எண்ணெய்க் குளியலால் என்ன பயன்?

 

நெல்லைத்தமிழன்: 

 1. ஆன்லைன் வர்த்தகத்தால் பல வியாபாரத் தலங்களும், சிறிய சிறிய கடைகளும் பாதிக்கப்படுகின்றனவா இல்லை போட்டி நிறைந்த உலகத்தில் அவர்களும் லாபத்தைக் குறைத்துக்கொள்ளவேண்டியிருக்கிறதா?   

# ஆன்லைன் வர்த்தகம் வேறுபட்ட அளவில் பல்வேறு வர்த்தகர்களை பாதிக்கும்தான். அதையும் எதிர்கொண்டு தொடர்ந்து நிற்பது ஆன்லைன் பக்கம் போகாத மக்களும் பெரும் எண்ணிக்கையில் இருப்பதன் காரணமாகத்தான். 

& வெகுஜனங்கள் வாங்கும் பல விஷயங்கள் ஆன்லைன் வர்த்தகம் மூலம் வாங்க இயலாது. அதே போன்று ஆன்லைன் சமாச்சாரங்கள் தெரியாதவர்களும், புரியாதவர்களும் கூட ஆன்லைன் பக்கம் போவது இல்லை. 

2.  எண்ணெய் தேய்த்துக்குளிக்கும் வழக்கம் நல்லதா? இன்னமும் அது தொடர்கிறதா?  

# எண்ணெய் தேய்த்துக் குளித்தால் நன்மை இருக்கிறதோ இல்லையோ, கெடுதல் நிச்சயமாக இல்லை என்று சொல்லலாம். மேலும், ஆயுர்வேத முறையில் சில மூலிகை எண்ணெய்களைத் தேய்த்து பல வியாதிகளுக்கு சிகிச்சை அளிக்கப்பட்டு வருகிறது . இன்று வரை அது வெற்றிகரமாகத் தொடர்வதால், எண்ணெய் தேய்த்துக் குளிப்பதில் நன்மை இல்லாமல் இருக்காது என்ற எண்ணம் வலுப்பெறுகிறது.

& என்னைக் கேட்டால் எண்ணெய்க் குளியல் நல்லது என்றுதான் சொல்வேன். என் அம்மா அப்படித்தான் சொல்லி என்னை வளர்த்தார்கள். வாராவாரம் சனிக்கிழமையில் எண்ணெய் தேய்த்துக் குளிக்கிறேன். 

Meta AI சொல்லும் தகவல் :

An oil bath, also known as an oil soak or oil immersion, offers several advantages:

1. Relaxation and stress relief: Warm oil helps calm the mind and body.

2. Skin health: Nourishes and moisturizes the skin, improving softness and glow.

3. Muscle relief: Eases muscle tension, pain, and inflammation.

4. Detoxification: Helps remove toxins through sweating.

5. Improved sleep: Promotes deep relaxation, leading to better sleep.

6. Joint pain relief: Reduces joint pain and stiffness.

7. Immune system boost: Stimulates lymphatic circulation.

8. Menstrual relief: Eases menstrual cramps, bloating, and mood swings.

9. Skin conditions: Helps manage conditions like eczema, acne, and psoriasis.

10. Overall well-being: Enhances physical and mental well-being.

3.  கடந்த 2-3 தசாப்தங்களாக இந்தியர்கள் இனிப்பை அதிகமாக எடுத்துக்கொள்கிறார்களா? எல்லாம் எப்போதும் கிடைப்பது இதற்குக் காரணமாக இருக்குமா?   

# வட மாநிலங்களில் இனிப்பு காலம் காலமாக அதிகம் உண்ணப்பட்டு வருவது நாம் அறிந்ததே. இப்போது இந்தியாவில் மாநிலங்களில் இடையே மக்கள் குடியேறுவது பல்கி பெருகிப் போய்விட்டதால் எல்லா உணவுப் பழக்கங்களும் எல்லாப் பிரதேசங்களிலும் பரவி வருகிறது.  1948 காலகட்டத்தில் கோதுமை மாவுப் பலகாரங்கள் பூரி சப்பாத்தி உள்பட எப்படி செய்வது என்று ரேஷன் கடைகளில் ஒரு சிறு புத்தகத்தை இலவசமாக வழங்கியது நினைவிருக்கிறது.  நான் அதைப் படித்திருக்கிறேன்.

