ஒரு ஜோக் மட்டும்....

 சமீபத்தில் கீதாவுடன் நடந்த ஒரு உரையாயாடலைத்தொடர்ந்து இதை எழுதுகிறேன்.

நானும் கூட ஆரம்ப காலங்களில் "ஆத்மா சாந்தி அடைவதாக"  "ஆன்மா சாந்தியடைய பிரார்த்திக்கிறேன்" என்றெல்லாம் அனுதாபத் செய்திகள் போட்டிருக்கிறேன்,  ஒருமுறை ஆத்மா என்கிறோம், ஒருமுறை ஆன்மா என்கிறோம்.  இரண்டுக்கும் வித்தியாசம் உண்டா என்றும் யோசித்திருக்கிறேன்.  இது போன்ற விவாதங்களுக்கெல்லாம் நான் ஆளல்ல.  கீதா அக்கா போன்றவர்கள் இதைப் பற்றி சொல்லக்கூடும்.

இந்தகேகேள்வி வேறு சிலருக்கும் வந்திருக்கிறதது என்பது - பின்னே, வராமலிருக்குமா? - இணையத்தை அலசும்போது கிடைக்கிறது.  அதையெல்லாம் அலச நமக்கு நேரம் போதாது.  ஒருவர் ஆத்மா பிறப்பு இறப்பு உடைய உயிர் என்றும், ஆன்மா என்பது ஆதி அந்தம் இல்லா இறைவன் என்றும் சொல்கிறார்.  இன்னொருவர் இரண்டும் ஒன்றுதான் என்கிறார்.

ஜீவாத்மா என்பது பரமாத்மாவின் ஒரு துளி.  பூமியில் இருப்பதும் மண்.  சட்டியில் இருப்பதும் மண்.  இரண்டும் ஒன்றே என்றாலும் வேறு வேறு.  அண்டத்தில் உள்ளது பிண்டத்தில் இருக்கிறது என்றெல்லாம் படித்திருக்கிறேன்.  ஜீவாத்மாவுக்கு தனது காரிய பலன்களால் மறுபிறப்பு நிகழ்கிறது.  பாவமெல்லாம் தீர்ந்தால் பரமாத்மா எனும் உருவம் காணமுடியாத, அளவிட  முடியாத அந்தப் பேரொளியுடன் இணைந்து விடலாம் என்கின்றனர்.  செய்வதெல்லாம் பாவம் எனும் வரையறைக்குள் வரும்போது ஜென்மம் எங்கே தீர்வது, எங்கே கடைத்தேறுவது?  

சிலர் கட் அண்ட் ரைட்டாக ஏழு ஜென்மம்தான்,  இது என்னுடைய ஏழாவது ஜென்மம்.  அவ்வளவுதான்.  நான் பூமி வாழ்விலிருந்து ரிட்டையர் ஆகி முக்தி பெற்று விடுவேன் என்று சொல்கிறார்கள்.  யார் அவர்களுக்கு அப்படி சொன்னதோ...  யார் மூலம் செய்தி வந்ததோ...

சூரியனின் பலகோடி ஒளி கதிர்கள் பூமியை அடைவதை போல, இந்த பூமியில் ஒவ்வொரு உடலும் உருவாகும் பொழுது உயிராக ஆன்மா அதனோடு சேர்ந்துவிடுகிறது.  அந்த உடல் சடலமாக மாறும் பொழுது, அந்த உடலோடு பயணித்த ஆன்மா தன்னையும் அறியாமல் அந்த உடலோடு பயணித்த காலங்களில் அந்த உடலின் மீது ஒரு அன்பை ஏற்படுத்தி கொள்கிறது.  திடீரென அந்த அன்பு உடையும் பொழுது, அந்த ஆன்மா தன் அமைதியை இழந்து தவிக்கிறது.  அதே ஆன்மா, தான் யார் என்பதை அறிந்து தான் எங்கிருந்து வந்தோமோ அந்த இடத்தை அடைந்துவிட்டால் சாந்தி அடைகிறது.  உடல் வேறு, உயிர் வேறு என்பதை புரிந்து வைத்துள்ள ஞானிகளின் ஆன்மா எந்த சிரமமும் இல்லாமல் இறைவனடி சேர்கிறது.  நம்மை போன்றவர்களின் ஆன்மா பல பிறவிகள் எடுத்த பின்பே அந்த சாந்தி நிலையை அடைகிறது என்கிறார் ஒருவர்.

