எருமை என்றால் ஏளனமா?

 

அனைவருக்கும் இனிய சுதந்திரதின நல்வாழ்த்துகள்...

&&&&&&

எனக்கு ஆல்பர்ட் என்றொரு நண்பன் இருந்தான்.  என்னோடு ஐந்தாவது ஆறாவது உடன் படித்தவன்.  அவ்வப்போது சில நண்பர்கள் பெயரை டைப் செய்து முகநூலில் இருக்கிறார்களா என்று தேடுவதுண்டு.  அப்படி ஆல்பர்ட் பெயரைத் தேடியபோது ஒரு சுவாரஸ்ய தகவல் கிடைத்தது.

அது...

கல்கத்தாவிலிருந்து லண்டனுக்கு ஒரு பஸ் சேவை இருந்தது என்று தெரிந்தது.  நீங்கள் முன்னரே அறிந்திருப்பீர்கள்.

ஒரு காலத்தில் கல்கத்தாவிலிருந்து லண்டனுக்கு ஒரு பஸ் சேவை இருந்தது. அதுவே உலகின் மிக நீண்ட பஸ் சேவையாக இருந்தது.1957 இல் துவங்கப் பட்ட இந்த பஸ் சேவை "ஆல்பர்ட்" என்று அழைக்கப்பட்டது.

​£145 லண்டனிலிருந்து கல்கத்தாவுக்கு கட்டணமாகவும்,  ஆச்சரியகரமாக கல்கத்தாவிலிருந்து லண்டனுக்கு £85 ம் கட்டணமாகவும் வசூலிக்கப்பட்டது.  உணவு, தங்குமிடம் எல்லாம் சேர்த்துதான் இந்தக் கட்டணம்.  ஒவ்வொருவருக்கும் தனித்தனியாக தூங்க இடம், Fan, புத்தகங்கள் படிக்கும் வசதி  என்று தூள் கிளப்பி இருக்கிறார்கள் அப்போதே.

1957 ஏப்ரல் 15 அன்று இந்த பயணத்தின் முதல் பயணம் தொடங்கி, 50 நாட்கள் கழித்து ஜூன் 5 ஆம் தேதி கல்கத்தாவை அடைந்திருக்கிறது.

லண்டனிலிருந்து புறப்பட்டு மேற்கு ஜெர்மனி, ஆஸ்திரியா, யூகோஸ்லேவியா, பல்கேரியா, துருக்கி, இரான், ஆப்கானிஸ்தான், பாகிஸ்தான் வழியாக கல்கத்தாவை வந்து சேரும்.  .இது ஹிப்பி ரூட் என்று அறியப்பட்டிருக்கிறது.  

​சென்னையிலிருந்து மதுரை, திருநெல்வேலி என்று செல்லும் பஸ் பயணமே நமக்கெல்லாம் பொறுமை இருக்காது.  வடநாட்டு யாத்திரைகளை இதே போல இடைவெளி விட்டு சில நாட்களில் முடிக்கிறோம்.   ஆனால் இது போல பல்வேறு நாடுகளை சுற்றி பஸ்ஸில் செல்வது  செல்வது சுவாரஸ்யமானதாக இருந்திருக்கும்.

இந்த பேருந்து 32669 கி.மீ தூரம் பயணம் செய்து 11 நாடுகள் வழியாக ஓடி சுமார் 50 நாட்களில் லண்டனில் இருந்து கல்கத்தாவை அடையும் விதத்தில் இயக்கப்பட்டது​.  ஒரே பஸ்தான் என்று தெரிகிறது.  வந்து திரும்பும்!

பேருந்தின் கட்டணமாக ரூ.8000 வசூலிக்கப்பட்டது

1976 வரையில் இந்த பஸ் சேவை இயக்கத்தில் இருந்தது.

ஆல்பர்ட் டிராவல்ஸ் நிறுவனம் இந்த சேவையினை இயக்கியது, ஆசியாவையும் ஐரோப்பாவையும் இணை​த்த இந்த சேவை ஒரு அதிசயமே.....!!!

