வெள்ளி வீடியோ : இன்று கவிபாடும் என் செல்வமே என்றும் என் தெய்வமே

அவன்தான் மனிதன்.  1975 இல் வெளிவந்த திரைப்படம்.

நடிகர்த் திலகத்தின் 175 வது படம்.  தயாரிப்பாளர் நூர் சிவாஜி கணேசனை வைத்து ஒரு படம்  தயாரிக்க ஆசைப்பட்டு, ஜி பாலசுப்ரமணியம் எழுதிய இந்தக் கதையை எடுத்துக்கொண்டு சிவாஜியை அணுக, அளவுக்கு மீறின சோகமாய் இருக்கிறது என்று சிவாஜி பதிலே சொல்லவில்லையாம்.

பின்னர் இந்தக்கதை ராஜ்குமாரை ஹீரோவாகப்போட்டு கன்னடத்தில் எடுக்கப்பட்டு வெற்றியடைந்தபின் இரண்டு லட்ச ரூபாய் கொடுத்து உரிமை வாங்கி தமிழில் சிவாஜி நடித்தாராம்.

இந்தப் படத்தின் எல்லாப் பாடல்களும் ஹிட்.  மிக இனிமையான பாடல்கள்.  நான் பகிரும் இந்தப்பாடல் இனிமையின் உச்சம்.

கண்ணதாசன் எழுதும் எல்லாப்பாடல்களுக்கும் பொருத்தமாக ஒரு சம்பவம் சொல்வார்கள்.  பாதியை என்னால் நம்ப முடியாது.  அப்படியா அவர் நிஜ வாழ்வை எல்லாப் பாடல்களும் தகுந்த அதே சமயத்தில் பிரதிபலிக்கும்.  இந்தப்பாடலை எழுத எம் எஸ் வி அவசரப் படுத்தினாராம்.  மே மாதத்துக்குள் படம் ரிலீசாக வேண்டும் என்று எம் எஸ் வி கண்ணதாசனிடம் சொன்னாராம்.  பார்த்தால் கவிஞர் எல்லா வரிகளையும் மே எழுத்தில் முடியும் வண்ணம் எழுதி விட்டாராம்.

இந்தப்படத்தின் எல்லாப் பாடல்களும் கண்ணதாசன் எழுதியது. 

இந்தப்படம் நான் பார்த்த படம்.  மஞ்சுளா, ஜெயலலிதா இரண்டு ஹீரோயின்!

இதேபோல வீல்சேரில் சிவாஜியை உட்காரவைத்துத் தள்ளிக்கொண்டு போகும் சரோஜாதேவி...  சிவாஜி டி எம் எஸ் குரலில் பாடும் கருப்பு வெள்ளை பாடல் ஒன்று உண்டு...  அதுவும் எனக்கு மிகமிகப் பிடித்த பாடல்.  உங்களுக்கும் மிகவும் பிடிக்கும் அந்தப் பாடலும்....

டி எம் சௌந்தரராஜன் - பி. சுசீலா குரலில் இனிமையான பாடல்.  மிக இனிமையான பாடல்.  அந்த ஆரம்ப இசையாகட்டும், டியூனாகட்டும் (என்ன ராகம் கீதா?) டி எம் எஸ் - பி சுசீலா குரலாகட்டும்.....  ரசிக்க வேண்டிய பாடல்.  எல்லோரும் ரசித்த பாடல்.  இந்தப் பாடலை எங்களுக்கு அளித்த இந்த ஜாம்பவான்கள் அனைவருக்கும் நன்றி சொல்லவேண்டும்.

அன்பு நடமாடும் கலைக்கூடமே ஆசை மழை மேகமே 

கண்ணில் விளையாடும் எழில் வண்ணமே கன்னித்தமிழ் மன்றமே 

மாதவிக் கொடிப்பூவின் இதழோரமே மயக்கும் மதுச்சாரமே 

மஞ்சள் வெயில் போலும் மலர்வண்ண முகமே மன்னர் குலத்தங்கமே 

பச்சை மலைத்தோட்ட மணியாரமே பாடும் புதுராகமே 

வெள்ளலைக் கடலாடும் பொன்னோடமே விளக்கின் ஒளிவெள்ளமே 

செல்லும் இடம்தோறும் புகழ்சேர்க்கும் தலமே தென்னர்குல மன்னனே 

இன்று கவிபாடும் என் செல்வமே என்றும் என் தெய்வமே 

மாநிலம் எல்லாமும் நம் இல்லமே மக்கள் நம் சொந்தமே 

காணும்நிலமெங்கும் தமிழ்ப்பாடும் மனமே உலகம் நமதாகுமே 

அன்று கவிவேந்தன் சொல்வண்ணமே யாவும் உறவாகுமே