4.  இப்போது நாம் கொண்டிருக்கும் பழக்கம் போல, முந்தைய அதற்கு முந்தைய தலைமுறையில் தினமும் வித விதமாக சமையல் நடைபெற்றதா?  எப்போது ஒரு நாளைக்கு ஒரு தடவைக்கு மேல் சமைக்கும் பழக்கம் வந்திருக்கும்?  (இதற்கெல்லாம் சரியான பதில் சொல்லக்கூடிய மிக மூத்த பதிவர்-ஹாஹாஹா.. இப்படி எழுதினால் 1890ஐச் சேர்ந்தவர் என்று சொல்வதைப் போலத் தோன்றுகிறது,  கீதா சாம்பசிவம் மேடம் பதில் எழுதுவாரா?)

# பல காலத்துக்கு முன் மக்கள் என்ன சமைத்தார்கள் எப்படி சமைத்தார்கள் என்று அறிவதற்கு நம்மிடம் வலுவான ஆதாரங்கள் இல்லை. குளிர்சாதனப்பெட்டி போன்ற வசதிகள் இல்லாத அந்தக் காலத்தில் ஒரு நாளைக்கு பலமுறை சமைப்பது இயல்பாகவும் அவசியமானதாகவும் இருந்திருக்கும்தானே! (அந்தக் காலத்தில் எல்லாம் வகை வகையாக சமைத்தார்களா ஆம் எனில் என்னவெல்லாம் சமைத்தார்கள் போன்ற கேள்விகளுக்கு பதில் சொல்வதற்கு ரொம்ப சிரமப்பட வேண்டும் என்று நினைக்கிறேன்.)

5. Branded products ல என்ன இருக்கு இப்படி கொள்ளை விலை விக்கறதுக்கு?

# Branded products என்றால் ஒரு குறிப்பிட்ட தரம் உறுதி செய்யப்பட்டது என்பது உண்மைதான். அதற்காக செய்யப்படும் செலவும் எடுத்துக் கொள்ளப்படும் சமயம் அதிக விலை என்றாலும் கூட சில பொருள்களுக்கு மிக அதிக விலை வைத்திருக்கிறார்கள் என்பது. இதற்குக் காரணம் அந்த பிராண்ட் மீது மக்கள் வைத்துள்ள அசாத்தியமான நம்பிக்கைதான்! செருப்பு வேண்டும் என்றால் Bata கடைக்குப் போ என்று மக்கள் நினைத்தது மறந்து போய்விட்டதா ?

6.  ஒரு ஹோட்டலுக்குப் போய் சாப்பிடுவது சாப்பாட்டு ருசிக்கா இல்லை  கொடுக்கும் காசுக்கு ஏற்ற தரம் என்பதாலா இல்லை, சும்மா பொழுதுபோக்கப் போய் காசைச் செலவழித்துவிட்டு வருவோம் என்பதற்கா?  60 ரூபாய் முழுச் சாப்பாடு, 120 ரூபாய் லஞ்ச், 250 ரூபாய் என்றெல்லாம் போட்டிருக்கும்போது எதற்கு முக்கியத்துவம்?

# இந்தக் கேள்விக்கு முன்பே விடை அளித்து விட்டதாக நினைவு. வெளியே சாப்பிடப் போகிறோம் என்றால், ருசி, சுற்றுச் சூழ்நிலை, மற்றும் உணவுப் பொருள்கள் தயாரிக்கப்படும் முறையில் சுத்தம் என்ற எல்லாமே முக்கியம்தான். அதுபோக ஏதோ ஒரு விஷயத்தைக் கொண்டாட நினைக்கிறோம் என்றாலும் கூட ஒரு புகழ் பெற்ற உணவகத்திற்கு போக வேண்டும் என்கிற உந்துதல் உண்டாவது இயற்கை. எனவே எல்லாமே முக்கியம்தான் என்றாலும் எதற்கு முதலிடம் என்பதுதான் பிரச்சனை.

& நான் ஹோட்டலுக்குச் சென்று சாப்பிடுவது பசிக்கு மட்டுமே. சில வற்புறுத்தல்கள் மற்றும் ஹோட்டல்களில் நடத்தப்படும் கல்யாண விருந்துகள் விதிவிலக்கு.  

7.  உடலுக்கு விட்டமின் மினரல் சக்தி போன்ற காரணத்துக்குத்தான் சாப்பிடுகிறோம்னா ஏன் விடமின் மினரல் கேப்ஸ்யூல்கள் மாத்திரம் எடுத்துக்கலாமே. ஏன் இட்லி சாம்பார் சோறு குழம்பு குளம்?

