180307 புதன் புதிர்.

இரண்டு வாரங்களுக்கு முன்னால் நான் கேட்ட பாடல் புதிரில் பலர் பங்கு பெற்று, பாடல்களை சொல்லியிருக்கிறீர்கள். 

யாரும் 7, 9, 10 எண் கேள்விகளுக்கு பதில் எழுதவில்லை. 

எட்டாம் எண் கேள்விக்கு பதில் எழுதிய பால கணேஷ் அவர்களுக்கு சிறப்புப் பாராட்டுகள். ஏன் என்றால், ஏழு முதல் பத்தாம் எண் கேள்வி வரை, நான் சும்மா , கைக்கு வந்தபடி முதல் எழுத்து & கடைசி எழுத்து கொடுத்தேன். அதில் ரொம்ப பேருங்க மண்டை காய்ஞ்சு போவாங்க என்று நினைத்தேன்! அதற்குள் புகுந்து சிக்சர் அடித்ததால் பால கணேஷுக்குப் பாராட்டுகள்! 

மூன்றாம் கேள்விக்கு, நான் நினைத்திருந்த பதில் : 

"இன்னொருவர் வேதனை ..... இவர்களுக்கு வேடிக்கை! இதயமற்ற மனிதருக்கு, இதுவெல்லாம் வாடிக்கை!" என்ற பாடல். இது நாட்டை காக்கும் கை என்று எல்லோரும் சொல்வார்கள், ஆனால் ஓரிருவராவது நான் நினைத்த பாடலை சொல்கிறார்களா என்று பார்த்தேன். யாரும் சொல்லவில்லை!

அஞ்சாம் நம்பர் புதிருக்கு சரியான விடை, தைமாத மேகம் அது தரையில் ஆடுது என்பதுதான். எப்படி? நான் குறிப்பிட்டிருப்பது அந்தப் படத்தில் வருகின்ற  ஆண்கள் குரலில் (TMS, Dharapuram Sundararajan, A Veramani ) பாடிய பாடல். அந்தப் பாடலை சரியாகக் கேட்டுப் பாருங்கள். பாடலின் முதல் வரி, இப்படித்தான் ஆரம்பிக்கும்: 

"தை மாத மேகம் ......  .......  ததன்னா   ததன்னா  ததரின்ன னாவ் ..." 

##########  

மேலும், கேள்வியில் , பாடலின் என்று எழுதாமல் பாலின் என்று எழுதியது தவறுதான். மன்னிக்கவும். அதை அப்புறம் கூட திருத்த இயலாமல், இணைய உலகின் உள்ளே நுழைய இயலாமல் ஒரு வாரம் இருக்கவேண்டியதாகிவிட்டது. 

=================

Now, for this week, I am giving some clues for old Tamil films. You have to find the film. 

அதாகப்பட்டது, நான் சில பழைய தமிழ்ப் படங்களின் பெயர்களை, பூசி மெழுகி கேள்வியாக வடித்துள்ளேன். அவற்றை உரித்துப் பார்த்து, படங்களின் பெயர்களைக் கண்டுபிடியுங்கள். 

1) Government Young Girl.

2)   See N

3)  Milk & Fruit

4) Don't beat mother's word

5) Who is the bridegroom? 

----------------------------------------------------------------