"திங்க"க்கிழமை 180312 : எக்ஃப்ரீ ஸ்விஸ் ரோல் - ​கீதா ரெங்கன் ரெஸிப்பி

எக்ஃப்ரீ ஸ்விஸ் ரோல்  

Egg free Swiss roll

வணக்கம்! நண்பர்களே! இன்றைய கிச்சன் ஷோ கொஞ்சம் ஸ்பெஷலானது. ஃபெப்ருவரி 22 ஆம் தேதி தனது பிறந்த நாளை எல்லா வீடுகளுக்கும் ஓடி ஓடி, இந்தியா, யுகே, கானடா, யுரோப், கல்ஃப் என்று உலகம் முழுவம் பறந்து பறந்து தனது பிறந்தநாளைக் கொண்டாடிய, கத்தரிக்காய் ரெசிப்பி புகழ் பூஸார் அன்று ரொம்ப பிஸியாக இருந்ததால் இன்று நம் எபி கிச்சனில் ஸ்விஸ் ரோலுடன் கொண்டாடிடுவோம். பார்ற்றி முடிந்ததும் உங்கள் எல்லோருக்கும் ஒரு ஸர்ப்ரைஸ்! எல்லோரும் வாருங்கள் எபி கிச்சனுக்கு! மியாவ்! மியாவ்! மியாவ்! (வெல்கம்!) 

  

வெல்கம்மியாவ்! வெல்கம்மியாவ்! பர்த்டே பேபியும் எல்லோரையும் வாங்க வாங்கனு சொல்கிறார்!!

அது யாரு? அது என்ன ஸர்ப்ரைஸ்னு சொன்னாத்தான் நாங்க வருவோம்னு குரல் கொடுக்கறது?!! ஆ! துரை அண்ணா, கீதாக்கா, பானுக்கா எல்லார் குரலும்!! அதெல்லாம் சொல்ல முடியாது. தைரியமா வாங்க! ஆனா, வெங்கட்ஜியும் நானும் எங்க கர்ண கவசத்தோடு ரெடி! புரிஞ்சுருக்குமே!! யெஸ் அதேதான்! ஓகே நிறைய வேலை இருக்கு. பர்த்டே பேபிக்கு இன்று மட்டும் பணி கிடையாது! அவங்க அப்படி ஷோக்கா நிக்கட்டும்! மத்தவங்க எல்லாம் வாங்கப்பா நாம இப்ப ஸ்விஸ் ரோல் செய்யப் போவோம்….

முதல்ல என் அளவு கோல்களை எல்லாம் உங்களுக்கு அறிமுகப்படுத்திவிடுகிறேன்.

                                                                                                          1, 1/2 டேபிள் ஸ்பூன், 1, 1/2, 1/3, 1/4 டீஸ்பூன் மற்றும் 1/4ல் பாதி(மஞ்சள் ஸ்பூன்)

1, 1/2, 1/3, 1/4 என்று 2 செட் கப்புகள்                                                       

ஸ்விஸ் ரோல் செய்யத் தேவையானவை. முதலில் கேக் செய்ய.... கேக் ஃப்ளார் – ½ கப் கூம்பலாக. கேக் ஃப்ளார் என்பது மைதா ஒரு கப் விளிம்பு வரை (150 க்ராம்) எடுத்துக் கொண்டு அதில் 2 டேபிள் ஸ்பூன் மைதாவை அகற்றிவிட்டு அதை ஈடு செய்ய 2 டேபிள் ஸ்பூன் கார்ன் ஃப்ளார் சேர்த்து நன்றாகச் சலித்துக் கலந்து வைத்துக் கொண்டால் கேக் ஃப்ளார் ரெடி) 

கேக் ஃப்ளார்                                          பேக்கிங்க் பௌடர்      

மில்க் பௌடர் – 30 கிராம் (அமுல்யா மில்க்பௌடர் 10 ரூபாய் பாக்கெட் 1 நாம எடுத்துக்கறோம்)

