'திங்க'க்கிழமை : சிறுதானிய கஞ்சி - கீதா ரெங்கன் ரெஸிப்பி

சிறுதானிய கஞ்சி

எல்லோருக்கும் எங்கள் இனிய அன்பான வணக்கம். இன்று மிக மிக மிக சிம்பிளான அதே சமயம் ஒரு பேச்சுலர் ரெசிப்பி. என் மகனுக்குச் சொல்லிக் கொடுத்தது. சோசியல் டிஸ்டன்ஸ் இருந்தாலும் நம்ம பூஸார், தான் மாஸ்க் போட்டுக் கொண்டு கண்டிப்பாக வந்து எனக்கு எல்லாம் எடுத்துத் தருவதாக அன்புடன் சொன்னதால் (பாருங்க என்னா கடமை உணர்ச்சி!!!) அவரும் கூடவே இங்கு. அவரது செக் இல்லாமலா? எனவே மூவரும் கிச்சனுக்குள்.

இப்ப நேரா ரெசிப்பிக்குப் போகலாம். இதை அப்படியே கெட்டியாகவும் சாப்பிடலாம். அல்லது சுடுநீர் கலந்து நெகிழ்த்தியும் குடிக்கலாம். அல்லது செமிசாலிடாகவும் சாப்பிடலாம். ரஸம் டேஸ்ட் தான் கிட்டத்தட்ட.  பொங்கலாகவும் செய்யலாம். அவனுக்குப் பல சமயங்களில் சாதம் தனியாக, ரசம் தனியாக என்று செய்ய நேரம் இருப்பதில்லை என்பதால் இப்படி முதலில் அரிசியில் சொல்லிக் கொடுத்தேன். அப்புறம் எல்லா தானியங்களிலும். 

3 செப்பரேட்டர் உள்ள குக்கர் என்றால் ஒரு பாத்திரத்தில் ப்ளெயின் சாதத்திற்கு அரிசி களைந்து வைத்துவிட்டு, மற்றொரு பாத்திரத்தில் என்ன காய் அன்று பயன் படுத்துகிறோமோ அக்காயைப் போட்டு உப்பு, காரம் மஞ்சள் பொடி போட்டு தாளித்து நன்றாக மிக்ஸ் செய்துவிட்டு, மற்றொரு பாத்திரத்தில் இன்றைய கஞ்சி/ரஸம் சாதம் பாக்ஸில் கொடுத்திருப்பது போல் போட்டு குக்கரில் செட் செய்து வைத்துவிட்டால் வெயிட்டும் போட்டு 20 நிமிடத்தில் ரெடியாகிவிடும்.

காயை வெளியில் எடுத்து தேங்காய் சேர்க்கப் பிடித்தால் சேர்த்துக் கொள்ளலாம்.

பொரியல் அல்லாமல்  கூட்டு என்றால் கூட்டிற்கான காய்,  பருப்பு சேர்ப்பதாக இருந்தால் பருப்பு எல்லாம் சேர்த்து) அதை ஒரு செப்பரேட்டரில் போட்டு தாளித்தும் போட்டு, உப்பு, மஞ்சள் பொடி, அப்புறம் அரைத்து விடுவதானால் அரைத்து விட்டுக் கலந்து வைத்துவிட்டால் ஒரே நேரத்தில் சாதம், பொரியல்/கூட்டு, ஒரு சாலிட் ப்ரேக்ஃபாஸ்ட் கஞ்சி அல்லது ரசம் ஸ்டைல் ஒரு பதார்த்தம் ரெடி. கூட்டிற்கு அவனுக்கு நான் பல வகைப் பொடிகள் கொடுத்திருப்பதால் அதைப் பயன்படுத்திக் கொள்வான். அரைத்துவிடுவது என்பது எல்லாம் நேரம் இருந்தால் மட்டுமே.