​The trip was equipped with reading facilities, separate sleeping bunks for all passengers, fan-operated heaters, and a kitchen. There was a forward observation lounge on the upper deck of the bus. The trip was more like a tour than just a trip. The bus provided radio and a music system for parties.[1] It had time to spend at tourist destinations in India, including Banaras and the Taj Mahal on the banks of the Yamuna. Shopping was also allowed in Tehran, Salzburg, Kabul, Istanbul and Vienna. என்கிறது விக்கி 

சில வருடங்களுக்குப் பின் இந்த பஸ் விபத்துக்குள்ளானது,  பயனற்று போன இந்த பஸ்ஸை ஆண்டி ஸ்டூவர்ட் என்கிற பிரிட்டிஷ் ஒபயணி வாங்கி அதை மொபைல் வீடாக மாற்றி வைத்துக் கொண்டாராம்.  அந்த டபுள் டேக்கருக்கு ஆளாபர்ட் என்று பெயரிட்டு சிட்னியிலிருந்து இந்தியா வழியாக லண்டனுக்கு அக்டோபர் 8 1968 ல் கிளம்பி 132 நாட்கள் பயணத்தில் லண்டனை அடைந்தாராம்.

இந்த சேவை இரான் புரட்சி, மற்றும் இந்தியா போலாகிஸ்தான் மோதல்கள்  காரணமாக 1976 ல் நின்று போனதாம்.

==================================================================================================================

                                                                   இனிய சுதந்திரதின நல்வாழ்த்துகள்.

நியூஸ் ரூம் 

பானுமதி வெங்கடேஸ்வரன் 

- திண்டுக்கல் ஒய்.எம்.ஆர்.பட்டியை சேர்ந்த மூதாட்டி மேரி75. சிலுவத்துார் ரோடு பகுதியில் நடந்து சென்ற போது மயங்கி விழுந்தார். மூதாட்டிக்கு தலையில் பலத்த காயம் ஏற்பட்டு ரத்தம் கொட்டியது.  அக்கம்பக்கத்தினர் மூதாட்டியை மீட்டு ஆம்புலன்சில் அரசு மருத்துவமனைக்கு அனுப்ப முயன்றனர். ஆனால் மேரி ஆம்புலன்சில் ஏற மறுத்து வீட்டுக்கு போகனும் என்னை விடுங்கள் என அழுது அடம் பிடித்தார்.  தலையில் ரத்தம் வழிந்தபடி இருந்ததால் ஆம்புலன்ஸ் ஊழியர்களும் அவருக்கு சிகிச்சை கொடுக்க முயன்றனர். அதற்கும் மூதாட்டி ஒத்துழைப்பு தராததால் அவர்களும் அங்கிருந்து புறப்பட்டனர். முடிவில் அங்கிருந்தவர்கள் மூதாட்டி மேரியை வீட்டிற்கு அனுப்பி வைத்தனர்.

- மீரட்: பரேலியில் 14 மாதத்தில் ஒன்பது பெண்கள் கொலை செய்யப்பட்டிருக்கிறார்கள். கொலையுண்ட பெண்களின் உடல்கள் வயற்காட்டில் நண்பகலில் கண்டெடுக்கப்பட்ட பட்டிருக்கின்றன. அவர்களின் உடைகள் அலங்கோலப்படுத்தப் பட்டிருந்தாலும் வன்புணர்வு நடந்ததாக தெரியவில்லை. எல்லா கொலைகளும் ஒரே மாதிரியில் நடந்திருப்பதால் இவற்றை செய்தது சீரியல் கில்லராக இருக்கலாம் என்ற சந்தேகம் போலீசுக்கு எழுந்துள்ளது.  

-  டாக்கா, பங்ளாதேஷ்: பங்ளாதேஷில் சிறுபான்மையினரான ஹிந்துக்களுக்கு பாதிப்புகள் இருந்தாலும்,அங்கிருக்கும் காளி கோயில் அர்ச்சகராக பணியாற்றுகிறவர் என்ன நடந்தாலும், "இந்த கோவில் பணியை விட்டு செல்லமாட்டேன்". என்று சொல்லியிருக்கிறார். பரம்பரையாக அந்த கோவில் அர்ச்சகராக இருக்கும் குடும்பத்தை சேர்ந்தவராம். அதில் பன்னிரண்டாவது தலைமுறையைச் சேர்ந்தவராம் இப்போதிருக்கும் அர்ச்சகர்.

-  பாம்புகளின் விஷத்தின் வீர்யம் அவற்றின் வயதைப் பொறுத்து மாறுபடும் என்பதை பெங்களூர் IISc ஆராய்ச்சியாளர்கள் கண்டறிந்துள்ளனர். இந்த கண்டுபிடிப்பு பாம்புக்கடிக்கு வைத்தியம் செய்ய உதவுமாம்.

