஒரு பெரிய பேஸின்ல போட்டுக்கங்க. (படத்தில் கப்பில் கொஞ்சம் உள்ளே இருக்கும். மில்க்பௌடர் வெளியில் சிந்தி விடக் கூடாது என்று அப்படி வைத்துப் படம் எடுத்ததால்)

அப்படியே படத்துல காட்டியிருக்கற அளவு உலர்ந்த திராட்சைப்பழம் எடுத்து மில்க் பௌடர்ல போட்டுக்கங்க. (உதிப இல்லாமலும் செய்யலாம். இது போட்டால் பீஸ் போடுவது கொஞ்சம் ஸ்மூத்தாக வராது என்பதால் தவிர்த்தாலும் பிரச்சனை இல்லை உங்கள் விருப்பம்.)

ஏலக்காய்ப் பொடி – ஒரு டீஸ்பூன் எடுத்து மில்க் பௌடர்ல போட்டுக்கங்க. இப்ப நெ த திரிச்சு வைச்சுருக்கற பௌடரையும் போட்டு மிக்ஸ் பண்ணுங்க.

ஸ்ரீராம் நீங்க அந்த மித்தாயி மேட் கண்டென்ஸ்ட் மில்க் – 200 கி எடுத்து அதைத் திறந்து முழுசையும் இந்த பேசின்ல இருக்கற கலவைல விடுங்க. அடில ஒட்டி இருக்கறத கலக்கி எடுக்க கால் கப் பால் எடுத்து மில்க் மெய்ட் டப்பாக்குள்ள விட்டு ஒரு ஸ்பூனால கலக்கி எடுத்து கலவைல விடுங்க. அப்புறம் நெய் – 150 ml எடுத்து ஒரு கிண்ணத்துல விட்டு அடுப்புல வைச்சு நல்லா சூடு பண்ணி கலவைல கொட்டிட்டு, சூடா இருக்கும் போதே மெதுவா கலந்துக்கங்க. கைல உணவு கலக்கும் க்ளௌ போட்டுக்கலாம். வெறுங்கையாலயும் கலக்கலாம். சப்பாத்திக்குக் கலப்பது போல, பிசிறு இல்லாம ஸ்மூத்தா இருக்கற மாதிரி கலந்துட்டு. கெட்டியா இருக்காது... ஒரு வேளை இருந்தா கொஞ்சம் பால் தெளித்துக்கலாம்.  (ஸ்ஸ்....  ஆ.... மில்க் மெய்ட்டா? நான் அப்படியே சாப்பிடுவேனே....! )

கில்லர்ஜி இந்தக் கலவை கொள்ளற மாதிரி ஒரு ப்ளேட் எடுத்து அதுல கொஞ்சம் நெய் தடவுங்க….  ஸ்ரீராம் இப்ப நீங்க கலந்ததை அந்த நெய் தடவின ப்ளேட்ல போட்டு கையாலேயே நல்லா சமமா தட்டி பரப்புங்க. அப்படியே கொஞ்ச நேரம் விட்டுருங்க.  ( கில்லர்ஜியே பிளேட்ல போட்டு கலந்துட்டார் கீதா...)

அவ்வளவுதான். கில்லர்ஜி உங்க கோடரிய கீழ போட்டுட்டு ஒரு நல்ல ஸ்பாட்டுலா எடுத்துட்டு வாங்க இல்லைனா வெண்ணைக் கத்தி எடுத்துட்டு வாங்க. ஓகே பாய்ஸ் எல்லாரும் சேர்ந்து கட் பண்ணுங்க! உங்க மனைவிக்குக் குழந்தைகளுக்குக் கொடுத்து அசத்துங்க! என்ன ஈசிதானே! உங்க வீட்டுல செஞ்சு அசத்திரலாம்தானே?!! ஜி எம் பி ஸார் உங்களுக்கும் இது ஈசிதான் ஸார். ஆண்டிக்குச் செஞ்சு கொடுங்க! ஸ்வீட் செய்யுங்க! தீபாவளி கொண்டாடுங்க!  (பார்க்க நல்லாயிருக்கு... சாப்பிட பயமாயிருக்கு! )

சரி நம்ம சீஃப் கெஸ்ட் எல்லாரும் என்ன சொல்லறாங்கனு பார்ப்போம்!

*****************************************

என் மகனுக்கு மில்க் ஸ்வீட் என்றால் மிகவும் பிடிக்கும்.. எனவே நான் பல ஸ்வீட்களில் மில்க் பௌடர்/கண்டென்ஸ்ட் மில்க்/பால் கலந்து செய்து பார்ப்பது வழக்கம். கடலை மாவும் மில்க் பௌடரும் கலந்து ஸ்வீட், மைதா மாவில் மில்க்பௌடர், வெனிலா, சாக்கோ கலந்து டபுள் டெக்கர் ஸ்வீட், ரவா லாடுவில் மில்க் பௌடர் கலந்து என்று செய்திருக்கிறேன். அவனுக்கு மாலாடும் மிகவும் பிடிக்கும். பல வருடங்களுக்கு முன் அப்படிக் கலந்து செய்து பார்த்த ரெசிப்பிதான் இது. இப்போது திங்க பதிவுக்கு.

(ஸ்வீட் செய்து கொண்டிருந்த போது அமெரிக்காவிலிருந்து வாட்சப் கால்கள் வந்துகொண்டே இருந்தது. அதனால் பெர்ஃபெக்டாகக் கலக்க முடியலை....அதன் படமும் எடுக்க மிஸ் ஆகிப் போனது. அதனால் ஸ்வீட் ப்ளேட்டில் தட்டிப் பரப்பியதும் கொஞ்சம் பிசிறு இருக்கிறது...நன்றாக நைசாகப் பொடித்து ஸ்மூத்தாகக் கலந்தால் பிசிறு இல்லாமல் வரும்)

எங்கள் ப்ளாகிற்கு மிக்க நன்றி!

தமிழ்மணத்தில் வாக்களிக்க...