வெள்ளி வீடியோ : உன்னை கொஞ்சம் விட்டுக் கொடுத்தால் காதலில் சுகம் வருமே

 இந்த வாரம் முருகனை உற்சாகமாக அழைக்கலாமா?

இவர் குரல் கேட்டதும் துள்ளிக் குதித்து ஓடி வருவான் வடிவேலன்.  யார் எழுதிய வரிகள்...........  என்று வழக்கம்போல தெ....ரி...யா...து.  யார் இசை அமைத்தார்கள்?  தெ..ரி..யா..து!

பாடியவர் யார் என்று உங்களுக்கும் தெரியும்.  எனக்கும் தெரியும்.  பெங்களூர் ஏ ஆர் ரமணி அம்மாள்.

வெற்றிவேல் முருகனுக்கு … அரோகரா!

வள்ளி மணவாளனுக்கு … அரோகரா!

​வேலவா வடி வேலவா

வேடனாக வந்து நின்ற வேலவா

ஓடிவா … அன்பரை நாடிவா

ஆண்டியாக வந்து நின்ற ஆண்டவா

வேலவா வடி வேலவா

வேடனாக வந்து நின்ற வேலவா

ஓடிவா … அன்பரை நாடிவா

ஆண்டியாக வந்து நின்ற ஆண்டவா

வேலவா …

வெற்றிவேல் முருகனுக்கு … அரோகரா!

வள்ளி மணவாளனுக்கு … அரோகரா!

சின்னஞ்சிறு பாதம் எடுத்து ஆடிவா … ஆடிவா

சின்னஞ்சிறு பாதம் எடுத்து ஆடிவா … ஆடிவா

சிங்கார வேலுடனே ஓடிவா … ஓடிவா

சிங்கார வேலுடனே ஓடிவா … ஓடிவா

சிந்தையிலே நினைப்பவரை நாடிவா...

உன்னை சிந்தையிலே நினைப்பவரை நாடிவா

சின்னஞ்சிறு சிவகுமரா ஓடிவா

வேலவா …

வெற்றிவேல் முருகனுக்கு … அரோகரா!

வள்ளி மணவாளனுக்கு … அரோகரா!

முத்தே ரத்தினமே … முருகையா

முத்தே ரத்தினமே … முருகையா..முருகையா

முத்தே ரத்தினமே … முருகையா...முருகையா

முழுமதி முகத்தவனே … கந்தையா … கந்தையா

முழுமதி முகத்தவனே … கந்தையா … கந்தையா

முத்தகனே வினை தீர்க்கும் வேலையா

வடி வேலையா … உன் கையில் வேலையா

அந்த வெள்ளிமலை நாதன் பெற்ற சின்னையா

அந்த வெள்ளிமலை நாதன் பெற்ற சின்னையா

வேலவா வடி வேலவா

வேடனாக வந்து நின்ற வேலவா

ஓடிவா … அன்பரை நாடிவா

ஆண்டியாக வந்து நின்ற ஆண்டவா

வேலவா வடி வேலவா

வேடனாக வந்து நின்ற வேலவா

ஓடிவா … அன்பரை நாடிவா

ஆண்டியாக வந்து நின்ற ஆண்டவா

வேலவா …

=========================================================================================

சிவா, கீதாஞ்சலி போன்ற தெலுங்கு பட தமிழ் டப்பிங்  முயற்சிகளுக்குப்பின் (உதயம், இதயத்தைத் திருடாதே முறையே) நாகார்ஜுனா தமிழில் நேரடியாக நடித்த முதல் படம் 'ரட்சகன்' என்று நினைவு.

1997 அக்டோபர் மாதம் வெளியானது.  அப்போது இது மிக அதிகமான பொருட்செலவில் எடுக்கப்பட்ட படமாம்.  கே டி குஞ்சுமோன் தயாரித்து நஷ்டமடைந்தார்!  பிரவீன் காந்தி என்று இயக்குனர்.  அவருக்கும், அப்போதைய உலக அழகி சுஷ்மிதா சென்னுக்கும் முதல் படம்!