பேக்கிங்க் பௌடர் : ½ டீ ஸ்பூன் 

சோடா உப்பு : ¼ டீ ஸ்பூனிலும் பாதி (படத்தில் காட்டியுள்ள மஞ்சள் ஸ்பூன் அளவு)

அன் ப்ளீச்ட் சர்க்கரை (ப்ரௌன் சுகர்) – 2 டேபிள் ஸ்பூன் - ¼ கப் விளிம்பினுள் வரை

வெண்ணை – 1 டீ ஸ்பூன் + 1 டீ ஸ்பூன் எண்ணைய்

பால் (இளம் சூட்டில்) : ¼ கப் + 2 டேபிள் ஸ்பூன்

வெனிலா எஸன்ஸ் : ¼ டீ ஸ்பூன்

கேக் மாவு தயாரிக்கறதுக்கு முன்னாடி, பேக்கிங்க் ஓவனை 180 டிகிரியில் வைத்து ஒரு 10 நிமிடம் ப்ரீஹீட் செஞ்சுப்போம். முதலில் உலர் பொருட்கள் எல்லாவற்றையும் போட்டு நன்றாகக் கலந்துக்கோங்க. அப்புறம் அதில், வெண்ணை, எண்ணை, பால், வெனிலா எஸன்ஸ் விட்டு நன்றாக அடித்துக் கலக்கவும். தோசை மாவு பக்குவத்தில் இருக்கணும். இதில் இரு டேபிள் ஸ்பூன் சாக்கலேட் பௌடர் சேர்த்தும் செய்யலாம். நாம் இங்கு வெனிலாதான் செய்யறோம்.

அதன் பின் பேக்கிங்க் ட்ரேயில் வெண்ணை கொஞ்சம் க்ரீஸ் செய்து அதில் கொஞ்சம் மைதா தூவி ட்ரேயை நன்றாகத் தட்டி வைக்கவும். நாம இங்க 2 ட்ரேக்கள்  8.5"x4.5" மற்றும் 6.5"x6.5" ட்ரேக்களைப் பயன்படுத்தப் போறோம். வேறேந்த ட்ரேயிலும் செய்யலாம். ஆனால் கேக் ஊற்றுவது தின் லேயராக ஊற்றும்படியான ட்ரேக்களைப் பயன்படுத்த வேண்டும்.படத்தில் உள்ளது போல். 180 டிகிரியில் 15 நிமிடங்கள் வைச்சு எடுங்க.

                                  

கேக் 15 நிமிடம் வைச்சுட்டோம்னு அசந்துவிடாதீங்க. அப்பப்ப செக் பண்ணனும். ஏன்னா இந்தக் கேக் ரொம்ப மெலிதாக, ஆழம் இல்லாம செய்யறதுனால மேல லேசா ப்ரௌன் ஆகி வரும் போது ஒவனை ஆஃப் செய்துவிடணும். அது 15 நிமிடம் ஆகலைனாலும். ப்ரௌன் ஆவதற்குச்  சில சமயம் 15 நிமிடத்திற்கும் கொஞ்சம் மேலே எடுக்கும். ஸோ கண் கொத்திப் பாம்பா இருக்கணும். சரியா பேக் ஆகலைனா  கேக் ரோல் செய்யும் போது உடையும். எனக்கு உடைந்ததும் உண்டு. ஆனாலும் ரோல் செய்துவிடலாம்.

கேக் பேக் ஆவதற்குள் ரோல் செய்ய உள்ளே வைப்பதைச் செஞ்சுடுவோம். கேக்கின் மேல் வைத்து ரோல் செய்ய எந்த ஜாமும் வைக்கலாம். அல்லது வெனிலா க்ரீம், சாக்கலேட் க்ரீம், இப்படி எது வேண்டுமானாலும் உங்கள் கற்பனைக்கேற்ப செய்து வைக்கலாம். நாம இப்ப ஆப்பிள் காரமெல் செய்து வைத்து செய்வோம் ஓகேயா?