உடலை விட்டுப் பிரிந்த உயிர் அங்கேயே பத்து நாட்கள் வரை சுற்றும் என்றும், தன் உடலைப் பார்த்து வருந்த யார் யார் வந்திருக்கிறார்கள் என்று பார்த்துக் கொண்டிருக்கும் என்றும் சொல்பவர்கள் இருக்கிறார்கள்.  

ஆனால் அதே சமயம் சில செத்துப்பிழைத்தவர்கள்' உடலை விட்டு நீங்கின உடனேயே யாரோ எஸ்கார்ட் போல தன்னுடன் கூட வருவது போலவும், ஒளியின் வேகத்தில் அண்டவெளியில் பயணிப்பது போலவும், தூரத்து வெளிச்சம் தெரிந்தததாகவும்,  அந்தப் பயணமும், அந்த அனுபவமும் மிக இன்பமானதாக இருந்ததாகவும் சொல்லி இருக்கிறார்கள்.  அதேவேளையில் உயிர் மீண்டும் உடலை அடைந்து நுழையும் வேளையில் தாங்கொணா துன்பமாக இருந்தது என்றும் சொல்லப் படித்திருக்கிறேன்.

யோகியின் சுயசரிதையில் முக்தி அடைவதற்கு முன் பாவ பரிகாரங்களுக்கேற்ப உயிர் கடக்க ஏழு லோகங்கள் இருப்பதாகப் படித்திருக்கிறேன்.

இந்த விவாதங்கள் இன்ஸ்டால்மென்ட்டில் தொடரும்!?

பொதுவாக இந்து தவிர மற்ற மதத்தவர்க்கு மறுபிறவியில் நம்பிக்கை கிடையாது என்பதால் 'சாந்தி அடைஞ்சுக்கோ போ'  (R I P) என்று சொல்லி விடுகிறார்கள்.  

வேதம் பயின்ற சர்மா சாஸ்திரிகள் ஒருமுறை இதற்கு விளக்கம் கொடுத்திருந்தார்.   

மற்ற மதத்தவர்கள் மறுபிறப்பு இல்லை என்று நம்புவதால் ஆன்மா சாந்தியடைவதாக என்று சொல்கிறார்கள்.  நிறைய பேர் யாருடைய மறைவுச் செய்தியாவது வந்தால் போதும், RIP RIP என்று ரிப்பி விடுவார்கள்.  என் நண்பர்கள் சிலரிடம் அதற்கு விளக்கம் தெரியுமா என்று  கேட்டபோது விளக்கம் தெரியாதவர்களே அதிகம்.  மற்றவர்கள் சொல்கிறார்கள், நானும் சொல்கிறேன்.  "அனுதாபம் சொல்வது" என்றார் ஒருவர்!  ஆனாலும் விளக்கம் தெரிந்தவர்கள் நிறைய உண்டுதான்.  

சாந்தி அடைவதை ஆங்கிலத்தில் சொல்கிறோம்.  அவ்வளவே,  ரெஸ்ட் இன் பீஸ்.  நம்ப மாட்டீர்கள்...  அலுவலக  க்ரூப்பில் ஒருவர் piece என்று peace ஐ பீஸ் பீஸாக்கி இருந்தார்! கற்பனை செய்து பார்க்கவே பயங்கரமாயிருந்தது!  ரொம்பக் கேட்டால் டைப்போ ஆட்டோ கரெக்ஷன் என்று சொல்லி விடுவார். 