-  டில்லி: தாயின் நகைகளை திருடி விற்று அந்த பணத்தில் காதலிக்கு ஐஃபோன் பரிசளித்த ஒன்பதாம் வகுப்பு மாணவன். தந்தையில்லா அந்த பையனை தாய் தனியாளாக வேலை செய்து வளர்த்து வருகிறார்.

-  தூத்துக்குடி: மாணவர்களுக்கிடையே நிலவிய முன் விரோதம், அதனால் விளைந்த சண்டையில் இரு கோஷ்டிகளுக்கிடையே கைகலப்பு. அதில் இரு மாணவர்கள் கத்தியால் சரமாரியாக தாக்கப்பட்டிருக்கிறார்கள். 

-  வயநாடு நிவாரண நிதியாக கேரள முதல்வரிடம் ரூ. ஐந்து கோடி வழங்கியது அதானி குழுமம். மலையாள நடிகர் பிருத்விராஜ் ரூ. 75 லட்சம் வழங்கியிருக்கிறார்.

-  அதிக மன அழுத்தம் இருந்தால் இதய ரத்தக் குழாயில் பாதிப்பு ஏற்படலாம் சென்னை ராமச்சந்திரா மருத்துவமனை மருத்துவர்கள் தகவல்.

-  தெலுங்கானா: சிரிசில்லா மாவட்டத்தை சேர்ந்த பிரணய் குமார் என்பவர், நம் தேசியப் பறவையான மயிலை வேட்டையாடி, சமைத்து தன் யூ டியூபில் பகிர்ந்திருக்கும் காரணத்திற்காக கைது செய்யப் பட்டிருக்கிறார். இதற்கு முன் காட்டுப் பன்றியை வேட்டையாடி சமைத்து போட்ட வீடியோவும் சர்ச்சையை கிளப்பியது. 

-  சென்னை: சென்னைமாநகர காவல்துறை ஆகஸ்ட் 26ஆம் தேதியை விபத்தில்லா நாளாக அனுஷ்டிக்க உள்ளது. இதன் பொருட்டு மாநகர பேருந்து ஓட்டுனர்கள், ஆட்டோ, கால் டாக்ஸி ஓட்டுனர்கள், இருசக்கர வாகன ஓட்டிகள், உணவு வழங்கும் நிறுவன ஊழியர்களிடம் விழிப்புணர்வை ஏற்படுத்தி வருகின்றனர்.

 

-  ஸ்பென்சர் சிக்னல் அருகே இரு சக்கர வாகனத்தில் ஹெல்மெட் அணிந்து வந்தவர்களையும், காரில் சீட் பெல்ட் அணிந்து ஓட்டியவர்களையும் பாராட்டி  டீ ஷர்ட் வழங்கினார் சென்னை போக்குவரத்து கூடுதல் கமிஷனர் சுதாகர்.

==================================================================================================

                                                         இனிய சுதந்திரதின நல்வாழ்த்துகள்.

புதனில் வைரம்?  அப்போ வியாழனில்?  கீழே கொடுத்திருக்கேன் பாருங்க...!

**************************

சோழப்பேரரசின் ஆட்சிமுறை பற்றிய புத்தகத்திலிருந்து........

%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%

                                                இனிய சுதந்திரதின நல்வாழ்த்துகள்.

கல்கி ஆன்லைனில் படித்த இரெண்டு சுவாரஸ்யமான விஷயங்கள்....

**  வியாழன் கிரகம் சூரியனிலிருந்து தூரமாக இருப்பதால், அதன் வளிமண்டலத்தின் மேல் அடுக்குகள் சுமார் -145 டிகிரி செல்சியஸுக்குக் கீழே இருக்கும். இதில் முதலில் நீங்கள் உறைந்து போவீர்கள். பின்னர் அந்த கிரகத்தை நீங்கள் நெருங்கும்போது, உள்வெப்ப நிலை காரணமாக வெப்பம் கொஞ்சம் கொஞ்சமாக அதிகரிப்பதை உணர்வீர்கள். இறுதியில் கிரகத்தின் மேற்பகுதியை அடைவதற்கு முன்பாகவே, நீங்கள் பஸ்பமாகி ஆவி ஆகிவிடுவீர்கள்.   

