வெள்ளி வீடியோ 180921 : வார்த்தை இல்லாத சரசம் கண்ணே வாழ்வினில் ஒன்றான பின்னே

​​

​வாழ்வு என் பக்கம்.    1976 இல் வெளிவந்த திரைப்படம். 

கிருஷ்ணன் பஞ்சு இயக்கிய இந்தப் படத்தின் கதை மகேந்திரன் எழுதியது.  இசை எம் எஸ் விஸ்வநாதன். 

முத்துராமன் - லட்சுமி நடித்த திரைப்படம்.

பகிரப் போகும் இந்தப் பாடல் உட்பட இந்தப் படத்தின் எல்லாப் பாடல்களும் கண்ணதாசன் எழுதியது.​  

உண்மையிலேயே வார்த்தை இல்லா சரசம்தான்.

இந்தப் பாடலைப் பாடியிருப்பவர்கள் கே ஜெ யேசுதாஸ் - பி எஸ் சசிரேகா

கே ஜே யேசுதாஸ் குரல் இந்தப் பாடலில் அப்படி இழையும்.  முதல் சரணத்தில் நாணம் வார்தையைச் சொல்லும்போது ஒரு குழைவு.  மௌனம் வார்தையைச் சொல்லும்போது ஒரு கமக்கம்..  

இடை இடையே ஒலிக்கும் பெண்குரல் பாடலின் உணர்வைக் கூட்டுகிறது.

நானும் ரசிக்கும் ஒரு பாடல்.

வீணை பேசும் 

அதை மீட்டும் விரல்களைக் கண்டு 

தென்றல் பேசும் 

அது மோதும் மலர்களில் நின்று 

நாணம் ஒருவகை கலையின் சுகம் 

மௌனம் ஒருவகை மொழியின் பதம் 

தீபம் எப்போது பேசும் கண்ணே 

தோன்றும் தெய்வத்தின் முன்னே 

தெய்வம் சொல்லாத வார்த்தைகள் எல்லாம் 

தீபம் சொல்லாதோ கண்ணே 

காதல் தருவது ரதியின் கதை 

கண்ணில் வருவது கவிதைக் கலை 

வார்த்தை இல்லாத சரசம் கண்ணே 

வாழ்வினில் ஒன்றான பின்னே 

தாய்மை கொண்டாடு பிள்ளையும் நானே 

நெஞ்சில் தாலாட்டு கண்ணே