வெள்ளி வீடியோ : என்ன லீலை கண்ணன் வேலை இலைகளில் உடை கொடு இல்லை ஒரு வழிவிடு

இன்றைய தனிப்பாடல் சீர்காழி கோவிந்தராஜன் பாடிய 'நீயல்லால் தெய்வமில்லை'. யார் எழுதியது என்று தெரியவில்லை. அநேகமாக சீர்காழி அவர்களே இசை அமைத்து பாடியிருப்பார்.

ஏது பிழை செய்தாலும், ஏழையேனுக்கு இரங்கித்

தீது புரியாத தெய்வமே – நீதி

“நீதி தழைக்கின்ற” போரூர் தனிமுதலே – நாயேன்

பிழைக்கின்ற வாறுநீ பேசு….. முருகா… முருகா…

நீயல்லால் தெய்வமில்லை!

எனது நெஞ்சே நீ வாழும் எல்லை!

முருகா நீயல்லால் தெய்வமில்லை! 

தாயாகி அன்புப் பாலூட்டி வளர்த்தாய்!

தந்தையாய் நின்றே சிந்தை கவர்ந்தாய்!

குருவாகி எனக்கு நல்லிசை தந்தாய்!

திருவே நீயென்றும் என்

உள்ளம் நிறைந்தாய்!

நாயேனை நாளும் நல்லவனாக்க

ஒயாமல் ஒழியாமல் உன்னருள் தந்தாய்!

வாயாரப் பாடி மனமார நினைந்து

வணங்கிடலே எந்தன் வாழ்நாளின் இன்பம்!

தூயா முருகா மாயோன் மருகா

உன்னைத் தொழுவதொன்றே இங்கு யான்பெற்ற இன்பம்!

நீயல்லால் தெய்வமில்லை!

எனது நெஞ்சே நீ வாழும் எல்லை!

முருகா நீயல்லால் தெய்வமில்லை!

முருகா சரணம்!!!!

========================================================================================

அலை ஓசை..   இது கல்கி நாவலுமில்லை, நாளிதழும் இல்லை.  தமிழ்திரைப்படம்!

சிறுமுகை ரவி கதை, இயக்கத்தில் 1985 ஆம் ஆண்டு வெளியான இந்தப் படத்திலிருந்து னக்குப் பிடித்த ஒரே பாடலான நீயா அழைத்தது பாடல் இன்றைய பகிர்வு.

வைரமுத்து பாடல்.  இளையராஜா இசை.  எஸ் பி பாலசுப்ரமணியம் - எஸ் ஜானகி குரலில் ஒரு அருமையான பாடல்.

காட்சியோடு வேண்டுமென்றால் இங்கே பார்க்கலாம்.  பாடலை முழுமையாக ரசிப்பதற்காக காட்சி இல்லாமல் பகிர்ந்திருக்கிறேன்.

நீயா அழைத்தது என் நெஞ்சில் மின்னல் அடித்தது

நீயா அழைத்தது என் நெஞ்சில் மின்னல் அடித்தது

சிலிர்க்கிறேன் வெந்நீர் ஆற்றில் குளிக்கிறேன்

தவிக்கிறேன் என்னை நானே அணைக்கிறேன்

சிரிக்கிறேன் தனிமையில் எனை

நீயா அழைத்தது என் நெஞ்சில் மின்னல் அடித்தது

நீயா அழைத்தது என் நெஞ்சில் மின்னல் அடித்தது

தண்ணீரில் வெண்ணிலவு நீராடுமா

வெண்ணிலவு தரை வந்தால் ஆறோடுமா

பெண்மை குளித்ததில் தன்னை மறந்தது நீரோடை

கரையில் இருந்தது காற்றில் பறந்தது மேலாடை

காற்றே வாழ்க காதல் தேவன்

நன்றி சொல்கிறேன்

என்ன லீலை கண்ணன் வேலை

இலைகளில் உடை கொடு இல்லை ஒரு வழிவிடு

நீயா அழைத்தது என் நெஞ்சில் மின்னல் அடித்தது

நீயா அழைத்தது என் நெஞ்சில் மின்னல் அடித்தது

தலைவனே விரைவினில் பெண் பார்க்க வா

காலங்கள் கனியட்டும் கை சேர்க்க வா

சேலை பூக்களில் தேனை திருடுது பொன் வண்டு

ஆசை நதியினில் ஆழம் பார்க்கிற நாள் என்று

எண்ணி ஏங்கும் கன்னி நெஞ்சம் பள்ளி கொள்ளுமா

கேள்வி என்ன, கேலி என்ன, இல்லை இதில் வரைமுறை

தென்றல் தொடும் இருவரை

நீயா அழைத்தது என் நெஞ்சில் மின்னல் அடித்தது...