திங்கக்கிழமை : உளுந்தில்லா தோசை – வெந்தய தோசை - JKC ரெஸிப்பி

ஒரு வித்தியாசத்திற்கு செய்த உளுந்து சேர்க்காத தோசை. இட்லி அரிசியும் வெந்தயமும் அரைத்து உடன் சுட்ட தோசை.

ஒரு டம்ளர் இட்லி அரிசி ஊற வைக்கப்பட்டது.

ஊறிய அரிசியுடன் சுமார் கால் டம்ளருக்கும் குறைவாக வெந்தயம் உப்பு சேர்த்து மிக்சியில் அரைத்து எடுக்கப்பட்டது.

அரைத்த மாவை சூடான தோசைக்கல்லில் செட் தோசை போல் வார்த்தெடுத்து

பச்சை கார சட்னியுடன்

சூடாக பரிமாறப்பட்டது.

பச்சை சட்னியில் அடங்கிய /அரைத்த பொருட்கள்.

புதினா, கொத்தமல்லி தழை, பச்சை மிளகாய், இஞ்சி, பொட்டுக்கடலை கொஞ்சம். உப்பு.

கடுகு உளுந்து தாளித்து சட்டினியில் சேர்க்கப்பட்டது.

தோசை பரவாயில்லை. கொஞ்சம் வெந்தய கசப்பு இருந்தாலும் ஓகே. சட்னி கொஞ்சம் சொதப்பி விட்டது. இஞ்சியோ பொட்டுக்கடலையோ ஏதோ ஒன்று சுவையை மாற்றி விட்டது.

========================================================================================

பாஸிட்டிவ் செய்தி  :

நேர்மையின் இன்னொரு பெயர்  பத்மா 

                                     

'ஒரு கிராம் திருகாணி வாங்கவே பத்தாயிரம் ரூபாய்க்கு மேல் தேவைப்படும் காலம் இது. ஆனால், தன் கண் முன்னால் 45 பவுன் தங்கம் மின்னியபோதும், அது அடுத்தவர் உழைப்பு என்று ஒதுக்கித் தள்ளிய ஒரு உன்னத மனுஷியைப் பற்றித்தான் ஊரே பேசிக் கொண்டிருக்கிறது!"  சென்னை திருவல்லிக்கேணி, கிருஷ்ணாம்பேட்டைப் பகுதியைச் சேர்ந்தவர் 50 வயதான பத்மா. சென்னை மாநகராட்சியில் ஒப்பந்தத் தூய்மைப் பணியாளராகப் பணிபுரியும் இவர், தினமும் அதிகாலையில் தெருக்களைத் தூய்மைப்படுத்தும் பணியைச் செய்து வருகிறார். வழக்கம் போல ஒருநாள் தி.நகர் மகாராஜா சந்தானம் தெருவில் குப்பைகளை அகற்றிக் கொண்டிருந்தபோது, குப்பை மேட்டிற்குள் ஒரு கவர் கிடப்பதைக் கண்டார்.

சாதாரணமாக நினைத்து அதை எடுத்துப் பார்த்த பத்மாவிற்குத் தூக்கி வாரிப் போட்டது. அந்தப் பையில் கண்ணைப் பறிக்கும் தங்க நகைகள்! சுமார் 48 லட்சம் ரூபாய் மதிப்புள்ள 45 பவுன் நகைகள் அவை. ஒரு கணம் அதிர்ந்தாலும், அடுத்த கணம் அவரது நேர்மை தலைதூக்கியது. 'யாருடைய உழைப்போ இது... தொலைத்தவர்கள் எவ்வளவு பதறுவார்கள்?' என்ற மனிதாபிமானம் தான் அவரிடம் மேலோங்கி நின்றது.  உடனடியாகத் தன் உயரதிகாரிக்குத் தகவல் தெரிவித்த பத்மா, காலதாமதம் செய்யாமல் பாண்டிபஜார் காவல் நிலையத்தில் அந்த நகைகளை ஒப்படைத்தார். போலீசாரின் விசாரணையில், அந்த நகைகள் நங்கநல்லூரைச் சேர்ந்த நகை வியாபாரி பரமேஷ் என்பவருடையது என்பது தெரியவந்தது. கவனக்குறைவாகத் தவறவிட்ட அந்தப் பெரும் சொத்து, பத்மாவின் நேர்மையால் மீண்டும் உரியவரிடம் சேர்ந்தது.  உடனடியாகத் தன் உயரதிகாரிக்குத் தகவல் தெரிவித்த பத்மா, காலதாமதம் செய்யாமல் பாண்டிபஜார் காவல் நிலையத்தில் அந்த நகைகளை ஒப்படைத்தார். போலீசாரின் விசாரணையில், அந்த நகைகள் நங்கநல்லூரைச் சேர்ந்த நகை வியாபாரி பரமேஷ் என்பவருடையது என்பது தெரியவந்தது. கவனக்குறைவாகத் தவறவிட்ட அந்தப் பெரும் சொத்து, பத்மாவின் நேர்மையால் மீண்டும் உரியவரிடம் சேர்ந்தது.  எல்.  முருகராஜ் 

தினமலர்