# நீங்கள் சொல்லியது எல்லாம் போக கார்போஹைட்ரேட் கொழுப்பு போன்ற சில சத்துக்களும் அதிகப்படியாக தேவைப்படுவது காரணமாகத்தான் அரிசியும் பருப்பும் எண்ணெயும் நெய்யும் பாலும் தயிரும் மாவும் என்று பலப்பல உணவுப் பொருள்கள் தேடி வாங்கி சாப்பிட வேண்டிய அவசியம் இருக்கிறது.

& எல்லோருமே சுனிதா வில்லியம்ஸ் ஆக முடியாது. 

8. ஒருவர் இறக்கும்போது இந்த உலகத்தில் அவர் விட்டுச் செல்வது எதை?

# அவரைப் பற்றிய நல்ல நினைவுகளை - சில காலத்துக்கு மட்டும். அல்லாத நினைவுகளை விட்டுச் செல்வோரும் உண்டு. அதுவும் சில நாளைக்குத்தான்.

கே. சக்ரபாணி  சென்னை  28.

1.  சில  ஹோட்டல்களில் வெஜிடேரியன் என்றும்  சில ஹோட்டல்களில்  ப்யூர்வெஜிடேரியன்  என்றும்  போர்டு போட்டிருக்கிறார்களே என்ன வித்தியாசம் ?

# ஒரு வேளை சமைப்பவரும் வெஜ். ஆக இருந்தால் ப்யூர் வெ.

2. ஆடி மாதத்தில்  நிறைய  கடைகளில் தள்ளுபடி  விலையில் விற்பனை  செய்கிறார்களே. என்ன  சிறப்பு ?

# அந்த நாட்களில் கல்யாணம் கார்த்திகை ஆடியில் இராதென்பதால் தள்ளுபடி விலையில் தள்ளிவிட முயல்வார்கள்.‌ விலை சற்று சல்லிசாக இருக்கும் என்பதும் உண்மைதான்.

3.  வீட்டிலோ  அல்லது வெளியிலோ.  கயற்றில் வாளி  கட்டி தண்ணீர்  இழுத்து   குளித்த அனுபவம்  உண்டா ? 

# வாளியில் தண்ணீர் இறைத்து மட்டுமே சுமார் 18 ஆண்டுகள் குளித்திருக்கிறேன்.

& உண்டு. 1963 முதல்  1971 வரை அதன் பின் 1975 முதல் 1989 வரை) 

= = = = = = = = = =

KGG பக்கம். 

அண்ணன் kgs பற்றி - 

முதலில் அவருடைய பெயர்க்காரணம். 

சுப்ரமணியன் என்பது kgs அவர்களின் தாத்தா பெயர். 

திருவாரூர் அருகே உள்ளது கல்யாணமகாதேவி என்னும் கிராமம். 

இந்த கிராமம்தான் எங்கள் முன்னோர்கள் பல தலைமுறைகளாக வாழ்ந்த இடம். 

என்னுடைய அப்பா கூறிய விவரங்களை வைத்து, எங்கள் மூதாதையர்கள் பற்றி சுருக்கமாக எழுதுகிறேன் 

அனேகமாக பத்தொன்பதாம் நூற்றாண்டு காலகட்டத்தில், கல்யாணமகாதேவி கிராமத்தில் வாழ்ந்த பண்ணையார் திரு சுப்ரமணியன் என்பவர். இவர் kgs அவர்களின் தாத்தாவின் தாத்தா. தெலுங்கு மொழி பேசும் பிராமண சமூகத்தைச் சேர்ந்தவர்கள். கௌதம கோத்திரம். 

சுப்ரமணியன் & சேஷம்மா. இந்தத் தம்பதியினருக்கு நான்கு மகன்கள். 

சுப்பராயலு, ராமச்சந்திரன், நாராயணப்பா, சேஷாசலம். 

நான்காவது மகனாகிய சேஷாசலம் அவர்களின் மனைவி பாலம்மா. 

இந்தத் தம்பதியினரின் முதல் குழந்தை பங்காரு என்னும் பெண். 

இரண்டாவது குழந்தை சுப்ரமணியன் என்னும் சுப்பையா. பிறந்த ஆண்டு, 1874. 