**  ஜூபிடர் கிரகத்திற்கு திடமான நிலப்பரப்பே கிடையாது. அது ஒரு மிகப்பெரிய வாயுப் பந்து. ஒருவேளை நீங்கள் ஜூப்பிட்டர் கிரகத்தில் விழுந்தாலும், அதன் தரைப்பகுதியை அடைவதற்கு பதிலாக, அதன் அடர்த்தியான மையப் பகுதியில் நேரடியாக போய் விழுவீர்கள். வியாழனின் மையமானது பாறை, உலோகங்கள் மற்றும் ஹைட்ரஜன் சேர்மங்களின் கலவையான கனமான தனிமங்களை கொண்டிருப்பதாகக் கருதப்படுகிறது.  கல்கி ஆன்லைன்.

\]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]

                                                     இனிய சுதந்திரதின நல்வாழ்த்துகள்.

இணையத்திலிருந்து இன்டெரெஸ்ட்டிங்காக...

இந்தியன் எக்ஸ்பிரஸ், தினமணி நிறுவனங்களின் அதிபர் ராம்நாத் கோயங்காவின் அழைப்பின் பேரில் (04-10-1979) விஜயதசமி அன்று தினமணி கதிரின் ஆசிரியப் பொறுப்பை ஏற்றார் நா பா.

தினமணி கதிர், தினமணியின் இலவச இணைப்பாக இல்லாமல் ஒரு தனி இதழாத வெளிவந்து கொண்டிருந்த காலம் அது. (நா.பா.வுக்குப் பிறகு கி. கஸ்தூரி ரங்கன் தினமணி கதிர் பொறுப்பை ஏற்றார். அவர் காலத்தில் தான் தினமணி கதிர் தினமணியின் இலவச இணைப்பாக மாற்றப்பட்டது.

தினமணி கதிரில் நா.பாவுக்கு முந்தைய ஆசிரியராக பழுத்த ஆன்மிகவாதியும் பாரதி அன்பருமான கே ஆர்.வாசுதேவன் பொறுப்பேற்றிருந்தார்.  கே. ஆர். வாசுதேவன் தினமணி கதிர் பொறுப்பிலிருந்து விலகிக் கொண்டு, தினமணியின் துணை ஆசிரியப் பொறுப்பை ஏற்றார். நா.பா. கதிர் ஆசிரியப் பீடத்தை அலங்கரித்தார்.

நா. பாவைக் கதிருக்கு ஆசிரியராக்கியதில், அதன் முந்தைய ஆசிரியரான

கே.ஆர்.வாசுதேவனுக்குப் பங்கு உண்டு. ராம்நாத் கோயங்காவின் ஆலோசகரான ஆடிட்டர் குருமூர்த்திக்கும் பெரும் பங்கு உண்டு.

நா.பா. ஒரு சில ஆண்டுகளே கதிருக்கு ஆசிரியராக இருந்த போதிலும், அந்தக் காலகட்டத்தில் பல உயர்ந்த இலக்கியப் பணிகளைக் கதிரின் மூலம் ஆற்றினார்.

அவர் தயாரித்த முதல் கதிர் இதழில் அவர் எழுதிய தலையங்கம், அச்சுக் கோக்கப்படாமல் அவரது முத்து முத்தான கையெழுத்தில் அப்படியே பிரசுரமாயிற்று. தீபத்தில் இலக்கிய மேடை' என்ற பகுதியில் வாசகர்களின் கேள்விகளுக்கு பதிலளித்து வந்த நா.பா., கதிரிலும் கேள்வி பதில் பகுதியைத் தொடங்கினார். 'மணிவண்ணன் பதில்கள்' என்ற தலைப்பில் பதிலளிக்கலானார்.

நா.பா.வின் நிசப்த சங்கீதம், சாயங்கால மேகங்கள் போன்ற சமூக நாவல்கள் கதிரில்தான் வெளிவந்தன. அவரது புகழ்பெற்ற சரித்திர நாவல்களில் ஒன்றான ராணி மங்கம்மாள்', அவர் கதிர் ஆசிரியராய் இருந்த காலத்தில் கதிரில் எழுதியதுதான்.