காஞ்சி மடத்தில் எல்லாம் பழக்கமான சர்மா சாஸ்திரிகள் ஒருமுறை இதைப் பற்றி சொல்லி இருந்தார்.  பொதுவாக இந்துக்கள் "அவர்தம் ஆன்மா இறைவன் திருவடி நிழலில் இளைப்பாற பிரார்த்திக்கிறேன்' என்று சொல்லலாம் என்று சொல்லி இருந்தார். நான் அதைதான் இப்போதெல்லாம் பின்பற்றுகிறேன்.  இப்போதெல்லாம் என்றால் சுமார் பனிரெண்டு வருடங்களாக!  கூடவே அவரை பிரிந்து வாடும் குடும்பத்தாருக்கு இதைத் தாங்கும் மனவலிமையைத் தரவும் இறைவனைப் பிரார்த்திக்கிறேன் என்றும் சேர்த்துக் கொள்கிறேன்.  அப்படி நான் ஏதாவது குழுவில் கொடுத்ததும் நிறைய பேர் அதை அப்படியே காபி பேஸ்ட் செய்து விடுவார்கள்.  அது சுபலம்...   சே...  சுலபம்.  அதைச் சரியாக பார்க்காதவர்கள் RIP பால் இடத்தை நிரப்புவார்கள்.

அனுதாபச் செய்திகளை விட்டு விடுவோம்.  பொதுவான வேண்டுதல்களுக்கு வருவோம்.

மத வேறுபாடின்றி அனைவரும்அவ்வப்போது, ஏதோ ஒரு சந்தர்ப்பத்திலாவது  "ஏழேழு ஜென்மங்களுக்கு அல்லது அடுத்த ஜென்மத்திலும் நானே உனக்கு மகனாக பிறக்கவேண்டும்" என்பது போன்ற டயலாக்குகளை சொல்கிறார்கள்.

கண்டவர் விண்டிலர், விண்டவர் கண்டிலர் என்பது கடவுளுக்கு மட்டுமல்ல, இந்த வேண்டுதலுக்கும் பொருந்தும்.  

அடுத்த ஜென்மம் என்பதில் நம்பிக்கை இல்லை என்று சொல்பவர்கள் கூட இது மாதிரி உணர்ச்சி வசப்பட்டு டயலாக் விடுவார்கள்.   

=====================================================================================================

நியூஸ் ரூம் 

பானுமதி வெங்கடேஸ்வரன் 

- குழந்தைகள் விருப்பத்தின்படி, தந்தையுடன் செல்ல அனுமதித்த சென்னை உயர் நீதிமன்றம், சட்டவிரோத காவலில் உள்ள குழந்தைகளை மீட்டு தரக்கோரிய தாயின் மனுவை தள்ளுபடி செய்து உத்தரவிட்டது.  இந்த உத்தரவை அடுத்து, நீதிமன்றத்தில் இருந்த குழந்தைகளின் தாயார், கண்கலங்கியபடி வெளியே சென்றார்.

- திருநெல்வேலி மாவட்டம் வள்ளியூர் அருகே கல்லுாரி கட்டணம் செலுத்த பணம் கேட்ட மகனை இரும்பு கம்பியால் அடித்து கொலை செய்த தந்தைக்கு ஆயுள் தண்டனையும், ரூ.ஆயிரம் அபராதமும் விதித்து மாவட்ட முதலாவது அமர்வு நீதிமன்றம் தீர்ப்பளித்தது.  குடிப்பழக்கத்தால் இவருக்கும், மனைவி மீனாட்சிக்கும் கருத்து வேறுபாடு ஏற்பட்டது. மீனாட்சி மகளுடன் தனியாக வசித்து வந்தார். இசக்கிமுத்து மகன் வேல்முருகன் 22, 2019ல் வள்ளியூரில் உள்ள தனியார் இன்ஜினியரிங் கல்லூரியில் இறுதியாண்டு படித்து வந்தார்.  அப்படி ஒரு அப்பா...  இபப்டி ஒரு அப்பா...!