மகனுக்கு இது மிகவும் எளிதாக இருப்பதால் இப்படிச் சொல்லிக் கொடுத்ததைச் செய்து கொள்கிறான். குக்கர் வேலை செய்யும் சமயத்தில் காலேஜ் க்ளினிக்கிற்குக் கிளம்பும் வேலைகளை முடித்து விட சௌகர்யமாக இருக்கிறது என்றும் சொன்னான். அவன் இன்னும் நிறைய அவனாகவே செய்து கொள்கிறான். அந்த ரெசிப்பிஸ் எனக்கும் சொல்வான் ஆனால் எப்போதேனும். நேரம் கிடைப்பதுதான் அவனுக்குச் சிரமமாக இருக்கிறது.

இந்தக் கஞ்சிக்கு வேறு விதத்தில் செய்யலாம் என்று அவனுக்குச் சொல்லியதையும் இங்கு சொல்கிறேன்.

இதில் மிளகு பூண்டு என்று தாளிப்பதற்குப் பதில் கடுகு, கறிவேப்பிலை, பெருங்காயம், ஜீரகம் தாளித்தும் செய்யலாம்.

சிறு தானியத்திற்குப் பதில் அரிசி/பச்சரிசி நொய்/புழுங்கரிசி நொய்/ஓட்ஸ்/அவல்/ QUINOVA- என்று எது வேண்டுமானாலும் பேஸாகப் பயன்படுத்தலாம். நான் QUINOVA விலும் செய்தேன். அதைச் செய்யும் போது படம் எடுக்க முடியாமல் போனது.

பருப்பு எதுவும் இல்லாமலும் செய்யலாம். (கொஞ்சம் உடம்பு சரியில்லாமல் இருந்தால் லைட்டாக இருக்கும்.)

தாளிப்பின் கூடவே கொஞ்சம் ரசப்பொடியும் கலந்து வேக வைக்கலாம்.

தாளித்து வதக்குவதுடன் தக்காளியும் சேர்த்து சும்மா லைட்டா வதக்கி சேர்த்துக் கொள்ளலாம்.

தாளிப்பிள் ஜீரகத்துடன் கொஞ்சம் கருஞ்சீரகம் சேர்த்து தாளிக்கலாம். சோம்பும் கூட கொஞ்சமாகத் தாளிக்கலாம். (நான் செய்த போது கருஞ்சீரகம் காலியாகி இருந்தது அதனால் போடவில்லை)

விருப்பம் இருந்தால், வீட்டில் வேப்பம் பூ ஸ்டாக் இருந்தால் அதையும் கொஞ்சம் நெய்யில் வறுத்து இதில் கலந்து சாப்பிடலாம்.
கூடவே கொஞ்சம் இஞ்சி அல்லது சுக்குப் பொடியும் கலந்து செய்யலாம்.

பிடித்தால் தாளிப்பில் சின்ன வெங்காயம் 4, 5 சேர்த்துக் கொள்ளலாம்.

இதோடு பீன்ஸ், காரட், பட்டாணி, காலிஃபளவர், கோஸ் என்று எல்லாம் கொஞ்சம் கொஞ்சம் சேர்த்தும் செய்யலாம். (மகன் அம்மா ஆல் இன் ஒன் என்று  கேட்ட போது சொன்னது. பாண்டிச்சேரியில் இருந்தப்பவே நான் சென்னைக்கு வரும் சமயம் அவன் இப்படித்தான் சமைத்துக் கொள்வான்.)  

இப்படி நம், ஏஞ்சல் சொல்லுவது போல் மானே தேனே என்று சேர்த்துச் செய்யலாம்.

எபி ஆசிரியர்கள் அனைவருக்கும் நன்றி சொல்லி மீண்டும் வேறு ஒரு திங்க வுடன் திங்க பதிவில் சந்திப்போம்!

ஆஆஆஆ! கஷ்டப்பட்டு சமைச்சதெல்லாம் இப்படி வெட்டுதே! இனிமேல் ஓவர் டு ஏஞ்சல் வந்து சொல்லுவாங்க இதுல யார் ஸ்காட்லான்ட் யார் லண்டன்னு!!!!