நா.பா. கதிருக்கு ஆசிரியரானதும் பல உயர்நிலை இலக்கியவாதிகள் கதிரில் எழுத முன் வந்தார்கள்.  தி.ஜானகிராமன் தமது கடைசி நூலான 'அபூர்வ மனிதர்கள்' என்ற கட்டுரைத் தொடரைக் கதிரில்தான் எழுதினார். ர.சு. நல்லபெருமாள் தூங்கும் எரிமலைகள் என்ற நாவலை எழுதினார். இந்திரா பார்த்தசாரதி, ராஜம் கிருஷ்ணன், அசோகமித்திரன், ஆர். சூடாமணி, கி.ராஜநாராயணன், சுஜாதா போன்ற பல முக்கியமான படைப்பாளிகளின் படைப்புகள் வெளிவந்து கதிருக்கு இலக்கிய மெருகு கூடியது. சிறுகதைப் போட்டி, பாரதியார் கட்டுரைப் போட்டி எனப் பல போட்டிகளையும் நடத்தி பற்பலரது எழுத்தாற்றல் வெளிச்சத்துக்கு வரவும் நா.பா. வழி செய்தார்.

கி.வா. ஜகந்நாதன் தலைமையில் துணுக்கு எழுத்தாளர் மாநாடு ஒன்றை எக்ஸ்பிரஸ் வளாகத்திலேயே சிறப்பாக நடத்தினார். சிறுமுகை கதிரேசன், சங்கரி புத்திரன் போன்ற பல துணுக்கு எழுத்தாளர்கள் அந்த மாநாட்டில் ஆர்வத்தோடு பங்குகொண்டு உரையாற்றினார்கள்.

தினமணி கதிர் வார இதழை மட்டுமல்லாமல், கதைக்கதிர் என்ற ஒரு மாத இதழையும் எக்ஸ்பிரஸ் நிர்வாகம் நடத்தி வந்தது. அந்த மாத இதழுக்கும் நா.பா. வே ஆசிரியப் பொறுப்பேற்றிருந்தார். கதைக் கதிர், மாதநாவல் பத்திரிகையாக வெளிவந்து கொண்டிருந்தது. மாதந்தோறும் ஓரொரு நாவல் வீதம் ஆண்டுக்குப் பன்னிரண்டு நாவல்களை அது வெளியிட்டது. நா.பா. அதன் ஆசிரியராக இருந்தபோது அசோகமித்திரன், இந்திரா பார்த்தசாரதி, ஆதவன், ஆர். சூடாமணி போன்ற பல முக்கியமான எழுத்தாளர்களின் முழுநாவல்கள் அதில் அடுத்தடுத்து வெளிவந்தன.

கல்கி, தீபம், தினமணி கதிர் ஆகிய இதழ்கள் மூலம் நா. பா. ஆற்றிய தமிழப்பணி, தற்காலத் தமிழ் இலக்கிய வரலாற்றில் தடம் பதித்து விட்டது. யார்க்கும் அஞ்சாத நெஞ்சுரம், தகுதியானவர்களைத் தேடிக் கண்டுபிடித்து ஊக்குவித்தல், முற்றிலும் வணிகமயமாகி விடாமல் இதழைப் பாதுகாத்தல், நல்லிலக்கியத்திற்குக் களம் அமைத்துத் தருதல், உண்மையின் பக்கம் நின்று போராடுதல், எப்போதும் அறச் சீற்றத்தோடு இயங்குதல் போன்ற இயல்புகளை இதழாசிரியர் என்ற வகையில் நா. பா. கொண்டிருந்தார் எனக் கூறலாம்.

- திருப்பூர் கிருஷ்ணன்

நன்றி: மதுரை தமிழ் இலக்கிய மின்தொகுப்பு திட்டம்.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

எமனேறும் வாகனமே...

வசவாய் சொல்லவில்லை 

வழக்காட வந்திருக்கிறேன் 

கனத்த உருவமா, கரிய நிறமா 

எது 

உங்கள் கண்களை உறுத்துகிறது?

எமனேறும் வாகனம் என்பதால் 

எருமையை எட்டவே  

நிறுத்தி விட்டீர்களா?

எருமை 

என்று சொன்னால் 

அது  

கோபித்துக் கொள்வதில்லை.

எனக்குதான் 

அப்படி சொல்வது 

நாகரீகக் குறைவாய் 

மரியாதைக் குறைவாய் 

படுகிறது. 