- சென்னை ஐ.ஐ.டி., இயக்குனர் காமகோடி கூறியதாவது:

அடுத்த தலைமுறை கம்ப்யூட்டரை உருவாக்கும் முயற்சி தான், குவாண்டம் கம்ப்யூட்டிங். இது, குவாண்டம் கோட்பாட்டின் அடிப்படையில், தொழில்நுட்பத்தை பயன்படுத்தி உருவாக்கப்பட்டு வருகிறது. குவாண்டம் கோட்பாடு அணு மற்றும் துணை அணு மட்டங்களில் ஆற்றல் மற்றும் பொருளின் நடத்தையை விளக்குகிறது. சர்வதேச அளவில் இதற்கான முயற்சி, பல நாடுகளில் நடக்கிறது.  நாம் தற்போது பயன்படுத்தும், கிளாசிக் வகை கம்ப்யூட்டர்கள் 0, 1 என்ற பைனரி எண்களை கட்டளையாக கொண்டு செயல்படுகின்றன. கிளாசிக் வகை கம்ப்யூட்டர்களை விட வேகமாக செயல்படும் ஆற்றல் உடையதாக, குவாண்டம் கம்ப்யூட்டிங் இருக்கும்.  குவாண்டம் கம்ப்யூட்டிங் முறையில் பாதுகாப்பு அம்சத்தை ஏற்படுத்தினால், அதை உடைப்பது கடினமாக இருக்கும். தொலை தொடர்பிலும், துல்லியமான முன்னறிவிப்பு இருக்கும். குவாண்டம் கம்ப்யூட்டிங் டெக்னாலஜியை பயன்படுத்தி ஐ.ஐ.டி.,யில் ஸ்டார்ட் அப் கம்பெனிகள் துவங்கப்பட்டுள்ளன.

- ராஞ்சி: போக்குவரத்து நெருக்கடியில் சிக்கிக்கொண்டதால் ஆத்திரமடைந்த ஜார்க்கண்ட் உயர்நீதிமன்ற நீதிபதி சஞ்சய் குமார் திவேதி, அம்மாநில டி.ஜி.பி.க்கு சம்மன் அனுப்பி விளக்கம் கேட்ட சம்பவம் நடந்துள்ளது.  பா ஜ  யுவ மோர்ச்சா எனும் இளைஞர் அமைப்பினர் நடத்திய போராட்டத்தால் மாற்று பாதையில் இவர் சென்ற கார் கடும் போக்குவரத்து நெருக்கடியில் சிக்கியது. இதனால் சரியான நேரத்திற்கு நீதிமன்றம் செல்ல முடியாமல் அவதியுற்றார்.  இதையடுத்து மாநில காவல்துறை டி.ஜி..பி., அனுராக் குப்தாவிற்கு விளக்கம் கேட்டு சம்மன் அனுப்ப உத்தரவிட்டார். முறையாக அறிவிப்பு இல்லாமல் சரியான முறையில் போக்குவரத்தை சரியாததால் தாம் குறிப்பிட்ட நேரத்திற்கு நீதிமன்றம் செல்ல முடியாமல் தாமதம் ஏற்பட்டு விட்டதாக புகார் கூறினார்.  தனக்கு வந்தால் ரத்தம், பொதுமக்களுக்கு வந்தால் தக்காளி சட்னி!

- 15 ஆண்டுகளுக்கு முன்னால் அரியர் வைத்துள்ள மாணவர்கள் கூட தேர்வு எழுதி வெற்றிபெற அண்ணா பல்கலைக் கழகம் அனுமதி அளித்துள்ளது.

- சீர்காழி அருகே சூரக்காடு பகுதியில் சாலை விரிவாக்கப் பணிக்காக நூற்றாண்டு கடந்த புளிய மரங்கள் கருணையே இல்லாமல், தொலைநோக்கும் இல்லாமல் வேரோடு வெட்டி அகற்றப்படுகின்றன.  இதன் தாக்கமாக அங்கிருந்த குரங்குகள் குடியிருப்புகளுக்குள் புகும் அபாயமும் ஏற்பட்டுள்ளது.

- திருமலை திருப்பதியில் அக்டோபரில் ப்ரம்மோற்சவம் நடக்க இருப்பதால் அங்கு பக்தர்கள் வருகை அதிகமாக இருக்கும். எல்லா பக்தர்களுக்கும் தங்கும் வசதி செய்து தர வேண்டுமென்பதால் அந்த கால கட்டத்தில் நன்கொடையாளர்களுக்கு தங்கும் வசதி செய்து தர இயலாது ஆகவே நன்கொடையாளர்கள் ஒத்துழைக்கும்படி கேட்டுக்கொள்ளப் படுகிறார்கள் என்று திருமலா திருப்பதி தேவஸ்தானம் அறிவித்துள்ளது.