ஆப்பிள் கேரமல் செய்யத் தேவையானவை

பெரிய ஆப்பிள் – 1   (நாம செய்யற கேக் அளவுக்கு.)

ப்ரௌன் சுகர் – 2 டேபிள் ஸ்பூன்

வெண்ணை – 1 டீஸ்பூன்.  நல்லா கொஞ்சம் விளிம்பின் மேல இருக்கட்டும்

வெனிலா எஸன்ஸ் – ¼ டீஸ்பூன்

ஆப்பிளை நன்றாகக் கழுவிக் கொண்டு துடைத்துவிட்டு, மெழுகு இருந்தால் தோல் நீக்குங்க. இல்லைனா அப்படியே துருவிக்கலாம் அல்லது நறுக்கிக் கொண்டு மிக்ஸியில் போட்டு தண்ணீர் சேர்க்காமல் நல்ல அரைச்சு வைச்சுக்கங்க. நாம இங்க அரைச்சு செய்யறோம். ஒரு சின்ன வாணலி (இரும்பு வாணலி கூடாது) 

 

  

அல்லது அடி கனமான பாத்திரம். அதைச் சூடாக்கிக் கொண்டு ப்ரௌன் சுகரைப் போடுங்க. சிம்மில் வைச்சுக்கோங்க. தண்ணீர் எதுவும் சேர்க்கக் கூடாது. (ட்ரைஃப்ரூஸ், நட்ஸ், பழக்கலவை இப்படி எது ஃபில் செஞ்சாலும் இப்படிச் செய்யலாம்.) நன்றாக இளகி வரும் போது வெண்ணையைப் போட்டு, ஆப்பிள் துவியது அல்லது அரைத்ததைப் போட்டு நல்லா கிளறுங்க. கெட்டியாகி ஜாம் போல வரும். அப்ப வெனிலா எஸன்ஸ் விட்டு கலந்து இறக்கி ஆற விடுங்க.

              

அதுக்குள்ள கேக் ரெடியாகி இருக்கும். கேக் கொஞ்ச நேரம் ஓவனில் இருக்கட்டும். அப்புறம் வெளியில எடுத்து நல்லா ஆறியதும் மெதுவா கேக்கை ஒரு ப்ளாஸ்டிக் ஸ்பாட்டுலா கொண்டு பிரித்து எடுங்க. எப்பவுமே கேக் கிண்ணங்கள், தட்டுகளுக்கு வேற எதுவும் போட்டு கேக்கை எடுக்கக் கூடாது. தட்டில் கீறல் விழுந்துரும். இப்ப கேக்கின் ஓரங்கள் கொஞ்சம் ஹார்டாக இருப்பது போல் இருந்தா அதை மட்டும் கட் செய்துக்கோங்க. கேக்கை ரோல் செய்யறாப்புல உடைச்சுராம ஒரே ஒரு வளைவு சுருட்டிப் பாருங்க. அப்புறம் ஒரு 10, 15 நிமிடம் ஃப்ரிட்ஜில் வைத்துவிட்டு எடுத்து மீண்டும் ரூம் வெப்ப நிலைக்கு வரும் வரை காத்திருங்க.  இப்படிக் காத்திருக்கும் நேரத்தில் நாம க்ளீன் செஞ்சு…நம்ம கிச்சனை டெக்கரேட் செஞ்சுடலாம். ஓகேயா கைஸ்!

