ஒற்றை யானையும் ஓராயிரம் கொசுவும்

கொசு - ஒரு புலம்பல்.  

தமிழ்நாட்டில், குறிப்பாகச் சென்னையில் இந்தக் கொசுக்களுக்கு - நிஜமான கொசுக்கள்தாங்க - ஒரு நிரந்தர ஒழிப்பு வழியைக் கண்டு பிடிக்கிறவர்களுக்குத்தான் எங்கள் வோட்டு என்று சொல்லலாமா என்று பார்க்கிறேன்.

பின்ன என்னங்க...

குட்நைட்டாவது, மார்ட்டினாவது... இது போன்ற 'விரட்டி'களுக்கு கொசுக்கள் பயந்த காலம் மலையேறி விட்டது. எந்தக் கொசுவிரட்டிக்கும் அவை இப்போது பயப்படுவதே இல்லை. அவற்றைத் தடுத்து நிறுத்தும் சக்தியும் இந்த விரட்டிகளுக்கு இப்போது இல்லை.

கொசுமருந்து தெளிக்கிறேன் என்று புகைபோடும் கார்ப்பரேஷன் வண்டிகள் தெருவிலிருக்கும் கொசுக்களைக் கூட்டம் கூட்டமாக வீட்டுக்குள் விரட்டி விட்டுச் செல்கின்றன.

இதற்குப் பயந்து ஜன்னல்களில் நெட்லான் அடித்திருந்தாலும் இருட்டத் தொடங்குமுன் கதவுகளை அடைத்துக் கொண்டு புழுங்க வேண்டியதாயிருக்கிறது.அப்படியும் எங்கிருந்துதான் கிளம்புகின்றன என்று தெரியாமல் கும்பல் கும்பலாக வந்து கொண்டேயிருக்கின்றன...

கொசுக்களைச் சமாளிக்க இப்போதைக்கு எலெக்ட்ரானிக் பேட் ஒன்றுதான் ஆயுதம். அதுவும் 200 ரூபாய் முதல் 400 ரூபாய் வரை தந்து வாங்கினாலும் சீக்கிரமே அந்த 'பேட்'டுகள் உயிரை விட்டு விடுகின்றன.

என்னதான் செய்வது?  இது நான்கு வருடங்களுக்கு முன் முகநூலில் பகிர்ந்தது..

​இந்த நான்கு வருடங்களில் கொசுவின் சைஸே பெரிதாகி இருக்கிறதோ என்கிற சந்தேகம் வருகிறது!  அது கடித்த இடம் அலர்ஜியாகி காயம் போல ஆகிவிடுகிறது!  இப்போது எலெக்ட்ரானிக் பேட் வைத்துக் கொள்ளவில்லை.  மாலை ஐந்தரை மணிக்கு கதவை எல்லாம் அடைத்துவிட்டு, மறுநாள் காலை ஆறரை மணிக்குதான் திறக்கிறோம்.  ஏலக்காய், திறந்து வைத்த எலுமிச்சம்பழ அரைமூடி, கிராம்பு சொருகி, வேப்பிலை எரித்து...   ஊஹூம்...  கொசு..  நுளம்பு!!   கடவுளுக்கே சவால் விடும் உயிரினம்!  இன்னும் கொஞ்சம் வெயில் அதிகமானதும் பொரிந்து காணாமல் போகும்!  

"ஜன்னல் வச்ச ஜாக்கெட் போட்ட எங்களுக்குத்தான் கஷ்டம்..  இதுக்கு என்ன வழி பண்ணலாம் நெல்லை?"

==============================================================================================================

"இது சொல்லுதுன்னு சாப்பிட்டு நாம குண்டாக முடியுமா?"

====================================================================================================================

சமீபத்தில் வாட்ஸாப்பில் ஒரு தகவல் வந்தது.  

சென்ற மாதம் ஒரு தேதியைக் குறிப்பிட்டு, சென்னை, தி நகர், நாகேஷ் திரை அரங்கம் அருகில் ஒரு கட்டிடம் பெயர் சொல்லி, அங்கு வந்தால் ஜாதக மேளா நடக்கும் என்றும், கூட்டத்தைத் சமாளிக்க முன்னதாக வரும்படியும்,  பேப்பர், பேனாவுடன் வந்தால் பெயர், நட்சத்திர, மற்றும் ஜாதக விவரங்கள் சொல்லக் சொல்ல வேகமாகக் குறித்துக் கொள்ள வசதியாய் இருக்கும் என்றும் சொல்லப் பட்டது.  முப்பது வயது அதிகம் ஆன மணமகன்களுக்கு வரன்கள் அதிகம் கிடைக்கும் என்று சொல்லப்பட்டிருந்தது. 

'அடடே' என்று தேவையுள்ள குடும்ப உறவுகளுக்கும் நட்புகளுக்கும் தகவல் அனுப்பினோம். 

பெரும் எதிர்பார்ப்புடன் அன்று பெரிய கூட்டம் கூடியது.  அங்கு சென்றிருந்த என் நண்பர் சொன்னது, ஸ்ரீலங்காவிலிருந்து இந்நிகழ்வுக்காக விமானம் பிடித்து ஒரு தாய் வந்திருந்தார் என்றால் எவ்வளவு எதிர்பார்ப்பு இருந்திருக்கும் என்று பாருங்கள்.  கடைசியில் ஒரே ஒரு ஜாதகத்தை வந்திருந்த அனைவருக்கும் ஒரு நகல் கொடுத்து, கூட்டத்தைக் கலைப்பதிலேயே குறியாக இருந்திருக்கின்றனர் அங்கிருந்த இருவர்.

என்ன சொல்ல?

"ஒரு காலத்துல மாப்பிள்ளை பிடிக்க பொண்ணுங்க நாங்க எவ்வளவு கஷ்டப்பட்டிருப்போம்?  என்ன, நெல்லை?  நான் சொல்றது சரிதானே?"

===========================================================================================================

     நேற்று நான் படித்த யானையைப் பழக்குவது பற்றிய உஷா ஸ்ரீகுமாரின் இந்தப் பதிவு ரொம்பவே சுவாரஸ்யம்.  கீதா அக்கா ரசிப்பார்கள்தான்.  ஆனால் பயணத்தில் இருப்பதால் படிக்க முடியாது.   


     யதேச்சையாக இதுவும் கிடைத்தது!  2014 இல் முகநூலில் நான் பகிர்ந்தது!

"யானையா?  என்னைக் கண்டால் அது பூனையாகி விடும்.  சந்தேகம்னா நெல்லைத்தமிழனைக் கேட்டுப்பாருங்கள்!"

============================================================================================================

இம்முறை புத்தகத்திருவிழாவில் வாங்கிய புத்தகங்களில் நான்கு புத்தகங்கள் இதுவரை முடித்துவிட்டேன் என்று மகிழ்வுடன் தெரிவித்துக் கொள்கிறேன்!

"நம்பிட்டோம்...   யார் வந்து செக் செய்யப்போறாங்க?!"

===========================================================================================================


நோ...   நோ....   இது பழசு!

"ஹையோ.....  ஹையோ....."

==================================================================================================================

"திருப்திதானே?  அடுத்த வாரம் பார்ப்போமா?"