- இந்தியா உட்பட 35 நாடுகளை சேர்ந்தவர்களுக்கு இலங்கை செல்ல விசா தேவையில்லை. சுற்றுலா பயணிகளை ஈர்க்கும் விதமாக இந்த சட்டம் அக்டோபர் ஒன்று முதல் ஸ்ரீலங்காவில் அமலுக்கு வருகிறது. 

- தமிழ் நாட்டில் எட்டு மாதங்களில் 47 யானைகள், 5 புலிகள் இறப்பு. விஷம் வைத்து கொலையா என விசாரணை.

- இந்தியர்களின் ஆரோக்கிய கேட்டிற்கும், மரணத்திற்கும் இங்கு நிலவும் சுற்றுச் சூழல் குறிப்பாக காற்றின் மாசுபாடு காரணம் என்கிறது ஆய்வு.

- IIT மும்பையில் ஐந்து வருடங்களில் ஆராய்ச்சியில் ஈடுபடும் மாணவர்களின் எண்ணிக்கை 30% அதிகரித்திருக்கிறது.

- நன்கு படித்து உயர் பதவியில் இருக்கும் பெண்களில் பலர் திருமணம், குழந்தைப் பேறு முதலியவற்றை தள்ளிப் போடுவதோடு, தங்கள் கரு முட்டைகளை சேமித்து வைப்பது இப்போது டிரெண்ட் ஆகி வருகிறது நம் நாட்டில். மும்பையில் செயற்கை கருத்தரிப்பு நிலையம் வைத்திருக்கும் பெண் மருத்துவர் ஒருவர், ஒரு வாரத்தில் மூன்று பெண்கள் தங்கள் கரு முட்டைகளை சேமிக்க வருவதாக சொல்லியிரூக்கிறார். இப்படி சேமிக்கப்படும் கரு முட்டைகளை எட்டு வருடங்கள் வரை பாதுகாக்கலாமாம்.

- அழகாக இருப்பவர்கள் அதிக நாட்கள் உயிர் வாழ்கிறார்கள் என்று அரிஸோனா பல்கலைகழக ஆய்வு சொல்கிறது. தோற்றப் பொலிவற்றவர்களின் குறைந்த ஆயுளுக்கு சமூகத்தின் புறக்கணிப்பு காரணமாம். - Sad

- தங்கள் நிறுவனத்தில் புதிதாக வேலைக்கு எடுக்கப்பட்ட சிலர், பயிற்சி காலத்தில் போதுமான திறமையை நிரூபிக்காததால்

அவர்களுக்கு அளிக்கப்பட்ட பணி நியமன ஆணையை திரும்ப பெற்றிருக்கிறது விப்ரோ நிறுவனம். 

- தஞ்சை: தனியாக நடந்து சென்று கொண்டிருந்த மூதாட்டிக்கு லிஃப்ட் தருவதாக கூறி அழைத்துச் சென்று, அவரை கத்தியைக் காட்டி மிரட்டி, அவர் அணிந்திருந்த ஆறு பவுன் சங்கிலி பறிப்பு.

25 கிலோ நகைகள் அணிந்து திருப்பதி ஏழுமலையானை நேற்று தரிசனம் செய்த மும்பை பக்தர்கள்.

திருமலை: ஒரே குடும்பத்தை சேர்ந்த 3 பேர்நேற்று 25 கிலோ தங்க நகைகள் அணிந்து வந்து திருப்பதி ஏழுமலையானை தரிசனம் செய்தனர்.

மகாராஷ்டிர மாநிலம் மும்பையில் இருந்து ஒரே குடும்பத்தை சேர்ந்த 3 பேர் நேற்று திருப்பதி ஏழுமலையானை தரிசிக்க வந்தனர். இரு சகோதரர்கள் மற்றும் அந்த இருவரில் ஒருவரின் மனைவி என இந்த மூவரும் விஐபி பிரேக் தரிசனத்தில் ஏழுமலையானை தரிசனம் செய்தனர். இந்நிலையில் இரு சகோதரர்களும் தலா 10 கிலோ எடையுள்ள தங்க சங்கிலிகள், மோதிரங்கள், கையில் காப்பு என மொத்தம் 20 கிலோ நகைகளை அணிந்திருந்தனர். இவர்களுடன் வந்த பெண் 5 கிலோ தங்க நகைகள் அணிந்திருந்தார்.