காலம் காலமாக அப்படியே 

பழகிவிட்ட காரணத்தால் 

ஏனோ 

அதைக் குறிப்பிட 

எருமை மாடு 

என்று சொல்லும்போதே 

ஏளனமாக சொல்வது போலதான் 

மனதில் படுகிறது 

நாய்க்கும் பூனைக்கும் 

பசுவுக்கும் ஏன், காளைக்கும் 

குதிரைக்கும் 

கொடுக்கும் மரியாதையை 

ஏன் 

எருமைக்கு கொடுப்பதில்லை?

நாயை 

நாய் என்று கூப்பிடுவதில்லை 

ஜிம்மி என்றோ ஜில்லு 

அழைத்து விடுகிறோம்.

அதுவே 

ஆங்கிலப் பெயராய் வைத்தால் 

அதனினும் சௌகர்யம் 

பூனையை பூனை 

என்று அழைப்பதில்லை 

பசுமாட்டைக் கூட 

லட்சுமி என்று 

அழைத்து விடுகிறோம் 

காளையைப் பார்த்தாலும் 

பக்தியோ, பயமோ 

கைகூப்பி 

ஒதுங்கி விடுகிறோம்.

ஒரே ஒரு 

பாடலைத் தவிர 

எந்தத் திரைப்படத்திலும் 

ஏனோ 

எருமையைக் கொண்டாடவேயில்லை.

காளை பசு என்று 

ஜெண்டர் வித்தியாசம் 

இருப்பது போல 

எருமைக்கு 

தனி அடையாளம் இல்லை.

ஆண் எருமை, பெண் எருமை!

எருமைகள் ராஜ்ஜியத்தில் 

ஏதோ ஒருநாள் 

வரலாம் 

சுய மரியாதைக்கான 

சுதந்திர போராட்டம் 

                                                              இனிய சுதந்திரதின நல்வாழ்த்துகள்.

%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%

                                                      இனிய சுதந்திரதின நல்வாழ்த்துகள்.

இணையத்திலிருந்து....

அவள் இறப்பதற்கு சில நிமிடங்களுக்கு முன்...

நயாகரா நீர்வீழ்ச்சியை பின்னணியாகக் கொண்டு தங்கள் படத்தை எடுக்குமாறு இரண்டு சுற்றுலாப் பயணிகள் கேட்டுக் கொண்டனர். பின்னணியில் நின்றிருக்கும்  ஜப்பானிய மாணவி தன் தற்கொலையை நினைத்துக் கொண்டிருப்பதை அவர்கள் அறிந்திருக்கவில்லை. கற்பனை செய்து பாருங்கள், அப்பாவித்தனமாக உங்கள் புகைப்படம் எடுக்கப்படும் அதே நேரம் , தெரியாத நபரின் கடைசி படத்தைப் பதிவுசெய்துள்ளீர்கள் என்று அறியும்போது..., 

இந்த படத்தில், படம் எடுக்கபப்டுபவர்களின் பின்னால் அயனோ டோகுமாசு நயாகரா நீர்வீழ்ச்சியைக் பார்த்துக்கொண்டு  சிவப்பு உடையில் காணப்படுகிறார், சில நிமிடங்களுக்கு பின்பு அவர் நயாகரா நீர்வீழ்ச்சியில் குதித்து தனது உயிரை மாய்த்துக் கொண்டார்.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

                                                                 இனிய சுதந்திரதின நல்வாழ்த்துகள்.

**************************************************************************************************************

                                                             இனிய சுதந்திரதின நல்வாழ்த்துகள்.

பொக்கிஷம்  :

1962 ம் வருட கல்கி என்று நினைக்கிறேன்...  அதிலிருந்து சில தொகுப்புகள்...

இசை அரசி....

காந்தி இசை அரசிக்கு என்ன எழுதி இருக்கிறார் என்று அவரே வந்து சொன்னால்தான் புரியுமோ...!

JKC ஜோக் இல்லா பொக்கிஷம் வீண் என்று கருத்து தெரிவித்ததால் இரண்டு ஜோக்குகளை இணைத்திருக்கிறேன்!

நான் தைத்துக் கொண்ட சட்டைகளில் எல்லாவற்றிலும் உள் பாக்கெட் இருக்கும்!

                                     இனிய சுதந்திரதின நல்வாழ்த்துகள்.

இந்த வாரமும் ஏதோ குறைகிற மாதிரி தோன்றுகிறது என்று JKC  Sir சொல்கிறாரா என்று பார்க்கவேண்டும்!