இந்த சுப்ரமணியனின் மனைவி சரஸ்வதி. 

இந்தத் தம்பதியினருக்கு 10 குழந்தைகள். முதல் இருவரும் பெண்கள். அடுத்த ஏழு பேரும் பையன்கள். கடைசி குழந்தையும் பெண். 

கடைசியில் பிறந்த இரண்டு பையன்கள் & கடைசி பெண் மூவருமே சிறிய வயதில் இறந்துவிட்டார்கள். 

சுப்ரமணியன் & சரஸ்வதி தம்பதியினரின் நான்காவது குழந்தையாக, இரண்டாவது மகனாகப் பிறந்தவர், பக்தவத்சலம் என்கிற கோபாலன். 

S கோபாலன் அவர்களின் மனைவி கனக வெங்கலக்ஷ்மி என்னும் ராஜலக்ஷ்மி. (என்னுடைய அப்பா & அம்மா) 

என்னுடைய அப்பா & அம்மாவுக்கு பிறந்த குழந்தைகள் மொத்தம் 13. 

முதலில் பிறந்த பெண்ணும் மூன்றாவதாகப் பிறந்த இரட்டையரும் சிறுவயதில் இறந்துவிட்டனர். 

எட்டாவது குழந்தையாகப் பிறந்தவர் அண்ணன் சுப்ரமணியன். (நான் பதினோராவது குழந்தை!) 

தாத்தா சுப்ரமணியன் இறந்த அடுத்த  வருடம் பிறந்தவர் என்பதால், என்னுடைய அப்பா அவருடைய அப்பா நினைவாக இவருக்கு சுப்ரமணியன் என்று பெயர் வைத்தார். 

(தொடரும்) 

= = = = = = = 

ரீட்டா & மீட்டா 05 

1) ஆனந்த் ரீத்திகா திருமணம்; ஆனந்தின் முன்னாள் காதலி ரீட்டாவிடமிருந்து மிரட்டல் கடிதம். 

2) ஆனந்த் எழுதிய காதல் கடிதங்களை திரும்ப அவனிடமே சேர்ப்பிக்க பத்து லட்ச ரூபாய் அனுப்பச் சொல்கிறாள் ரீட்டா. 

3) ஆனந்த் பத்து லட்ச ரூபாயை, ரீட்டாவுக்கு அனுப்புகிறான். ஆனந்த் எழுதிய கடிதங்களை அனுப்பி வைக்கிறாள் ரீட்டா. இரண்டு வாரங்கள் கழித்து மீண்டும் ஒரு கடிதம், ரீட்டாவிடமிருந்து !

4) மேலும் இருபது லட்ச ரூபாய் கேட்கிறாள் ரீட்டா. வேறு வழியில்லை; ரீட்டாவைக் கொல்வதுதான் ஒரே வழி என்று முடிவு எடுக்கிறான் ஆனந்த். 

ரீட்டாவைக் கொல்வது என்று முடிவெடுத்தபின், எப்படி என்று யோசித்தான் ஆனந்த். சாட்சியமே இல்லாமல் கொல்வது எப்படி? 

இதையும் மீட்டாவிடம் கேட்டால் என்ன? 

கேட்டான் ஆனந்த். 

ஆனந்த் : " மீட்டா - நான் ஒரு கதாசிரியன். ஒரு கதை எழுதிக்கொண்டுள்ளேன்."

மீட்டா : நல்லது. என்ன வகை கதை? 

ஆ : மர்மக் கதை. கதாநாயகனை, பணம் கேட்டு மிரட்டுபவரை தடயம் இல்லாமல் கொன்றுவிடுகிறான் கதாநாயகன். 

மீ : தடயம் இல்லாமலா ! எப்படி? 

ஆ : அதற்குத்தான் உன் உதவி தேவை. சமீப காலத்தில் அப்படி தடயம் இல்லாமல் நடந்த கொலை அல்லது மர்ம மரணம் ஏதாவது உள்ளதா? 

மீ : உள்ளது. 

ஆ : விவரங்கள் கொடு 

மீ : சீனாவில் நடந்த மர்ம மரணம் ஒன்று. சீனாவின் தயாரிப்பான CV235 என்னும் கொடிய விஷத்தைப் பயன்படுத்தி நிகழ்த்தப்பட்ட கொலை. 

ஆ : CV235 பற்றி மேலும் விவரங்கள் கிடைக்குமா? 

(தொடரும்) 

= = = = = = = = = = =