இந்த மூவரையும் வரிசையில் இருந்த சாமானிய பக்தர்கள் மட்டுமின்றி விஐபி பக்தர்களும் ஆச்சர்யத்துடன் பார்த்தனர். கோயிலுக்கு வெளியே வந்த இவர்களை ஆச்சர்யத்துடன் பார்த்த பக்தர்கள் அவர்களுடன் செல்ஃபி எடுத்துக்கொள்ள விரும்பினர். இதையடுத்து கூலிங் கிளாஸ்அணிந்து கொண்டு பலருடன் செல்ஃபி எடுத்துக் கொண்ட மூவரும் பிறகு காரில் ஏறிச் சென்றனர். இவர்களுடன் பாதுகாப்புக்காக சுமார் 15 பேர் வந்திருந்தனர்.

================================================================================================

++++++++++++++++++++++++++++++++++++++++++++++++++++++++++++++++++++++++++++++++++++++++++++

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

**********************************************************************************

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

 சென்ற இதழில்.. மன்னிக்கவும், சென்ற வாரம் நான் வீடு கவிதை ஒன்று எழுதி இருந்தது நீங்கள் அறிந்ததே...   மறுநாள் முகநூலில் கந்தசாமி சார் வீடு என்கிற தலைப்பில் கல்யாண்ஜியின் கவிதையைப் பகிர்ந்திருப்பதைப் பார்த்தேன்.

இது கவிதை!

=======================================================================================

படித்ததைப் பகிர்வதில்.....

பள்ளிப் பேருந்திற்கு மற்ற நிறங்களை தேர்ந்தெடுக்காமல் ஏன் மஞ்சள் நிறம் தேர்ந்தெடுக்கப்பட்டது?

பள்ளிப் பேருந்திற்கு மற்ற நிறங்களை தேர்ந்தெடுக்காமல் ஏன் மஞ்சள் நிறம் தேர்ந்தெடுக்கப்பட்டது? அதன் பின்னணியில் உள்ள ரகசியம் என்ன? தெரிந்து கொள்ளலாம்

பள்ளி பேருந்து மஞ்சள் நிறத்தில் உள்ளதற்கு அறிவியல் காரணம் உள்ளது. மற்ற நிறங்களை விட மஞ்சள் நிறம் அதிகம் தெரியும். ஆகவே விபத்துகளை தவிர்க்க பள்ளி பேருந்துகளுக்கு மஞ்சள் வண்ணம் பூசப்படுகிறது. சிவப்பு நிறம் நீண்ட அலைநீளம் மற்றும் 650 நானோ மீட்டர்களை கொண்டது. இதன் விளைவாக, தொலைதூரத்திலிருந்து சிவப்பு நிறத்தை நம்மால் காண முடியும். ஆனால் மஞ்சள் நிறத்தின் அலைநீளம் வெறும் 580 நானோ மீட்டர்கள் மட்டுமே.இருந்தபோதும் பள்ளிப் பேருந்துகளுக்கு மஞ்சள் நிறம் பயன்படுத்தப்படுவது ஏன் என்ற கேள்வி எழலாம். அதற்கும் ஒரு காரணம் உள்ளது. ஏனென்றால், மஞ்சள் நிறத்திற்கான லேட்டரல் பெரிஃபெரல் விஷன்(எல்பிவி) சிவப்பு நிறத்தை விட 1.24 மடங்கு அதிகம். இதன் விளைவாக, அதன் பார்வை சிவப்பு நிறத்தை விட அதிகமாக உள்ளது.

இதனால் மஞ்சள் நிறத்தை மழை & மூடுபனியில் கூட நம்மால் தூரத்தில் இருந்து எளிதில் பார்க்க முடியும்.

 =============================================================================================

பொக்கிஷம் :

JKC ஸாருக்காக ஒரு ஜோக் மட்டும்...