                                            

சரி இப்ப கேக்கை ஒரு ஃபுட் கவர் மேலயோ, அலுமினியம் ஃபாயில் மேலயோ வைச்சு, மேல ஆப்பிள் காரமெலை நல்லா தடவி நிறையவே ஃபில் செய்யலாம். அப்புறம் கேக்கை மெதுவாக பாய் சுருட்டுவது போல பேப்பரோட ரோல் செய்யனும். மடங்கும் போது பேப்பரக் கொஞ்சம் விலக்கிக்கோங்க. அப்புறம் மெதுவா பேப்பரோடயே அடுத்த சருள். முழுசும் சுருட்டிட்டு லைட்டாக அமுக்கி அமுக்கி தடவிக் கொடுத்து பேப்பரோட சேர்த்து மிட்டாய் சுருட்டுவது போல சுருத்தி லைட்டா ப்ரெஸ் செய்து கொடுத்தீங்கனா ஃபில்லிங்கோட கேக் ஒட்டிக்கும். அப்புறம் ஃபிரிட்ஜில் ஒரு 20 நிமிடம் அல்லது 30 நிமிடம் வைச்சுடுவோம். ஃபில்லிங்க் நிறைய வைச்சா கேக் சுருட்ட எளிதாக இருக்கும்.

                       

ஓரங்கள் ஹார்டாக இருந்தால் கட் செய்து விடவும்

                      

பாருங்க பர்த்டே பேபி தூங்கியே போயிருச்சு!! 

சரி கைஸ் அது ரெடியாகிடும் அதுக்குள்ள பேபிய எழுப்பி, டெக்கரேட் செஞ்சுடுவொம். 

கேக் ரெடி…இப்ப பூஸார் ஸ்லைஸ் போட வேண்டியதுதான்….பாடுங்க எல்லாரும்..!!! பல்லாண்டு இதே சந்தோஷத்தோடு எல்லாரையும் சந்தோஷப்படுத்தி வாழணும்!! பூஸார்!!!!!  எல்லாரும் எடுத்துக்கோங்க!

பார்ற்றி முடிஞ்சாச்சு! இப்ப அந்த ஸ்ர்ப்ரைஸ் என்னனு சொல்லறேன்… தனது பிறந்த நாள் பரிசாக நம் எல்லோரையும் தனது செலவிலேயே, அதுவும் தானே விமானம், போட் எல்லாம் ஓட்டிக் கொண்டு உலகம் முழுக்கச் சுற்றிக் காட்டுகிறேன் என்று சொல்லியிருக்கார் பூஸார். தைரியம் இருப்பவர்கள் எங்களுடன் ஏறிக் கொள்ளலாம். எதற்கும் இன்சுரன்ஸ் எடுத்துக் கொண்டு வந்துவிடுங்கள். வைச்சுருக்கீங்க தானே!!! ஹான் சொல்ல மறந்துட்டேன். கௌ அண்ணாவும் வரார்!!!

ஸ்ரீராம் அண்ட் ஏஞ்சல் உங்கள் இருவருக்கும் உயரம் என்றால் தலை சுத்தும். எனவே நீங்கள் இருவரும் எங்களின் நடுவில் அமர்ந்து கொண்டுவிடுங்கள். நாங்கள் ஜன்னல் சீட்டெல்லாம் பிடித்துக் கொண்டுவிடுகிறோம் உங்கள் பாதுகாப்புக்கு நாங்கள் கியாரண்டி!!

இத்தனையும் ஏற்பாடு செஞ்சு தந்த எபி ஆசிரியர்களுக்கும், டைரக்டர் ஸ்ரீராமுக்கும் மிக்க நன்றி! எங்களை தனது செலவில் அழைத்துச் செல்லும் பூஸாருக்கும் நன்றி!! 

பூஸாரும் எல்லோருக்கும் நன்றி சொல்கிறார்!!

சரி நாங்கள் எல்லோரும் பூஸாருடன் உலகம் சுற்றக் கிளம்பியாச்சு!! இனி அடுத்த ஷோ வரும் வரை எபி கிச்சன் ஷோ நேயர்கள் காத்திருக்கவும்! டாட்டா!! பை பை!!!