ஞாயிறு 180916 : மழை இல்லாச் சென்னை ; மதுரைச் சமையல்

சென்ற வாரம் ஒரு 'ஆப்டிகல் இல்லியூஷன்' படம் வெளியிட்டு, அதைப் பார்த்து விட்டு எதிர் சுவரைப் பாருங்கள்...   சுவரில் என்ன உருவம் தெரிகிறது என்று கேட்டிருந்தேன்.  ஒருவருமே முயற்சித்துப் பார்க்கவில்லை என்று தெரிகிறது.





யாரைப் படம் எடுக்கிறார் இந்த இளம் போட்டோகிராஃபர்?  நிச்சயமாக என்னை இல்லை!  நான் தான் இங்கிருந்து அவரைப்புகைப்படம் எடுத்துக் கொண்டிருக்கிறேனே...!

இதோ..  இந்த இளம் சிறுவனைதான்!  இருவரும் எங்கள் உறவுகளே.   சென்ற மாதம் என் சித்தப்பாவின் சதாபிஷேகம் நிகழ்ச்சியில்...  இது போன்ற விழாக்களில் இது மாதிரி இளசுகளின் பங்களிப்புகள் ஒரு சுவாரஸ்யம்.

மறுபடியும் ஒரு பழைய படம்...   2015 இல் அப்பாவைப் பார்க்க மதுரை சென்றபோது என் கைவண்ணத்தில் உருவாகிக் கொண்டிருந்த சமையல்!  பாஸுக்கு அப்போது வாட்ஸாப்பில் அனுப்பப் பட்டது!!

சென்ற வாரம் நண்பர் வீட்டு மொட்டை மாடியிலிருந்து ஒரு காட்சி..   ஏதோ மழை வரப்போவது போலவே போக்குக் காட்டிய நேரம்...  கடைசியில் தூறல் கூடப்போடவில்லை.

சதாபிஷேகத்தில் கண்ணைக் கவர்ந்த கெண்டி!

இது இடைவேளை மாதிரி...   மதன் ஜோக்ஸை ரசித்து விட்டு மேற்கொண்டு படங்கள் பார்க்கலாம்..!

இது எங்கள் வீட்டு புத்தகக் கலெக்ஷனிலிருந்து எடுக்கப் பட்ட ஒரு பைண்டிங் புத்தகத்தின் முதல் பக்கம்.  பைண்டிங் புத்தகம் என்பதைத் தமிழில் எப்படிச் சொல்ல வேண்டும்?!!

தங்கை பெண் வீட்டுக்குச் சென்றபோது அவள் என் பாஸுக்கு "வைத்துக் கொடுத்தது".  பார்க்கவே கவர்ச்சியாய் இருந்ததால் ஒரு க்ளிக்.

அங்கு என் அலைபேசியை வாங்கி என் தங்கையின் (விஸ்காம் முடித்த) இளைய பெண் அவள் குடித்துக் கொண்டிருந்த காபிக்கோப்பையை ஒரு க்ளிக் செய்தாள்...  

 

 சொல்லக் சொல்லக் கேட்காமல் எங்கள் மளிகைக் கடைப் பையர் (வயது 24) அணில் கொழுக்கட்டை மாவை தலையில் கட்டிவிட்டார்.  அதற்கு இந்த கொழுக்கட்டை செய்யும் அச்சும்,  'கொழுக்கட்டை செய்வது எப்படி' என்கிற புத்தகமும் இலவசம்!  முகநூலில் இந்தப் படத்தை வெளியிட்டு இது என்ன என்று கேட்டபோது ஒரு நண்பர் பலாப்பழம் என்றார்!

இந்தப் பக்கத்திலிருந்து அந்த கொழுக்கட்டை அச்சு!

பிரித்தால் இப்படி...   இதில் எப்படி கொழுக்கட்டை மாவை வைத்து பூரணம் அடைப்பார்களோ...   நம் கையே நமக்கு உதவி!

அந்தப் புத்தகம்!

பிரித்துப் படித்தால்....

இதுதான் அந்த மாவு.  இன்னும் பத்திரமாக, பிரிக்கப் படாமல் இருக்கிறது.  கடைக்காரரின் அன்புத் தொல்லை!  எங்கள் ப்ளாக்கில் அணில் கொழுக்கட்டை மாவுக்கு விளம்பரம்!