ஒரு பொழுது மலராக கொடியில் இருந்தேனா

 கேட்கவும், பகிரவும் மனதில் நிற்கும் சில பாடல்களைத் தேடுவதும், அது கிடைக்காமல் போவதும் அவ்வப்போது நிகழும்.. அது கிடைக்காமல் போகும்.  அப்புறம் வேறு பாடலுக்குப் போய் அதைப் பகிர்வேன்.  அப்படி சில நாட்களாக நான் தேடிக்கொண்டிருந்த பாடல் "கற்பூர ஒளியினிலே கந்தா உன் காட்சி கண்டேன்"  பாடல்.  கே வீரமணி பாடிய பாடல்.

 

பாடல் கிடைத்ததே பெரிது என்னும் நிலையில் யார் எழுதியது, யார் இசை என்றெல்லாம் கிடைக்காதது பெரிய விஷயமாகத் தெரியவில்லை. 

நான் இப்படி தேடுபொறியில் உள்ளிட்டு தேடும் சில பாடல்கள் அப்புறம் அதன் காரணமாகவோ, யதேச்சையாகவோ கிடைப்பதைப் பார்த்திருக்கிறேன்.  அப்படியான சில பாடல்கள் தலைவர் பாடிய 'எந்த இரவு முதல் இரவு' பாடல், ராமநாமத்தை சொல்பவன் எவனோ , அருளே மானிட வடிவாகி, வங்கக்கடலில் ஒரு முத்தெடுத்தேன், வானாதி வானங்களில் போன்ற சில பாடல்கள்.

இந்தப் பாடல் கிடைத்த இடத்திலேயே நான் தேடிக்கொண்டிருக்கும் இன்னொரு பாடலும் கிடைத்தது.  அது அடுத்த வாரம்!

நேற்று செல்வாண்ணாவின் தஞ்சையம்பதி பதிவில் கற்பூரம் பற்றி சொல்லி இருந்தார்.  இன்று இங்கே இந்தப் பாடல் பகிர்வதை நேற்று நான் அங்கே சொல்லி இருந்தேன்.

ஓம் ராஜாதிராஜாய பிரசஹ்ய சாஹினே நமோவயம் வைஸ்ரவனாய குர்மஹே ஸமேகமான் காம காமாய மஹ்யம் ! காமேஸ்வரோ வைஸ்ரவனோத தாது ! குபேராய வைஸ்ரவனாய மகாராஜய நம: கற்பூர நீராஜனம் ஸமர்ப்பயாமி 

கற்பூர ஒளியினிலே கந்தா உன் காட்சி கண்டேன் 

கற்பூர ஒளியினிலே கந்தா உன் காட்சி கண்டேன் 

பொற்பதமே மகிழ்ந்தருள்வாய் 

பூமகளின் மருமகனே - கற்பூர 

சரவணப் பொய்கையிலே தவழ்ந்து வந்த சிவபாலா 

பரமனுக்கே குருவானாய் பழுத்த பழம் நீயானாய்...  - கற்பூர ஒளியினிலே 

பாலமுதம் அன்னையிடம் பண்ணமுதம் தந்தையிடம் 

வேலவனே வேலமுதம் விளையாடும் உன்னிடமே 

ஆறுபடை வீடமைத்த ஆறுமுகப் பெருமானே 

நேருவது உன்னருளே தேவர் தொழும் பரம்பொருளே 

தேவர் தொழும் பரம்பொருளே  

துதிப்பாடல் நான்பாட துணை நிற்கும் சத்குருவே 

 துதிப்பாடல் நான்பாட துணை நிற்கும் சத்குருவே

மதியாவும் தந்திடுவாய் மால்மகனின் பேரமுதே 

மோனத்தவம்  புரிவோமே உன்னருளே முருகையா

ஞானப்பழ கனிரசமே நான் என்றும் உன் வசமே 

நான் என்றும் உன் வசமே    -  கற்பூர ஒளியினிலே 

காணொளி 

https://youtu.be/EE9gxnYQs-4?si=O50dVP96Xmfu_J53

                 

====================== =========================================

Chase A Crooked Shadow என்று 1958 பி வெளிவந்த ஆங்கிலப்படத்தால் கவரப்பட்டு 1963 ல் ஹிந்தியில் Sesh Anka என்று உத்தம்குமார் நடிப்பில் படம் எடுத்தார்கள்.  அதைத் தமிழில் 1964 ல் சிவாஜி ப்ரொடக்ஷன் சார்புகள் புதிய பறவை என்று எடுத்தார்கள்.

சிவாஜி பிலிம்ஸுக்கு தமிழில் இது முதல் படம்.  முன்னதாக தயாரித்த இரண்டு ஹிந்திப் படங்களை சேர்த்தால் மொத்தத்தில் மூன்றாவது. பின்னர் இந்நிறுவனம் சிவாஜி பிலிம்ஸ் என்ற பெயரில் அப்போது இருந்த இந்நிறுவனம்தான் பின்நாட்களில்  சிவாஜி புரோடக்ஷன்ஸ்  என்று மாறி விட்டது!

 படத்தில் சிவாஜியின் தந்தையாக காட்டப்படுவது  படத்தின் இயக்குனர் தாதா மிராஸி.

எல்லா பாடல்களும் விஸ்வநாதன் ராமமூர்த்தி இசையில் ஸூப்பர் ஹிட் என்றாலும் இன்று நான் பகிர இருப்பது P. சுசீலா குரலில் வரும் சிட்டுக்குருவி முத்தம் கொடுத்து.பாடல்...

ரசனையான ஒரு காட்சி அமைப்பில் சிவாஜி கணேசன், சரோஜா தேவி..

பிரம்மாண்டமாக தயாரிக்கப்பட்ட படம் என்பதால் படத்தைப் பற்றிச் சொல்ல நிறைய விஷயங்கள் வைத்திருக்கிறார்கள்.

சிட்டுக்குருவி முத்தம் கொடுத்து சேர்ந்திட கண்டேனே

செவ்வானம் கடலினிலே கலந்திட கண்டேனே (3)

மொட்டு விரிந்த மலரினிலே வண்டு மூழ்கிட கண்டேனே

மூங்கிலிலே காற்று வந்து மோதிட கண்டேனே

ஹோய் - சிட்டுக்குருவி

பறந்து செல்லநினைத்து விட்டேன் எனக்கும் சிறகில்லையே

பழக வந்தேன் தழுவ வந்தேன் பறவை துணையில்லையே } (2)

எடுத்து சொல்ல மனமிருந்தும் வார்த்தை வரவில்லையே 

என்னென்னவோ நினைவிருந்தும் நாணம் விடவில்லையே ஹோய்

சிட்டுக்குருவி

ஒரு பொழுது மலராக கொடியில் இருந்தேனா 

ஒரு தடவை தேன் கொடுத்து மடியில் விழுந்தேனா

இரவினிலே நிலவினிலே என்னை மறந்தேனா 

இளமை தரும் சுகத்தினிலே கன்னம் சிவந்தேனா

ஹோய் - சிட்டுக்குருவி

காணொளி 

https://youtu.be/XLETWdhRYvo?si=DJnbeqw309q8EtI3

= = = = = = =