வெள்ளி வீடியோ 180914 : ராமன் அவனல்ல பழிச்சொல்லைக் கேட்க ; கண்ணன் அவனல்ல பல தாரம் பார்க்க

ஏ வி எம் ராஜனின் மனைவி புஷ்பலதா தயாரிப்பில் 1981 இல் வெளிவந்த ஒரு மொக்கைத் திரைப்படம் லாரி டிரைவர் ராஜாக்கண்ணு. 


எம் எஸ் விஸ்வநாதன் இசையில் எஸ் பி பாலசுப்ரமணியம் - வாணி ஜெயராம் குரலில் ஒரு இனிய பாடல்.  காட்சியைப் பற்றி நோ கமெண்ட்ஸ்.

வழக்கம் போல எஸ் பி பாலசுப்ரமணியம் குரல் ஸ்பெஷல்.  உடன் இழையும் வாணி ஜெயராம் குரலும் இனிமை.  அண்ணன் தங்கைப் பாடல்.  தங்கைக்கு கண் தெரியாது என்று பாடலைக்கேட்கும்போது தெரிகிறது.  

ரசிக்கலாம்.

என்னென்பதோ ஏதென்பதோ 

கண்ணில் ஒளியேற்றும் தீபம் 

கடவுள் வடிவான ரூபம் 

மஞ்சள் பூமாலை மாங்கல்யம் தந்து 

மங்கை தோளோடு தோள் சேர நின்று 

மானம் மரியாதை காவல்கொண்டு 

வாழ்வான் உன் உள்ளம் கோவில் என்று 

அண்ணன் கடன் தீர்க்க வந்தான் 

தன்னை உனக்காக தந்தான் 

ராமன் அவனல்ல பழிச்சொல்லைக் கேட்க 

கண்ணன் அவனல்ல பல தாரம் பார்க்க 

ஏட்டில் அதுபோல நூறு தெய்வம் 

ஊரில் இவனல்ல வேறு தெய்வம் 

கண்ணை இமை போலக் காப்பான் 

கேட்ட வரம் கொண்டு சேர்ப்பான் 

என்றும் நீ இங்கு என் அண்ணன் என்றால் 

கோடி ஜென்மங்கள் குருடாகப் பிறப்பேன் 

நன்றி நான் சொல்ல வார்த்தை ஏது?

நாளும் நீ இன்றி வாழ்க்கை ஏது?

அன்பில் அலைபாயும் நெஞ்சம் 

அண்ணன் திருப்பாதம் தஞ்சம்