இசை, இசைப்புயல் ஏ ஆர் ரெஹ்மான்.  ஏ ஆர் ரெஹ்மான் பாடல்களில் எனக்குப் பிடித்த சில பாடல்களில் இன்றைய இந்தப் பாடலும் ஒன்று.  இதே படத்தில் 'சோனியா சோனியா' பாடலும், 'சந்திரனைத் தொட்டது யார்' பாடலும் கூட கேட்கக் கூடிய பாடல்கள்.  

வைரமுத்து எழுதி கே ஜே யேசுதாஸ் ( 'பென்னே பென்னே உன் வளையல்' ) சாதனா சர்கம் குரலில் ஒலிக்கும் இன்றைய 'நெஞ்சே நெஞ்சே' பாடல் மிக அருமையான பாடல்களில் ஒன்று.

வழக்கம்போல காதலியின் அப்பா கொஞ்ச நாள் மகளை பார்க்கக் கூடாது, கோபத்தைக் கட்டுப்படுத்த வேண்டும் என்று கண்டிஷன் போட, காதலுக்காக ஒத்துக்கொள்ளும் காதலன் அதனால் படும் அவஸ்தையும், அவனுக்கு சமாதானம் சொல்லும் காதலியும்.  உணர்வுகளை அருமையாய் வைரமுத்து வரிகளில் காட்ட, பாடலிலும் டியூனிலும், குரலிலும் அது இழைந்து வருகிறது.

நெஞ்சே நெஞ்சே மறந்துவிடு

நினைவினை கடந்துவிடு

நெஞ்சே நெஞ்சே உறங்கிவிடு

நிஜங்களை துறந்துவிடு

கண்களை விற்றுத்தான் ஓவியமா

வெந்நீரில் மீன்கள் தூங்குமா

கண்ணீரில் காதல் வாழுமா

நெஞ்சே நெஞ்சே மறந்துவிடு

நினவினை கடந்துவிடு

நெஞ்சே நெஞ்சே உறங்கிவிடு

நிஜங்களை துறந்துவிடு

பெண்ணே பெண்ணே உன் வளையல்

எனக்கொரு விலங்கல்லவோ

காற்றுக்கு சிறை என்னவோ

தன்மானத்தின் தலையை விற்று

காதலின் வால் வாங்கவோ

கண் மூடி நான் வாழவோ

உன்னை எண்ணி முள் விரித்து

படுக்கவும் பழகிக்கொண்டேன்

என்மேல் யாரும் கல் எறிந்தால்

சிரிக்கவும் பழகிக்கொண்டேன்

உள்ளத்தை மறைத்தேன்

உயிர்வலி பொறுத்தேன் என்

சுயத்தை எதுவோ சுட்டதடி வந்தேன்

நெஞ்சே நெஞ்சே நெருங்கிவிடு

நிகழ்ந்ததை மறந்துவிடு

நெஞ்சே நெஞ்சே நெகிழ்ந்துவிடு

நிஜங்களில் கலந்துவிடு

கட்டி வைத்த காற்றே வந்துவிடு

கைகள் ரெண்டை ஏந்தினேன்

காதல் பிச்சை கேட்கிறேன் 

நெஞ்சே நெஞ்சே..நெஞ்சே நெஞ்சே

நெஞ்சே நெஞ்சே

அன்பே அன்பே நீ பிரிந்தால்

கண்களில் மழை வருமே

காற்றெனை கை விடுமே

விதை அழித்தே செடி வருமே

சிற்பிகள் உடைத்த பின்னே

முத்துக்கள் கை வருமே

காதல் ராஜா ஒன்றை கொடுத்தால்

இன்னொன்றில் உயிர் வருமே

உன்னை கொஞ்சம் விட்டுக் கொடுத்தால்

காதலில் சுகம் வருமே

அஸ்தமனம் எல்லாம் நிரந்தரம் அல்ல

மேற்கில் விதைத்தால் கிழக்கினில் முளைக்கும்

நெஞ்சே நெஞ்சே..நெஞ்சே நெஞ்சே

நெஞ்சே நெஞ்சே