இந்தப் படத்தில் இருப்பது இந்தச் செய்தி சம்பந்தப்பட்டது அல்ல

     வணக்கம் துரை செல்வராஜூ ஸார்... !

இப்படித்தான் இருந்தாங்க அப்போல்லாம்....
------------------------------------------------------------------------------

(இந்தப் படத்தில் இருப்பது இந்தச் செய்தி சம்பந்தப்பட்டது அல்ல) 

     'பொது கூட்டங்களும், சுவையான நிகழ்ச்சிகளும்' என்ற நூலிலிருந்து: பொள்ளாச்சியில் ஒரு பொதுக்கூட்டம்; பி.எம்.சுப்பிரமணியம் என்பவர், இந்திய - சோவியத் நட்புறவு பற்றி சொற்பொழிவு ஆற்றி முடித்த பின், 'தோழர் மா.வேலாயுதம் துண்டு ஏந்தி வருவார்; உங்களால் முடிந்த அளவு நிதி உதவி அளிக்க வேண்டுகிறேன்...' என்று கேட்டுக் கொண்டார்.

     வசூல் செய்வதற்கான துண்டிற்காக, மேடையில் இருந்த பிரமுகர்களைப் பார்த்தார் வேலாயுதம். அவர்களில் சுப்பிரமணியத்தைத் தவிர வேறு யார் தோளிலும் துண்டு இல்லை. எனவே, சுப்பிரமணியத்திடம் சென்று, அவர் தோளில் போட்டிருந்த மேல் துண்டைக் கொடுக்கும்படி கேட்டார். 

     பிடிவாதமாக, கொடுக்க மறுத்து விட்டார் சுப்பிரமணியம். வேறு வழியின்றி, அவரது மேல் துண்டை பற்றி இழுத்தார் வேலாயுதம். துண்டை கெட்டியாகப் பிடித்துக் கொண்டு, வேலாயுதத்தை தள்ளி விட்டார் சுப்பிரமணியம்.

     விடாக்கண்டனாக இருக்கிறாரே என்ற மனச் சங்கடத்துடன், ஒரு மஞ்சள் பையைத் தேடிப் பிடித்து, தம் வசூல் வேலையைத் துவக்கினார், வேலாயுதம். 

     கூட்டம் முடிந்து, அனைவரும் திரும்பிக் கொண்டிருந்தபோது, வேலாயுதத்தை அருகில் அழைத்து, தாம் தோளில் போட்டிருந்த துண்டை விரித்து காட்டினார், சுப்பிரமணியம். அதிலே நிறைய இடங்களில் பொத்தல்களும், கிழிசல்களும் இருந்தன.

     'இதை விரித்தால், என் மானமும் போகும்; வசூலின்போது, இதில் விழும் காசுகளும் கீழே விழுந்துவிடும். அதனால் தான், துண்டைக் கொடுக்கவில்லை...' என்றார் சுப்பிரமணியம்.  வேலாயுதத்தின் கண்கள் பனித்தன.

"இப்படியுமா இருந்திருக்காங்க நம்ம நாட்டுல?"

===============================================================================================================================

ஆரம்பிச்சுட்டான்...  மடக்கி மடக்கி எழுதி உயிரை வாங்க....

இடியட் பாக்ஸ்கள் இலவசம் 

பிக்பாஸ்கள் உபயத்தில் 

வெட்டிப்பொழுது 

வீண்பேச்சுகள் இனி நம்வசம் 

தொப்பி திருப்பிப் போட்ட குடிசைகள் 

டிஷ் ஆன்டெனா!

மிக்சியும் கிரைண்டரும் வரவாச்சு 

அம்மி, கல்லுரல்?   போயே போச்சு!

தண்ணி பட்ட பாடு என்று சொல்லிச் சொல்லியே 

தண்ணிக்கே இப்போ பெரும் பாடாச்சு 

புண்ணியம் கட்டிக்கொண்ட 

கோக் பெப்ஸிக்களுடன் 

​குடிநீரும் புகுந்தது பாட்டில்களில் 

கரைகளில் மணல் மறைந்தது 

ஆறுகளில் நீர் வறண்டது ​

​முதலைகள் நீருக்குள் இல்லை 

நிலத்தில் வாழ்கின்றன இப்போது..

பண முதலைகள் ​

செல்போன் உபயத்தில் 

கிராமமும் நரகமாச்சு 

இணைய இல்லுமினாட்டிகளின் 

இணையற்ற 

இலவச பம்மாத்து வியாபாரங்கள் 

கல்விச்சாலைகளும் 

காசு பார்க்கும் கூடங்களாய் 

நகர மயமாக்கல் 

மொத்தத்தில் 

நரக மயமாச்சு!

"என்னமோ சொல்ல வர்றீங்கன்னு புரியுது..  ஆனா என்னன்னுதான் தெரில..."

மேலே இருப்பது தில்லையகத்தில் பதிவொன்றுக்கு எழுதிய பின்னூட்டம் என்று நினைவு!  சரிதானே கீதா?

====================================================================================================================================

காதல் என்பது

வருங்கால WIFE நிதி!

மேகம் மட்டுமா கவிகிறது?

---------------------

"ஐயோ...  அடுத்த வரி எனக்குத் தெரியும்...."

***************************************************************************************************************************************************************

ஹிஹிஹி.. சும்மா ரொம்பப் பழைய ஒன்று...!

எனக்கு நாலெழுத்து.

இலையில் முதலாக இருக்கும் நான் இல்லையிலும் இருக்கிறேன்.

சொந்தத்தில் இரண்டாவதாக இருந்தாலும் பந்தத்தில் இருக்கிறேன் பாசத்தில் இல்லை.

திருடனில் முதல்வன் மூன்றாவதானாலும் பொருளில் ஒன்றுமில்லை.

யார் என்று தெரிந்ததா முதல் நான்காவதாக,  நியாயமாக இரண்டாவதாக!

"புரியுது ஸ்ரீராம் ...  புரியுது...  இதெல்லாம் ஒரு கேள்வியாக்கும்?  எல்லாரும் பதில் சொல்லிடுவாங்க..."

=====================================================================================================================================================================

தமிழ்மணம்.

'