சரயு

எங்கள் உறவுகளில் ஒருவர் எழுதியிருக்கும் புத்தகம்.  

துணிந்தவனுக்கு துக்கம் இல்லை என்பார்கள்.  அது போல துணிந்து ஒரு செயலில் இறங்கி விட்டால் வெற்றி அடையும் வரை விடமாட்டோம்.

பூஜ்யத்திலிருந்து தொடங்குவது வெற்றியின் ஒரு மையப்புள்ளி.  இழப்பதற்கு ஒன்றும் இல்லை என்னும் நிலையிலிருந்து தொடங்குவது மட்டும் அல்ல, தன்னை நிரூபிக்க ஒரு தேவை இருக்கும்போதும் வெற்றி சாத்தியமாகிறது.

ஒரு சாதாரண நிலையிலிருந்து சரயு வாழ்க்கையின் சவால்களை எப்படி எதிர்கொள்கிறாள், வெற்றி பெறுகிறாள்  என்று சொல்கிறது கதை.

ஒரு சுவாரஸ்யமான காதலும் ஊடாடுகிறது.

கடவுள் நம்பிக்கை இல்லை என்று சொன்னாலும் பிள்ளையார் மேல் ஒரு ஈடுபாடு வருவது அழகாகச் சொல்லப்பட்டுள்ளது.  எந்த எதிர்பார்ப்புமில்லாமல் ஆலயத்துக்குச் சென்று ஒரு உரையாடல் போல, ஒருவருக்குள் ஒருவர் பகிர்ந்து கொள்ளும் ஒரு நண்பனைப்போல பிள்ளையாரிடம் மனதால் உரையாடத் தொடங்கும்போது இருவருக்குள்ளும் ஒரு பந்தம், ஒரு நட்பு உருவாகிறது.  அது மனதுக்குள் விதைக்கும் நிம்மதி - சாந்தியும்- நம்பிக்கையும் கூட வெற்றிக்கு உதவுகின்றன.

முயலாமல் வெற்றி கிடையாது.  வெற்றி இல்லாமல் வசதி இல்லை.  லாட்டரியில் பரிசு விழுந்து பணக்காரனாகலாம் என்கிற சோம்பேறி எண்ணங்கள் இல்லாமல் தனது படிப்பால், அறிவால், உழைப்பால் வெற்றியின் படிக்கட்டுகளில் ஒவ்வொன்றாய் ஏறுவதுதான், அந்த வெற்றியிலேயே  மேலேயே நிலைத்து நிற்பதற்கும் வழி வகுக்கும்.  சரயு அதை சாதித்துக் காட்டுகிறாள்.

படிக்க விரும்புபவர்கள் இந்த லிங்க் கிளிக் செய்து புத்தகம் வாங்கிப் படிக்கலாம்.  

புத்தகமாக வாங்க 199 ரூபாய்.  

PDF ஆகப் படிக்க ரூபாய் 99 மட்டும்.